收樓啦

今日終於都收樓啦,等咗三個月,雖然係長交吉期,不過好好彩,自落訂之後,樓市有升沒跌,本來都可以圖小利,不過我地真係自住的,並唔係要抄抄抄. 希望呢間屋真係可以安居啦.

今日約埋個裝修師父一齊收樓,本來以為佢會好細心咁同我地睇下間屋有冇問題,不過,佢一入屋就同我地講,呢度要拆,果到唔要,成間屋,好似冇一樣嘢留得.其實一個星期之前,呢間屋仲有租客住緊,一家四口,好似話個租客都唔想搬走架.但係經呢個裝修師父一講,唔通呢到真係咁破舊咩? (就係咁,印象有少少扣分)

之後再傾落去,其實成間屋好似炸過再起咁,雖然話係大裝修,但係都唔駛乜都唔要呱?

今晚特別寧靜

不知不覺又到了十一點,電話一直沒嚮,直到9:00pm,原來是sell電話plan的,再過一小時,看看已經十二點,為什麼沒有電話來呢...
可惡的3,又 no service!好搞笑,估唔到我夜麻麻打去support,仲可以搵到人,個職員叫我reset個電話先得...真係麻煩.我向來都收到架喎.(仲以為係上次補交完電話費仲未update account添.)

媽媽終於停止玩Wii去瞓覺,睇咗幾個無聊節目,都仲未想瞓,已經三點啦...

今晚特別精神....