今日有個好多個消息,有d開心有d唔開心:
1.今日同Philip 傾個schedule,假設有個AP同我一齊做個Website....係唔係真架,呢個假想AP幾時嚟幫手呢?
2.樺爾話Confirm四家姐同媽媽都可以一齊去迪士尼...好呀!!!!!!!!!!不過,唔知佢哋的行程,四家姐就唔就到呢?仲有同佢哋一齊去,唔知我有冇時間去同Mabel壓coins呢?
3.硬著頭皮同Philip講...可唔可以係一個Designer,而唔係AP?Lib病之後一路做Freelance,佢依家病完,可以做返工作,但係又唔可以太長時間,呢度好似幾啱佢,想幫吓Lib,就當係幫吓公司做靚d個website,又幫吓Lib,希望佢依家病完,可以做返工作,正常返工啦.
4.Mabel特登打電話同我講,嚟緊的年廿九克勤演唱會可以用DBS信用咭優先訂票啦,不過我同佢都冇呢張信用咭,點好呢??有冇好心人幫幫忙??
5.樺爾話Earma今晚返屋企喎...又唔事先通知聲啦....
6.樺爾話Donald生日啦,要去買禮物添...揀乜好呀?
6.樺爾話可以同Mabel一齊去...咦,真係可以?不要騙我~!好開心...因為我哋可以一齊去Adventureland啦.
唔好又話得又話唔得呀...一定得!
哈...開心番,去食飯飯先返屋企見Earma!hehe...
星期一, 11月 28, 2005
迪士尼相片
終於都Post咗相啦,見到d相都會開心.不過仲未post返其他相添,好想放番同珮兒master畢業的相,同上次鹿頸行山的相添.
http://333.fotoc.com/Dunkey6_6/disneyland/
http://333.fotoc.com/Dunkey6_6/disneyland/
星期日, 11月 27, 2005
未到半途已廢
今日同四家姐一齊同我的同事去行山,一行人十九人,真係好浩浩蕩蕩,我哋由荃灣地鐵站行到港安醫院附近的梅園開始行,目的地係元朗.一起首就嚟行好多級樓梯.上咗兩段本來可以抖一抖,但係因為只係行咗廿分鐘度,大家都冇意欲抖,之後好快又繼續行.
我見到Joseph要影相,唔想阻到佢.就快步行兩級,都冇好好睇一睇四家姐頂唔頂得順.唔知係唔係"chur"得太急,四家姐好似有d唔多妥.之後我都有d擔心,諗住同四家姐襯唔係行得太遠,有得走,唔好咁搏命.
點知啱啱同Joseph講緊同四家姐走先,四家就話佢望唔到嘢,我好驚,唔知點算,即刻攬住佢,Joseph同佢女朋友Charlotte即刻過嚟扶佢,望一望四家姐,佢反白眼,之後就暈低咗.我好驚,好驚,我唔識點做.佢哋就除佢頂帽,同佢撥涼,其實我個位都唔就力,諗住放平佢,有個好心的行山人士經過,佢哋一家人同另一個大叔都幫手,一個又扶佢,一個又畀白花油佢.仲叫我唔好放平佢,如果唔係就會"打地氣"會出事.
其實都只不過係一分鐘左右的事,四家姐終於都清醒返啦,Charlotte畀朱古力糖畀佢食,好快就好返好多啦.四家姐仲話好似瞓著咗好耐咁.
四家姐仲話,可能係白花油好"乸",佢都仲聽到我同Joseph的對話.其實今朝太早食早餐,到十一點到佢已經肚仔餓,唉,應該叫佢食多d先走...都係我照顧不周.
我哋之後坐咗一陣,竟然仲有心情嚮事發地點度拍照留念!
四家姐,今次真係畀你嚇鬼死我.搞到我個心都離一離...唔知係唔係自己都唔多妥,畀你嚇都我都有d暈,其實同你返到我屋企都有d暈.不過應該冇事啦.
今日行唔成,本來應該返屋企抖抖,不過又唔想媽媽擔心,都係唔好畀佢知啦...你知啦,媽媽唔嚇得啦.
行山唔成,反而同你去咗買衫,雖然你就好多收獲,但係我就一樣都買唔到.不過冇所謂啦,我成日都係咁家啦.
星期六, 11月 26, 2005
星期五, 11月 25, 2005
阿Dee唔舒服,我都係添
去迪士尼之後呢幾日,好似成日都唔多妥,星期一諗住抖返一日都應該會好d,點知今日返工好暈,一路諗,唔知好唔好去旺角中心睇醫生...掙扎咗一陣..都係唔去啦,本來已經遲到...唔想用睇醫生做"藉口"...遲就遲啦.
I just think : Fire, fire la! You are fired! Ha good... let me out!
係唔係考慮得太遲呢?可能呢個對雙方都有好處!哈!
如果兩年前我有"的起心肝"...算啦.冇呢個必要講.只是,有些.....遺憾.
一個不自量力的HTML Clerk希望可以唔駛成日做Copy & Paste,所以就好辛苦咁話要做一個可以比較易manage 的"架構",點知處處碰壁,自己埋首鑽牛角尖係冇用既,其實反而浪費時間.
人地要個好快Build up的垃圾,你想做另一件"枴腳"垃圾係你既事.用少少Business Mind好唔好?其實要安安份份做個HTML Clerk, 人工比做一個Clerk 好,咁又過一日,咁又過一日,好Happy呀!點解要諗新方案?!
朋友,做一個In house Web 人,同一個Clerk沒什麼兩樣.
自己想創造就業機會,原來就等同將自己個頭放落斷頭台一樣,到最終,就係自己要被Fire! Cut 你! 終了.
I just think : Fire, fire la! You are fired! Ha good... let me out!
係唔係考慮得太遲呢?可能呢個對雙方都有好處!哈!
如果兩年前我有"的起心肝"...算啦.冇呢個必要講.只是,有些.....遺憾.
一個不自量力的HTML Clerk希望可以唔駛成日做Copy & Paste,所以就好辛苦咁話要做一個可以比較易manage 的"架構",點知處處碰壁,自己埋首鑽牛角尖係冇用既,其實反而浪費時間.
人地要個好快Build up的垃圾,你想做另一件"枴腳"垃圾係你既事.用少少Business Mind好唔好?其實要安安份份做個HTML Clerk, 人工比做一個Clerk 好,咁又過一日,咁又過一日,好Happy呀!點解要諗新方案?!
朋友,做一個In house Web 人,同一個Clerk沒什麼兩樣.
自己想創造就業機會,原來就等同將自己個頭放落斷頭台一樣,到最終,就係自己要被Fire! Cut 你! 終了.
星期四, 11月 24, 2005
今日睇返d相好開心
影呀影,其實每一次都冇乜點用心去睇相,但係今次,唔知點解就係咁睇,特別係同你一齊自拍既果d相,真係好開心,雖然d相唔係咁理想,因為我哋呢頭set果頭就拍,如是者上上落落咁多次,真係好鬼攰,搞到冇哂力,要攬住你先平衡到.
第二日嚮酒店度同你飲free drinks "菠蘿桃特飲",又自拍的時候,我又緊張到撞咗埋檯角,撲咗向你度添,好彩我唔係男仔咋...如果唔係你可能要嗌"非禮"啦!唔知點解影極個杯都係高咗,算啦,試兩次都係咁,走啦.
同你去大草地,每逢見到有你好喜歡的米奇Icon的嘢,我哋都會好興奮咁猛影,唔知係唔係畀你感染到,我依家都仲好開心,見到我哋一齊砌的米奇生果盤,又會諗起好開心...我哋用湯匙界個米奇頭,又切手手,你見到佢冇眼眼,又為佢加眼同口,好可愛呀...你.最頂癮呢就係你個包包加兩隻蝦餃的米奇頭...如果迪士尼可以請得起你做員工,可能好多客人都會好開心咁去呢間酒店食buffet.
其實真係對呢種咁取巧的buffet好失望,本來以為可以猛影的早餐都係得一個米奇Waffle,其他同一般的酒店早餐都冇分別.真係失望,再加上我仲冇胃口,見到都唔想食...對唔住呀,可能係我同你傾成晚冇瞓之過,所以飲Jasmine tea冇幾耐,同你出去影相,無啦啦就入廁所嘔.好彩都冇乜事.唔知有冇掃你興呢?
哈....原來不知不覺用咗"倒敍法"添,想補充一句:
記得你仲好天真咁同樺爾講,"我同你老婆睇日出呀"...真係覺得好開心.
原來去旅行唔駛遠,enjoy就已經好...............開心!
都仲係冇開自己部電腦,聽日先post相啦.今日就借你的駛駛先.
http://333.fotoc.com/cmickey/hkdisney
http://333.fotoc.com/cmickey/hkdisney_001
http://333.fotoc.com/cmickey/hkdisney_002
第二日嚮酒店度同你飲free drinks "菠蘿桃特飲",又自拍的時候,我又緊張到撞咗埋檯角,撲咗向你度添,好彩我唔係男仔咋...如果唔係你可能要嗌"非禮"啦!唔知點解影極個杯都係高咗,算啦,試兩次都係咁,走啦.
同你去大草地,每逢見到有你好喜歡的米奇Icon的嘢,我哋都會好興奮咁猛影,唔知係唔係畀你感染到,我依家都仲好開心,見到我哋一齊砌的米奇生果盤,又會諗起好開心...我哋用湯匙界個米奇頭,又切手手,你見到佢冇眼眼,又為佢加眼同口,好可愛呀...你.最頂癮呢就係你個包包加兩隻蝦餃的米奇頭...如果迪士尼可以請得起你做員工,可能好多客人都會好開心咁去呢間酒店食buffet.
其實真係對呢種咁取巧的buffet好失望,本來以為可以猛影的早餐都係得一個米奇Waffle,其他同一般的酒店早餐都冇分別.真係失望,再加上我仲冇胃口,見到都唔想食...對唔住呀,可能係我同你傾成晚冇瞓之過,所以飲Jasmine tea冇幾耐,同你出去影相,無啦啦就入廁所嘔.好彩都冇乜事.唔知有冇掃你興呢?
哈....原來不知不覺用咗"倒敍法"添,想補充一句:
記得你仲好天真咁同樺爾講,"我同你老婆睇日出呀"...真係覺得好開心.
原來去旅行唔駛遠,enjoy就已經好...............開心!
都仲係冇開自己部電腦,聽日先post相啦.今日就借你的駛駛先.
http://333.fotoc.com/cmickey/hkdisney
http://333.fotoc.com/cmickey/hkdisney_001
http://333.fotoc.com/cmickey/hkdisney_002
星期六, 11月 19, 2005
迪士尼Part II
由於是同Mabel傾咗成晚冇瞓過覺,都唔知可以點樣分隔兩日的行程....就由我同Mabel一起睇日出開始當係第二日啦.
之前曾經兩次想睇日出都因為天氣問題所以睇唔到,第一次係兩年前同同四家姐去"英西攝影團"睇,但係天都光啦,都見唔到個太陽.第二次同樺爾睇,我仲特登4:50am就開始等個日出出現,5:10分日出啦,但係都係一樣白濛濛,叫醒咗樺爾,點知都冇用.
今次真係好開心,都係Mabel"好腳頭",今次我哋有緣見到日出啦.雖然好似錯過咗破曉時份,我哋仲傾緊計,見到窗簾隙有光,我就忍唔住講咗句:天光啦.當時已經係6:43a.m.啦.(日出的時間應該係6:38a.m.,只不過我哋的角度仲未見到太陽)
接著落嚟的幾分鐘,當然又係我同佢拎起相機的時候啦.猛影猛影猛影猛影猛影...
其實同你傾計的時候,我都有d瞓著咗,唔知你會唔會發覺我牛頭唔答馬嘴呢?但係我真係唔想咁就瞓啦...好唔捨得有咁的機會一齊去Camp.真係好難忘.
之前曾經兩次想睇日出都因為天氣問題所以睇唔到,第一次係兩年前同同四家姐去"英西攝影團"睇,但係天都光啦,都見唔到個太陽.第二次同樺爾睇,我仲特登4:50am就開始等個日出出現,5:10分日出啦,但係都係一樣白濛濛,叫醒咗樺爾,點知都冇用.
今次真係好開心,都係Mabel"好腳頭",今次我哋有緣見到日出啦.雖然好似錯過咗破曉時份,我哋仲傾緊計,見到窗簾隙有光,我就忍唔住講咗句:天光啦.當時已經係6:43a.m.啦.(日出的時間應該係6:38a.m.,只不過我哋的角度仲未見到太陽)
接著落嚟的幾分鐘,當然又係我同佢拎起相機的時候啦.猛影猛影猛影猛影猛影...
其實同你傾計的時候,我都有d瞓著咗,唔知你會唔會發覺我牛頭唔答馬嘴呢?但係我真係唔想咁就瞓啦...好唔捨得有咁的機會一齊去Camp.真係好難忘.
星期五, 11月 18, 2005
她約我去迪士尼
雖然忍唔住偷睇咗Mabel己經寫咗日記啦,但係又唔敢睇d內容,因為我怕寫重覆,如果睇咗就避開唔寫果Part,若果大家都會有相同的意見感想,咁我就乜都唔駛寫...所以...都係寫完先准自己睇.
噚晚(11/18)太興奮啦,因為今日係我同Mabel去迪士尼+"宿營"的大日子,瞓得好差,所以今日個樣就...精神又好差,所以都幾失魂,去到荔景,竟然過咗對面轉車喎,仲要掛住傾計,傾到我地都唔知係撘錯車,撘到九龍站先"轉車",不過好彩唔駛行樓梯,都算好啦.
我哋都約得幾早,9:00am 由荃灣出發,打算可以入去酒店放低行李先出去玩.一朝早起身仲想再點下d行裝,執嚟執去都係好大個Bag,多一套衫同睡衣原來係咁多嘢架,好彩用個大d的袋終於都裝哂啦.走人!今次我準時到啦,嘻嘻,仲可以去7-11買個早餐,湊夠數換多個迪士尼公仔畀Mabel,點知都唔係金色既,Chu~~
去到欣澳站望一望,嘩,原來都好多人,望落有自由行,巴基斯坦人,有印印,又有賓賓,不過仲有好幾Pair香港老人家同情侣咁,心想,唔知去到迪士尼會唔會真係見到好似報紙寫的咁差呢?又會唔會好似屋企樓下個靚仔話,"去迪士尼個廁所臭死你!"
去到迪士尼車站都十點零十分啦,只係影咗幾張相,就走人,好彩入住酒店可以有門票買,唔駛排長籠買票.
"去迪士尼做足準備",但係我就冇喎,因為我有Mabel做導遊,唔駛點準備..嘿嘿.因為佢己經去過,玩過大部份的遊戲,跟著Mabel玩,一定會好開心,好盡興!佢對迪士尼的熟悉程度同對Mickey的狂熱程度間直係80:200!(因為Mabel冇玩過Adventureland同除Space Mountain外的Tomorrowland的遊戲,所以得80分),佢仲要嚮Mickey生日(11/18)果日去迪士尼,應該係超級Fans先會咁樣啦,真係"玩得開心至醒得你"!
我哋的Plan: 攞 4D Pooh Pooh FP -> 睇 Golden Mickey -> 睇3D Mickey & Donald FP(唔記得我哋好似都冇攞FP添)->玩 4D Pooh Pooh -> 攞巴斯光年FP -> 睇下嘢Shopping ->3:30 巡遊 -> 玩巴斯光年 -> 排隊同米奇影相相 -> 影吓相+睇嘢 -> 等煙花匯演 -> 玩小飛象 -> 玩旋轉木馬 -> 影吓相+睇嘢
其實個Plan唔係咁Full,因為Mabel又去過,我又會再去多次,所以都唔係咁緊張話要猛咁玩.不過...Mabel因為要陪我玩,所以始終都冇去到Adventureland的樹屋,又冇搵齊所有Coins.真係唔好意思呢!下次,下次我一定一定要幫你集齊哂,仲要去埋樹屋同獅子王慶典添.
如果準備去迪士尼,就留心睇呢幾段啦!
1. 有 Fass Pass 攞其實都唔駛個個都攞
其實得幾個主要的遊戲需要攞Fass Pass(FP),因為攞咗一個FP就唔可以攞第二個住,張FP會話你知幾時可以攞另一個FP,所記住唔好唔見門票呀.如果唔係冇得攞FP.
4D Pooh, 要排得耐d,到夜晚仲係有好多人排,要攞FP.
獅子王慶典好似要做半個鐘,所以都冇去睇.唔知攞FP有冇用.不過一大柵一齊睇,最重要都係入去坐到個靚位.
巴斯光年,Space Mountain當然必攞啦.
好似3D Mickey可以唔駛攞,因為唔係排好耐,又一次過好多人一齊睇.
2. 香港迪士尼的一大特色:排隊同卡通人物影相相
如果要同卡通人物影相就要排好鬼死耐,再唔係就巡遊之後就快快硊硊去排隊啦.我同Mabel就係為咗同Mickey影相,排咗粒幾鐘,嚮前面排的日本女仔仲剪個好狂熱的迪士尼頭,有幾會就post吓啦,佢呢個頭都幾堅,我同Mabel仲"詐假依"扮影佢身後的火車站嚟影佢,點知畀佢發見咗,其實好多人都好好奇,成日偷影同叫佢一齊影相,我哋都做埋活動佈景板添.
3. 夜晚去玩旋轉木馬最好
臨收先去,勁有氣氛,睇完煙花匯演之後,又會走咁d家庭組,一次有成三四十人一齊玩,其實好多人排隊都好快到.我哋睇完煙花先去坐小飛象再去排旋轉木馬,30分+5分+10分+3分鐘,玩到呢九點到,其實都幾OK.
4. 影相方面呢,嚮迪士尼入口影相,真係要好快手,又要有耐性,如果唔係好難影到相.
影相其實都唔係我強項,但係我就十分有興趣,好想影到靚相,但係點知又失敗了...巡遊本來去到City Hall門前的靚位,可以影好多相,但係我就唔記得放咗後備電入Locker,影影吓冇電呀~~~~~明知要影煙花,又冇好好地等個靚位,個位都唔好啦,影唔到又睇唔係好到喇.不過....如果唔係d人阻住我或者都會再走去其他地方.有腳架都冇用.好彩我哋之後用咗嚟影夜景相,同Mabel玩自拍,好開心,可以話,係笑得最開心的時候啦,Mabel真係好有耐性,如果畀著係佢....唔知又會點呢?
我的攝影筆記:慢快門夜景閃燈, +1EV,睇返其實over咗少少,不過算啦...傻瓜用傻瓜機,係咁上吓啦.
5. 食嘢霸位最好係有組織
同Mabel講好食乜餐就走去霸位,其實要搵兩個位唔難,不過係搞清楚應該同乜人講乜嘢話,問佢"有冇兩個空位呀"先難...好彩今次好易搵到個識講粵語國語人.個巴基斯坦人走嚟我冇諗就同佢講:"Wo...Er..We have two", in fact they just want a spare chair.
其實真係唔好意思,好似要Mabel服侍我咁,我就坐响到等食.一邊等,又唔好意思催你,但係又怕你遊咗去第二度搵我,見住你行咗佢第二度,好想叫住你,但係又好遠,你又冇可能接電話,屈死.
到酒店仲要你叫冰條車你出去買杯麵添,睇到呢條冰條手震震咁同我哋影相真係好笑,其實佢都幾好人呀...不過,唔知呢,"旁觀者不得依牙鬆鋼"
至於我就係咁影相相,等到你返嚟都仲要玩自拍,搞到嚟都四點,仲係咁傾計...唔,其實我好攰,又有d頭暈,不過就唔捨得瞓...因為我好想同你傾計,如果可以,不如我哋又搞返次真正的宿營啦.
嘩...講咗咁多啦...聽日再講下集!
噚晚(11/18)太興奮啦,因為今日係我同Mabel去迪士尼+"宿營"的大日子,瞓得好差,所以今日個樣就...精神又好差,所以都幾失魂,去到荔景,竟然過咗對面轉車喎,仲要掛住傾計,傾到我地都唔知係撘錯車,撘到九龍站先"轉車",不過好彩唔駛行樓梯,都算好啦.
我哋都約得幾早,9:00am 由荃灣出發,打算可以入去酒店放低行李先出去玩.一朝早起身仲想再點下d行裝,執嚟執去都係好大個Bag,多一套衫同睡衣原來係咁多嘢架,好彩用個大d的袋終於都裝哂啦.走人!今次我準時到啦,嘻嘻,仲可以去7-11買個早餐,湊夠數換多個迪士尼公仔畀Mabel,點知都唔係金色既,Chu~~
去到欣澳站望一望,嘩,原來都好多人,望落有自由行,巴基斯坦人,有印印,又有賓賓,不過仲有好幾Pair香港老人家同情侣咁,心想,唔知去到迪士尼會唔會真係見到好似報紙寫的咁差呢?又會唔會好似屋企樓下個靚仔話,"去迪士尼個廁所臭死你!"
去到迪士尼車站都十點零十分啦,只係影咗幾張相,就走人,好彩入住酒店可以有門票買,唔駛排長籠買票.
"去迪士尼做足準備",但係我就冇喎,因為我有Mabel做導遊,唔駛點準備..嘿嘿.因為佢己經去過,玩過大部份的遊戲,跟著Mabel玩,一定會好開心,好盡興!佢對迪士尼的熟悉程度同對Mickey的狂熱程度間直係80:200!(因為Mabel冇玩過Adventureland同除Space Mountain外的Tomorrowland的遊戲,所以得80分),佢仲要嚮Mickey生日(11/18)果日去迪士尼,應該係超級Fans先會咁樣啦,真係"玩得開心至醒得你"!
我哋的Plan: 攞 4D Pooh Pooh FP -> 睇 Golden Mickey -> 睇3D Mickey & Donald FP(唔記得我哋好似都冇攞FP添)->玩 4D Pooh Pooh -> 攞巴斯光年FP -> 睇下嘢Shopping ->3:30 巡遊 -> 玩巴斯光年 -> 排隊同米奇影相相 -> 影吓相+睇嘢 -> 等煙花匯演 -> 玩小飛象 -> 玩旋轉木馬 -> 影吓相+睇嘢
其實個Plan唔係咁Full,因為Mabel又去過,我又會再去多次,所以都唔係咁緊張話要猛咁玩.不過...Mabel因為要陪我玩,所以始終都冇去到Adventureland的樹屋,又冇搵齊所有Coins.真係唔好意思呢!下次,下次我一定一定要幫你集齊哂,仲要去埋樹屋同獅子王慶典添.
如果準備去迪士尼,就留心睇呢幾段啦!
1. 有 Fass Pass 攞其實都唔駛個個都攞
其實得幾個主要的遊戲需要攞Fass Pass(FP),因為攞咗一個FP就唔可以攞第二個住,張FP會話你知幾時可以攞另一個FP,所記住唔好唔見門票呀.如果唔係冇得攞FP.
4D Pooh, 要排得耐d,到夜晚仲係有好多人排,要攞FP.
獅子王慶典好似要做半個鐘,所以都冇去睇.唔知攞FP有冇用.不過一大柵一齊睇,最重要都係入去坐到個靚位.
巴斯光年,Space Mountain當然必攞啦.
好似3D Mickey可以唔駛攞,因為唔係排好耐,又一次過好多人一齊睇.
2. 香港迪士尼的一大特色:排隊同卡通人物影相相
如果要同卡通人物影相就要排好鬼死耐,再唔係就巡遊之後就快快硊硊去排隊啦.我同Mabel就係為咗同Mickey影相,排咗粒幾鐘,嚮前面排的日本女仔仲剪個好狂熱的迪士尼頭,有幾會就post吓啦,佢呢個頭都幾堅,我同Mabel仲"詐假依"扮影佢身後的火車站嚟影佢,點知畀佢發見咗,其實好多人都好好奇,成日偷影同叫佢一齊影相,我哋都做埋活動佈景板添.
3. 夜晚去玩旋轉木馬最好
臨收先去,勁有氣氛,睇完煙花匯演之後,又會走咁d家庭組,一次有成三四十人一齊玩,其實好多人排隊都好快到.我哋睇完煙花先去坐小飛象再去排旋轉木馬,30分+5分+10分+3分鐘,玩到呢九點到,其實都幾OK.
4. 影相方面呢,嚮迪士尼入口影相,真係要好快手,又要有耐性,如果唔係好難影到相.
影相其實都唔係我強項,但係我就十分有興趣,好想影到靚相,但係點知又失敗了...巡遊本來去到City Hall門前的靚位,可以影好多相,但係我就唔記得放咗後備電入Locker,影影吓冇電呀~~~~~明知要影煙花,又冇好好地等個靚位,個位都唔好啦,影唔到又睇唔係好到喇.不過....如果唔係d人阻住我或者都會再走去其他地方.有腳架都冇用.好彩我哋之後用咗嚟影夜景相,同Mabel玩自拍,好開心,可以話,係笑得最開心的時候啦,Mabel真係好有耐性,如果畀著係佢....唔知又會點呢?
我的攝影筆記:慢快門夜景閃燈, +1EV,睇返其實over咗少少,不過算啦...傻瓜用傻瓜機,係咁上吓啦.
5. 食嘢霸位最好係有組織
同Mabel講好食乜餐就走去霸位,其實要搵兩個位唔難,不過係搞清楚應該同乜人講乜嘢話,問佢"有冇兩個空位呀"先難...好彩今次好易搵到個識講粵語國語人.個巴基斯坦人走嚟我冇諗就同佢講:"Wo...Er..We have two", in fact they just want a spare chair.
其實真係唔好意思,好似要Mabel服侍我咁,我就坐响到等食.一邊等,又唔好意思催你,但係又怕你遊咗去第二度搵我,見住你行咗佢第二度,好想叫住你,但係又好遠,你又冇可能接電話,屈死.
到酒店仲要你叫冰條車你出去買杯麵添,睇到呢條冰條手震震咁同我哋影相真係好笑,其實佢都幾好人呀...不過,唔知呢,"旁觀者不得依牙鬆鋼"
至於我就係咁影相相,等到你返嚟都仲要玩自拍,搞到嚟都四點,仲係咁傾計...唔,其實我好攰,又有d頭暈,不過就唔捨得瞓...因為我好想同你傾計,如果可以,不如我哋又搞返次真正的宿營啦.
嘩...講咗咁多啦...聽日再講下集!
星期四, 11月 17, 2005
123:09
mabel打電話同我商議明日去迪士尼大計,講吓東講吓西,如果唔係Mabel話要執嘢,我諗仲有排傾,睇怕聽日"Camp"...(住酒店),我哋又要做熊貓啦,收咗線,望吓我個電話Display,我哋竟然傾咗123:09分鐘!!兩個鐘零三分九秒!!!!!!!
天!!其實都唔係我哋傾得最耐果次...要數,應該係大半年前,我同你傾到四家姐叫我沖涼都唔沖,阿媽叫我食生果又唔食,叫我幾次都唔肯瞓,我仲係咁"薯"...叫唔好嘈我.到四家姐頂唔順熄燈,我哋仲"雞啄唔斷",係咁傾,一路傾起屋企人,以前的事,你去英國的事呀...你的家事...
回想番,以前都冇好好關心過的朋友,真係好彩仲有個機會可以再相聚,又可以再一齊傾計,以前錯過咗的時間冇法子返轉頭,希望以後可以做番好d...
真係好開心...
不過.............
我都仍然欠主動...朋友,有時間要找我哦...!
天!!其實都唔係我哋傾得最耐果次...要數,應該係大半年前,我同你傾到四家姐叫我沖涼都唔沖,阿媽叫我食生果又唔食,叫我幾次都唔肯瞓,我仲係咁"薯"...叫唔好嘈我.到四家姐頂唔順熄燈,我哋仲"雞啄唔斷",係咁傾,一路傾起屋企人,以前的事,你去英國的事呀...你的家事...
回想番,以前都冇好好關心過的朋友,真係好彩仲有個機會可以再相聚,又可以再一齊傾計,以前錯過咗的時間冇法子返轉頭,希望以後可以做番好d...
真係好開心...
不過.............
我都仍然欠主動...朋友,有時間要找我哦...!
星期二, 11月 15, 2005
上馬刮手轉撈手消Side kick
今日又學詠春,嘩,今次呢個"上馬刮手轉撈手消腳(Side kick)對練"...
做法大概就係當別人Side kick,我哋就Zip隻手入對的大腿同小腿的後方彎位,再用另一隻手推開對方.
因為要小心唔好傷到對方,但係又要練得似樣,又唔想推對方落地,搞到好似互摸對方大腿咁...
Kathy又好自然咁推開我變咗抱住我,我的大腿又重,有點尷尬.好在唔係同師兄對練!
而我就笨手笨腳啦...好似機械人咁...
不過同Kathy對練真係好好笑...好開心!
做法大概就係當別人Side kick,我哋就Zip隻手入對的大腿同小腿的後方彎位,再用另一隻手推開對方.
因為要小心唔好傷到對方,但係又要練得似樣,又唔想推對方落地,搞到好似互摸對方大腿咁...
Kathy又好自然咁推開我變咗抱住我,我的大腿又重,有點尷尬.好在唔係同師兄對練!
而我就笨手笨腳啦...好似機械人咁...
不過同Kathy對練真係好好笑...好開心!
星期一, 11月 14, 2005
獨食
今晚,樺爾約咗佢老死嘉文,我又唔想連續幾日都返屋企"黏餐",又唔想搵朋友,好似ZIP時間咁,一個人又唔會煮飯,又唔想煮公仔麵,唯有自己去食飯啦.
我咁大個女係第一次自己一個人吃晚飯咋!原來一個人食係咁孤單架...冇得同屋企人吹水,好唔慣...唔知之前成日留低隻貓嚮屋企,佢會唔會悶呢?或者佢一早就慣佢媽媽咁對佢,冇感覺?
食完就去睇下CD舖,賣返之前想買的李克勤<<空中飛人>>第二版-就係為咗果首附加的"刻不容緩"!鬼整佢...好彩$60咋!買到好嘢,心情就靚d啦.
我仲見到古巨基的最新國語碟<<最終幻想>>,$85!都係返旺角買啦...應該$7x就可以啦.唔知好唔好幫四家姐同大家姐買呢???大家姐...如果你有睇我個Blog回覆下我呀~?
<<最終幻想>>推介: 想聽呢幾首歌,按這裡再按上面Play掣
三國無雙,睡美人,夏天的童話,春天,大雄(國語)....等我翻抄下呢首好歌先:不要說你不知道是哪首喎!
當然係古巨基填詞的歌,一定要支持啦!好過果個姓林的乜鬼多多聲,多產咪就等畀人鏟囉,唔該,詞窮咪畀其他作詞人填啦!古巨基以前填的歌都不知幾好,國語都填得好好,好喜歡<<隨便>>有意思,<< Bye Bye Bye >>好有心思,又押韻.
想聽呢兩首歌,按這裡再按上面Play掣
<<任天堂流淚 (國)>>歌詞.............
"你玩分開 我玩電玩" -_-!
"枉費了他一身好武功!" .... 枉費古巨基的唱功!
"可是始終過關不成功" ?!!!咁都填得落?!
<<愛與誠 (國)>>都已經冇期望,之前"做隻貓,做隻狗"都得啦...今次仲做埋廢人添!
<<不要說你不知道>>用得陶喆的歌,做乜鬼次次都打佢首粵語歌,唔主打國語版?但係又翻炒入呢隻碟喎!
<<睡美人>>,幾好Feel...睇吓作詞人...6_#算你啦,唔怪得呢首排頭,因為佢作的其他的歌詞...哼!好彩<<夏天的童話>>同<<春天>> 冇畀佢污辱咗!
至於又係改粵語版的歌曲去國語版,其實真係好唔鍾意咁取巧,因為始終唔係新歌...不過呢,係佢先得咋,可以唱粵語版之後再出國語版,都依然會令我喜歡哂兩個版本!好似<<從前情人好嗎>>即係<<第二最愛>>咁...兩首都好!
三國無雙 - 古巨基想聽呢首歌,按這裡再按上面Play掣
作曲：陳熙｜填詞：古巨基 編曲：陳熙
沒有戰火 我卻感到四面干戈
不用閃躲 我感應得到 你隱藏的那個
＊如果 愛情的角力像三國
恃強凌弱 難道要犧牲的是我＊
＃你怎麼會 要我難過
一次一次 你都背叛我
不知不覺淚水慢慢滑落
你怎麼會 要我難過
一次一次 愛情的橫禍
傷痕累累的心垂死振作＃
沒有戰場 已害我遍體鱗傷
什麼力量 他不費力氣就把你迷惑
Repeat＊＃
三個人的糾纏 只有三敗俱傷
感情慢慢腐爛 永遠不會成雙 不要逼我
Repeat＃
捍衛愛情的我
我咁大個女係第一次自己一個人吃晚飯咋!原來一個人食係咁孤單架...冇得同屋企人吹水,好唔慣...唔知之前成日留低隻貓嚮屋企,佢會唔會悶呢?或者佢一早就慣佢媽媽咁對佢,冇感覺?
食完就去睇下CD舖,賣返之前想買的李克勤<<空中飛人>>第二版-就係為咗果首附加的"刻不容緩"!鬼整佢...好彩$60咋!買到好嘢,心情就靚d啦.
我仲見到古巨基的最新國語碟<<最終幻想>>,$85!都係返旺角買啦...應該$7x就可以啦.唔知好唔好幫四家姐同大家姐買呢???大家姐...如果你有睇我個Blog回覆下我呀~?
<<最終幻想>>推介: 想聽呢幾首歌,按這裡再按上面Play掣
三國無雙,睡美人,夏天的童話,春天,大雄(國語)....等我翻抄下呢首好歌先:不要說你不知道是哪首喎!
當然係古巨基填詞的歌,一定要支持啦!好過果個姓林的乜鬼多多聲,多產咪就等畀人鏟囉,唔該,詞窮咪畀其他作詞人填啦!古巨基以前填的歌都不知幾好,國語都填得好好,好喜歡<<隨便>>有意思,<< Bye Bye Bye >>好有心思,又押韻.
想聽呢兩首歌,按這裡再按上面Play掣
<<任天堂流淚 (國)>>歌詞.............
"你玩分開 我玩電玩" -_-!
"枉費了他一身好武功!" .... 枉費古巨基的唱功!
"可是始終過關不成功" ?!!!咁都填得落?!
<<愛與誠 (國)>>都已經冇期望,之前"做隻貓,做隻狗"都得啦...今次仲做埋廢人添!
<<不要說你不知道>>用得陶喆的歌,做乜鬼次次都打佢首粵語歌,唔主打國語版?但係又翻炒入呢隻碟喎!
<<睡美人>>,幾好Feel...睇吓作詞人...6_#算你啦,唔怪得呢首排頭,因為佢作的其他的歌詞...哼!好彩<<夏天的童話>>同<<春天>> 冇畀佢污辱咗!
至於又係改粵語版的歌曲去國語版,其實真係好唔鍾意咁取巧,因為始終唔係新歌...不過呢,係佢先得咋,可以唱粵語版之後再出國語版,都依然會令我喜歡哂兩個版本!好似<<從前情人好嗎>>即係<<第二最愛>>咁...兩首都好!
三國無雙 - 古巨基想聽呢首歌,按這裡再按上面Play掣
作曲：陳熙｜填詞：古巨基 編曲：陳熙
沒有戰火 我卻感到四面干戈
不用閃躲 我感應得到 你隱藏的那個
＊如果 愛情的角力像三國
恃強凌弱 難道要犧牲的是我＊
＃你怎麼會 要我難過
一次一次 你都背叛我
不知不覺淚水慢慢滑落
你怎麼會 要我難過
一次一次 愛情的橫禍
傷痕累累的心垂死振作＃
沒有戰場 已害我遍體鱗傷
什麼力量 他不費力氣就把你迷惑
Repeat＊＃
三個人的糾纏 只有三敗俱傷
感情慢慢腐爛 永遠不會成雙 不要逼我
Repeat＃
捍衛愛情的我
星期日, 11月 13, 2005
十一月的鹿頸
今日同同事+親友一齊行山,叫埋四家姐,一行十四人,浩浩蕩蕩由新娘潭至鹿頸.名為行山,實為攝影團,因為一半以上的人都係拃相機的,仲要係重量級果隻!
James： Canon 350D + 17-40 4L 擁有者
Kelvin: Canon 350D + 50 1.8 其實仲有其他鏡,不過就只係帶咗呢支.
Joseph: Sigma/Canon Fans 上網Bid 到個好似新既二手Sigma SD10 kits,加幾支定焦.
再加上其他人幾部傻瓜機同半傻瓜機,猛影猛影.
相呢...就無謂Post lu...只係想同四家姐講,同你一齊行山唔會悶,好開心你身體好番,可以再行返山,真係好!家姐,你冇事啦.
返屋企同四家姐細佬發的嗡風,四家姐都嚮個blog到記得一清二楚...羡寧口吻:傻妹嚟架!
今日冇氣力同你笑啦!
我雖然唔係發起人,但係我就做"寫信佬"幫手打字,不過我寫Email約人行山的內容寫到奇奇怪怪咁,所以其實舊同事都好似唔知原來係約人行山,真失敗!
日期: 13/11/2005
時間: 11:30p.m.大埔火車站售票處等,逾時不候!
起點: 新娘潭
終點: 鹿頸
長度: 約 6.8 公里
需時: 約 4 小時(+/- 2 小時 ?!!)
領隊: Dolmen
當地導遊: Joseph
大概路線參照:
http://parks.afcd.gov.hk/newparks/chi/hiking/wtrail/wtrail_10.htm
附註:
聽周杰倫的歌,聽上腦的Philip有個建議畀大家:
我地要身穿"黑色毛衣",帶著"浪漫手機",聽住"夜曲",食住"麥芽糖","一路向北"咁"飄移"去"珊瑚海",目標就係去睇下"逆鱗",或者附近的"楓"林會聽到"四面楚歌".都到左冬天,應都唔會遇到"藍色風暴"!所以大家最好就係Set個最潮的"髮如雪"髮型參加我地呢個盛會,因為我地會有影相活動!
James： Canon 350D + 17-40 4L 擁有者
Kelvin: Canon 350D + 50 1.8 其實仲有其他鏡,不過就只係帶咗呢支.
Joseph: Sigma/Canon Fans 上網Bid 到個好似新既二手Sigma SD10 kits,加幾支定焦.
再加上其他人幾部傻瓜機同半傻瓜機,猛影猛影.
相呢...就無謂Post lu...只係想同四家姐講,同你一齊行山唔會悶,好開心你身體好番,可以再行返山,真係好!家姐,你冇事啦.
返屋企同四家姐細佬發的嗡風,四家姐都嚮個blog到記得一清二楚...羡寧口吻:傻妹嚟架!
今日冇氣力同你笑啦!
我雖然唔係發起人,但係我就做"寫信佬"幫手打字,不過我寫Email約人行山的內容寫到奇奇怪怪咁,所以其實舊同事都好似唔知原來係約人行山,真失敗!
日期: 13/11/2005
時間: 11:30p.m.大埔火車站售票處等,逾時不候!
起點: 新娘潭
終點: 鹿頸
長度: 約 6.8 公里
需時: 約 4 小時(+/- 2 小時 ?!!)
領隊: Dolmen
當地導遊: Joseph
大概路線參照:
http://parks.afcd.gov.hk/newparks/chi/hiking/wtrail/wtrail_10.htm
附註:
聽周杰倫的歌,聽上腦的Philip有個建議畀大家:
我地要身穿"黑色毛衣",帶著"浪漫手機",聽住"夜曲",食住"麥芽糖","一路向北"咁"飄移"去"珊瑚海",目標就係去睇下"逆鱗",或者附近的"楓"林會聽到"四面楚歌".都到左冬天,應都唔會遇到"藍色風暴"!所以大家最好就係Set個最潮的"髮如雪"髮型參加我地呢個盛會,因為我地會有影相活動!
星期六, 11月 12, 2005
百年好合
今日阿聰同容容結婚,我就斯斯然咁"趕去"想睇佢地註冊,點知冇預埋尖沙咀改咗路改咗九世,但係都仲係唔識路,趕到去,都開始啦,為咗唔想做"許文強",我都係嚮出面等佢哋結完婚出嚟喇...-_-真失禮...
唔知係唔係結咗婚之後可能會有唔同的體會,個攝影師叫我哋講d說話一齊錄影,如果係以前,我可能都唔會點話理佢,做下口型就算,但依家就會覺得佢錄影既要好好睇睇,合作d就大聲d講啦:
恭喜,恭喜,百年好合,永結同心!
再次恭喜,新娘子快d有喜!
嘻嘻,佢地好似冇呢個打算...可能經過今次"洗禮"又會唔會唔同咗諗法呢?
見到佢哋步入會場,拍手掌果刻,個面都會感到有點麻痺...奇怪.
今日可以同Tiffan, Yi 一齊傾一陣計,Henry, Mo 遲咗少少,但係都嚟到,原來阿Mo啱啱先影原婚紗相趕來,都算及時.而Henry就出咗少少意外,好彩都醒爬知道咗原來係TST唔係YMT......阿邊個就掛住...唔係,係有人就掛住同阿邊個行街....到時到候先見人.
今日可以同一日同好多人傾計,真係好耐都未試過.仲有一個更加意想不到,見到一個似Gigi的人,都真係記唔起原來佢識阿聰,經查證之後,先至相認失散多年的劍友!
Mo話佢下年年尾結婚,恭喜你呀,但係一日儲一元都唔夠數畀人情喎,你到時唔好介意我成個豬仔錢罌送畀你喎.
今日仲好開心聽到一個消息...希望可以過一段時間又收到你哋的帖!
唔知係唔係結咗婚之後可能會有唔同的體會,個攝影師叫我哋講d說話一齊錄影,如果係以前,我可能都唔會點話理佢,做下口型就算,但依家就會覺得佢錄影既要好好睇睇,合作d就大聲d講啦:
恭喜,恭喜,百年好合,永結同心!
再次恭喜,新娘子快d有喜!
嘻嘻,佢地好似冇呢個打算...可能經過今次"洗禮"又會唔會唔同咗諗法呢?
見到佢哋步入會場,拍手掌果刻,個面都會感到有點麻痺...奇怪.
今日可以同Tiffan, Yi 一齊傾一陣計,Henry, Mo 遲咗少少,但係都嚟到,原來阿Mo啱啱先影原婚紗相趕來,都算及時.而Henry就出咗少少意外,好彩都醒爬知道咗原來係TST唔係YMT......阿邊個就掛住...唔係,係有人就掛住同阿邊個行街....到時到候先見人.
今日可以同一日同好多人傾計,真係好耐都未試過.仲有一個更加意想不到,見到一個似Gigi的人,都真係記唔起原來佢識阿聰,經查證之後,先至相認失散多年的劍友!
Mo話佢下年年尾結婚,恭喜你呀,但係一日儲一元都唔夠數畀人情喎,你到時唔好介意我成個豬仔錢罌送畀你喎.
今日仲好開心聽到一個消息...希望可以過一段時間又收到你哋的帖!
星期四, 11月 10, 2005
無所謂
兩年啦...足足兩年啦,發現問題到現在,改來改去,大大少少都不下十次,好了,我改沒所謂,最繄要係真係幫得上,「斬腳趾避沙蟲」,始終你都係走唔甩,咪又係要改.哈哈...
麻醉 - 王菲 想聽呢首歌,按這裡再按上面Play掣
完美 甚麼完美 你不敢追 我怎敢追
我想 為所欲為 你不反對 誰敢反對
無所謂 無所謂 來麻醉我清醒的體會
無所謂 無所謂 來麻醉我所有的滋味
樂極就算會生悲 你不慚愧 我不後悔
如果繁華給摧毀 讓我好好的睡 好好的睡
你和我 反正會殊途同歸 如果一切變得乏味
我不介意半途而廢
傷悲 何來傷悲 我才不會 我怎麼會
喝醉 我想喝醉 不管那是 一杯開水
哈~~~~~~~~~~你和我 反正會殊途同歸
無所謂~無所謂~ 我不介意半途而廢~~~~
今朝無啦啦發夢自己被迫至跳樓...臨跳一刻,我竟然有一絲解脫的感覺...
Sky Diving 應該係好好玩既玩意兒...唔知我敢唔敢真係試呢?
麻醉 - 王菲 想聽呢首歌,按這裡再按上面Play掣
完美 甚麼完美 你不敢追 我怎敢追
我想 為所欲為 你不反對 誰敢反對
無所謂 無所謂 來麻醉我清醒的體會
無所謂 無所謂 來麻醉我所有的滋味
樂極就算會生悲 你不慚愧 我不後悔
如果繁華給摧毀 讓我好好的睡 好好的睡
你和我 反正會殊途同歸 如果一切變得乏味
我不介意半途而廢
傷悲 何來傷悲 我才不會 我怎麼會
喝醉 我想喝醉 不管那是 一杯開水
哈~~~~~~~~~~你和我 反正會殊途同歸
無所謂~無所謂~ 我不介意半途而廢~~~~
今朝無啦啦發夢自己被迫至跳樓...臨跳一刻,我竟然有一絲解脫的感覺...
Sky Diving 應該係好好玩既玩意兒...唔知我敢唔敢真係試呢?
星期三, 11月 09, 2005
冷汗
今日又發夢,d夢愈嚟愈離奇,我夢見我同爸爸媽媽好似仲係一齊住嚮一間好大的屋,間屋用磚頭砌出嚟咁,好似圍村果種,有兩層,一層仲未完成,但係間屋已經好大好大.爸爸話二樓的門口位定得唔好,佢就用個放大鏡變過第二度門,又通向另一間房,嘩,咁間屋咪可以無限伸延囉?!我好開心,想叫爸爸加多幾間.
唔知點解忽然又好似話我要嫁畀樺爾...話要做中式,穿裙褂戴"扑"帽果隻,咁樺爾就嚟迎娶我.媽媽仲捉住我隻手話:"咦,點解你隻手冇以前咁凍喎!"我話:"因為呢排我有食薑!" (噚晚唔小心食咗一舊薑,咁既夢都有得發?!)之後我又話要同四個BB一齊影相....(睇嚟冇同BB一齊嚮結婚當日影相呢個遺憾到依家我仲未放得開)
鏡頭一轉,又突然變咗我同d姊妹一齊去咗唱K,冇同樺爾一齊.咁就諗住去氹返佢,點知無啦啦唔知邊個開槍射死我,我就"札"醒咗啦.
唔知點解醒返就成日諗起呢首歌,一直就在我腦海迴盪.其實歌詞又唔夾,我心目中呢首歌嚮呢隻碟- Reborn 幾乎要排第尾(其實成隻碟都好),但係尾段的音樂就好似雷聲一般地震撼心弦!(bold 咗果幾句音樂)
冷感 - 李克勤 想聽呢首歌,按這裡再按上面Play掣
曲:羅宇榮 詞:林夕 編:Jeffrey Kawalek/Dan Lessner
這長路裡 唯獨有綠的燈 黃的燈 恨愛不分
這長夜裡 遺下你舊體溫 和空枕 沒有聲音
* 你曾令我 忘掉了自尊心 從開心 直到灰心
愛情逝去 遺下了舊光陰 和不堪 沒有新生 *
# 你 看不見 想不到 放不下 卻就似並未發生
聽不見 摸不到 抱不住 卻令這大地降溫
懷念著你 蠶蝕我心 冰雪的冷感
等前塵下降 埋沒這身 戀愛的冷感 #
Repeat * # #
唔知點解忽然又好似話我要嫁畀樺爾...話要做中式,穿裙褂戴"扑"帽果隻,咁樺爾就嚟迎娶我.媽媽仲捉住我隻手話:"咦,點解你隻手冇以前咁凍喎!"我話:"因為呢排我有食薑!" (噚晚唔小心食咗一舊薑,咁既夢都有得發?!)之後我又話要同四個BB一齊影相....(睇嚟冇同BB一齊嚮結婚當日影相呢個遺憾到依家我仲未放得開)
鏡頭一轉,又突然變咗我同d姊妹一齊去咗唱K,冇同樺爾一齊.咁就諗住去氹返佢,點知無啦啦唔知邊個開槍射死我,我就"札"醒咗啦.
唔知點解醒返就成日諗起呢首歌,一直就在我腦海迴盪.其實歌詞又唔夾,我心目中呢首歌嚮呢隻碟- Reborn 幾乎要排第尾(其實成隻碟都好),但係尾段的音樂就好似雷聲一般地震撼心弦!(bold 咗果幾句音樂)
冷感 - 李克勤 想聽呢首歌,按這裡再按上面Play掣
曲:羅宇榮 詞:林夕 編:Jeffrey Kawalek/Dan Lessner
這長路裡 唯獨有綠的燈 黃的燈 恨愛不分
這長夜裡 遺下你舊體溫 和空枕 沒有聲音
* 你曾令我 忘掉了自尊心 從開心 直到灰心
愛情逝去 遺下了舊光陰 和不堪 沒有新生 *
# 你 看不見 想不到 放不下 卻就似並未發生
聽不見 摸不到 抱不住 卻令這大地降溫
懷念著你 蠶蝕我心 冰雪的冷感
等前塵下降 埋沒這身 戀愛的冷感 #
Repeat * # #
Live 05 山貓陣容
C Kaman (有手! 有籃板)
PF Okafor (有手! 有籃板! 有Dunk!)
SF Prince (高, 有少許3分)
SG DerMarr Johnson (3分, Drible OK, Stl OK)
PG Steve Blake (成為正選自然有他的道理, 有3分, 有Stl, 有Drible, 有Pass, 有速度, Ovrl 55??)
C Diop (有手, 有籃板, 有Stl!!!)
PF Newton Dampier (新人冇相, 有手, 有籃板)
PF/SF/SG Eddie Griffin (有少許3分,籃板同高度, 相對SF/SG來講)
SF/SG Krover (3PT!! 防守差, 不過打SG位有優勢)
SG Kuabina Dumars (新人冇相, 有3分)
PG Demon Jones (3分, Dribble, Pass, 防守差)
PG Raul Lopez (3PT, Pass, Stl OK, 少許3分)
各人各位都很稱職, 感覺上比火箭更好用...
過氣火箭陣容
C YAO MING!!
PF T Chandler
SF T MAC!!
SG Gorden
PG Arenas
C Dalembert
PF K Clark
PF Brian Skinner
SF/SG/PG Scott Pippen
SF/SG Reggie Miller
SG/PG Wesley
SG/PG Jon Barry
PG H. Eisley
PF Okafor (有手! 有籃板! 有Dunk!)
SF Prince (高, 有少許3分)
SG DerMarr Johnson (3分, Drible OK, Stl OK)
PG Steve Blake (成為正選自然有他的道理, 有3分, 有Stl, 有Drible, 有Pass, 有速度, Ovrl 55??)
C Diop (有手, 有籃板, 有Stl!!!)
PF Newton Dampier (新人冇相, 有手, 有籃板)
PF/SF/SG Eddie Griffin (有少許3分,籃板同高度, 相對SF/SG來講)
SF/SG Krover (3PT!! 防守差, 不過打SG位有優勢)
SG Kuabina Dumars (新人冇相, 有3分)
PG Demon Jones (3分, Dribble, Pass, 防守差)
PG Raul Lopez (3PT, Pass, Stl OK, 少許3分)
各人各位都很稱職, 感覺上比火箭更好用...
過氣火箭陣容
C YAO MING!!
PF T Chandler
SF T MAC!!
SG Gorden
PG Arenas
C Dalembert
PF K Clark
PF Brian Skinner
SF/SG/PG Scott Pippen
SF/SG Reggie Miller
SG/PG Wesley
SG/PG Jon Barry
PG H. Eisley
星期六, 11月 05, 2005
今日去影相相呀
珮兒Master畢業啦,所以約咗Mabel, Iris, Giny 同我幾個人一齊影相.
去之前當然要買束花賀一賀佢啦,咁我就同埋Mabel,Giny去咗花墟,好彩人又唔算多,又有好多時間畀我哋慢慢揀,但係d花唔係太大束就係唔夠搶眼,再唔係就好似係男朋友送畀女朋友咁既款,都係留返佢的真命天子買畀佢求婚啦.咁多年朋友都唔知佢哋幾個鍾意d咩花,原來珮兒都係冇特別喜歡的花(據Mabel了解),Mabel 就鍾意鬱金香喎...(仲未知Giny喎?)咁我哋行吓一間,行吓又一間,由街頭行到街尾,揀來揀去,先揀好咗一束我哋幾個都認為係最靚既,咁啱就係鬱金香再加百合喎!
去到CityU舊地重遊,三樓四樓改建之後,好多地方都變咗,入口加咗兩幅好大的畫...段估應該係以國畫手法畫既兩個人,真係估唔到國畫都有印象派的,我個人就唔係咁懂欣賞喇.
恆生又搬咗位,又加咗商務書局,圖書館門口改咗闊落咗,民主牆又搬咗過對面,四樓多咗好多梳化,仲有個大鐘,成為新景點,不過我哋就冇影到.其實之前都知道呢d改動,不過唔講唔知,好細的羅馬廣場又摺咗裝修喎.
圖書館附近的電話都唔同咗.好懷念以前用果d"黑色按鈕電話"打電話返屋企,同屋企話唔返屋企...食!
講到影相,見到d人去石麒麟上完又落咁影完又影,擾擾攘攘又唔係影呢我就火都嚟啦,不過,又冇理又同佢地一般見識,同佢哋一齊失禮架?!咁我哋就忍佢哋啦!轉移陣地,反正有兩隻!不過有時都會遇到好人既,可能要我哋走,先要同我哋影咗先呱?!嘿嘿...以小丹之心,度君子之腹添.
今日的天氣好好架,有個好靚好靚的藍天,不過就唔係好多相有影到個天喎,哈,我其實好想同你哋影沙龍,不過算啦,自己知自己事,都係學好d攝影好d.
唔知點解,好似仲開心過自己畢業咁,不過就唔係影咗好多相...都夠架啦...但係對於我呢個太喜歡亂影的人...乜都想影一餐.
話時話今日唔記得同Mabel講多謝,多謝你隻好可愛的布象棋呀,我會好好哋咁掛住佢啦...我起初唔記得咗你係"夾"返嚟,仲問你點解唔買"將"或者"帥"呢,其實"相"仲啱我啦,我咁鍾意影"相"...如果我有個相機袋,我一定會掛嚟做識別架.
Iris走先去探佢媽媽,我地其他人仲一齊食晚餐添,返到屋企,隻貓又唔煮公仔麵喎,都唔知係唔係又打機打一個晏晝喇.不過呢隻貓都算乖,食完自己都會"舔乾淨"隻貓碟,唔駛我洗!
去之前當然要買束花賀一賀佢啦,咁我就同埋Mabel,Giny去咗花墟,好彩人又唔算多,又有好多時間畀我哋慢慢揀,但係d花唔係太大束就係唔夠搶眼,再唔係就好似係男朋友送畀女朋友咁既款,都係留返佢的真命天子買畀佢求婚啦.咁多年朋友都唔知佢哋幾個鍾意d咩花,原來珮兒都係冇特別喜歡的花(據Mabel了解),Mabel 就鍾意鬱金香喎...(仲未知Giny喎?)咁我哋行吓一間,行吓又一間,由街頭行到街尾,揀來揀去,先揀好咗一束我哋幾個都認為係最靚既,咁啱就係鬱金香再加百合喎!
去到CityU舊地重遊,三樓四樓改建之後,好多地方都變咗,入口加咗兩幅好大的畫...段估應該係以國畫手法畫既兩個人,真係估唔到國畫都有印象派的,我個人就唔係咁懂欣賞喇.
恆生又搬咗位,又加咗商務書局,圖書館門口改咗闊落咗,民主牆又搬咗過對面,四樓多咗好多梳化,仲有個大鐘,成為新景點,不過我哋就冇影到.其實之前都知道呢d改動,不過唔講唔知,好細的羅馬廣場又摺咗裝修喎.
圖書館附近的電話都唔同咗.好懷念以前用果d"黑色按鈕電話"打電話返屋企,同屋企話唔返屋企...食!
講到影相,見到d人去石麒麟上完又落咁影完又影,擾擾攘攘又唔係影呢我就火都嚟啦,不過,又冇理又同佢地一般見識,同佢哋一齊失禮架?!咁我哋就忍佢哋啦!轉移陣地,反正有兩隻!不過有時都會遇到好人既,可能要我哋走,先要同我哋影咗先呱?!嘿嘿...以小丹之心,度君子之腹添.
今日的天氣好好架,有個好靚好靚的藍天,不過就唔係好多相有影到個天喎,哈,我其實好想同你哋影沙龍,不過算啦,自己知自己事,都係學好d攝影好d.
唔知點解,好似仲開心過自己畢業咁,不過就唔係影咗好多相...都夠架啦...但係對於我呢個太喜歡亂影的人...乜都想影一餐.
話時話今日唔記得同Mabel講多謝,多謝你隻好可愛的布象棋呀,我會好好哋咁掛住佢啦...我起初唔記得咗你係"夾"返嚟,仲問你點解唔買"將"或者"帥"呢,其實"相"仲啱我啦,我咁鍾意影"相"...如果我有個相機袋,我一定會掛嚟做識別架.
Iris走先去探佢媽媽,我地其他人仲一齊食晚餐添,返到屋企,隻貓又唔煮公仔麵喎,都唔知係唔係又打機打一個晏晝喇.不過呢隻貓都算乖,食完自己都會"舔乾淨"隻貓碟,唔駛我洗!
星期五, 11月 04, 2005
喜歡的句子...
一棵開花的樹
如何讓你遇見我 在我最美麗的時刻
為這 我已在佛前求了五百年
求祂讓我們結一段塵緣
佛於是把我化作一棵樹
長在你必經的路旁
陽光下慎重的開滿了花
朵朵都是我前世的盼望
當你走進 請你細聽
那顫抖的葉是我熱情的等待
而當你終於無視的走過
在你身後落了一地的
朋友啊
那不是花瓣
是我凋零的心
-- 席慕容
-------------------------------------------------------------------
"你已經死了" -- 北斗之拳
-------------------------------------------------------------------
"最可悲的莫过于固执己见之人，老是认为别人不对，而由于环境、身份、时机
等因素，旁人都不能相劝。其实呢，他认为别人不对的看法，不过是人家不是依照他的
方法去做而已，这种人真是拿他一点儿办法都没有。" --- 胭脂劫 司馬翎
如何讓你遇見我 在我最美麗的時刻
為這 我已在佛前求了五百年
求祂讓我們結一段塵緣
佛於是把我化作一棵樹
長在你必經的路旁
陽光下慎重的開滿了花
朵朵都是我前世的盼望
當你走進 請你細聽
那顫抖的葉是我熱情的等待
而當你終於無視的走過
在你身後落了一地的
朋友啊
那不是花瓣
是我凋零的心
-- 席慕容
-------------------------------------------------------------------
"你已經死了" -- 北斗之拳
-------------------------------------------------------------------
"最可悲的莫过于固执己见之人，老是认为别人不对，而由于环境、身份、时机
等因素，旁人都不能相劝。其实呢，他认为别人不对的看法，不过是人家不是依照他的
方法去做而已，这种人真是拿他一点儿办法都没有。" --- 胭脂劫 司馬翎
星期三, 11月 02, 2005
七年前的今日
同事Dolmen的細妹有免費戲票喎,咁我就好順手咁叫佢畀兩張我,噚日學詠春又冇時間去睇.今日順勢去旺角換 i-POD Mini之後就去百老匯電影中心睇戲.真係Q,咁啱七年前的今日,係我同樺爾第一次相約睇戲...(正確d好似大家姐咁講,係佢約咗我睇戲先啱!)其實個決定都係6:30p.m.先作出的...點都好,趕趕地咁兩頭僕,都算有點兒刻意架.
咁呢...又回想起七年前的幾日.
(通常電視台的戲,就會好老土咁播d好零碎的鋼琴聲,代表回憶.......-_-)
都是受唔住好奇心的驅使(我係講緊想睇果套戲"The Trueman Show"),加上琦琦的慫恿(牛唔飲水點噤得牛頭低!)嚮ICQ擾攘咗好幾個鐘,終於應承佢去睇戲.其實都唔明點解會咁沙膽,同一個唔多識的"所謂同學"去睇戲.
回想起呢套戲真係好好睇,見到阿占基利想撐船衝出去呢個被人監視的虛構場景時,又發覺連衝出去的場景都係假的紙板,果一吓的感覺真係好無奈,仲幾絕望.有些感同身受,又有些感觸.睇完戲,反而靜了.當然,我亦怕悶襯呢位同學仔,又勉力地找新的話題.一直到回我家附近才鬆一口氣.
說也奇怪,其實我返到屋企,唔敢打開ICQ,但係又嚮好奇心的驅使下,我撐了Invisible Eye上網,看一看,他竟然在線!到晚飯時間終於都夠膽面對佢.
我同意好似Kathy咁講,最甜蜜的時刻通常都係大家猜猜度度的時候,唔知對方會點諗,又怕自己做咗d令人產生誤會的小動作.又會好怕自己沉悶的性格會令氣氛尷尬,所以呢一種感覺同情況好似特別深刻.拍拖久了,很多事都會變得平凡,印象亦漸漸模糊.
今日應該係我哋結婚之後第一次單獨睇戲,之前同Kathy, Berry 一齊睇的"魔法嬌妻"之後都冇睇過d乜戲啦...你話,結婚係唔係戀愛的墳墓呢??唔...都唔可以咁樣下定論既~,不過就真係去少咗街街咁樣囉.但係就因為我成日Family Day啫.
今日睇呢套李英愛主演的"親切的金子"其實係我以為樺爾想睇,(問落又話唔係啦喎~)所以明知III級,明知關於殺人,(我真係好怕我會頂唔順走咗去),但係我都好勇敢去睇.....我信Dolmen話OK,都係意識上的恐怖,咁我就去睇啦! 多謝你呀Dolmen!其實套戲真係OK,至少樺爾同我都覺得呢套戲好另類.
雖然我唔係好敢去欣賞呢套戲,單從拍攝手法冇過份渲染,同埋唔係用血腥畫面靠嚇,加上用少量的黑色幽默(唔知算唔算做係黑色幽默)去引你發笑去蓋過驚恐,已經可以加返d分.(老實講,有個鏡頭係一班人輪住去打個衰人,我好想避開唔睇,但係劇情就帶過咗;不過都有一個的場面,睇到一額汗--我好怕剪刀!)
原來唱生日歌都可以好悲涼,點蠟燭卻有點寒意,真係第一次感受到.當你見到個該死的傢伙仲要幫個準備殺佢的人翻譯一句"你會點處置佢?"個人仲好冷靜咁繼續翻譯....韓國人也有點瘋狂!之後,仲有一班人商議處置佢,仲會駁住個咪,張個喇叭對住個衰人,畀埋佢自己聽,嚇鬼佢,呢個都幾搞鬼.
不過,我始終都睇唔慣呢種戲.希望今晚唔好發噩夢啦!唔知幾年後,我仲會唔會好似 "8mm"套片咁仲有陰影唔想再睇同類的片呢?
順便同大家分享我的舊作...當時我的ICQ Nickname已經係 Dunkey6_6 彈指神通,而樺爾就自稱"小夜貓"(因為佢夜瞓),而呢個就係我的Info.竟然畀我嚮胡鬧專區搵返! 估唔到被廣泛流傳至今!
也許--Chat得多
也許你真是Chat得太累，
也許，也許你要睡一睡，
那麼叫夜貓不要上網，
媽不要罵，天黑不打機，
不許人家Add上你的名，
不准依貓寄去你屋企，
無論誰都不能驚動你，
撐一隻invisible eye庇護你睡。
我就讓你睡，我讓你睡。
咁呢...又回想起七年前的幾日.
(通常電視台的戲,就會好老土咁播d好零碎的鋼琴聲,代表回憶.......-_-)
都是受唔住好奇心的驅使(我係講緊想睇果套戲"The Trueman Show"),加上琦琦的慫恿(牛唔飲水點噤得牛頭低!)嚮ICQ擾攘咗好幾個鐘,終於應承佢去睇戲.其實都唔明點解會咁沙膽,同一個唔多識的"所謂同學"去睇戲.
回想起呢套戲真係好好睇,見到阿占基利想撐船衝出去呢個被人監視的虛構場景時,又發覺連衝出去的場景都係假的紙板,果一吓的感覺真係好無奈,仲幾絕望.有些感同身受,又有些感觸.睇完戲,反而靜了.當然,我亦怕悶襯呢位同學仔,又勉力地找新的話題.一直到回我家附近才鬆一口氣.
說也奇怪,其實我返到屋企,唔敢打開ICQ,但係又嚮好奇心的驅使下,我撐了Invisible Eye上網,看一看,他竟然在線!到晚飯時間終於都夠膽面對佢.
我同意好似Kathy咁講,最甜蜜的時刻通常都係大家猜猜度度的時候,唔知對方會點諗,又怕自己做咗d令人產生誤會的小動作.又會好怕自己沉悶的性格會令氣氛尷尬,所以呢一種感覺同情況好似特別深刻.拍拖久了,很多事都會變得平凡,印象亦漸漸模糊.
今日應該係我哋結婚之後第一次單獨睇戲,之前同Kathy, Berry 一齊睇的"魔法嬌妻"之後都冇睇過d乜戲啦...你話,結婚係唔係戀愛的墳墓呢??唔...都唔可以咁樣下定論既~,不過就真係去少咗街街咁樣囉.但係就因為我成日Family Day啫.
今日睇呢套李英愛主演的"親切的金子"其實係我以為樺爾想睇,(問落又話唔係啦喎~)所以明知III級,明知關於殺人,(我真係好怕我會頂唔順走咗去),但係我都好勇敢去睇.....我信Dolmen話OK,都係意識上的恐怖,咁我就去睇啦! 多謝你呀Dolmen!其實套戲真係OK,至少樺爾同我都覺得呢套戲好另類.
雖然我唔係好敢去欣賞呢套戲,單從拍攝手法冇過份渲染,同埋唔係用血腥畫面靠嚇,加上用少量的黑色幽默(唔知算唔算做係黑色幽默)去引你發笑去蓋過驚恐,已經可以加返d分.(老實講,有個鏡頭係一班人輪住去打個衰人,我好想避開唔睇,但係劇情就帶過咗;不過都有一個的場面,睇到一額汗--我好怕剪刀!)
原來唱生日歌都可以好悲涼,點蠟燭卻有點寒意,真係第一次感受到.當你見到個該死的傢伙仲要幫個準備殺佢的人翻譯一句"你會點處置佢?"個人仲好冷靜咁繼續翻譯....韓國人也有點瘋狂!之後,仲有一班人商議處置佢,仲會駁住個咪,張個喇叭對住個衰人,畀埋佢自己聽,嚇鬼佢,呢個都幾搞鬼.
不過,我始終都睇唔慣呢種戲.希望今晚唔好發噩夢啦!唔知幾年後,我仲會唔會好似 "8mm"套片咁仲有陰影唔想再睇同類的片呢?
順便同大家分享我的舊作...當時我的ICQ Nickname已經係 Dunkey6_6 彈指神通,而樺爾就自稱"小夜貓"(因為佢夜瞓),而呢個就係我的Info.竟然畀我嚮胡鬧專區搵返! 估唔到被廣泛流傳至今!
也許--Chat得多
也許你真是Chat得太累，
也許，也許你要睡一睡，
那麼叫夜貓不要上網，
媽不要罵，天黑不打機，
不許人家Add上你的名，
不准依貓寄去你屋企，
無論誰都不能驚動你，
撐一隻invisible eye庇護你睡。
我就讓你睡，我讓你睡。
送給我很親的一個人
做吓DJ打歌先,想送畀你聽,因為都係時候要放低啦.係唔係?
輪流轉 - 古巨基想聽呢首歌,按這裡再按上面Play掣
歌手：古巨基 作曲：馮穎琪填詞：林夕 編曲：BC
無謂生氣 在一起 純嬉戲
不是戲 真是你
某君曾被你拋棄 負義的你
舊時亦給拋棄 彷彿遊戲
人是一個食一個 無天理
她就你 傾慕你
而劇情沒有轉機 公道的你
被人立心玩你 乘機出氣
＊初戀當然歡樂 失戀當然失落
逐日逐月逐年地兜圈 輪著感覺
當初戀戀收穫 中間開始溝薄
到了愛意散落 然後有新主角
或是冷靜易角 或是眼淚交錯
但是每人有幾位主角
在你心裡輪流轉
有些比較閒角 有些是你命中主角＊
離別相愛和失戀 和恩怨
不斷轉 不斷轉
如未曾遇上精選 怎樣打算
未能讓它終斷 由它打轉
REPEAT＊
初戀當然歡樂 失戀當然失落
逐日逐月逐年地兜圈 微妙感覺
當初戀戀收穫 中間開始溝薄
到了愛意散落 然後有新主角
或是冷靜易角 或是眼淚交錯
就是各自有千種風光
合到分彷如罪惡 新歡補誰罪惡
你當然也絕不知覺
奇妙旨意在天國 不擔心無主角
他可能在下一轉角
哈,我仲發揮我的師奶本色(唉,買餸唔講價,買碟反而講價!)
問:"三隻古巨基<<星戰>>有冇得平?
答:我哋賺得好微架咋!
問:我仲想要埋孫燕姿的<<完美的一天>>喎~ ($77,底啦,遲d想買反而要$100~$120!)
答:平$6啦...
心道:Yeah,你每隻碟本身平均都平過地面舖$3-$5, $78都算平通街啦.每隻再平兩蚊...算啦,係唔係都買架啦!見好就收啦.
答: 嘻...嘻...我仲想要埋<<勁歌金曲KaraokeDVD>>($135)啦!
好開心可以一出碟第二日就去買.找數都係$440,算啦,個老闆又開心,個顧客又開心,Win-Win啦.
點解呢隻碟相對地平呢?我嚮Forum見到留言,好多人以為係舊歌翻唱!所以買碟的人少咗!我再聽真d"夢中人"首歌,發覺Mix到首歌都唔係原先王菲果首歌,歌詞都唔相同,就當係另一首歌咁聽啦,冇咁討厭,但係都唔鍾意.
我的<<星戰>>推介:
天才與白痴,一生何求,還是覺得你最好,純真傳說,甜蜜蜜.(Monica係上一隻的歌)
佢今次冇打錯歌啦.但係我又冇最喜歡的歌...都係以前的好聽d.
其實"明星"都唱得好好架!不過都唔喜歡佢的歌詞.上文唔通下理,唔知講乜!
想聽呢d歌,按這裡再按上面Play掣
輪流轉 - 古巨基想聽呢首歌,按這裡再按上面Play掣
歌手：古巨基 作曲：馮穎琪填詞：林夕 編曲：BC
無謂生氣 在一起 純嬉戲
不是戲 真是你
某君曾被你拋棄 負義的你
舊時亦給拋棄 彷彿遊戲
人是一個食一個 無天理
她就你 傾慕你
而劇情沒有轉機 公道的你
被人立心玩你 乘機出氣
＊初戀當然歡樂 失戀當然失落
逐日逐月逐年地兜圈 輪著感覺
當初戀戀收穫 中間開始溝薄
到了愛意散落 然後有新主角
或是冷靜易角 或是眼淚交錯
但是每人有幾位主角
在你心裡輪流轉
有些比較閒角 有些是你命中主角＊
離別相愛和失戀 和恩怨
不斷轉 不斷轉
如未曾遇上精選 怎樣打算
未能讓它終斷 由它打轉
REPEAT＊
初戀當然歡樂 失戀當然失落
逐日逐月逐年地兜圈 微妙感覺
當初戀戀收穫 中間開始溝薄
到了愛意散落 然後有新主角
或是冷靜易角 或是眼淚交錯
就是各自有千種風光
合到分彷如罪惡 新歡補誰罪惡
你當然也絕不知覺
奇妙旨意在天國 不擔心無主角
他可能在下一轉角
其實唔係太喜歡呢首歌,但係都還可以...雖然都唔喜歡有d"溝薄"的字眼出現...個Beat幾好,唱得好!
話時話,之前一買就買咗三隻"星戰"畀我好親的人...(其實好想買多隻畀大家姐架,不過怕嚇壞個Sales,上倉咩~!)哈,我仲發揮我的師奶本色(唉,買餸唔講價,買碟反而講價!)
問:"三隻古巨基<<星戰>>有冇得平?
答:我哋賺得好微架咋!
問:我仲想要埋孫燕姿的<<完美的一天>>喎~ ($77,底啦,遲d想買反而要$100~$120!)
答:平$6啦...
心道:Yeah,你每隻碟本身平均都平過地面舖$3-$5, $78都算平通街啦.每隻再平兩蚊...算啦,係唔係都買架啦!見好就收啦.
答: 嘻...嘻...我仲想要埋<<勁歌金曲KaraokeDVD>>($135)啦!
好開心可以一出碟第二日就去買.找數都係$440,算啦,個老闆又開心,個顧客又開心,Win-Win啦.
點解呢隻碟相對地平呢?我嚮Forum見到留言,好多人以為係舊歌翻唱!所以買碟的人少咗!我再聽真d"夢中人"首歌,發覺Mix到首歌都唔係原先王菲果首歌,歌詞都唔相同,就當係另一首歌咁聽啦,冇咁討厭,但係都唔鍾意.
我的<<星戰>>推介:
天才與白痴,一生何求,還是覺得你最好,純真傳說,甜蜜蜜.(Monica係上一隻的歌)
佢今次冇打錯歌啦.但係我又冇最喜歡的歌...都係以前的好聽d.
其實"明星"都唱得好好架!不過都唔喜歡佢的歌詞.上文唔通下理,唔知講乜!
想聽呢d歌,按這裡再按上面Play掣
星期二, 11月 01, 2005
百度網站都搜尋到我的Blog呀
試吓嚮百度網站打"拍照时怎样给顾客摆造型"你會見到我的Blog出現,我是從我的Statistic Counter 度見到有唔識的人入我的Blog,個途徑竟然係咁!
6年零6个月
...当婆婆见到我拍照时,她会说"哎哟",好像很怕羞似的,很是可爱.(往后几天,我也"中了哎哟毒",有时也不自觉说了呢...#...南山旁有一家玉石店子,玉石老板正在为顾客精心挑选合意的玉石.顾客都笑著以高价争相抢购,为老板带来不少财富....
wayitanki.blogspot.com/ 125K 2005-10-30 繁体 - 百度快照
6年零6个月
...当婆婆见到我拍照时,她会说"哎哟",好像很怕羞似的,很是可爱.(往后几天,我也"中了哎哟毒",有时也不自觉说了呢...#...南山旁有一家玉石店子,玉石老板正在为顾客精心挑选合意的玉石.顾客都笑著以高价争相抢购,为老板带来不少财富....
wayitanki.blogspot.com/ 125K 2005-10-30 繁体 - 百度快照
訂閱：
文章 (Atom)