今次己經係第二次實習啦.因為太匆忙,竟然會留底咗最重要的"電池"好在同學仔肯借我影咋.如果唔係就要交白卷啦.
今日的攝影課題係,人體攝影...即係個Model著得好少,或者真空咁畀你影.主題係身體的各部位的美態.要做到就算影緊重要部位,都唔係表現色情的感覺.d相要用想d象力去觀賞.例如將皮膚的質感表露,影下旭日初昇,河流之類,再唔係影到個屁股好似個沙漠山丘咁都得.
雖然阿Sir要求我地有十張相見得人,但係我就.........都唔知自己影乜...總之都係再次失敗啦.
入嚟睇要有心理準備,雖然我影得唔好,都請尊重呢個尊業的Model啦.
http://333.fotoc.com/dunkey6_6/v/lesson2/
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
3 則留言:
其實我唔識影相,不過我覺得IMG_2743.JPG 幾好呀.我唔知點解,重知覺得個張睇落的燈光幾好,好有對比呀!
嘩！！！！嚇死我啦，咁都得，係咪有好多男同學架！！！你影的時侯有無覺得ｅｍｂｒａｓｓ呢？？
我估,根據阿Sir的尺度,我咁樣影,可能已經算做"色"多於藝術,不過我對自已的"作品"都唔敢講乜嘢啦,因為掌握光暗的技巧欠佳,所以唔知算唔算ok.我自己比較喜歡img_2874同img_2895.
未去影之前真係怕尷尬,不過其實阿Sir講解得好清楚個目的,所以都唔會尷尬,反而因為我影得唔係咁好,可能會失去原意,我估睇的人會尷尬過我.
發佈留言