爸爸的電話

今日爸爸竟然主動打電話畀我,而唔係因為電腦出問題而找我.這幾天,可能我返過屋企,同爸爸媽媽講,忙咗一排呢排冇咁忙,佢地就真係以為我好得閒?? 上星期五,返工時間,媽媽打電話畀我,話個電視機HiFi開唔到,冇得睇電視.於是,我又要返屋企幫手睇下有冇得救.點知全部關閉再開都唔可以著返部HiFi,只可用個電腦喇叭頂住當先.有時候,會想,可能佢地想見下我,搵d任務我做下,咁我就不能不回家.

今日下午,爸爸打電話嚟,原來係爸爸同媽媽又鬧交,爸爸應該係怕媽媽有乜事,所以搵我叫媽媽返屋企.問清楚,原來又係嗌d小事,煲藥,同用個燒黑咗的煲,咁都嗌一餐!!呢兩個老人家加埋過百歲,仲玩d咁的嘢,真係冇佢地收.

我真係好激氣,百世修來同船渡,千世修來共枕眠,為什麼日嘈夜嘈?有d人,想嘈都冇得嘈,可以共處的時間又有幾多呢?鬧交真的要這樣嗎?平心靜氣,百忍成金不行嗎?說道理不成嗎?