123:09

mabel打電話同我商議明日去迪士尼大計,講吓東講吓西,如果唔係Mabel話要執嘢,我諗仲有排傾,睇怕聽日"Camp"...(住酒店),我哋又要做熊貓啦,收咗線,望吓我個電話Display,我哋竟然傾咗123:09分鐘!!兩個鐘零三分九秒!!!!!!!


天!!其實都唔係我哋傾得最耐果次...要數,應該係大半年前,我同你傾到四家姐叫我沖涼都唔沖,阿媽叫我食生果又唔食,叫我幾次都唔肯瞓,我仲係咁"薯"...叫唔好嘈我.到四家姐頂唔順熄燈,我哋仲"雞啄唔斷",係咁傾,一路傾起屋企人,以前的事,你去英國的事呀...你的家事...


回想番,以前都冇好好關心過的朋友,真係好彩仲有個機會可以再相聚,又可以再一齊傾計,以前錯過咗的時間冇法子返轉頭,希望以後可以做番好d...


真係好開心...


不過.............


我都仍然欠主動...朋友,有時間要找我哦...!