新城勁爆豬肉獎

往年有四家姐同阿Dee同我一齊睇電視頒獎,仲記得前年見古巨基講"其實我好喜歡唱歌架",我哋都一齊眼濕濕.今年得我一個人睇咋,冇得同佢哋一齊睇啦.


睇咗一大半的新城勁爆頒獎典禮,幾乎有出過碟,有到場的本地歌手都有得攞獎.


本來邊個攞獎都冇分別.但係都好想睇吓李克勤同古巨基的現場版,唔...始終都係克勤定d好d,唱得好d.見到Eason都攞獎都幾開心,因為佢隻碟都幾好聽.有d歌只係啱佢唱,好似"浮誇"啦.


呢三個人都出咗兩次場,每個都攞三四個獎啦."勁歌金曲","星戰碟","天才與白痴","U-87","浮誇",再加上勁爆男歌手獎,應該仲有投票獎.克勤就以"情非首爾",同"李克勤-演奏廳"攞獎,最奇就係"佳節"係成年前的歌,竟然都記得分個獎畀佢喎,真係喜出望外! 親自填半隻碟的詞,當然可以多個豬肉獎(唱作人)啦.(但係我都一樣支持架!)


啱啱聽到,唔係呀嗎?"明日恩典"係原創歌曲?咁Amazing Grace呢?原創=抄?!有冇講錯?


周杰倫都攞唔少豬肉.見到佢攞獎時個樣,好似成日都好茫然咁.


睇呢個Show,好似成日玩VS咁,舊有舊鬥,新有新鬥,好似安排出場次序唱歌,鬥一番咁.


古巨基,李克勤,有機會爭多d豬肉,所以好明顯係有心安排佢地一先一後咁唱歌.
陳奕迅,劉德華同周杰倫唔駛爭都分到唔少豬肉.
容祖兒,楊奷嬅,個陳慧琳唔出現,少好多獎,何韻詩的人氣都唔弱.


側田又好似地位超然過好幾個唱作人,周國賢,張敬軒咁.


王菀之又好似超然於Janice,鄧麗欣,薛凱琪,官恩娜等等...


吳卓羲都有獎...別怪他,佢要多謝欣兒.


兩個超級女聲,好Man架.唔知真係以為係"超級男聲"!不過其實係幾勁架.


好似個個都有獎.唔講咁多啦.


最想都係聽克勤同巨基唱啫...上年頒我最喜愛男歌手時,自己都打一次架,邊個喜歡d呢?原來我係希望古巨基攞獎多d,但係就覺得李克勤應該攞,最後因為少d人投克勤,所以我都"鄧"佢唔抵.今年,再唔係佢攞,就幾失望囉.