暖笠笠雞翼一丁麵

雞翼一丁麵

仲有"樹樹"食

冷天本來也不想洗碗的,正好因為有幾個西蘭花,唔煮會浪費,所以今日又要開爐啦.


我自己煮,其實都唔多健康,因為都係成包麵料落哂,不過勝在唔駛出街暖笠笠.

今晚煮聖誕大餐

My private christmas dinner

白汁蜆肉帶子螺絲粉

今日聖誕節,本來係一個普通不過的節日,頂多都係早放半日同下星期一有假放咁大把.最好就係可以三五知己見下面玩下.不過噚日無啦啦早半日收工變咗比平日更加遲收工,真係要多得個Vendor咁落力,搞到我冇得走,真係唔識做人.不過算啦,反正都係冇乜邊到去.

"今朝"一起身就係同媽媽飲茶,跟住同埋三家姐一齊去shopping.媽媽仲買到件紅當當的外套添.今日,媽媽終於買到佢的天王椅,真係好啦.佢最鍾意拉筋的功能.但係要成二月頭先有貨真係等到頸都長,仲駛乜拉筋?!

呢排成日煮麵食,想轉下口味,於是乎試下煮螺絲粉.又話晒叫節日啦,對自己好d,搞餐勁既先.其實煮多幾次會熟練d.今日等咗半個鐘先等到d帶子解凍咋.好在冇煎燶到咋.帶子係原汁原味乾煎,螺絲粉生咗少少同乾咗少少,第一次整係咁上下架啦,還算合格.

攞命情人節

其實情人節呢d商人"煲"出嚟的日子真係好唔想中計,不過,就當係一個機會對下佢好d,呢排成日OT,乘機早少少收工咁都好丫. 於是ghost又叫我快d走啦.


平時成日出街食,可恨呢類日子,連出街食都要搵位,仲幾搵人笨.既然早收工,就自己煮好啦.


幾乎成一年冇煮大茶飯,買起餸就最頭痕,之前見Kathy介紹的菜式好似幾好咁,雖然未試過煮,膽粗粗就試下啦.


買買埋埋一大堆....



結果就有加左料的羅宋罐頭湯,同煙腩肉露筍卷拌意粉,另外再加一碟菜,味道都似返出街食.



不過煮咗成個幾鐘,真係好攰,最攞命係食完大把嘢洗!