粉嶺一天遊 - 觀光有機士多啤梨園

今天很高興可以和Mabel,PuiYee,Ginny一同去摘士多啤梨.之後仲上咗Mabel屋企探下仔仔同Smartie,仲一齊打邊爐添.雖然今天低溫,但陽光充足,很適合摘士多啤梨呢項活動.其實都唔係好凍.

觀光有機士多啤梨園 Strawberry Garden
http://www.yl.com.hk/sbg/index.html
正價$70,聖誕$60,冇入場費，一組人買滿三磅每磅$50.

其實我也不大喜歡吃士多啤梨,但看到她們三人很歡喜地摘,我影影相也樂在其中.果園場地也不俗.老闆還會接送往返小巴站及果園,很是方便.

我們一邊摘,一邊影相,很快就摘滿三盒,最後入盒其實要分六盒.PuiYee還請我吃士多啤梨呢.

上到Mabel家,熱情的仔仔&Smartie,來來回回走來走去了半天才安靜下來,可憐PuiYee一直小心翼翼地坐,而Ginny則自在地跟小狗們玩玩,還影相相呢.






收到了PuiYee墾丁的手信手鍊,我也給了聖誕禮物,是很可愛的雪糕cream cream,可惜Iris沒來呢...

可惜今天Mabel失聲了,否則可以暢談一會.估不到晚飯打邊爐還真的便宜,不是任食的,但卻有$68套餐包蘿蔔腐竹魚肉湯底連牛肉,炸響鈴及金菇,我們另叫西洋菜,白菜仔,鯇魚片,豆腐,四寶丸,雲吞水餃雙拼,每位只需$65咋,食物質數不錯,真的抵食.哈...唔記得影相留念呢...下次想打邊爐,去開粉嶺真的可以一試.

勇氣

5年前幫哥哥買咗一部Notebook,用到上個月終於都掛了,又搵唔返recovery disk,哥哥都頂唔順要買過部啦,今次有d急急地,因為我好耐冇睇Notebook,要搵到好的選擇真的不容易.本來以為揀定ASUS,平得嚟又好似幾好,價錢仲可以平多$500,不過最後又因為怕個 OEM OS 會出事, (09年12月的問題,講到依家都唔知係咪仲係放賣緊果批機,冇乜信心,加上去幾間舖頭試用,連Notepad都開成一兩秒都唔彈出嚟,好似唔多smooth.....

其實買機同揀女仔差唔多,又要睇佢外型,又要睇佢內涵,要精打細(計)算,快取記憶(體),但係好快洗腦(因為係RAM嚟,唔記住d衰嘢),仲要睇佢滑唔滑,"面色"好唔好,大唔大食(電),要慳(電同$$),要唔要修護,保養好唔好,仲有聲靚唔靚,最緊要係可以Multi-task,同埋出得廳堂,入得書房 (入得睡房...oh,唔好心邪!) 哈,Wireless 嘛,唔好咁"痴"身,但又唔可斷線,仲要可以充電,同放電添!!


咦?!好似離咗題!咁最後,啱budget的就買咗 Lenovo $7330 (加到4G ram),

終於揀咗 Lenovo - Model : Y460a,White Palmrest
- 14" LED 1366x768
- i5-430M (2.26GHz, 3M L2 cache)
- 2GB DDR3 +$350 to 4GB =>$7330
- 500G 7200rpm SATA
- ATI Radeon HD5650 1G VRAM
- DVD,WLAN 6 Cel,1.3M cam, HDMI, BT2.1, JBL virtual surround
- Win7 Home Premium 64-bit
- Mouse, Cleaning Pack, Carrying Case
- 1yr on-site warranty

歌手：梁靜茹 | 作曲：瑞業

填詞：光良 (對不起了,又玩改歌仔)

＊終於做了這個決定　別人怎麼說我不理

　只要你也一樣的穩定

　我願意　天涯海角都帶你去

　我知道　真的不容易

　我的心　一直溫習說服自己

　最怕你忽然突然當機＊


＃買真的需要勇氣　來面對流言蜚語

　只要你一個掛就死定　我的錢就沒意義

　我們都需要勇氣　去相信可再升級

有朝一日我又放棄你

　放二手去拍賣　可以重生＃

REPEAT＊＃


如果我的堅強任性　會不小心錯介紹你

你能不能穩穩定定　我雖然心太急

更害怕錯過你

有興趣玩獨木舟嗎?

有緣人可回覆... hee...

集合地點:西貢斬竹灣
集合時間:7月11日 8:xxam (to be confirm,可能一起從西貢碼頭撘的士 ~10min車程)
活動時間:8:xxam - 5:00pm (不包午餐,~12:00pm外賣午飯), 至~5:00pm 西貢解散

大部份是初學者,會按人數再請足夠敎練 (需提早預約)
每位學費: $120
初學者的課程 (一星):主要是向前,向後,反艇的應變 - 通常第一天已經可獲1星證書
二星課程:他人反艇,助救方法
三星課程:反艇的自救方法,等等....(我都唔太清楚架啦)

還有進階課程,等有興趣再問啦...

裝備:
帶多對鞋(suggest白飯魚,可防貝殼所傷)入艇使用
80度或以上戶外高防曬太陽油
帽及長袖衫(水中使用可免成燒豬)
有簡陋沖身更衣室

其後每日期(按約敎練及時間而定,通常是整天星期日)可選擇參加與否,
進度以Log book記錄,因此每人的進度可以不一,
惡劣天氣情況下會取消,所以一個夏天也沒很多適合時間呢.

+++++++++++++++++++
請於星期三前回覆
+++++++++++++++++++

Lonely K

兩個Lonely 人一起去唱K...哈哈,唱三個小時啦,都好似好快就過咗咁,如果有多d共同認識的歌就好了,但我已經兩年冇聽新歌啦,真係out 爆全場. 聽聽K唱K歌,也很享受呀.

學下"新歌"先..."每天","同一個遺憾","肩膀蜻蜓","PS I love you"....其他無寫低添....

我今日終於都見到"紙婚","Missing You","壞人" 啦...仲有超難唱"今晚你想念的人是不是我", 真的唱不來...哈...

緣份到？

哈，因為"你"沒出現，造就了"我們"，了解加深了。緣份是很奧妙的，不知何時會到，但時機到來，只要打開心屝，原來緣份已經悄悄到來了。

非常一月

今個月過得特別快,大部份時間被逼分配於工作,忙裏偷閒的只可以從瑜伽,找找朋友見見面來休息,連家人也少見了.快一個月沒見到晴晴了.

近來Chung的小寶寶出世了,本來也想探探他,不過新年見面,應該是個好時間吧.

很久沒有約快要做"便衣天使"的Berry了,上星期一同看Avatar,雖然傾偈時間不多,但每次難捨難離的我,今次送她到車站,又傾一陣了,回家途中亦在電話中滔滔不絶,沒法了,這陣子多苦水.吐了就好了.


今天是Kathy生日,本來想去較特別的地方,不過最後還是去了"鐵竇".至於禮物,少少地還是希望逗得一刻開心.


P.S...明天是Iris生日呢...很久沒見了.

Mic Mic新居

今日同Berry一齊去Mic Mic 新居到探Mic Mic呀,Mic Mic屋企好大呀,今日佢爸爸唔嚮屋企,得媽媽咋,一入屋又要媽媽搵佢出嚟,原來又係"lay"咗入梳化底,要媽媽用菜菜子引佢出嚟. Mic Mic 雖然好似大定咗,但係d毛色就有d唔同,多咗少少灰灰的毛毛,仲有長長的鬚鬚添,不過都好似仲係好乖咁.

Berry買咗A1-Bakery的大福(有芒果味,又有朱古力咖啡),Mic媽又有蛋撻喎,真係好飽呀.


berry係第一之見mic mic架,但係mic mic好似都幾"黏"Berry,仲跟佢入廚房添.Mic Mic又會"捐"人"細籠門",我唔好意思,嚇到走咗,不過第二之避唔開,畀佢過咗添.


之後又係交換禮物時間啦,今日我又買咗好"呀jar"的禮物啦,不過搞下笑啫,係疑似Happyfarm 的 紅蘿蔔,同Restuarant City 的蝦Sushi,好靚好Sharp的橙色呀,我好鍾意架!

Berry的禮物係同佢一樣得意的兔兔日曆,同Meow Meow日曆,多謝您呀!

而Mic媽的禮物都係實用的沐浴白滑套裝...只係我仲未記得用呢...

之後我地睇咗好多相,Random 時序,又可以追查02年11月到12月所發生的事...真是"有相為證",仲有miss朿花...見親佢都捧住,真係好抵用.

話咁快又到夜晚,食埋個芒果啫喱先去食燒鵝,多謝Mic媽...今日似我媽媽...食足全程,哈哈!

係喎...Berry同我"私底下"仲相約佢睇Avator添,希望買到飛啦.

雨中長洲

今日相約 Pui Yee, Ginny, Mabel 去長洲呀,一早就約好咗今日,點知天公不造美,下雨呢,真掃興.

不過轉為美食團,都唔錯呀!

之後竟然走咗去皇雀會食晚飯,聽歌,一邊慢慢打麻雀,一邊睇"爸不得爸爸"大結局,不過打咗三圈都係返屋企啦,如果唔係就太夜啦.

聖誕節2009

今天兩個活動在同一天進行,下午聖誕節+12月之星生日會,今年又多一個新成員,場面更加墟憾!

夜晚約了chung & chung 嫂,Yi & Yi嫂一齊玩新的大富翁咭,之後叫Pizza & Chicken 食,再抽禮物交換.

好耐都冇乜同d朋友見面,媽媽一聽到約咗朋友,又扁嘴,聖誕節嘛,放我幾晚啦!

咁又過咗一day 啦,好似時間好唔見駛咁.聽日就長洲行山...但好似會凍喎.

小欖燒烤場之香港好波

今日約了一大班舊同事到小欖燒烤場燒烤,雖然我對燒烤沒甚興趣,但是久違的氣氛又回來了.傾下計真的不錯.可是知到了幾位朋友的身體有點毛病,希望各人都早日康復啦.


今天更難得是一起看到電視直播的東亞運(日本對香港)賽事,打了一場精彩的爭氣波,最後一球十二碼,看到一點淚光!

啤梨生日K

哈,好日唔見,一見又係唱K...其實都只係想搵個地方長d時間傾下計,但係一邊唱,一邊傾,似乎又有d難度,因為三個人,唔係你唱,就我唱,再唔係就佢唱,我地傾計,又想加把嘴,唱得就"撘唔到嗲".

之前同KHC寫咗個K list,講咗要唱的有:

園遊會
十惡不赦
戀
時光機
翅膀
我還想她
Missing You
我不以為
我知道 (by2)
橘子汽水
下雨天-南拳媽媽
記得忘記
忘記傷害
你是我的眼

唱咗的卻只有....

阳光宅男
一千年之後
說好的幸福呢
給我一首歌的時間
江南
沒有如果
魔力
明天以後 - 林峯/泳兒

睇怕下次真的要帶List唱K啦.

好在後來唱完K,去食糖水先可以傾少少計咋.時間真的太短呢,說好了,下次來個戶外的...離島又好,澳門又好,玩一玩真的不錯呀.

士多啤梨蘋果橙

今日士多啤梨,蘋果,橙,組成"聲沙沙奇兵"一齊去唱生日K, 話就話加x紅七折K好抵唱,3人行唱兩個鐘多d就畀人Cut!好唔夠喉呀...

好在之前之後都有時間傾下計,仲一齊玩下手機影相相,真係估唔到會變成交換禮物呢,多謝你地的熊熊眼眼同姆明鈎鈎呀,好開心呀...士多啤梨好得意呀!

新年發大財

今日去咗舊同事的屋企玩"魚蝦蟹"同"射龍門",好開心呢,因為又可以見返好耐冇見的舊同事呢.就好像時光倒流...幾乎每年新年都會到他的家玩玩.

今日嘗試用小本"2元"入"賭場",試一試博彩的心理,所謂少賭怡情,心想,輸了2元就算了.當然希望可以玩久一些就夠了.

幸好,我還不算很倒運,剛玩了不久,用2元的本金最高可以變成10元了,已經5倍利潤,該收手吧?(哈,割禾青?!),當你還是用贏返來的錢繼續玩,好像不太在乎的,雖然每每得利的時候都會少少興奮,而且跟住新任"賊公賊婆"一齊下注,果然有收獲,不過十賭九輸,漸漸都倒輸了.最後就連最初的兩元都輸了.哈哈,輸少當贏吧.

之後再玩"射龍門",估唔到今次竟然可以畀我"返本",仲有x2.5的收獲,有多三個大洋的進賬,其實"塘水滾塘魚",就算贏輸都是大家開心吧.

今次見面只係好短時間,下次真的想去打下羽毛球,希望佢地唔會嫌我"渣"啦.

生日戲票

今日新組合crossover一齊去睇戲,本來要同佢做生日,不過因為時間關係,仲要主角親自買飛添...

今日食晚餐,因為要方便買飛,於是去咗"巴黎咖啡室"食晚飯,呢間小餐室,有1x個餐,但係要乜冇乜,仲要係冇凍飲.不過可以添飲花茶,服務還可.

雖然來也匆匆,去咗匆匆,但係都可以叫做閒聚片刻呢.

今日睇咗"奇幻逆緣",係壽星女很喜歡的女主角同男主角呢,雖然個故事很特別,但係個片長真的長了些,有點冷場,但也不是太嚴重吧.中間也加插了些搞笑情節,七次被雷劈都冇事,真係一個好厲害的伯伯...片中也有其正面的訊息,但是並沒有令人很深刻的感受,可能剪片太留手了,不過亦可以看到這片的心思,前前後後總是有很多呼應,而且特技及化妝也應記一功.

單車同樂日

大眾踏單車郊野上....四pair人真係空前絕後,由於成一年冇踏單車,所以又去咗個簡單d的路段,

來回沙田至大埔,不過未到大埔都折返了,因為已經太累了.

之後去到沙田廣場,仲巧遇四家姐同未來姐夫添.嘻嘻.

不過我被曬到出紅疹呀...真係奇怪呢.

乒乓會友

上次飯局講開想打乒乓球,如是無之啦啦又相約去打乒乓球.今日雖然唔齊人,不過都玩得好盡興.打完波,仲一齊"遊車河",再去"打冷",不過想食蝦又冇蝦,食"大眼雞"又無喎,好在個蠔仔粥,蠔餅,烏頭都好好味.食完仲去食咗綠楊的"XX滋味"食甜品,不過,呢間甜品的食品真係有點貨不對辦,下次都係唔好食裝修啦.

歡度週末

今日參觀了米奇屋裏的史納莎之一日觀光之旅,今朝一早起身,好緊張好緊張呀,8:40就起身,9:15趕上巴士57M再轉278x巴士,睇住57M巴士追住278x巴士車尾,只好等另一輛巴士啦.好在剛剛好10:00到米奇屋樓下.

第一站:會所泳池
因為Mabel未放工,咁我同珮兒就自己到會所游水,要自己入呢個屋苑,都唔容易,所以Mabel已經好細心咁畫咗個地圖,我地跟住嚟行就可以到達目的地啦.

第一關:首先要過守衛森嚴的大門,好在珮兒有住戶證,輕鬆過關.
第二關:上到二樓,遇到一度"古惑的門",好在清潔姐姐教路,終於過關.
第三關:搵一搵個會所先,依地圖顯示的橙色建築物,都好易搵到.

過三關之後終於可以游水啦,今次係第一次同珮兒游水,今年第三次游水,真係好開心呀.可以入秋都仲可以游水.不過游咗半個鐘,大家就開始傾計啦.真係好高興呀.

呢個會所管理相當好,好乾淨,游泳雖然唔深,勝在夠大,好舒服呀.


第二站:餐廰聚餐
食食食...傾傾傾...

第三站:重頭戲--米奇屋
終於等齊人啦,一開門,屋裏的史納莎已經急不及待走出嚟歡迎我地啦.黑玻璃鏡真係好好好好靚呀.加上白色的米奇頭大櫃,又唔會好cool,中間過百(過千?)件米奇&史納莎收藏,好好好靚呀.好可愛.
床頭都有米奇頭...日日都有住Disney酒店的享受. 安排得好好呀...成間屋都好好呀...

第四站:會所英式桌球
大家都唔知賽規,連桌球的擺法都唔知,因為Iris唔舒服,所以都冇加入混戰,自從Ginny入咗一粒,之後好耐都未發市.之後Ginny再入多幾個,原來佢只係第一次打桌球架咋,真係有潛質啦.

第五站:華潤"超市"
今晚留嚮到食飯,所以買少少嘢返米奇屋食,不過華潤真係冇咁多選擇呢...三文魚好好味呀.

第六站:米奇屋Part 2
Disney餐具真係好可愛呀...我地仲同仔仔一齊食飯飯添,睇到仔仔飲水水,佢真係呀...扮飲水,曳曳呀.


嘻嘻,傾咗好耐計呀,仲一齊睇"家好月圓"添同少少"玉女添丁",Mabel仲送咗個風筒畀我,真係又食又"leg"呀.盡興而歸,多謝多謝.

放下

今天瑜伽的時候,心靈已經平靜了.原諒了,放下了.

大日子

今日係好朋友的大日子,預約一年的booking,之前差d都唔記得.本來今日都想去另一個好朋友的屋企,不過因為我好懶惰,所以最後都只係留咗嚮屋企到.

新娘子真係好靚呀,希望佢地倆個幸福快樂啦. 今日仲好意外地見到一位特別來賓,唔知有冇機會約出嚟再見下面呢?

閒聚片刻

今日見了幾個月不見的好朋友,Agenda非常多,正式收到喜帖...約了一年的旅行又延期了...

不過,約下打乒乓球補償都好丫...雖然相聚時間很短,不過很快又可以再見了.