記錄-提親

樺爾媽媽及樺爾一同來提親,出門前竟然沒打個電話通知,我還剛吃過早餐吧.... 6_#
連忙回房換衫,幸好四姐有代我招呼伯母.
就像媽媽說結緍是兩個人的事,請飲只是儀式而且,派餅咭也是通知一聲吧,又簡單,又不用勞師動眾,豈不是更好?可能以前姐姐們出嫁搞得太盛大,嚇怕了媽媽了,煩瑣的細節更令一切的事情變得複雜.一切從簡,令雙方少了很多不必要爭拗.媽媽真明白事理...我也樂於不必做Show...hehe
就是這樣...真的好像閒話家常,沒有說太多細節,就連婚期也由我們自己定下...

相識6年多,就這樣定下婚約.

平安晏

平安晏去左沙田UA睇"功夫"...哈哈..好在我冇當佢係笑片咁睇.其實天下文章一大抄...d戲都係一樣啫...只係抄的方式你接唔接受啦.紐約風雲的斧頭幫,DiabloII個阿伯造型...龍珠的天空十字拳加如來神掌....真人演的卡通片...都唔係新嘢...不過用古箏的樂聲加上手指的彈撥發出殺人的劍氣...同呢三個武林高手打o個場都幾好睇呀.其實最初場景懷舊的畫面都幾好feel呀,仲有"瘦仔水"的廣告...都幾頂癮呀..
不過我就唔多鍾意個元秋嘞.黃聖依個角色就更加唔加好過加啦.有d笑位,你就算估到都係笑出黎...
好似飛匕首o個幕,你可以估到佢飛極都係中個肥仔,同插返把刀入同一個位置咁...但都係忍唔住笑左出黎.之後個元秋用個金鐘罩做大聲公我就估唔到嘞.
不過去戲院睇戲就有時唔係幾好,因為有d人總會因為係睇緊笑片就入場到完場都不停笑 6_-!
"喂!咁入戲院睇戲都係為笑吓咁啫!"~~~但都唔駛係又笑,唔係又笑架!唔會騷擾到人哋咁就由你啦.