迪士尼之第二之旅(中)

結果:


1.因為我按捺不住...有成個幾鐘,大家都要就住就住......


2. 媽媽開心程度....應該有70呱?
媽媽玩咗佢從來未玩過的旋轉木馬,媽媽望住人哋玩話好驚暈,望人哋玩真係會有d暈架,我叫媽媽唔好望,媽媽玩完都話好.


同媽媽睇到佢冇見過的4D特效電影-4D米奇狂想曲,同佢一齊玩巴斯光年,媽媽成個大細路,玩到Level5架!影咗唔係好多相,又好"琴青"食Buffer,仲要媽媽等我哋門,心掛掛.


3. 同四家姐去咗樹屋冇咗好多時間,原來大家都悶...
四家姐13:40到達,我同佢門口到影聖誕飾物,好靚架.

如果可以,我想將18:15-19:40的時間忘掉.
其實呢幾日打呢一段字打咗好耐...因為成日喊,都冇心機打落去.呢個係補返既.

去完樹屋,樺爾就開始要揀禮物,又話個"發癲熊"好得意喎...車!乜就係咁咋.

搞一搞睇隻"發癲熊"連尾班火車都冇得坐!5:30p.m.就摺咗!冇得一齊坐,我開始有少少唔開心.

之後去睇個聖誕倒數同飄雪,咁辛苦去等,仲以為會好靚,原來唔係真雪嚟架.其實想去睇,係以為可以同四家姐影吓相.


倒數之後,媽媽又掛住向前行,四家姐又話向前行唔啱,就同Mabel停落嚟,我就嚮中間,又要叫前,又要叫後,樺爾又追唔到媽媽,好混亂.


呢個其實係導火線之一...


之後又到樺爾要幫人賣嘢.一日都係樺爾的同事的朋友,要埋d冇得賣既嘢,話要個有立體"M"字的Winnie The Pooh Cookies,其實得蜜糖鑵咋.樺爾搵極都搵唔到,睇完倒數,佢又走咗去再搵過.


之後樺爾又話公司加碼,有$380購物Quota,佢要賣嘢.


媽媽又開始要坐,佢跟咗我哋成日,已經好攰,我唔想佢兩頭"tun".以為揀禮物畀幾個BB,四家姐都會一齊揀,我一直都忽略咗四家姐,其實佢開始有d唔高興,佢想影相,咁我就以為畀部相機畀佢同媽媽一齊影相會好d...點知佢又好以仲唔高興,好似我就走去行,留低佢同媽媽坐,唔知做乜咁.


四家姐係咁問我"時間"的功能,我反覆講咗幾次,自拍時間的張數同時間,我仲set好咗同佢話唔駛再較架,點知佢都好似唔知我講乜咁,佢仲話我當佢係傻瓜,我好寃枉,我話佢屈我...我哋就係咁開始嗌交,我話佢畀黑面我,佢就話我屈佢...


媽媽都勸我哋唔好嘈,Mabel又Call我話佢同樺爾嚮邊度,我就唯有走出去搵返佢哋.


定一定神之後,其實咁少的事有乜好嗌丫,我知我"猛"佢,係我唔啱,如果佢講"快門",我就會明.


有乜好賣丫,d假飄雪真係好煩.


我知道我太"猛",想同四家姐認錯,唔想破壞成個trip...好Worse...想好似平時咁氹BB咁氹四家姐..."錫錫啦"..."鍚返啦"...但係佢都唔係好受...如果阿Dee都嚮度就好啦...


四家姐過咗嚟攞個相機去影相,我以為佢冇事啦,以為畀佢冷靜吓啦,之後佢畀返我又走再咗去,點知阿Dee打電話嚟,佢問我搞乜嘢,我唔知點答佢好,因為我一答佢,我會忍唔住喊啦,我唔想提起啦.


@#$#@$ 一頭煙,我都唔知可以跟邊個好...如果得我同四家姐,我唔會放佢走...唔知呢,可能我的痹氣真係好差...


我冇心情買嘢啦.之後仲"猛"埋樺爾,佢竟然頂得我住,真係一個高人!


我怕四家姐喊完凍,想同佢講叫佢著多件衫呀...但係打電話畀四家姐,佢好似仲喊緊.


當四家姐同我講話,"我自己都冇玩過旋轉木馬,我自己去玩啦....."我聯起孤單,孤獨的情景...好寂寞...對唔住呀家姐,我其實我想同你一齊玩木馬呀.我知,你同晶晶玩木馬的回憶係最開心...我本來...依家,我應該係你最差的回憶吧?我終於都忍唔住,喊咗出嚟.對唔住呀.


當時好多人望住我,就嚮一間燈火通明的舖頭度喊...媽媽都過嚟氹我...Mabel見我喊,佢都喊埋添,我同佢就攬咗幾秒...朋友的膊頭原來係咁好駛架.


四家姐玩原木馬,好怕佢過唔到嚟,又要一個人睇煙花,我就去"接佢".我等四家姐返番嚟的心情,真係好緊張又好難受...終於都見到佢,佢叫我唔好同佢講嘢住,佢仲未控制到情緒...其實我咪又一樣...返到屋企,諗起都喊幾次,.. 6_<~~~~


依家都...


如果我有克制...點解平時都唔會咁...點解因為咁小事,就會唔開心?我明..好想一齊玩得開心,但係又好多失預算,又好失望,因為大家都太緊張...緊張反而乜都反了.


我終於都明啦,其實...我係想同佢好似上一次同Mabel咁,20:00-21:00先去玩小飛象同木馬.因為唔駛等咁耐...


其實好多遊戲我哋12:00入到去攞快證都排到19:00啦.好似Winnie The Pooh同巴斯光年咁,其實唔係唔等你去玩,係冇入到場的門票,攞唔到FP.


如果我有好好計劃過行程,可能大家都可以玩得盡興d.不過...我就揀錯策略,樹屋浪費好多時間,原來大家都悶...我仲掛住影相...-_-


如果同Mabel一早去樹屋先,用Mabel的門票攞快證,下午先同四家姐玩4D米奇狂想曲,夜晚先一齊玩木馬同小飛象...


如果...依家講乜都冇用!


Mabel特登畀個機會我同四家姐單獨玩小飛象,我仲拍低咗同佢一齊玩的片段添.玩原好似開心返d.四家姐其實都啋返我啦.


玩完巴斯光年,媽媽都幾高分喎,四家姐同我第一次都係一樣,都係Level 3咋!


同四家姐,Mabel一齊影相係最開心的時候,我哋玩到嚮好Grand的迪士尼酒店的走廊度跳起大字型咁影相.又影相話扮攞人哋房間的"請勿打擾/請收拾房間"的紙牌.大家都係咁笑!