迪士尼第二之旅(下)

講咗幾日唔開心的事,今日講返d開心d的事先.

4. 老公真係幾好架

其實今次有呢個Trip都係樺爾間公司出錢架,所以本來以為只可以我同佢去,其實佢好似對迪士尼冇乜祈望,所以玩乜,食乜,買乜,都要由我呢個冇主見的人作決定.不過佢就好任勞任怨,出發前一日又去媽媽屋企幫手攞定行李,佢真係以為可以一個人攞三個人的行李架!佢仲話佢當自己係駱駝,水呀,裝備都要佢揹.真係辛苦哂.


到咗一齊玩巴斯光年,其實我哋可以分開一人一卡咁玩,但係我就想同你一齊坐,因為成日都冇同你好好咁一齊...唔...不過你成日轉來轉去,都射唔到既?!嘿嘿,我多分過你,我係Level 5,你得Level 3咋.


樺爾呀,好似當我同任何人一齊,你都好似被忽略咁,同四家姐嗌交之後,我仲搵你嚟出氣添.但係你一d都冇嬲到!


老公,你的痺氣有時好到我都唔知你係聽唔到呀,定係你真係咁忍得?


唔...我成日咁對你,你會唔會有一日頂唔住架?


5. Mabel的注意力好驚人!


Mabel對於所有"米奇Icon"的物品的"警覺性"都非常高,一路行,聽到佢大嗌,唔駛問,一定係"米奇呀!"如果同佢玩"找米奇"遊戲一定會輸!同佢一齊影相,唔憂冇嘢影.就算冇米奇,佢的"自製能力"又奇高,總之佢腦裏面就好似有無窮無盡的米奇!


其實Mabel真係好細心,又有條理(我相信你的工作方式一定係幾好架,只不過你的同僚唔係好欣賞啫??)


呢一次的行程冇你安排,所以就...


有時影相,我就見到乜就影乜,佢又會排吓公仔,排好d先影.仲有,同四家姐一齊影想,我個頭成日都用嚟遮住的大光燈架!三個傻婆仲又跳又鬼鬼馬馬咁,影到三點!


哈,仲有呀,好彩有你提我用個喼裝我哋三個人的衫,先唔駛咁麻煩咋!多謝哂.


同你一齊走去Donald同"爸爸"間房攞埋佢哋果份靚靚浴室用品,真係好搞笑,Donald畀我哋屈到冇聲出,我吔就簡直係強搶...哈哈.佢哋本來想過返嚟搶返,不過女仔一句話"唔方便入房"我量佢哋都唔敢入嚟...不過呢,嘿嘿,聽你"爸爸"講起,話有人對你....起痰喎...聽講係個叫"羊奶仔"的人呢...哈哈,喂喂,諗諗佢呀?我想飲女婿茶....(係你的果個果杯喎...我唔要生女呀!)


話時話,你仲記唔記得你幾時做咗我個女架?知唔知呀?其實我有好多個"老婆"同兩個女,你同珮兒唔知點解做咗我個女既?


講開又講,你記唔記得邊個打邊個?你記唔記得呀,我就好似"收靚"咁,一個二個搵我過橋,咁就唔駛畀人問佢個"邊個邊個"!
大婆:馮寶芝
二奶:Giny
三奶:Berry
四奶:?潔雯(講唔到佢個名添...)
五奶:蔡??(老人癡呆添)
後尾Kathy做咗我六奶,我冇第七個老婆,做唔到韋小寶,反而多咗個老公....