噚日終於買到克勤新碟啦!

成日都冇時間當日就打日記,依家又唔可以back day,好似日日都係寫噚日發生的事添,睇嚟都係改名做"噚日記"啦.

原本話12/01克勤出碟啦,咁我就"啦啦臨"食lunch就去信和買碟啦,點知講第二日先出喎,真係呀,又話1號既!


第二日,我又去,今次有啦,$90!平時通常都係$7x~$8x咁上下,唔通克勤的碟真係咁好賣?貴d都有人買?


咁我當然就即買啦:"克勤新碟, x3,唔該!"


買完諗一諗,其實成日同四家姐買碟,不過呢幾次成日都想幫大家姐買埋,因為大家姐搬屋後冇咁方便,買得又貴,諗住買埋好d.不過買完又覺得好笨,因為買完唔知佢幾時先攞到手!$90又唔係特別平.搞到佢仲要等添.


其實買完之後第二日就去迪士尼,都冇時間聽,點知見到Mabel個Blog話買唔到隻碟喎!咁就心生一念,不如畀佢先,我再買過咪得囉.


我星期一叫同事去開信和買碟幫我買埋啦,點知佢話要$148!話,有冇搞錯.我就自己去旺角區其他幾間度睇.最少都係要$138!嘩,咁點好呀?!好唔順氣,點解可以抄高咗四、五十蚊?!我死都唔肯買住!


小學生數學,我買咗三隻碟,每隻$90,如果買多一隻要$138,咁每隻碟平均要幾多錢?
$90 + (138-90)/4 = $102!
用呢個計法,係唔係好唔順氣呢?!


原本樺爾同我講,我唔應該咁諗,有賺啦,佢話:
你一次過買三隻都慳咗$144啦. $(138-90)x3=$144 !!


咁我就話,如果我買多隻,咁我其實咪冇慳到囉! 144-138 =$6!!


於是我就祈望荃灣區有一間"唔Update"的價錢出現,去返本來不嬲都抬高幾蚊的舖頭睇,嘩都要$125!


原本呢,我都諗住唔買住啦!點知畀我嚮荃灣廣場買到$99喎!其實佢都抄高咗,不過佢以為好好賺啦.仲即刻叫人入多d克勤添!(睇佢幾時out咗搞到要減價~~)


其實拉勻,咪又係~$92!唔順氣!


算數,自欺欺人:
買咗先:($138-90) x3 = $144
唔買住:$125-99 = $26
多番:$90-99 = -$9
慳番:($99-90)x3 = $27 ~>_<~


結論: 點計,我都係平咗架!不過唔買就最慳!