好耐未試過

好耐未試過星期日同樺爾去荃灣以外的地方食飯睇電影啦.


今日佢去奧海城附近打完籃球,咁我就出去同佢食lunch,再睇戲.


本來以為唔會睇"如果‧愛",但係又想同阿Dee睇Harry Potter,所以留返同阿Dee睇.我就等樺爾揀啦.


起初的畫面好似好似曾相識.故事的女主角周迅利益為先,所以其實唔多討好.但係周迅都做得幾好.臨尾同學友一段都幾感動架.


開始睇,有點不耐煩,因為現在過去交錯太多,看得有點累,原來雪地上的情景是這樣的....就因為金城武的淚而有點感動.


但係就由金城武的痛開始,我開始Feel到少少傷感.如果睇呢套戲,要留意金城武最後講電話的一幕,佢的下巴會跳一跳架...最後,我還是落淚了.(註:我不是金城武Fan!)


至於歌,只係學友的埋尾的"如果‧愛"好聽,其他的歌都 -_- 不過要學友做呢個角色都算係咁啦.因為都唔駛佢做乜感情表達.不過個故事都可以既...

其實如果你睇過"紅磨坊"或"Chicago"呢兩套戲,想睇到相同的較果既,勸你都係唔好睇啦.


唔記得仲有個池真熙,呢個人扮演咗戲入面不同的角色,其實毫無瓜葛,就像樺爾說:"大牌K哩啡".我本身就唔係睇佢,所以冇被騙的感覺.