平安晏

一打日記,又係呢個題目,又諗起上年,係樺爾同我求婚的日子. 6_@#$%


都係唔好講啦.


今朝原本想同阿Dee一齊睇"哈利波特",點知連朝早都全場爆滿,又唔敢要佢山長水遠咁同我哋去其他地方坐前排睇.都係約過第二日啦.


之後同樺爾去咗個亞洲遊戲展,唔好以為我係因為古巨基做代言人的關係呀.因為樺爾都幾鍾意打機,我哋之前幾年都有去.今次,買咗古巨基的"星戰"CD,所以入場可以有份禮物.....Chair~~~~原來只係一個唔似古巨基的Figure公仔.


年年都係咁上下,入到去,見到既唔係遊戲,而係一大班"蜜蜂",對住d"蜜糖",猛影.佢哋入去似乎係只為攝影.又其實得幾個係靚女 (-_-)唔好意思,我對眼只係見到穿得較為性感的人,個身仲掛住個PSP畀人任玩任影....(最啱d"麻lud"佬啦.) 至於一班細路嚮到玩角色扮演,我又冇乜意欲去影喎.


今次會場大咗,所以覺得佢哋冇咁影響去睇展覽的人.


講到新Game,我其實冇乜興趣.但係見到有個真人示範的龍珠遊戲都幾得意,佢係靠一個Sensor,去感應人帶住兩隻戒指的Movement,可以出掌打敵人,擋呀咁啦,仲可以出龜波氣功添!


見到個示範係當你就係悟空,去娜美星打比達,傑紐,之後就到菲利大王,我睇到比達就好興奮,猛影!!!畢竟都係龍珠迷,對呢個Game都幾感興趣,但係樺爾就話冇乜難度,又只可以玩一個Game,望吓,嘩要495!都係唔好買啦.


去完Game Show,同樺爾落旺角買個大手掣,可以玩格鬥Game,本來叫佢噚日陪我買,佢又約咗人,搞到佢有禮物畀我,我冇禮物畀佢添.你知啦,我唔想一個女仔走去"好景"買嘢....有好多男人會同你講,"四仔冇格仔"架,今日去,仲話"情侶八折"...真係呀.


(嘻嘻,不過今日冇錢添,邊有人買禮物仲要人哋自己出錢架?!)


買完七點度,畀著係以前,我就成日要睇錶做人,到時到候返屋企,今年就唔駛喎,都幾Free呀.


本來想食雪糕,點知返到荃灣,已經冇意欲食啦,食聖誕大餐就冇啦,食麥當勞快餐就有.


返到屋企當然係第一時間試玩個新手掣啦.樺爾仲教我"Chock波",樺爾就好似教細路咁,要捉住我隻手玩.我Chock極都唔得,試咗好耐都係失靈咁.好難呀.