交換禮物

今日約咗Mabel, PuiYee, Iris, Giny, Jessica 打邊爐,打之前食Lunch,又走去唱K啦.


今日我地有間大房,真係好有Party feel,我哋當然唔會放過,又影吓相啦.Lunch K 都幾抵唱.我仲唱咗好多歌添.無論李克勤,古巨基,容祖兒的歌,我都唱咗好多好多....(唔....其他女仔歌都唔好意思再攞起咪唱...)


古巨基有好多新歌,大半隻"星戰"都有得唱,"一生何求","還是覺得你最好","純真傳說","甜蜜蜜","明星","星戰"Green Box 連"睡美人"都有得唱啦,Neway都未有.仲有周杰倫的新歌"夜曲"添,不過就冇點到.(仲點,成板都係古巨基啦喎!)


相比之下,李克勤的新歌反而冇乜,只係得"情非首爾"同"婚前的女人"有得唱.不過就同Mabel唱咗兩首容祖兒版的"我不會唱歌"同"大會堂演奏廰",啱返女仔Key真係好唱好多.好開心呀!之前同其他女仔唱,係得你可以冇甩嘴架咋.


我哋又玩交換禮物,Mabel抽到Jessica的香水,Jessica抽到Iris的碧咸咕o臣,Iris抽到Mabel的米奇電熱手枕.Giny抽到PuiYee的熊仔,Pui Yee抽到我的姆明變色燈,唔知佢喜唔喜歡呢?


而我就中頭獎啦,抽到Giny買的超級超額禮物,不過真係唔好意思,收到米奇米妮毛毯,諗住有其他人仲啱過我(好似Mabel,PuiYee,Iris等等都好合用),口直心快,仲講咗句:我要雙人喎,唔啱駛...哈哈,其實咁大張夠哂雙人架啦.嘻嘻,好彩之前想買毛毯,最後都係冇買到,依家真係啱哂....多謝Giny!(唔知你有冇睇我的Blog呢?)


之後到Mabel屋企打邊爐,我就淨係識得食.食飽之後,Mabel仲教我彈鋼琴的基礎,好開心呀...不過我就"黏筋",成日都彈唔到,唔知我夠唔夠耐性去真係認認真真去學琴呢?我最怕我的三分鐘熱度."想"同"肯唔肯抽時間"係兩回事,我係唔係真係"抽到時間"都成問題.畢竟,我都有個屋企人要"照顧".


今日,Mabel仲額外送多一份聖誕禮物添,唔知你買呢個旋轉木馬的時候係唔係諗住去迪士尼的情景呢?不過我...就諗起四家姐...唉!....我真係衰...唔,我可以面對佢既.唔....


我真係衰....我冇聖誕禮物畀佢哋....唔....其實,當我知道迪士尼的手信買唔到的時候,都買唔"切"啦...希望你哋唔好見怪啦.


說也奇怪,我其實係怕狗架,但係可能Mabel的狗狗太可愛啦,我又成日見到佢的相,所以都唔係咁怕佢.仲夠膽用手摸佢(哈哈...佢係我的"孫仔"呀...)不過有時佢的"仔仔"搞錯咗以為我係Mabel,腳仔踏上我度先知道錯咗,佢仲驚過我!


Giny同"仔仔"玩緊"老虎",點知嚇一嚇,"仔仔"就驚到撲咗去PuiYee度,PuiYee當堂大叫,又嚇多一嚇"仔仔",好在Mabel出番嚟,"仔仔"先冷靜吓.PuiYee仲驚過我...嘻嘻!


唔知點解...好似都冇乜同過佢哋傾計...唔係掛住唱歌,就係掛住打邊爐,再唔係就學彈琴.好似都冇乜點講嘢添.