登登登登!

噢!話咁快就到呢一日啦,忽然好興奮,瞓唔著呀.咪咪同魚魚終於都登登登登啦!好期待呀!

要幸福喲~!

祝你們......登登登登!

送你地一首歌~

《 天下無雙 》天下無雙天啦地啦
作詞：林夕　作曲：陳勳奇　編曲：陶一陌　合唱：王菲/梁朝偉

男：聽好啦　我想在你啦邊啦啦啦啦啦啦
　　一雙啦　啦你臉啦
　　拿著你啦啦啦
　　千啦萬啦陪你啦啦
　　我的話　好比那啦啦啦啦　啦啦啦啦啦啦

女：我想啦
　　哪有一天不想啦啦啦啦啦
　　巴不得　有個啦啦
　　對我說啦啦啦
　　啦長啦久天啦地啦

　　你的啦　是我的啦啦啦啦　啦啦啦啦啦啦

合：你啦我　我啦你　永遠啦啦啦
　　人生啦啦啦　難得啦啦啦
　　哪怕啦啦啦　大不了啦啦啦啦啦啦啦啦
　　千言萬語不外乎那啦啦啦啦啦啦
　　啦……………………………………………………
　　走天下　得一啦啦啦啦啦
　　就啦啦啦

聖誕快樂

各位觀眾,聖誕快樂呀....

單車同樂日

大眾踏單車郊野上....四pair人真係空前絕後,由於成一年冇踏單車,所以又去咗個簡單d的路段,

來回沙田至大埔,不過未到大埔都折返了,因為已經太累了.

之後去到沙田廣場,仲巧遇四家姐同未來姐夫添.嘻嘻.

不過我被曬到出紅疹呀...真係奇怪呢.

十年

相識剛好十年,你和我還有幾多個十年呢?

祝你開心-孫燕姿
詞/曲:伍家輝

每年就這天最特別 祝你開心 十年
雖然蠟燭是老一點 可是開心 十年
還想和你再手牽手 走過開心 十年
現在 就在燭光 臉靠臉
OH 親愛的請別驚訝 時空變換一樣愛你
祝你開心 十年
OH 親愛的請別哭泣 點燃回憶吹熄傷心
祝你開心 十年
多麼幸運彼此遇見
柴米油鹽才最可貴 呼呼
每年就這天最特別 祝你開心 十年
歲月是讓人老一點 可是開心 十年
還想和你再手牽手 重溫開心 十年
現在 就讓我抱你 許個願

兩隻腳板

今日同朋友一行六人去行山,由屯門何褔堂出發,終點小欖"帝濤灣",全程只需要2小時多少少就可以完成,是入秋以來第一次的行山活動.所以"領隊"選擇了難度非常低的"兩隻腳板"行山徑,是"麥理浩徑第10段"的其中一少段.除了起點的"幾十級"石階,其他路程都是平坦大路,不過有少少疑惑的是網上的"終點"不是那麼平坦的...而且我們轉眼就到了黃金海岸附近,莫非是提早結束行程???不過還是一次身心舒暢的郊遊.

今次郊遊,仲要多謝"司機"包車來回荃灣至屯門,先可以咁舒舒服服去行山,真係要"好耐都唔該哂佢".

希望今年可以多d行山就好啦.

Bicentennial Man (鐵甲再生人)

今晚剛好又錯過一套好戲,以前哥哥都推介過我睇呢套架,之不過每次睇都都係一個片段,有一次因為太夜,所以冇睇都個結尾,今次就只係睇到個結尾.夾夾埋埋應該都睇咗80%呱,不過我的記性唔係幾好,好想再睇返成套呢.

http://www.hkdavc.com/movie/v2-movie-0003-10.html

故 事 : 公 元 2005 年 ， 馬 田 為 家 人 購 置 一 具 機 械 人 做 家 務 ， 機 械 人 安 德 魯 異 於 一 般 機
械 人 ， 它 善 於 想 像 和 容 易 感 動 ， 馬 田 更 發 現 它 懂 得 發 明 。 一 天 ， 安 德 魯 發 現 身 邊 的 人 均 老 去
， 自 己 卻 沒 變 ， 他 決 意 流 浪 尋 找 自 己 的 同 類 ……

以 「 情 」 來 看 ， 機 械 人 安 德 魯 與 主 人
的 相 處 ， 對 小 主 人 的 愛 以 及 發 現 自 己 ， 找 尋 伴 侶 的 過 程 ， 都 頗 細 膩 ！ 今 次 羅 賓 威 廉 斯 大 部 份
時 間 都 由 頭 到 腳 穿 上 機 械 人 「 外 衣 」 ， 尤 其 前 半 段 機 械 人 面 上 毫 無 面 部 表 情 ， 的 確 頗 考 演 技 ！

至於我看到呢個結尾,唔知點解,只係咁短時間,就可以投入呢套戲的情節,睇到有點心酸酸.呢個近乎人類的機械人,為愛人漸漸改變自己,本來他已經成為一個好似擁有長生的"人",對於很多人來說都是夢寐以求的,但是當伴侶快要離他而去,就像沒有了生存意義,原來 "I can't live if living is without you"就是這樣的...結果他選擇了"慢性自殺",就讓自己"正正式式"成為真的人類,接受生死病死的定律.

看到這樣的情節,真的很唏噓,擁有生命是何等保貴呢,但當只有你一個人是長生不死,依然唔work,因為感情已經可以折磨死你.

話是話...如果真的有二百歲的人瑞,到底是怎麼樣的人呢?我只有想到兩個字..."妖怪"

乒乓會友

上次飯局講開想打乒乓球,如是無之啦啦又相約去打乒乓球.今日雖然唔齊人,不過都玩得好盡興.打完波,仲一齊"遊車河",再去"打冷",不過想食蝦又冇蝦,食"大眼雞"又無喎,好在個蠔仔粥,蠔餅,烏頭都好好味.食完仲去食咗綠楊的"XX滋味"食甜品,不過,呢間甜品的食品真係有點貨不對辦,下次都係唔好食裝修啦.

包容

星期日才看到阿Dee的家庭blog,見到"Mum & Dad"...唉...忽然想起呢首歌,想送呢首歌畀佢地聽下.

包容 - 克勤

曲:陳光榮 詞:黃偉文 編:陳光榮

誰太礙眼 無法習慣
假裝看漏眼
有陣時願意開眼盲 可減負擔
寧怨莫散 長遠著眼
放棄很簡單
笑著容納缺點最難 險中過關

* 不夠好 若果不忍心看到
就此假裝不見亦好
不投訴 早些忘掉更好
不夠好 若不小心親耳聽到
冒充失聰幾秒亦好
包容到 一起 至少能終老 *

難以入耳 傳到入耳
都不要在意
當未明白對方措詞 假裝無知
無法共處 仍要共處
對對都相似
對罵時讓你失了儀 怎好意思
Repeat *

不要數 大家怎麼不夠好
互相遮掩一下就好
不能看 不用聽
有點悲哀 不過確保
大家天天相見好
幸福皆因包庇互補
怎能說 一早 全知道

歡度週末

今日參觀了米奇屋裏的史納莎之一日觀光之旅,今朝一早起身,好緊張好緊張呀,8:40就起身,9:15趕上巴士57M再轉278x巴士,睇住57M巴士追住278x巴士車尾,只好等另一輛巴士啦.好在剛剛好10:00到米奇屋樓下.

第一站:會所泳池
因為Mabel未放工,咁我同珮兒就自己到會所游水,要自己入呢個屋苑,都唔容易,所以Mabel已經好細心咁畫咗個地圖,我地跟住嚟行就可以到達目的地啦.

第一關:首先要過守衛森嚴的大門,好在珮兒有住戶證,輕鬆過關.
第二關:上到二樓,遇到一度"古惑的門",好在清潔姐姐教路,終於過關.
第三關:搵一搵個會所先,依地圖顯示的橙色建築物,都好易搵到.

過三關之後終於可以游水啦,今次係第一次同珮兒游水,今年第三次游水,真係好開心呀.可以入秋都仲可以游水.不過游咗半個鐘,大家就開始傾計啦.真係好高興呀.

呢個會所管理相當好,好乾淨,游泳雖然唔深,勝在夠大,好舒服呀.


第二站:餐廰聚餐
食食食...傾傾傾...

第三站:重頭戲--米奇屋
終於等齊人啦,一開門,屋裏的史納莎已經急不及待走出嚟歡迎我地啦.黑玻璃鏡真係好好好好靚呀.加上白色的米奇頭大櫃,又唔會好cool,中間過百(過千?)件米奇&史納莎收藏,好好好靚呀.好可愛.
床頭都有米奇頭...日日都有住Disney酒店的享受. 安排得好好呀...成間屋都好好呀...

第四站:會所英式桌球
大家都唔知賽規,連桌球的擺法都唔知,因為Iris唔舒服,所以都冇加入混戰,自從Ginny入咗一粒,之後好耐都未發市.之後Ginny再入多幾個,原來佢只係第一次打桌球架咋,真係有潛質啦.

第五站:華潤"超市"
今晚留嚮到食飯,所以買少少嘢返米奇屋食,不過華潤真係冇咁多選擇呢...三文魚好好味呀.

第六站:米奇屋Part 2
Disney餐具真係好可愛呀...我地仲同仔仔一齊食飯飯添,睇到仔仔飲水水,佢真係呀...扮飲水,曳曳呀.


嘻嘻,傾咗好耐計呀,仲一齊睇"家好月圓"添同少少"玉女添丁",Mabel仲送咗個風筒畀我,真係又食又"leg"呀.盡興而歸,多謝多謝.

放下

今天瑜伽的時候,心靈已經平靜了.原諒了,放下了.

大日子

今日係好朋友的大日子,預約一年的booking,之前差d都唔記得.本來今日都想去另一個好朋友的屋企,不過因為我好懶惰,所以最後都只係留咗嚮屋企到.

新娘子真係好靚呀,希望佢地倆個幸福快樂啦. 今日仲好意外地見到一位特別來賓,唔知有冇機會約出嚟再見下面呢?

我的family day

噚日去三家姐屋企整電腦,順便搵哥哥食飯,一入元朗就成日,第二朝星期日再約埋三家姐一齊同媽媽去飲茶,飲完茶,又返媽媽屋企到整四家姐的電腦.上唔到網都有好幾個原因,由於時間關係,本來想簡簡單單解決問題,於是就想換咗個備用的 wireless router,一了百了.換呢個備用router,password又唔知改咗乜,好在魚生幫手reset下咋.

以前好多嘢都記得,唔駛記底,之前個router,一向都冇乜問題,太耐冇搞,家陣密碼又唔記得,login ID又要想一輪,於是我就伏低想一想,君君睇到我咁,佢走過嚟問我:你做乜伏低瞓覺呀? 傻妹...我係老人癡呆咋.

呢頭搞router,果頭又話DVD機play唔到CD,於是又要御貓出馬去買洗DVD機的CD,返到嚟,又要我試,點解又係我喎?想聽下隻CD的instruction,d靚仔靚妹真係嘈到拆天,我又一句都聽唔到...
爸爸另一邊又話唔見咗一個唔知存唔存在的file...

二家姐走嚟安撫我,其實我已經幾乎想喊,不過未搞掂,想做完先講,唉,不過都未搞掂,d BB都已經走哂啦...個個都嚮到玩,傾計,阿Dee同哥哥去打乒乓球,四家姐同魚生去游水,三家姐,阿嫂同BB一齊玩....媽媽就辛苦d,又要煲涼茶醫我咳咳.

但係我呢?成日都係support support ....天輪之樂...我冇時間享有.嗚...

閒聚片刻

今日見了幾個月不見的好朋友,Agenda非常多,正式收到喜帖...約了一年的旅行又延期了...

不過,約下打乒乓球補償都好丫...雖然相聚時間很短,不過很快又可以再見了.

我要做運動

呢兩個星期因為成日睇奧運,再加上小病纏身,成個月都冇寫日記,睇多咗運動比賽,真係有個衝動又去打波...我想游水,打乒乓球,打羽毛球,跑步.....


近來身體似乎在響警號,真係要"檢點"d啦...休息,減食量,多吃水果,做運動,樣樣都必須要做.

八月之星

好耐冇約朋友,今次又用生日會做藉口,見一見一班好朋友,(喔...在美女前面,不能說個"x"字),生日快樂呀...嘿嘿,都係最x土果句,祝你地心想事成!

今日千山萬水,花咗成個鐘先到九龍城,去到呢間一代日式料理,睇嚟下次都係要轉交通工具啦)

呢間日式料理,刺身,壽司,天婦羅,燒牛柳,火煱,串燒,手卷,麵豉湯...等等.

電話訂座仲有頭盤送,今次係生蠔,不過就要問多幾聲先會送,竟然用一隻生蠔"敷衍"客人...真係呀!

雖然話任點任食,不過就估唔到連嘢食都係任嚟,叫咗又冇嚟,份量都係好隨意,而且嚟的次數都係一樣隨意,以為唔嚟,又再嚟!

Encore的有三文魚刺身,燒牛柳...(牛柳粒好難燒),仲有燒鰻魚好好味.

不知不覺,一邊傾,一邊食,真係好開心.(哈...唔知幾時先可以下定決心減肥呢?)

腐乳大戰"鹽蛇"

今日即慶去咗朋友屋企,佢仲煮咗好好味的"餐肉牛尾湯米粉",我食咗好多呀.可能佢住頂樓啦,今日一入廚房,就有小動物歡迎佢啦,嚇到佢花容失色.好在腐乳出手,同"鹽蛇"展開兩輪生死搏鬥.
Round 1: "鹽蛇"閃得快,好世界
Round 2: "鹽蛇"行得"魔"冇鼻哥

叮叮! KO!

今晚仲一齊睇奧運開幕式,一邊傾計,一邊睇,見到好多很花心思的設計,用好多人力物力,但係因為唔多留心,所以都不大留意.回家再看精華,先睇到好多又得意又有氣勢的場面,卷軸字畫,凸字,太極,燃點聖火都別出心裁,勁勁勁.

腦震盪

上星期六同屋企人一齊,途經停車場入口,我掛住望瑩瑩,一邊叫貓仔小心d,抱起瑩瑩,剛好就停咗嚮停車場入口的閘口,閘口棒剛向上升高,再下降的一刻,我就被"當頭棒喝"了.原來閘口的棒棒是有軟膠包住架.所以雖然我受到重擊,都好似冇乜事.

成個過程只係兩三秒,只有瑩瑩目擊當時的情況.我回一回魂就好似冇乜事啦.不過,就好似呆得一陣.摸下個頭就好似有少少痛,有少少腫,唔知有冇後遺症呢?


呢幾日,個人又好似彷彷彿彿,到底係因為早兩日受到重擊,嚇壞咗,有點魂魄唔齊?定真係打曚咗?

或者只係太攰啫.都係唔好自己嚇自己啦.

暢泳

早兩個星期已經好想去游水,但係一直都冇機會去,今日放咗工,返到屋企,忽然有個衝動想去游水,於是無啦啦,一個人走咗去會所的泳池游水.

去到樓下,嘩~有兩個救生員打緊NDSL,睇佢地好似發咗成日霉.真係好可憐.

我先游咗一百下蛙式做熱身,抖一陣再游多一百下蛙式.又游兩次自由式,加一次背泳,不過因為捉不到距離,所以游到一半就收手,仰天游水真係好寫意呀.呢個時段真係好,得我一個人落水游.兩個救生員埋邊打機,可以不理.


之後我就不斷游,游咗三百下蛙式,足足游咗45分鐘先走.如果以33-35下蛙式游一個直池,我都總共游咗14-15個直池,真係"夠皮"啦.

點好呢

雖然知道呢個未必係事實,但係,好似不久的將來,可能會成為事實.

其實我真係好唔捨得,不過,都希望你有好好的將來,所以...

都係算啦,我會祝福你,希望你心想事成.隨心所欲.

遲來的生日會

今晚同貓仔的老朋友補祝生日,因為嫂嫂都愛唱K,於是他們一家四口,加上輝輝就一起到旺角唱K,很是盡興.

見到兩個小朋友都精靈活潑,一個愛打遊戲機,一個愛唱歌,真是可愛.雖然很久不見,貓仔還是可以同他們很投契,希希還不時分享他的"成就",而且當沉醉於遊戲當中,很有主見地什麼都說不.至於他的小弟弟還年紀小,總是纏著媽媽不放.有時候也很會搗蛋.

今天跟Eason Fans唱歌,當然選了很多他的歌,唱了很多很久沒唱的歌,"單車","我有我愛你","與我常在","大開眼戒".
之前看了台灣的"星光大道",不忘選了幾首,"你是我的眼","走鋼索的人"等等.唱"背叛"還需再用力些, "My Love"英語唱得不錯呢,"青花瓷"可以令小朋友都入睡了,"今天你要嫁給我"Rap得不錯丫.雖然"當找到你"只唱了半首,但都已經很滿足了.

赤璧

今天與貓仔的朋友兼同事睇咗"赤璧",可能之前聽講有d血腥,所以都有咗心理準備,相比個多星期之前看的"殺神特工",真的算小兒科了.不過其實兩套戲都不是以"血腥"作賣點.只是我呢個膽小鬼怕怕而已.

由於故事內容都是耳熟能詳的,所以要拍得好也需要很花心思了.整體來說也是很不錯的,我想相對其他戰爭片,此片應該要多了一些謀略吧,可是有些場面,略嫌過於簡單了,不知是被刪剪了或是怎樣了,就好像曹軍被趙薇的小隊士兵引入八卦陣,曹軍竟然沒有列陣,就自投羅網,衝入八卦陣中,而不是被八卦陣的變化所包圍,看來,只是曹軍魯莽,而不是孔明八卦陣湊效.

其實整體來說,鏡頭拍得真有水準,很多片子的打鬥的場面都令人眼花撩亂,但這片很sharp,很工整.不過拍攝始終都其次,而且就像很多人所說,加插小喬這花瓶角色,真的可有可無.或許,這是根據外國人的口味,加入一些"色色"的元素,才可賣埠吧.如果可以選擇的話,小喬或者從頭到尾沒有露面,觀眾反而可以有暇想的空間呢.如果沒有加入這一段,可能劇情會更流暢.

唔...

唔...

好辛苦...

哎...

Zzzz.....

唔舒服呀.

約會

很少主動約朋友的我,終於鼓起勇氣去約約朋友了,不過約了,還是在想改期,真的太差勁....只不過,當你的朋友比你忙,不是你要約就有空的,所以還是出來見個面吧.

因為有說不盡的話題,見面的時間總覺太短了.希望有時間可以快些再見吧.

等待‧休息

今天沒有什麼事情要做,整天在等待和休息.

好好睡一覺也好吧.

大休息

今日的瑜伽班,心情是放鬆的,意志是集中的,但心裡總是有點@#%$%^$#,就像心掛掛似的.例如有一個動作要面朝天躺平,雙腳伸直抬高,盡量與身體程九十度角,然後以一分鐘的時間緩慢地把雙腿一同放下.動作的要求相當簡單,但卻很難做到,加上導師還在搞笑,一笑之下,肚子就抽搐,雙腿就下來了. 不過,這個動作,似乎怎樣也做不來吧...卻有兩位同學可以做到!其中一位就是小音符呢...利害!利害!


今天特別累,大休息的時間,竟然好像看到爸爸!驚覺剛入睡的一刻就甦醒了.

你好嗎?

因為近日好懶惰,乜人都懶搵...


但係又想知各位....." 你安好嗎? "


見到請留個言,報個平安吧!

功夫熊貓

今日約咗瑩瑩一家睇功夫熊貓,真係好好睇呀,好多笑位,好好笑,畫得又好,故事性都不錯.當然,同小朋友一齊去睇會更加開心啦.話時話,配音都配得幾生鬼喎,睇完先知,原來阿寶係陳奕迅,仲有何韻詩,房祖名,成龍等,不過呢幾個就冇乜特別.不過都幾"掂s"...幕前的人都走到幕得玩配音,專業的配音員有冇飯開呢.


瑩瑩睇完一睇到功夫熊貓的紙板,仲好興奮咁走去個紙板,我就用手機同佢影相啦.

賣血

以前聽到捐血,總會有點怕怕,因為始終都很怕會好痛或很暈,又怕自己受不了,雖然很好奇自已的血型是什麼,不過由兄弟姐妹的血型來推斷,應該都是某個血型吧.

可能上兩星期到台灣,剛巧遇見一位紅十字會捐血站的小姐,前來向我們招手,呼籲我們捐血,我才發現,其實我沒有想過的事,或者也可以試試看吧.

今日聽到公司來了紅十字會的流動捐血站,忽然間有個衝動想試一試捐血,於是食完午飯,過一陣子就去了.

過程相當順利,原來是要填問卷,再給工作人員覆核,"篤手指",之後就可以坐下開始正式捐血,坐在椅上,把腳升高,量血壓,消毒後,我沒有麻醉,但感覺相當不錯,微微一癢,針口已經進入血管,沒怎樣的痛楚,經過工作人員的指導,輕輕把手收緊放鬆,耐心數三下,再重覆,不消一刻,已經完成了.

坐了十分鐘,再由工作人員拔掉針口,輕輕鬆鬆的再休息十五分鐘.

賣血換到的不是一杯橙汁,或是一包梳打餅,而是不其然的歡愉喜悅,平靜,就像是把內心的抑壓,沖洗掉心裡的淤泥.

殺神特工

一開場 (* * * *) :
d子彈飛得真係好型...嘩~勁!故事幾吸引,而且都有意想不到的搞笑位.


睇到前半 (* * * *):
好緊張呀...雖然睇到一d好殘忍的畫面,但都用搞笑的方式交代,上天下海,跑火車都幾得意呀,療傷的方法都幾特別.

睇到接近一半 (* * *):
呢個追蹤物件模式的手法都睇都到有點膩,而且因為我坐得很前,打鬥的場面太花,鏡頭幾乎追不到動作,只有看到閃來閃去.

睇到下半 (* *) :
開始揭開呢個殺人組織的目的同方式,真是意料不到,僅此而且.

睇到下半中 (* * *) :
都有個小高潮,殺殺殺...但伏筆太明顯啦...

睇到結尾 (*) :
真是萬料不到的結局,打咁耐眼色把鬼呀!


哈話時話,未入場,冇睇過簡介就入去睇戲,所以真係以為會搵個神嚟殺架....原來個"神"就係...犘根費曼 (Morgan Freeman)!哈...咁都得呀!

台灣三天自由行(後記之菓風小舖)

行了數天台北寫了幾天,今次說一說其中一間買手信的地方--菓風小舖,這間糖果舖,注入搞笑元素,很有創意,功效用法都很搞笑...記得細閱!

菓風小舖-威而鋼C

菓風小舖-保險套巧克力

如果改為保險套吹氣橡皮糖,應該會大賣!

菓風小舖-柔棉體驗

回水...裏面是無翼的!

看到這些想起"細佬"不肯乖乖吃藥,希望這針筒麥芽糖可以令小朋友都不會怕用針筒吃藥呢.

菓風小舖-針筒麥芽糖

菓風小舖-愛情元氣:專治情傷

菓風小舖-安非歹命:告別黑白人生,好色之徒佳品

最討厭

到底掛8號掛到下晝又會有幾咁大的經濟損失先?家陣勞民傷財呀...返半日又係咁多車費...

算算算...都有多成個朝早休息,嘻嘻.


下雨天又要返工喎,真係慘慘慘.

八號風神

呵呵...好想好想~~明早繼續懸掛八號風球,咁我又多一日半日的假期啦~~嘻嘻.

千萬不要有人命傷亡啦.

我返嚟啦

今次雖然只係短短的幾天旅程,但我倆都已經累透了.經過兩日的大休息,今日終於都返嚟寫blog啦.


今次最大的收穫應該是得到一個較充足的休息,身心舒泰.早幾個星期都是各有各忙,難得今次終於可以單獨去一次小小的旅程,希望相約好去台灣的朋友莫見怪喲.就當我身先士卒去探探路咋...嘻嘻.

台北三天自由行(後記三)

今天起來直接去了國父紀念館,來到這邊,當然去看看國父...的銅像了.

國父銅像

秋風秋雨

數十年前的望遠鏡真的很酷!

走過字畫廊,沒什麼很美的,但卻發現這個

猜一字

看一眼還以為是台灣的一個較粗俗的一個字,有人以為是馬,有人以為是書,細看標題...答案是虎!猜得到嗎?

到了館內的紀念品小店,看到這個滿喜歡的,我也想試試躺在大石的自由感呢!

自在小沙彌

在外面走走,看到剛才圍著紀念館彩排的隊伍,有的唱歌,有的跳嘻哈,有的跳拉丁舞,很有表演欲的一群,原來他們都是今天園遊會比賽的選手.如果是播著周杰倫的"園遊會"就好了.

看了看台灣人的表演,都很有水準,連公公婆婆都起舞呢!表演後傳來掌聲及歡呼聲雷動,原來是後台為他們廣播的.我們邊走邊笑,豈料有紅十字會捐血站的人員走過來,她說我們看來很開心,去捐血做點善事,可以更開心點.可是我們是外地人,所以幫不上忙了.跟她寒暄兩句,帶笑離開.

在這裡有一小片很青葱的草地,於是又影到我們最開心的一刻.


12:00 中午到了忠孝敦化至復興一帶
鼎泰豐真是人山人海,沒法嘗到小籠包,於是轉陣到"君悅排骨",但這間不是老店,炸排骨不太油,蠻不錯的.炸雞脾很一般,還是KFC好.

君悅排骨

豆腐很滑的皮蛋豆腐

又在胡亂逛逛,崇光也沒什麼,可能因為匯價關係,有些比香港還貴,但底層食肆,看到這間雪糕店,雪糕筒放得很特別.

不倒雪糕筒

本以為商場會涼快些,但還是很熱,於是到了星巴克,叫了黑摩卡可可碎,味道不錯,可是我主要還是喝橙汁.

走過地下街,聽同事說"忠孝xx"有很多美眉,伯伯婆婆比較多,莫非都來了這邊來?!原來都在地面走,不怕曬.

線面

到龍山寺只為買八仙果,之後已差不多要回酒店往機場.

台北三天自由行(後記二)

09:40 ~ 酒店餐廳
今天9:40到了酒店餐廳吃早餐,由於客人大部份都是香港人,所以10:00完場,但依然人山人海.

自選套餐有五六個,但都是怪怪的...我要的是日式早餐,嘩..好大碗飯,面上有很草香的草,嗅到這味道,不自覺就聯想到寬闊的草原,還有放牛的...還有牛的...唔唔...STOP,還是不吃草好些...

貓仔又要了牛肉麵,吃了"史記牛肉麵",當然會比下去了.其實烹法是對的,但調味是不對的,看上去不怎樣,吃一口,口感是可以的,但沒有味兒.

連日來睡得很少,所以今早原定的行程是到九份或再去十份的,結果卻是在被窩度過...-_-
只好說服自己,旅行應該是好好享受,而不是受難.好好睡一覺也是享受呀,酒店的床比家裏的床好多了.但是"龍床不及狗竇"...哈...開始不知所言 6x6 ...

13:00 ~ 出動了 目標:西門町的食肆

鴨肉扁

台灣的美食真好,不忘有些青菜之類,米粉很好,幼幼的,很好味.

飽食終日,無所用心...

15:00 ~ Shopping!
一向不好購物的人,對著大部份的東西也沒什麼意欲購買.但是旅行嘛,留個記念或見識見識都很好.於是我們就在西門町隨便逛逛,看到旅遊書提到的手信都很有特式,於是兩個傻瓜就買買買...回想真的有點傻,但還是很搞鬼的手信.

我很喜歡看特別的精品,於是又去看看了,買或不買則是其次,今次卻有些收獲,真是perfect!希望這位久未相見的朋友喜歡吧....我自已也留了兩個,希望用得著吧.

噢...今次還有意外的收獲呢,店員跟我說,加入成為會員,即可八折購物,只需留下姓名便行,遊客亦可.成為會員還有迎新禮物,她還會再另外送多一份小禮物!!哇!台灣人真可愛呢...其實她可以不給我任何提議呢.

16:00 ~ 蜂大咖啡
不消一個鐘,因為貓仔有點公事,還是停下給他回電郵吧...又要找地方休息坐下了,什麼叫放假呢...

到了蜂大咖啡,感覺到店員都很隨便,或者這叫親切吧.於是我們也隨便叫了"蜂大雪糕咖啡"

蜂大雪糕咖啡

而我因為喝不下一整杯的咖啡,只好叫別的,就要這個叫"Crazy Lover"的花茶吧.

Crazy Lover

其實是有什果的玖瑰花茶,味道和香港的也差不多,都是難以入口的,味道太濃了.

17:00 ~ 西門紅樓
西門紅樓是在大街中的藝術小展館,滿以為很多特式的東西看,但有特式的展館要星期六日才開放,當然,我們也沒有看戲的念頭.館內的商品多是自製的...但沒有自創的感覺.走馬看花,也沒什麼收獲.附近的街角,反而找到一件被日曬雨淋的展品.很特別呢...

街頭剪紙

正想離開西門紅樓,看到一個憲兵小帳篷,警察還在派傳單,提醒著市民要小心被騙...哈,我們是傻得可憐嗎?

看到他,很想跟他合照

吹氣憲兵

18:30 ~ 台北車站
只看一看明天要去的國光巴士車站,書沒看,CD沒看中,沒有特別的家品...什麼也沒買到...就是走走走...

20:00 ~ 藥膳
賣相不佳,味道卻不錯.可以一試,$$$只是一般快餐價,但是要用些耐性等喲.東坡肉也很好味.

藥膳排骨 - 含雪蓮

21:00 ~ 寧夏夜市
因為很接近酒店的關係,於是又去了寧夏夜市,原來這個是只有食和賭運的地方,當你飽飽,還是不去也罷.
回途中,在7-11又買了甜品,"紅豆粉粿"和"布丁大雪糕",名字令人摸不著頭腦,其實只是"紅豆雪條"和"脆皮包著布丁糕狀的物體"...味道是good的.

"紅豆粉粿"和"布丁大雪糕"

台北三天自由行(後記一:下集)

食過牛肉麵,開始有點躊躇,原定下午的節目是沿西北方向至淡水一帶,到漁人碼頭看日落.但是下午的天色雖不至很差,但卻有層層烏雲,搞不好可能下雨,更看不到日落.在時間上,今天去淡水是最好不過的,且對於我們,今天的是別具意義的...唔...還是去看看吧.


16:00 ~ 到達淡水
原來撘捷運真的很方便,加上可以用悠遊咭,現在還有七五折,真的很便宜啊.半小時就到淡水,今天的天氣悶熱,由車站步行沿中正路行至渡船頭,已經幾乎熱死了,途中經過不少的特色小店,但是時間不多,只停留在童玩反斗城看了些懷舊零食,用來玩還可以,用吃的還是算吧...

因為兩三天都睡得不好,走到這時,己經筋疲力竭,本來一直想在找個地方休息,拾級而上到了紅樓,又遇著一隊攝製隊正在拍攝新人甜蜜照,只好打消念頭又繼續走.


下雨了,心情一直往下走,雨天還有日落嗎?

路邊的小花 + 一對小情人

哈~下著微雨,還有心情偷拍.

走來走去,由於天氣太熱,都沒吃"可口魚丸"或"阿給"(原來阿給是三點鐘收舖的!),嘩~巨無霸霜淇淋,好消暑呀,只不過食得有些狼狽.在這裏吃別有一番風味.

巨無霸霜淇淋

渡船頭

買過阿婆鐵蛋,就找一找紅26號公車站往漁人碼頭,地圖的比例真的和市區有很大差別呢...方向是對的,紅毛城...你在哪兒?!

17:50 ~ 漁人碼頭
終於上了26號公車,雨勢又大了些,一看天上的黑雲,真的很後悔今天來淡水,沒看過日落,來這裡幹嘛?!

18:00 ~ 漁人碼頭7-11
又熱又濕,真的想快點離開,於是入了7-11,今次我們就試一試"綠蘆筍汁".
蘆筍可退火,降火氣,生津止渴,減少疲勞感,增強體力....Wowo...好丫,今天肝火盛,一定要喝喝!

綠蘆筍汁

嘻...一人試了一口,開始想著怎樣把它喝完...來划拳吧!

18:15 ~ 情人橋
展轉間又到情人橋拍照,雨愈下愈大,貓毛都濕透了.正當失望之際,廣播中的聲音向現場打招呼,吉他更嚮起了一首很熟悉的歌,原來是海邊的民歌駐唱歌手唱的"愛,很簡單"....酷,很陶喆的!在這裡聽到這樣的歌聲,原來會有化學作用的.

情人橋--低角度

18:26 ~ 愚弄人的日落
本想聽完一首歌就算了,忽然看到遠處的咸蛋黃,實在喜出望外!

咸蛋黃出場

只可惜雨真的很大了,我們只好找個亭歇歇.

停亭

今日收獲真的太豐富了,彩虹出現了!

彩虹

還有雙彩虹!

雙彩虹

今天,我當了天氣先生,不斷在"噢...呀....呀...噢....嘩...嘩嘩....嘩嘩嘩",心情真象坐過山車一樣.

告別

20:00 ~ 士林美食廣場
行了一圈,見到"老攤鐵板燒",當機立斷就坐下了,叫了一個燒牛肉,一個海鮮套餐,牛肉沒什麼驚喜,但鱈魚燒得真好!還有蟹腳肉!

食完鐵板燒,已經吃不下了,試試甜品吧!

台北三天自由行(後記一:上集)

"今天"是第一天,連續兩三天凌晨兩三點先睡,睡得兩三個鐘頭,天濛光就要起身趕赴機場,非常忙碌.

09:00 ~ 飛機上
幸而連日來的暴雨今天終於都放晴,飛機一飛上天,見到藍天與白雲,心情大好,最愛藍天的我,又是一如以往瘋狂影相.高空之下還見到澎湖一帶的小島嶼呢.


10:30 ~ 飛機場的10:30
由於套票包了單程的飛狗巴士券,我們很快便確認到酒店的路線,原來我們的酒店並沒有車子直達,乘坐十多分鐘車程,要再轉另一輛巴士等客,我們就在車廂內呆坐一陣子.終於都滿座開車了,原來一車子都是香港人.

13:00 ~ 到逹四季飯店
我們的酒店位於中山站以西的一間小旅館,名字就像香港的五星級酒店,之前一直在地圖上找不到確實的位置,但基於網上的評價又不錯,備有按摩浴池,希望真的可以輕鬆一下吧.雖然食物一般,但房間寬敞,更設有上網室,除了位置較偏遠外,真的不錯喔.

房間寬敞

按摩浴池

14:00 ~ 史記牛肉麵
幾個月來呢隻家貓已經話要食台灣牛肉麵,今次就等他一嘗心願啦.肉質真的是一絲絲的,口感一流.不枉我們千山萬水走了近一小時來吃這一碗"有史以來最好味的牛肉麵",不過份量卻比香港少,最適合我們美食團的宗旨.

紅燒牛肉麵

半筋腩牛肉麵

臨走時,結賬還有小插曲,話說貓仔多年前曾到台灣工幹,留下約千元台幣,今次再來台灣,當然會第一時間用來找數,不過店員一看,就問貓仔是十年前來台嗎,說這個已經不能再用的了.她還建議我們到銀行找換,或是把它們鑲起留為記念吧.

爸爸節

今日係父親節,同咗三家姐一家,四家姐+魚生,一齊同爸爸媽媽飲茶,四家姐就好乖咁去攞位,仲請我地食飯,真係好好好...

今日先睇到爸爸的膝頭好似腫咗,老咗就成日拗柴啦,但係傷咗又唔理佢喎,真係擔心.希望爸爸快d好返就好啦.哎...

不過今日爸爸好似好開心咁,仲猛咁同我傾計,我仲一而再,再而三咁調位,同爸爸雞啄唔斷,爸爸仲講故仔畀我聽添.不過我就好冇用,果頭學完幾句潮州話,轉頭就唔記得....真係衰女包.


今日我只係現咗上半身咋,下半身因為想返屋企抖吓,所以抱歉了...我要先行告退.

未來姐夫

今日收到媽媽電話,叫我返屋企食飯喎,因為好耐冇機會同四家姐見面,於是乎本來想星期日先現身,就提早報到見下爸爸媽媽,今日仲見到未來姐夫添...哈哈,魚生成日笑,家姐又成日笑,真係好啦.

夜探小咪咪

今晚真係有史以來最四處走動的一晚,因為約咗小黑炭的關係,所以就急急腳離開老家.

一入屋,小咪咪就好熱情,完全唔怕"生保",因為有嘢畀佢食,佢就乖乖過嚟.其實我係第一次觸摸到兔仔架啦,不過估唔到小咪咪一d都唔怕我,仲好"黏"我添,又會圍住我腳腳行,好得意架.之後我地傾計,佢又會擺"舖士",好多動作,食草草,飲水水.伸展手手腳腳瞓,仲情深深眼濛濛添,要瞓覺覺豬啦,睇怕我都係時候講拜拜啦.

今次事出突然,冇準備同佢影寫真,同合照添.希望下次再探下佢啦.

寫什麼?

今日想寫一些東西,一時間有幾個念頭,想恭喜一個人,想起一個人,想起那天晚上,想做一些事...太多太多了,時間真的不多,還是快快休息,還是快快睡覺,今日累透了.

Be Kind Rewind

I like this movie, it's crazy!



電影中節錄咗唔少呢d"Sweded"的電影,不過睇返佢YouTube的片段其實都有少少無聊,好少少的有Ghostbusters, Lord of the Rings,Robotcop.

youtube

官方網站仲有改版的Google,又可以key自己張相做電影主角,好抵死.
Sweded Google!

魚生提親

今日係魚生同咪咪家姐的大日子呀,魚生嚟提親啦,雙方家長都係首次見面,但係兩位爸爸竟然可以好好傾,一邊講故事一邊食飯,我就充當"大Kam姐"同佢地攞位兼撥大葵扇.希望佢地今後甜甜蜜蜜,相親相愛,幸福快樂啦.

身心疲累

早幾日開始,無啦啦頭暈暈,總有點人之將x的感覺,不過又幸運地x唔去.呢兩日無端端行咗好多路,仲見到Mabel的好朋友兼好同事魚魚添,返到屋企竟然仲傾計傾天光,足足傾咗八個幾鐘,破哂紀錄.

(哈...乜呢期咁多魚魚架?我係一條魚...又傷又瘀,Mabel的同事又係魚魚,咪咪的魚生又係魚...)

有時候以前聽過的歌,聽過就算,不過,呢兩日忽然想起呢首歌...聽起嚟都幾啱feel.


誓言 - 王菲

作詞：王菲　作曲：竇唯/王菲 (哈,原來係王菲的作品...真係好啦!)

我以為　永遠可以這樣相對　好幾回　這樣地想起捨不得睡
如果你能給我一個真誠的絕對　無所謂　我甚麼都無所謂
前面的路　也許真的並不太清楚　放心地走了以後
也許會覺得辛苦　也許會想停也停不住
天越黑　心越累　我看見　你的臉　聽著你說不出口的誓言
那一刻　我發現　我有天　經過你的身邊　找不到你的視線
把我的　心交給你來安慰　能不能　從此就不用再收回
別以為執著的心就不會被碰碎　別以為　我真的無所謂

旅行抖氣

已經成差不半年冇放大假啦,呢幾日蘊釀去旅行,假期請咗但係未批,近年已經去過兩次日本,兩次上海,所以唔想再向北走啦,向西就太遠,不如向南走,向東走啦.


今次會有六日假期,希望可以去四五天的短線自由行就好啦.Relax D,開揚d就好啦.
馬爾代夫好d呀?定係馬來西亞Resort,菲律賓宿霧的陽光海灘好d呢,三亞的package的價錢好似好平咁,但係又好似冇乜嘢好啱睇喎.真係十五十六....


唔...其實我就想去台灣,不過講咗好幾次都冇去喎,如果可以睇風景,影相相,去下民歌餐廳...以前想去睇下"阿貴餐廳"唔知仲嚮唔嚮度呢?試下不同的美食都唔錯呀.不過本來又講過話十月先組團去台灣,自己去咗先會唔會好衰仔呢?

忽然想起

可能有幾樣問題都忽然解決啦,心情輕鬆了,忽然會想起呢首舊歌.呢隻碟"戀戀情深"雖然只有主打的"好想好想"比較多人認識之外,其實佢其他的國語歌更加好聽,聽起來好有feel,呢一首,有"如釋重負,雨過天晴"的感覺.

越來越好 - 古巨基

詞/姚若龍
曲/林宥佐 <----------- 咦?同星光的林宥嘉有冇關係架?
編曲/林偉哲音樂社

眼光不再很迷濛 遠得像在等什麼
妳的情感已解凍 耐心愛你會值得
值得 值得 Mm...

不再提他的種種 妳問未來我的夢
妳投入的傾聽著 專心得讓我感動
很感動 感動 Mm...

妳和我越來越好 什麼心事都能聊
分享最好與最糟 內心就依靠

我們要越來越好 幸福一開始燃燒
辛酸慢慢模糊掉 只清楚記得
愛的味道 Woo...


呢隻碟比較多"小品"類型的歌,好"kam"聽,歌詞不俗,仲有首係古巨基填詞添:> 讚!

我的非常推介有: 隨便, 其實我們一樣自私, 結束 - 我們抱著哭, 我送你, 蜜蜂

Disk 2 精選 全碟shuffle都得 木訥>>>心裡有數>>>尋寶, 喜歡, 相愛吧, 不見得,嗜好, 許願(古巨基/梁詠琪) , 白玫瑰, 不再是朋友


幾乎選擇不了比較喜歡的一首,有時候,只是情意結吧,超喜歡....木訥

飄

今日又上瑜伽啦,每堂開始之前,miss都會為我地每個人量血壓心跳,每次量度的時候心情都有小小緊張,不過表面上都會裝出若無其事的模樣,之不過個血壓計就好似個測謊機咁,一量就知你今日有冇偷食,心情如何...(喔,唔好誤會,因為miss建議上瑜伽之前兩小時唔好食嘢,一小時唔好飲水),所以個個星期偷食都有少少心虛...hehe...miss好似睇穿咗咁,佢仲話:睇你個樣就好似好平穩咁,其實內心好似有好多嘢...成日問係咪工作有d衝擊咁...


不過,今日好似連自己都覺得好似心緒不寧,精神唔得集中,今日的腿部動作又較多,所以就更加難做到.到大休息的時間,平時同自己心靈溝通,會想起她....但今日竟然想起....再想起開心的事,又在胡思亂想...將思緒帶番到現實,今日個人真係飄.

怕怕

四川大地震呀,我唔想睇...好怕.

一如平常的星期日

今天是母親節,但係同平時的星期日都差不多,因為通常都係family day,今日同四家姐一齊請爸爸媽媽阿Dee飲茶,雖然食物好一般,不過爸爸媽媽都好開心.因為我地呢個組合好耐冇一齊食飯啦.


食完飯,本來想同四家姐行一陣街,好耐冇同佢傾計啦,點知講冇兩句,同佢入咗首飾店睇嘢,之後好快又分開啦...唔...宜家佢好唔得閒啦,冇人幫我揀衫真係好唔習慣.


返番媽媽屋企,好熱鬧呀,以為三家姐唔嚟,就冇乜人到,點知,阿圖都照樣帶咗瑩瑩嚟,二家姐又帶雯雯過嚟,冇幾耐,哥哥一家到嚟到.


今日阿圖一個對五個小朋友,一齊玩scrabble,玩咗一兩次雯雯就走咗去,啟賢未識玩走嚟走去,玩其他嘢,君君同羨寧都轉玩層層疊,不過,其實係玩砌積木喎,正當我同啟賢玩緊,雯雯就走嚟搶咗d積木走喎,唔知點解,一時間我就好似小朋友咁,扁嘴喊喎,雯雯就同君君講:"丹丹姨姨好似個小朋友咁喎."過咗一陣,我地又玩"骨牌",跟住仲一齊推骨牌,一齊拍手掌添.


今日哥哥同阿Dee仲去會所到打乒乓球,我就陪咗樺爾同阿圖打美式桌球,哈,點知"負負碌碌"畀我入咗半枱波喎.之後走咗去同哥哥阿Dee到打乒乓球,真係好耐都冇對戰過,好彩上個月都打過一次,冇咁生疏,好開心呀.打到唔捨得返屋企食晚飯.

今晚媽媽下廚,雖然係家常便飯,但係我地個個都食到"lam lam利",真係要多謝媽媽,賜我飲食.

大休息

呢排上咗一個月瑜伽,感覺想當不錯,所以今個月再繼續學,不過上完堂好多動作同作用都忘記得一乾二淨.

今日學其中一種呼吸法,叫做"喉式呼吸",特徵係呼吸時喉嚨被氣衝擊發出聲響,就好似"扯鼻寒"咁.我跟住miss做,唔小心笑咗出聲...哈哈...好似呼吸困難咁,不過miss話呢個呼吸法係最安全的一種,另外我地常用的有"腹式呼吸",呢個都可以同"喉式呼吸"一齊做添.仲有一種係乜呢...又唔記得...???係...."交替法"??

今日上完堂,仲同小音符,小黑炭,小夜貓一齊食晚飯,好耐都冇介紹新朋友啦,起初都有點不自然,不過因為大家都好開懷食咗一餐...後尾都唔知自己講緊啦,可能好攰啦...都係要嚟一個大休息.

好一首"代溝"

好耐冇上阿Dee個blog睇,原來打緊呢隻十幾年前的舊歌,原來係講星期日晚飯的話題...


想當年阿Dee都係得幾歲架咋,我都有追"浪族闊少爺"...的重播架,仲有較宜家飽滿的Sammi添...好好睇架.


睇阿Dee Highlight的歌詞,聽住歌就想起今日有個人走嚟問東問西,仲未了解事情的基本,不過就開始要求你...
可能真係有代溝啦...

我反而聽到一句好想 Highlight...
"You go your way I go mine".


呢隻碟"雨中街頭劇"超好聽,應該係克勤"粉絲"必聽之選, My"非弗"Ranking有...

這段愛>原諒我不懂說話>如果一天>情牽一線>代溝>雨中街頭劇>告別校園時...

主打的"護花使者",反而係佢演唱會加入改編舞蹈之後先覺得正常d...因為媽媽話:手指指係好冇禮貌架.

母親節+五月之星生日會

每年五月的第一個星期六或日,我地都會同媽媽雙料慶祝,所年年都唔多記得母親節係第二個星期日先真.


今日要返工喎...(係呀...星期日呀...都要返... -_-) 但係屋企人全部都現身去咗爸媽屋企,只係得我未見人,三家姐...二家姐...三家姐仲輪住call咗我幾次添.但係我就唔知幾時先走得.媽媽知道我未必出現仲話要取消慶祝添,真係唔好意思,好在最後都可以收工去食飯.


今日三家姐訂咗個房,有兩張大圓枱,一張小圓枱,為咗一家廿口可以面對面咁坐,搞咗一輪之後就張兩張大圓枱拍埋一齊,成個8字咁...真係好意頭啦!


其實食咗d乜都唔多在意,就在混亂中食過一餐,幾個小鬼起初都算乖,食到咁上下,就"發汔水瘋",瑩瑩同雯雯大笑,啟賢就走嚟走去,走到成個頭都濕,又係咁講嘢:一邊雙手拍面,又邊叫好嘈呀...,之後仲唱ABC歌.


後尾五個小鬼就開始玩搬凳仔,仲玩起猜拳添,我都加入同佢地一齊猜,點知同雯雯猜咗三次,我都輸咗,到第四次,佢就話:"你唔好同我猜啦,你會輸畀我架",結果係....
連輸四次 6_<~~~


羨寧都係比較好心地,佢話佢"特登"輸畀我喎,佢同我猜和咗五次先輸架,不過再猜多一次,我又輸啦...
嗚...嗚,連小朋友都"蝦"我.

一人男女合唱

又病了

可能係上次打羽毛球冷親啦,今日又病啦,好辛苦呀,口同鼻都係重災區,想請假又唔可以添...


都係早d抖啦.

羽毛球大激戰

今日睇NBA Spurs vs Suns (3:0) 睇到半場就走咗,因為約咗舊同事一齊打羽球.


自從上個月打過一次,之後都冇再打羽毛球,本來以為好休閒咁打波,點之一入場見到各人都嚴陣以待,嘩~會拉筋架...暗叫不妙.唯有努力d打就係啦.點知剛剛開始冇幾耐,就有個波飛埋嚟,嚇到我手忙腳亂,機乎連球拍都嚇到跌落地,真係好怕跌親之球拍呀...之後另一次,個波真係打中面喎,我就嚇到成個坐咗落地添...6_@.

今日咁啱可以"偷雞"打埋隔離場,如是者七個人一齊打,休息一陣又打過,男子組仲來一個單打獨鬥添,利害!利害!就係咁足足打足兩個鐘.


好攰呀...返到屋企,痛死啦...不過可以同一班好耐冇見的朋友相聚,真有點時光倒留的感覺呢.

探訪小妹妹

今日去咗同事屋企,探佢的歲半大的囡囡同玩Wii,不過因為公司臨時有事,大家都行唔開,Wii就玩唔到啦,但係都可以上一上同事的屋企,睇下佢的結婚相,蜜月相咁啦.之後仲一齊食晚飯.


其實我地呢Team人一向都冇乜搞活動,之前試過臨事取消添,今次搞得成都已經好成功啦.

手多多

哈,以為用開舊版RSS換唔到Template,點知原來舊版已經support返新的Template好耐啦,呢個係成一年前已經想換的Template,試下先...睇下有乜可以玩?!

原來可以加好多嘢架,可以加Video 添...下次先加番歌仔播放器先.

姨甥到我家

早幾日應承咗瑩瑩,星期六帶佢去睇戯,所以今日就同樺爾一齊去元朗接佢.點知今日三號風球又落雨喎,乜地方都唔係幾方便去,但係既然應承咗小朋友就唔可以唔做架,所以都係見吓佢,睇情形先算.


今日帶咗瑩瑩去食意粉,因為佢最鍾意又食得最叻就係食意粉,佢好乖呀,食得好快.之後同佢講話一齊去東涌到睇戯,瑩瑩就問係咪東邊好..........長的葱?哈....咁我就同佢講,去睇"大象呀鈍救世界"啦,點知佢又話睇咗喎.三家姐都冇講我知添.咁唔睇戲,又要留嚮室內安全的地方.去邊好呢?


咁瑩瑩就話想去我地屋企啦.好啦,之前成日話想上嚟我地屋企,咁就帶佢去打機玩下啦.


三家姐同姐夫由澳門打電話搵我地,上咗MSN傾計添,原來澳門打八號風,佢未必返到屋企,今晚又咁大雨,順理成章就留咗瑩瑩嚮我地屋企過夜啦.


同呢個妹妹,睇下卡通片,沖下涼,打下機,玩下公仔,話咁快又食嘢啦,可憐樺爾丈丈要出街買嘢食,被經過的車淺起的水淋到成身濕哂.


食飽飽冇耐,瑩瑩八點鐘就話要瞓覺.同佢講下故仔,佢又不斷講嘢喎,反身反嚟反去,點陪佢好似都瞓唔著.樺爾就作"鬼故"笑死我,一d都唔驚架.


第二朝起身,瑩瑩話佢成晚都冇瞓過,不過佢就話最鍾意去人地屋企過夜.仲話其實我地已經做得好好添,話如果我地遲D有BB都冇問題啦.真係人細鬼大.

朋友的朋友

這幾星期因為做瑜伽的關係,常常見到朋友的朋友,已經好耐冇結交新朋友的我,或許是一個新的嘗試吧.


...唉,唔記得約咗人食飯添...仲未約返...呢排記憶力衰退,點算?!

穿越時空的少女

呢兩日都唔想去街,留嚮屋企睇咗一套動畫,係之前大家姐借畀我睇,但係一直都冇睇的動畫--"穿越時空的少女",雖然係衛蘭粵語配音,不過我都係睇返日文版好d.


呢套動畫的主線就係話一個少女偶然得到"穿越時空"能力的經歷,關於時空交錯的片子真的多不勝數,一年內己經看了幾套.但是每一套的故事內容,也是最好不要講出來.因為講出來就不好看了....哈哈...咁寫乜鬼?!


不竟這個題材本身就有相當的吸引力,如果擁有"穿越時空"的能力,你會做乜呢?故事中的少女用來趕時間返學,又或者逃避一些事,真的有點浪費呢...


如果可以,我想返回那一秒...只想收回一句話....還有....那時...還有...可以的話,都不要再犯...

今晚打籃球

呢排做多咗運動,由上兩星期開始,同屋企人打羽毛球,之後又射籃,上星期又同朋友打乒乓球,每星期做瑜伽,今晚就打籃球.好似呢排節目相當豐富呢.


今日同幾個同事打籃球,同場有好高大的歐化,速度高的艾活,on fire的丹尼斯,企邊都食糊的菲力,等等,無論幾多個打幾多個,都係打少一個人...因為我就好似一舊飯咁唔識走位,不過,嚮場內睇波都幾震撼呢.


最近發覺腰骨比上年再好少許,好似可以開始強身健體,不過,每次做完運動都幾攰,其實真係唔算好激烈,抖兩日就ok.希望以後多D運動.


各位,有興趣打波就叫埋我啦.嘿嘿.

舊歌兩首

旋木 - 王菲

曲：袁惟仁 (嘩...星光大道的小胖老師呀....好聽..好聽)
詞：楊明學Kefca
編曲：黃中嶽

擁有華麗的外表和絢爛的燈光
我是匹旋轉木馬身在這天堂
只為了滿足孩子的夢想
爬到我背上就帶你去翱翔

＊我忘了只能原地奔跑的那憂傷
　我也忘了自己是永遠被鎖上
　不管我能夠陪你有多長
　至少能讓你幻想與我飛翔

＃奔馳的木馬　讓你忘了傷
　在這一個供應歡笑的天堂
　看著他們的羨慕眼光　不需放我在心上

　旋轉的木馬　沒有翅膀
　但卻能夠帶著你到處飛翔
　音樂停下來你將離場　我也只能這樣＃＊

Repeat　＊＃


美錯 - 王菲

作曲：郭子
作詞：林夕
編曲：孟軍

本來相約他在海邊山盟海誓
卻找錯地方來到一個游泳池
滿眼湖水藍的美麗　你我就從那裏開始
藍色的漣漪鋪展一段回憶

你送我偶然後天而降的殞石
我一直誤會那是顆完美鑽石
不曾看見它的瑕疵　把它鑲在我的戒指
我也沒發現　有甚麼損失

＃讓我感情用事　理智無補於事
　至少我就這樣開心過一陣子
　不管他是真的你是假的誰是目的地
　能自以為是也是個恩賜

　不是來得太快　就是來得太遲
　美麗的錯誤往往最接近真實
　儘管昏迷有時夢醒有時不堅持
　人生最大的快樂也不過如是
　
　所謂醉生夢死　大概就是這個意思＃

Repeat　＃

所謂天意就是這個意思

陰霾

藉口 - 周杰倫

詞：周杰倫 曲：周杰倫 編曲：周杰倫

翻著我們的照片　想念若隱若現　
去年的冬天　 我們笑得很甜
看著你哭泣的臉　對著我說再見　
來不及聽見　 你已走得很遠

也許你已經放棄我　也許已經很難回頭
我知道是自己錯過　請再給我一個理由　
說你不愛我

就算是我不懂　 能不能原諒我
請不要把分手 當作你的請求
我知道堅持要走 是你受傷的藉口
請你回頭　我會陪你一直走到最後

就算沒有結果 我也能夠承受
我知道你的痛 是我給的承諾
你說給過我笑容　沉默是因為包容
如果要走　請你記得我
如果難過　請你忘了我


擱淺 - 周杰倫

詞：宋健彰 曲：周杰倫 編曲：鍾興民

久未放晴的天空　依舊留著你的笑容　
哭過 卻無法掩埋歉疚
風箏在陰天擱淺　想念還在等待救援　
我拉著線 複習你給的溫柔
暴曬在一旁的寂寞　笑我給不起承諾　
怎麼會怎麼會你竟原諒了我

我只能永遠讀著對白　讀著我給你的傷害　
我原諒不了我　就請你當作我已不在
我睜開雙眼看著空白　忘記你對我的期待　
讀完了依賴　　我很快就離開

relax 的一晚

上星期同Kathy報名參加一個私辦的瑜伽班.她們兩人以前都曾經學過,而我就是第一次學.今晚是第一次一齊學瑜伽,唔知點解佢地兩個都好似好興奮同期待咁.我就唔知頭唔知路,都係咁學啦.

一班大約八人,經過導師一邊示範一邊講解,由熱身到舒展(其實係好緊...好梗)再休息,雖然唔係個個動作都做到,但係都可以好放鬆咁進入一個較輕鬆的心情,身體放鬆.不過我雜念太多,導師一邊好似催眠咁講好多嘢,放鬆呢度,放鬆果度,都未想得到,又下一句,因為太嚴肅,反而成日忍唔住就笑,點知呢個時候,導師話連面部都要放鬆,搞到我個肚抽住抽住笑....


唔知係咪真係會幫助入睡呢?真係希望好瞓d啦,同埋放鬆我條腰就好啦.

靚妹玩電話

上個星期六去探三家姐一家人,三家姐畀咗我個手機號碼畀瑩瑩,短短廿分鐘,瑩瑩就打電話搵咗我三次,都係因為佢啱啱學識打電話畀爸爸媽媽以外的人,而我就好榮幸成為佢的第一個試驗品.


正如好了解佢的丈丈所料,噚日同今日我都收到瑩瑩的電話.真係估佢唔到,一朝起身就搵我啦,佢話,我打"C益"呀,又同我講起星期日畫的衫衫,講起雯雯,仲問我點解我講說話咁細聲添...但係我就唔知點畀反應.因為好少同靚妹講電話.


今晚又收到呢個靚妹的電話,今次佢就問我放工未.我一話未,佢就話"你同你老細講放工啦",我心唸,靚妹,你媽媽可以同佢老細講,因為佢地係好朋友咋,我反問番佢媽媽收工未,佢就話"未呀,媽媽返工呀,佢可能同你一齊收工啦"

講講下,佢忽然就話"我唔同你講住啦"...咁就收線啦.唔知佢聽日又會幾時打畀我添.

現報?!

真係呀....生命它給你一些,不給一些...


今日事情如不順,今日問題如不盡....


天呀,請給我一點時間...休息可以嗎?

我的新notebook

今個月頭公司有HP Notebook 特賣,雖然我算不上是呢間公司的員工,不過HP反正都係想去貨,點理得我咁多呀.

HP Pavilion dv2725TX Entertainment Notebook PC

($9980 street price, discount to $8780 including 4GB HP Memory flash drive, and 2 cinema tickets)
- Intel T7250 Core 2 Duo Santa Rosa CPU 2.0GHz
- Windows Vista Home Premium
- 2 GB DDR2 RAM
- 160 GB 5400rpm SATA Harddisk
- 1280 x 800 Wide screen
- NVIDIA GeForce 8400M GS (up to 895MB total graphics memory with 128MB dedicated)
- 8X DVD+/- RW Super Multi with Double Layer Support
- Weight 2.5 KG
- All in one, build-in camera, HDMI output, fingerprint etc.

今日收到新機,返到屋企試下功能,都唔錯呀.速度算幾滿意.不過有HDMI都冇乜用,因為無論Notebook定係TV都唔係HD....BUT...個Notebook的畫面超靚.係我好喜愛的反光玻璃面,立體感同層次感都好好.睇碟至啱.

今日仲有意外驚喜添,買的時候都唔知,以為要好高級的Model先會有的Remote Control, 呢個Model都有喎!
仲有個Pad Pad係特別設計架,個Scroll bar 真係一個bar,唔係碌碌架.正!

不過呢,都仲未搞清隻4G手指係點換領添...

哈哈,最開心莫過於,呢份禮物可能係上天可憐我呢排好辛勤咁工作,多謝天父,賜我玩物...哈哈.

細佬啟賢

今日又見到細佬啟賢...唔係,應該係係君君同羨寧的細佬啟賢....今日有多d時間同啟賢玩,佢睇到我地玩UNO,佢又想玩埋一份,碧碧姑姐就問佢,你識唔識玩架,佢就話:我識!


跟住叫佢數數目,佢可以由1數到11,真係叻叻,不過應該係"念口王"果種,仲講得唔多正果種,好過癮.點知佢數到11,之後就跳到15,哈哈,一路派牌仲係成日講"4, 15..."喃喃自語咁.


佢係反轉d牌咁睇住嚟派架,派派下,佢派咗隻"+4"畀我,我就問佢,"你做乜罰我呀?!"佢就笑笑口話:唔係呀...點知佢又派"+2"畀我,我又問佢,"你做乜又罰我呀?!"佢都仲係笑笑口話:唔係呀...睇嚟佢真係唔想罰我,只不過佢睇住d牌嚟派姐...


睇睇下,佢仲有個小動作,好似要打咗咭先派咁.真係唔知呢個小鬼嚮邊到學返嚟.睇佢一d都唔似兩歲半.佢可以講到好多說話,仲有完整的句子,真係好叻架.

虛無的航天展

早幾個星期同樺爾睇咗"2001太空漫遊"呢套經典的電影,估唔到今日走咗去圓方附近的一個露天"中國航天展",其實都係機緣巧合,因為同三家姐一家人一齊去,又想帶媽媽去行下,於是無無聊聊就去咗.


一去到,見到瑩瑩玩得好開心,佢剛剛玩完充氣的果種兒童遊樂場,裏面成個焗爐咁,玩完成個面紅耳赤,紅粉菲菲,好靚女.


原價要100元入場費,今日特價20元都覺得唔多值.估唔都咁少嘢睇,展品有得睇,冇乜得玩,有得玩的仲冇乜好玩....-_-,去太空館好過.幾個展覽館都好似蒸籠咁,得少貓幾隻人都已經快要窒息,再多d人就真係死得啦.


逗留得最長的地方,竟然係禮品館...因為今日同行的是三家姐!

約會

今日樺爾約咗我去跑步同射籃,以為佢只係講下,點知真係成功出發,仲一打就打咗個半鐘,不過都有抖下架,唔算太攰.希望咁樣可以好瞓d啦.


今日試咗拍住個波打圈咁走,不過就似追住個波多過真係"控波",今日又試下"擦板",不過就似"彈板"射球多d,至於"走籃"呢...真係唔好意思嚮小朋友面前獻醜啦.都係射下波算啦.


呢排流感咁犀利,如果一個星期可以做兩次運動,應該都可以防一防既.不過睇怕都冇乜呢個恆心啦.

過敏症

早排煮咗兩次飯,換來成半個月都患上過敏症,隻手癢到飛起,好彩終於都好得八八九九啦.多謝哥哥的藥,我好乖呀,食足一個星期的療程,加上媽媽的涼茶,好好瞓咗成個星期.


不過到底我因乜事敏感呢,到而家都係一個迷.

歡樂時光

這幾天重遇了相交相知多年的好朋友,好同事,傾著傾著,忽然就像坐談會說起工作上面對的困難...


開心的時光過得真快,其實還有很多說不盡的話題,總覺得時間不夠,或是在趕什麼的,希望下次可以找個地方再談談心.

生日願望

上年的生日願望,基本上可以講達成咗,雖然唔知係好定唔好,不過,至少都成真了...(係呀,係你呀,其實,唔關我事架,不過當時果刻,只係想到呢個希望),至於其他....希望大家都可以成真啦.


今年呢,因為有兩次吹爉燭的機會,但係好似都係同一個願望,希望真係會成真啦.


另外,今年收到很多人的祝福,真係好多好多,有收咭,SMS,電話,見面都唔少,真係萬二分多謝各方可愛親友.


另:...

忽然想起近來看的一部電影,嘿...睇戲喊下就算啦,千祈唔好咁樣.

我的生日會 Part II

今日到屋企人同我慶祝生日,飲茶之後再返屋企食蛋糕.雖然今日哥哥一家人同大家姐佢地都唔得閒,但係有咁多人(同兩個小鬼)一齊慶祝都已經好開心啦.


雯雯仲揀咗一張金粉超多的熊仔生日咭畀我添,佢仲畫咗個雙手放後面的女仔添,小朋友畫的畫真係好可愛,笑得好天真無邪呀.


唱完生日歌,兩個小鬼就幫我吹爉燭,之後仲有三輪熱烈的"濕吻",瑩瑩鍚鍚鍚鍚...成個面都係口水,之後我抺好,又到雯雯嚟鍚鍚鍚,之後瑩瑩又再嚟一次,真係又wet又warm.


三家姐仲話,今日同瑩瑩揀生日蛋糕,瑩瑩本來想揀個芒果蛋糕,點知即刻畀人買咗喎,之後想買hello Kitty蛋糕架,但係媽咪又揀咗另一個朱古力mousse cake,之後瑩瑩就對住個sales姐姐喊啦,因為佢想買個可愛d的Hello Kitty但係就買唔到啦....Wooo...


真係傻妹嚟架...今時今日五歲的小朋友都仲可以咁天真已經好少見啦.


今晚走的時候,佢仲約我長假期的時候去佢屋企過夜添.唔知復活節得唔得呢?

我自問

呢排工作,日日做到冇停手,但係連午飯時間都要見老細,無啦啦有餐午飯食,咁都好呀,有免費午餐,不過對住"生補"的人就唔多講嘢,悶悶地...自已食,休息多d仲好過.


我好想快d做完今日要做的事,點知趕頭趕命之餘仲要傾續約的事,我一d準備都冇,同新老細講講下佢就提到年紀問題...原來佢真係估細咗我幾年...佢成日話"睇你個樣唔似"....


咁究竟個"樣細"有乜問題呢???

好攰呀

呢排冇覺好瞓,有一晚仲要改篇唱"等"呢首歌添,返到屋企又冇得好好休息,第二日又再返工.


我快要死啦....


天呀...我需要一種特效藥...我很頭痛我很煩惱....回憶最好通通忘掉....


瞓瞓瞓....唔瞓得著?!

吻別的位置

這三數日 隔天見面
怎麼共你 細數幾年
.... (克勤演唱會延續篇 .... ?!)

同你傾咗好耐,聽到你的事,真係覺得你真係長大了.


臨走時,本來只是想抱一抱,碰碰面,估唔到竟然會"鍚鍚"添.好warm...好耐都冇同你"吻別"啦!


好開心同你傾咗一晚.

世界末日的早上

btw,打下呢首歌先...雖然歌詞...呢個作詞人通常都有d怪怪地的字嚮中間,不過意念新鮮..


世界末日的早上 - 克勤
想聽呢首歌,按這裡再按上面Play掣



世界末日的早上

曲:阿卓 詞:... 編:褚鎮東

我 頭髮梳理整齊
還剃好了鬍鬚
隆重的打上黑色的呔
我 拿著一扎紅花
沿著空曠長街
沉默的走過 黎明和日出
來到這荒廢超市內
攜著你平時喜愛蛋糕走過來
送達你的家裡 盼望門一打開
有一聲喝采

過幾個小時 即使一切倒下
還是想抱著你一起怕
趁尚有一口氣抱緊起舞吧
聽著一街警報聲來伴舞吧
到終結之前 假使很怕的話
還是可以為你講笑話
浩劫中躲不了 但我至少可跟你
含著笑的告別繁華

聽 何事苦難情景
還有手電鈴聲
遙遠的好友 相繼告別
聽 誰在家裡嚎哭
誰在家裡狂歡
而我只需要如平時幸福
和你依偎這沙發上
如渡過平凡的假日一般正常
揭著那天跟你旅行時的彩照
你喜歡哪張
過幾個小時 即使一切倒下
還是想抱著你一起怕
趁尚有一口氣抱緊起舞吧
聽著一街警報聲來伴舞吧
到終結之前 假使很怕的話
還是可以為你講笑話
浩劫中躲不了 但我至少可跟你
甜蜜到死也沒記掛

過幾個小時 即使一切倒下
還是想抱著你一起怕
趁尚有一口氣抱緊起舞吧
我為你哼首愛歌來伴舞吧
這幾個小時 即使間太短暫
還是可以下嫁給我嗎
直到死不分開 讓這世間的終結
停在這種美麗年華

克勤演唱會

噚晚同Mabel,樺爾,阿Dee同媽媽一齊去睇克勤演唱會,今次又有新搞作,係一個櫻花形的搖鼓,未正式開場就玩呢個搖鼓warm up,跟住打拍子,打都hot先開場.

唔知係咪呢場係本來的尾場,加上噚晚又有錄影,觀眾都好投入,原來鼓聲節拍就係第一首歌"夏日之神話"的beat,真係好好玩,好好氣氛,跟住又有搖鼓人浪,克勤又轉凳,好型,真係估佢唔到.今次佢仲跳咗好多舞,真係有好大的進步,好明顯係有畀心機佢學架.佢仲自彈自唱咗一段花落誰家添,真係好大的突破,good try...


成個show加加埋埋唱咗三十幾首歌,仲有幾首fans好鍾意的歌,


"十年前後"...上次冇唱,今次唱咗,但係點解好似少咗d嘢咁呢?原來係冇咗小提琴聲...唔緊要啦,都ok呀.佢今次唱"我不會唱歌"唱得好好呀...讚!


當聽到"世界末日的早上"真係喜出望外,不過佢就唱錯咗兩個字,我同阿Dee因為太熟啦,相視而笑...其實佢都唱得好好架.不過到後尾佢唱到"一個人飛"果陣走音,見到克勤自己都搖搖頭,我同Mabel見到都戥佢唔開心呀.整體來講真係唱得好好呀.唔好搖頭啦...


估唔佢會唱"大時代",之前聽呢首歌都有想象克勤的演唱點夾呢首歌,本來只係一首好普通的歌,原來夾起嚟都幾好呀.之後又有同"假人小剛合唱"歲月風雲",又有同靚女高妹跳舞,好搞笑,真係幕幕高潮.唱住"小寶寶"又播佢個仔Ryan的相,真係好Cute,呢個係13號亂咗rundown之後冇播架.唱完呢首歌,唔知克勤係抺汗定係抺眼淚呢.


結尾的"命運符號"同"好戲之人"的melody就跟住我返屋企,不過返到屋企竟然想起古巨基的歌..哈..

兩個人的生日會

今日好開心同Mabel,Pui Yee, Giny, 一齊慶祝Iris同我的生日,第一站Outback,第二站到我屋企,幾乎全程不斷食食食.

Mabel仲買咗個好可愛的米奇芒果蛋糕,我同Mabel,Iris對住佢猛咁影,要影返夠本先放過佢.



之後仲有我第一次整的腐竹雞蛋糖水,其實一向都唔好食糖水,所以連D好基本的糖水知識都冇,只係知有腐竹同雞蛋,白果我又唔食,所以想用豆腐代替,不過最後都冇落到.因為我買錯咗一d鮮腐竹,所以要滾耐d先得,好彩有幾位高手敎路,原來要將腐竹滾到散哂先叫做Ok,加咗幾隻白烚雞蛋同冰糖就搞掂啦.不過我一向都唔喜歡太甜,所以味道就應該淡咗好多,希望下次會好d啦.


今日好忙,夜晚仲要去睇克勤演唱會添.

攞命情人節

其實情人節呢d商人"煲"出嚟的日子真係好唔想中計,不過,就當係一個機會對下佢好d,呢排成日OT,乘機早少少收工咁都好丫. 於是ghost又叫我快d走啦.


平時成日出街食,可恨呢類日子,連出街食都要搵位,仲幾搵人笨.既然早收工,就自己煮好啦.


幾乎成一年冇煮大茶飯,買起餸就最頭痕,之前見Kathy介紹的菜式好似幾好咁,雖然未試過煮,膽粗粗就試下啦.


買買埋埋一大堆....



結果就有加左料的羅宋罐頭湯,同煙腩肉露筍卷拌意粉,另外再加一碟菜,味道都似返出街食.



不過煮咗成個幾鐘,真係好攰,最攞命係食完大把嘢洗!

新年先嚟執屋

哈哈,呢排因為好忙,本來以為早兩個星期可以執屋,點知每次都係執到一半就停咗.搞下搞下,搞到新年先真係有時間執屋.

呢幾日準備咗個環保全盒,因為冇去買全盒,所以就搵咗樺爾以前送的禮物盒做全盒,好簡單,倒哂d糖入去呢個心型盒就搞掂.裏面有Hello Kitty糖,可樂糖,姆明糖,super lemon "酸到喊",珍寶珠,加埋Berry一粒抺茶糖(搵得到就奇),仲有Kathy送的鴨腎,咖啡粉做背景,一對Bear Bear 做前景,好似糖糖浴池咁.



買唔到合心意的揮春,索性就唔買,不過早兩日總算搵到幾個新的"咕o臣"套,免強有少少新年的氣氛...