雨中長洲

今日相約 Pui Yee, Ginny, Mabel 去長洲呀,一早就約好咗今日,點知天公不造美,下雨呢,真掃興.

不過轉為美食團,都唔錯呀!

之後竟然走咗去皇雀會食晚飯,聽歌,一邊慢慢打麻雀,一邊睇"爸不得爸爸"大結局,不過打咗三圈都係返屋企啦,如果唔係就太夜啦.

聖誕節2009

今天兩個活動在同一天進行,下午聖誕節+12月之星生日會,今年又多一個新成員,場面更加墟憾!

夜晚約了chung & chung 嫂,Yi & Yi嫂一齊玩新的大富翁咭,之後叫Pizza & Chicken 食,再抽禮物交換.

好耐都冇乜同d朋友見面,媽媽一聽到約咗朋友,又扁嘴,聖誕節嘛,放我幾晚啦!

咁又過咗一day 啦,好似時間好唔見駛咁.聽日就長洲行山...但好似會凍喎.

小欖燒烤場之香港好波

今日約了一大班舊同事到小欖燒烤場燒烤,雖然我對燒烤沒甚興趣,但是久違的氣氛又回來了.傾下計真的不錯.可是知到了幾位朋友的身體有點毛病,希望各人都早日康復啦.


今天更難得是一起看到電視直播的東亞運(日本對香港)賽事,打了一場精彩的爭氣波,最後一球十二碼,看到一點淚光!

重新認識-瑜伽班同學

好久沒見了,今天又再三人一起上瑜伽班.就像第一次在KFC開始,今天又再共聚於KFC了.

單車漫遊

今日同bobo,pui Yee,ginny 踏單車...

期待了一個月的單車遊忽然因諸事不順的多事之秋而影響了，還是早早歸家好了。各位姊妹們，下次我要盡量盡慶d架啦！

(再寫過真麻煩！6_<~)

最開心的事

每次做瑜伽大休息的時候，miss 都會叫我們想一想今天令你最開心的事，竟然沒有！

晴茵

今天終於見到你一面啦...傳說中的靚BB,皮膚白滑似足媽咪,眼又似媽咪,雙眼皮,眼大大,面圓圓,其他都似爸爸多d,真正的二合一.

只可惜我唔記得帶相機,只係用咗iphone影,好似哈哈鏡扭曲了,好在四家姐同我地影咗幾張相啫.不過我地坐咗成個幾鐘,等BB醒等到頸都長啦,乖啦,起身啦,如果唔係就誤咗吉時餵奶奶就唔好啦.你家陣唔肯起身,今晚又會扮瞓覺,搞到媽媽冇得瞓啦.

好,終於嚮媽咪的極力騷擾之下,終於睜開眼了.哈,點知"射一射呢",又繼續瞓,真係爛瞓如...四家姐...(個個大肚婆都係咁架啦.)

今次真係醒啦,Hi hi...我係姨姨呀,之後,"係咁二"同佢影咗兩張相,又要撤退,因為媽媽要餵奶啦.

今日得見,知道呢個天才BB幾日大就識得作畫,用的"顏料"就..."更為特別",呢個...其實唔好笑,因為媽媽唔舒服,食咗的藥經人奶傳咗去BB度,搞到BB疴"橙um um",仲稀稀地,又唔暢通,媽媽以為佢疴完,呢頭同佢換片片,果頭就再噴"um um",仲噴到去成1米外的牆呢,真係嚇到媽媽花容失色,擔心死佢啦,仲唔止一次,唔同佢換片片,又怕佢有尿疹,真係難為媽媽啦.

其實佢"谷um um"個樣都幾得意架,仲有,佢有"啜奶酒凹"架!

第十一年

今天(昨天)忽然覺得很特別。很熟悉的日期，但我已經忘了，是了，原來是記念日，唔…今年過得眞快。

今晚沒約看戲，本要跑步，但也晚了些，取消了反而和阿dee傾計到兩點！

對不起，嘿嘿…

啤梨生日K

哈,好日唔見,一見又係唱K...其實都只係想搵個地方長d時間傾下計,但係一邊唱,一邊傾,似乎又有d難度,因為三個人,唔係你唱,就我唱,再唔係就佢唱,我地傾計,又想加把嘴,唱得就"撘唔到嗲".

之前同KHC寫咗個K list,講咗要唱的有:

園遊會
十惡不赦
戀
時光機
翅膀
我還想她
Missing You
我不以為
我知道 (by2)
橘子汽水
下雨天-南拳媽媽
記得忘記
忘記傷害
你是我的眼

唱咗的卻只有....

阳光宅男
一千年之後
說好的幸福呢
給我一首歌的時間
江南
沒有如果
魔力
明天以後 - 林峯/泳兒

睇怕下次真的要帶List唱K啦.

好在後來唱完K,去食糖水先可以傾少少計咋.時間真的太短呢,說好了,下次來個戶外的...離島又好,澳門又好,玩一玩真的不錯呀.

晴晴

第三次了,和晴晴緣慳一面,我始終仍未見到她的"真身" 6_<~!想看看巨BB,(原來四家姐"擺烏龍",以為晴晴是巨BB,8磅6,原來記錯了,又算錯了,應該是6磅幾...)

晴晴,五日大了,第一天到醫院探望四家姐,以為慢慢再看她還可以,原來看BB要限時限刻的.7:00PM前到達醫院本來可以看到她的,但我擔心四家姐多些,所以看了四家姐便沒機會看晴晴了.

第四天到醫院探病只是在非探訪時間,給四家姐送物品,看到四家姐手機中拍攝的相片和錄影,好得意呀...止一止我的心急,還好..希望四家姐可以盡快出院就好了.

第五天,以為到家裏看她和四家姐,應該見到了...可是...

晴晴呀...姨姨幾時先見到你呢?

唔...遲些也沒問題,難為你的媽媽呀,為你受很多苦呀.如果有一天你懂看我的Blog,看呀...媽媽是為了你....一世的呀!

睇我跑得幾耐(三)

估也估不到,今天又再跑,其實今早為四家姐的事走來走去,已經有點疲累,但是心想還是要去陪跑,所以本來今天不跑多了.

今天又再跑,感覺卻好像輕鬆了些,於是今天又跑多了些,今天是再城門谷運動場外面跑了6個來回跑,大約4.8km,用了38:28分鐘...唔,感覺還好,但是似乎過了少少火.

明天還是休息一天吧.嘻嘻,希望不會就似"收工"吧.

至於貓仔,大約跑了8個圈,6.4km,還不算很成功,但至少再跑多一點點,應該可完成了10km慈善跑了.

睇我跑得幾耐(二)

哈,連我都不敢相信,原來我也可以跑了~4km,雖然跑得不快,但也算是一個很好的開始...會不會是很好的結束呢?

今天我一口氣跑了31分鐘,再加5分鐘的熱身,其實也跑了不少.今天改了路段,平坦的馬路,似乎沒用多大的氣力,便可起動了.可是,跑了8分鐘,開始有點悶,捱不下去了.心裏想,再跑一段吧,反正要等貓仔跑完他的路,我就再跑一段,又跑了10分鐘,心想,平時前前後後也是20分鐘,明天又放假,就放心跑多一點點,再跑,再跑,原來我可以不停地跑30分鐘呢.真的神奇呢.

中秋節有感而發

以前細個過中秋都幾多突發性事件發生,細個的事已經好多都唔記得,有一年唔記得帶鎖匙,搞到冇門口入要"撬門",仲好似唔只一次有很多很掃興的情況,也不能細數,今次竟然係媽媽入醫院!


本來忙了大半天,陪她入院,也沒心情上網打日記,不過,今天的心情真的有點百感交集,本來媽媽入醫院,應該會很擔心,很緊張,但另一方面卻又希望媽媽只是一時不適,並沒有大礙,只是有些疑慮而已.


是的,我真的很緊張,因為平日媽媽身體感到不適,都不想進醫院,甚至食盡自己可以想起的藥,一種接著一種地吃,有時藥還未到肚,已經說有成效,真的匪夷所思.可是,今天是媽媽自己說著要入院的.可想而知她再也沒法"自救",要尋求幫助了.


媽媽天天也在投訴著身體有大小不同的毛病,而她對所有藥物也有很多不同的連鎖反應,加上一天內接二連三地服食不同的藥物,有時問起她的病,要數幾天或數月之前,前因後果也說不盡.本來家人都習以為常,只想著媽媽又疑病了,就算一邊叫救護車,一邊還是安慰著自己:"狼沒有來",一邊很擔心,一邊又祈求平平安安.只不過,恐怕有朝一日"狼真的來了",到時,想追悔已經莫及了.所以,我還是希望我們是虛驚一場.而媽媽安然無恙,豈不是更好嗎?

趁著還來得及,見一見媽媽,莫論媽媽是疑心生暗鬼,大家到醫院探望,也總算安心了.至少又多一次相見相聚的機會,幸好還來得及.


回想小時候,連阿Dee都沒有跟著媽媽玩燈籠的時候,媽媽就像一個大細路,還是很喜歡到球場湊熱鬧,玩玩燈籠,猜猜燈謎.而我也常常"被逼"陪著媽媽去呢,到底是媽媽陪我,還是我陪媽媽,有時候,總會想,為什麼是我??

前幾天,媽媽想到荃灣公園看特大花燈,我沒有陪她看,總是怕已是成人的我,還像小孩跟媽媽一起嘗月,害羞不害羞?!今天媽媽入院的時候,她還是記掛著她期待了幾天的中秋晚會,滿以為可以和子孫一起遊樂,卻擔心沒有一人回家.如今要留院觀察,沒辦法去晚會了,只好叫我到會所換取應得的飲品...當我拿著換領券的時候...真的想哭.我又是為何而來呢?? 本應是一個歡樂節日,滿是人的晚會,我換到了飲品,瑩瑩也猜燈謎贏了很多小禮物,而媽媽卻在醫院中渡過.


(不知媽媽睡得好嗎?)

睇我跑得幾耐

因為這一年來愈來愈多人同我講話我肥咗好多.所以似乎都係時候做返d運動.

近日貓仔參加了聯合國兒童基金會慈善跑 2009, 距離11月尾也沒有很多時間,加上一向沒有跑步的習慣,亦沒有經驗,所以真的要小心鍛練.

去了城門谷,跑了五六次,第一次只是探路,跑十分鐘已經氣絶了.如是者一星期只可以抽兩三晚跑步.慢慢加時間,現在只是有信心跑半小時.今天終於到健身室試一試速度.目標是一小時跑十公里.


我先用了較低的速度熱身,再試一個比較有把握的速度.開始跑了十分鐘,連一公里也跑不到.接著再跑二十分鐘,今次是以7.5至8km/hr跑,可以跑了2.4公里,假如真的能用這速度跑得完全程,要1小時23分鐘!看來跟目標有一段很大的距離呢.至少能跑畢全程已經偷笑了....

跑了這一次,真的覺得要跑得好,真的不易,因為確實悶得很!而且我沒有參加慈善跑,真的是"陪跑"呢.

久違的blog

自從搬屋之後,呢幾個月都冇寫過個blog,甚至有數位朋友問起我為什麼沒有再寫blog.哈一個字,懶!

我也沒有信心會勤力地再寫下去,不過,也多謝各位對我的關心.多多支持這個blog.

Dunkey回家路(倒數四)

仲有五日就搬家啦,今日先有紙箱送來,好彩貓仔可以請假收貨,見到d紙箱,不其然又好擔心,因為紙箱不多,只有25個,但Size很小,恐怕不夠用呢.

還是要放棄一些"回憶"好呢...

今日只是收拾了我心愛的CD DVD...仲有99%原封不動!

Dunkey回家路(倒數三)

轉眼間已經進入倒數一星期,看看家裏還是原封不動!怎麼辦?!想一想,其實拖延收樓期也得好好善用.

這陣子工作已經忙了幾個月,眼睛睜開便是日夜工作....
(哈...真的傻的,長期工作會使效率降低,還是收工吧...吾生有涯,而知也要涯,以有涯(的人)隨無涯(的人),殆已...以而為知者,殆而已矣.為善無近名,為惡無近刑,緣督(背脊)以為經，可以保身，可以全生，可以養親，可以盡年。........嗌!改幾個字變了庖丁解牛:工作版 -- 莊子養生主第三) ...當想開脫自己,想一想這個原文也很合用.

逄星期三瑜伽還可以來個大休息,身心靈也得到短暫休息,可以撐至今天也沒請病假也算是很好的了.其實真的很想請個假.正好要搬家,逼一逼自己,要盡快休息一天也是好的.

原來搬小量家品也是很頭痛的,因為沒必要找搬屋公司,反而找了時租車作運輸,紙箱卻要自備.以往小時候是在生果檔買紙盒的,但是現在拾紙箱也是很重要的生計,也無謂要影響他們掙錢了.在網上找紙盒本來也是很簡單的事,只是尺寸總是不大合適.價錢也不便宜,每20-25個計,$6至$15不等,訂小量還要加運費.最大問題是沒有星期六送貨,得請假收貨.最後還是訂貨了,幸好不用我收貨...嘻嘻...

今日又買了幾個紅白藍,意外地知道,原來在日本城可以用Cash Dollar!結果買的幾個紅白藍最後只花了五毛錢!

Dunkey回家路(倒數二)

搬回家當然有目的了,希望暫住可以多省點錢.雖然未知將來的樓市如何,但是搬回家也不能長此以往,還是要找個地方的.難得爸爸媽媽很歡迎,嗚嗚,否則無家可歸真的很可憐啊.
其實這個決定也很好,以前和爸爸媽媽地過了這麼多年,結婚後自問還叫長大了,以前常常吵吵鬧鬧,希望現在熱熱鬧鬧,盡可能多點時間陪爸爸媽媽,畢竟今年連阿Dee都離家了,只留下他們倆老,他們應該很是苦悶.不過想照顧他們也不易,或許,反是爸爸媽媽會照顧我們呢.嘻嘻...因為媽媽的餸菜太吸引了.既健康又可口,不過會是增肥還是減肥,真的很難估計.

可以再和爸爸媽媽一起住真的很好,可幸的是他很包容,並沒反對我這個任性的決定.唔...真的,沒有你的配合,我也不可以這樣任意莽為.

Dunkey回家路(倒數一)

還有一個月便要搬家了,可是今天只是把所有地址更改了.可惡的寬頻,要終止服務也不是容易事,到門市取表格也是費用失事,竟然沒有表格!真是拿它沒辦法.回家打電話,還好,可以免搬遷費.

這個星期還沒任何動作,要開始收拾細遠,動作得快一點.

我好好

今日朋友問起我已經好耐冇update 個blog，睇一睇真係成兩個月冇update啦,不過又冇乜時間打字....

唔駛擔心...

我好....好....

點解？

時間過得真係快，一個月真係好快又過左啦。

花展 2009

平時好怕多人,所以有乜展覽都唔好預我.

今日二家姐同我講,雯雯希望可以同我和丈丈一齊去,真係好榮幸!

今次係我第一次同雯雯一家單獨去玩，雖然時間很短，不過都已經好開心啦！

失去氣力

本來是有一大堆工作要做的,只是,這兩天的眼睛睜不開了....
累了.還是回家吧.

士多啤梨蘋果橙

今日士多啤梨,蘋果,橙,組成"聲沙沙奇兵"一齊去唱生日K, 話就話加x紅七折K好抵唱,3人行唱兩個鐘多d就畀人Cut!好唔夠喉呀...

好在之前之後都有時間傾下計,仲一齊玩下手機影相相,真係估唔到會變成交換禮物呢,多謝你地的熊熊眼眼同姆明鈎鈎呀,好開心呀...士多啤梨好得意呀!

好景不常

又病了...
為什麼總是在開心的過後,又來這樣的惡運?
是"神"又要考驗我嗎?我並不想做阿伯拉罕啊...
放過我吧!

五支爉燭

我要多謝你地...所有人都到齊了...事實上真的有點勞師動眾,不過有五個小鬼同我一齊吹爉燭,仲快過我吹,真係好搞笑.仲要吹爉燭 take 2!
啟賢仲離遠吹爉燭吹唔到,好cute,瑩瑩無得幫我吹爉燭...因為雯雯一吹就有三支熄咗...哎喲.

今日可以同啟賢佢地玩彈琴同尋寶,真係好玩啦.

唔...美中不足的....是咪咪姨姨走咗先切蛋糕.

(唔記得咗...多謝二家姐的天使蛋糕,好味呀,多謝你...)

仲有...大家姐...收到你的大利是,無言感激.

仲有...三家姐...你地趕過來同我做生日.

仲有仲有...哥哥,你出來一齊玩已經很開心了!

電影2009-2月

2-5. 救人七命(7 Pounds) ***
其實真係唔想接受呢個行為,不過都好過你就咁死咗去...我沒有心理準備有這個情節,好在並不是太驚嚇.很少睇到兩個黑人的愛情片...

2-6. 奇幻逆緣(Benjamin Button) ***
雖然個故事很特別,但係個片長真的長了些,有點冷場,但也不是太嚴重吧.中間也加插了些搞笑情節,七次被雷劈都冇事,真係一個好厲害的伯伯...片中也有其正面的訊息,但是並沒有令人很深刻的感受,可能剪片太留手了,不過亦可以看到這片的心思,前前後後總是有很多呼應,而且特技及化妝也應記一功.

2-14. 乜都得先生(Yes Man) ****
睇到佢個死樣就想笑~睇到擺明畀人老屈錢都要say "Yes",真係是鵰拔(stupid),Harry Porter 個閃電,戰狼300,仲有扮粟米人,仲會唱歌救人,好搞笑.jogging photography 有趣有趣,最有趣係,當見到人跌倒,第一時間係同佢影相,而唔係去扶佢...

2-28. 愛到底 **
中咗招...都係因為方文山做導演的號召...仲有貓仔話九把刀都唔錯.
睇咗第一個:三聲有幸(九把刀)
唔...還好....有點意想不到的主題.

第二個:華山‧24(方文山)
,有劉心悠做的MTV電影...其實同拍MTV冇乜分別.

第三個:幸運
...無feeling...直到最後一個shot...都係咁架咋...

第四個:第六號瀏海
...雖然呢個宅女好無聊,但又有少少搞笑...

唔...睇實驗電影都有心理準備架啦.

兩個意外的驚喜

今日係我牛一,本來就想放假一天,不過公司有少少嘢做,於是轉咗星期五放假.

今日放工見有少少時間,就去行街街睇下有乜禮物可以買畀另一位生日朋友,點知平時唔多睇衫的我,今日心血來潮就睇中咗一件外套,背面有一隻狗狗頭同狗狗手,好似"扒"嚮到咁,好得意,咁我就試下啦,雖然都可以穿得入,不過我就想闊少少,咁就叫個Sales畀個大一碼的我試啦,咁一試,又好啱喎,咁就要咗佢啦.之後又試多兩件,都唔錯呀,畀錢就走人...


原來貓仔一早就做定功課,Book咗位去一間荃灣比較好味又抵食的餐廳食晚飯,呢間"森美餐廳 Sammi Cafe",雖然很細,食物的質素良好,加上老闆娘很好態度,真的可以加分呢.我們本來是 Book 8:00pm 的,早來了,剛好有坐位空著,就先入坐了.

好了,叫了個超值套餐,有頭盤(黑魚子煙三文魚),酥皮海鮮湯,主菜(鵝肝伴牛柳),飲品+甜品(木糠布甸).再叫多分威靈頓牛柳,又有紅湯,蒜蓉包,(蒜蓉包還真的不錯呢).

剛剛在品嚐酥皮湯,很香很足料,烹調亦得法,黑魚子煙三文魚都幾得意呀,豈料,忽然眼前一黑,食店變得漆黑一片,原來是電線短路,(哈...莫非是貓仔刻意安排?睇佢都唔會...)閃過這個無聊的念頭,全店的客人都十分安靜,有的就用手機的光源作照明,(燭光晚餐都不錯吧?但...會不會連煮食都沒法了?)過了五至十分鐘,老闆娘就向我們逐一道歉,還不收費,有熟客已經在食甜品,但老闆娘也不收分文!

就係咁...我們吃了個免費頭盤+餐湯,同主菜緣慳一面...

唯有轉陣到"別府"吃晚飯了,今次又叫了個時令豆腐煲,普普通通呢,燒帶子...No next time!挪威三文魚買一送一有足足五件x2碟,真係好滿足!

....

食飽飽啦,返屋企,就展示一下我剛買的"戰利品"啦...我一邊講,話買咗件可愛狗狗外套...一邊show,貓仔就話:點解係羊嚟架?以為佢講笑,點知我一睇,先知我本來要的扒地狗狗公仔變咗隻貴婦狗公仔!好似隻羊!

咩~~~

十二點

大笑...因為你!

://

(6*G)

Happy Birthday to me!

咁又一年啦...回顧呢一年,好似冇乜大轉變,總結來說,可以話係好頭唔好尾...哎吔..慘慘.

健康
近日身體又出見了少少毛病,眼睛還是要多加休息.不過,基本上健康都是正常的,自從做咗瑜珈身心都會比較健康,腰骨都舒緩了.不過我就需要2個大休息,因為一個好的大休息就好比4個鐘的睡眠.今日無啦啦傷風...喉嚨又乾,仲有鼻水添,真係"我感到身體虛弱".食乜都補唔返.

家庭
家中老少平安係最幸福呢,可以共聚天輪真係好,不過媽媽近來很悶,有時間,最好都係可以陪下佢,一大柵人好熱鬧,但係次次都唔知做過乜,如果可以搞下活動就好啦.


朋友
人大咗,基本上只夠時間去維繫現在所交往的朋友,不過意外地結交到一位朋友的朋友,漸漸都成為朋友了.只是,對我個人來說,還是喜歡一對一交友模式.可以打破呢個框框嗎?

事業
呢個時勢,可以有工做都已經好好呢,所以"我要做好呢份工", I'll get the job done, 唔駛 "well done"架呢!


愛情
結咗婚,係咪就冇愛情呢?呢個有待時間的驗證,不過如果去想呢d無謂嘢,不如去想下點去維繫,調劑,提出,接受,改善,包容...有時候可能真係退一步海闊天空,有時候唔爭取就會錯失良機啦.

同手同腳

最近又看了星光大道第二輯,當中有個從英國回台灣的參賽者Annie(陶子總是叫她Hello Kitty),她是英國皇家音樂學院主修小提琴的學生,聽她的唱腔很是特別,所選的歌曲參賽也頗有意思.以下是其中一首,今天忽然另我想起了,這一首歌她是獻給自小不是一起長大的弟弟,今天我就獻給已經不是同住弟弟吧.

同手同腳 / 溫嵐 (原唱)

還記得　小小年紀　鬆開我的手迷失的你
在人群裡　看見你一邊哭泣　手還握著冰淇淋
有時候　難過生氣　你總有辦法逗我開心
依然清晰　回憶裡　那些曾經有笑有淚的光陰
我們的生命先後順序　在同個溫室裡
也是存在在這個世界　唯一的唯一
未來的每一步一腳印　踏著彼此夢想前進
路上偶爾風吹雨淋　也要握緊你的手心
未來的每一步一腳印　相知相惜相依為命
別忘記之間的約定　我會永遠在你身邊陪著你

還記得　小小年紀　鬆開我的手迷失的你
在人群裡　看見你一邊哭泣　手還握著冰淇淋
有時候　難過生氣　你總有辦法逗我開心
依然清晰　回憶裡　那些曾經有笑有淚的光陰
我們的生命先後順序　在同個溫室裡
也是存在在這個世界　唯一的唯一
未來的每一步一腳印　踏著彼此夢想前進
路上偶爾風吹雨淋　也要握緊你的手心
未來的每一步一腳印　相知相惜相依為命
別忘記之間的約定　我會永遠在你身邊陪著你

未來的每一步一腳印　踏著彼此夢想前進
路上偶爾風吹雨淋　也要握緊你的手心
未來的每一步一腳印　相知相惜相依為命
別忘記彼此的約定　我會永遠在你身邊陪著你

現在我唱的這首歌曲　給我最親愛的弟弟
在我未來生命之旅　要和你同手同腳同走下去

開心電影

今日睇咗乜都得先生(Yes man),真係幾好笑,多笑位,睇到個死樣,好好笑
"Don't be a No Man, Say Yes to Yes"... 哈哈 good good.

呢套雖然冇Trueman Show 咁深刻,但係又係占基利的一套代表作,可以列入我最喜愛的電影"2009 Feb"...

新年發大財

今日去咗舊同事的屋企玩"魚蝦蟹"同"射龍門",好開心呢,因為又可以見返好耐冇見的舊同事呢.就好像時光倒流...幾乎每年新年都會到他的家玩玩.

今日嘗試用小本"2元"入"賭場",試一試博彩的心理,所謂少賭怡情,心想,輸了2元就算了.當然希望可以玩久一些就夠了.

幸好,我還不算很倒運,剛玩了不久,用2元的本金最高可以變成10元了,已經5倍利潤,該收手吧?(哈,割禾青?!),當你還是用贏返來的錢繼續玩,好像不太在乎的,雖然每每得利的時候都會少少興奮,而且跟住新任"賊公賊婆"一齊下注,果然有收獲,不過十賭九輸,漸漸都倒輸了.最後就連最初的兩元都輸了.哈哈,輸少當贏吧.

之後再玩"射龍門",估唔到今次竟然可以畀我"返本",仲有x2.5的收獲,有多三個大洋的進賬,其實"塘水滾塘魚",就算贏輸都是大家開心吧.

今次見面只係好短時間,下次真的想去打下羽毛球,希望佢地唔會嫌我"渣"啦.

生日戲票

今日新組合crossover一齊去睇戲,本來要同佢做生日,不過因為時間關係,仲要主角親自買飛添...

今日食晚餐,因為要方便買飛,於是去咗"巴黎咖啡室"食晚飯,呢間小餐室,有1x個餐,但係要乜冇乜,仲要係冇凍飲.不過可以添飲花茶,服務還可.

雖然來也匆匆,去咗匆匆,但係都可以叫做閒聚片刻呢.

今日睇咗"奇幻逆緣",係壽星女很喜歡的女主角同男主角呢,雖然個故事很特別,但係個片長真的長了些,有點冷場,但也不是太嚴重吧.中間也加插了些搞笑情節,七次被雷劈都冇事,真係一個好厲害的伯伯...片中也有其正面的訊息,但是並沒有令人很深刻的感受,可能剪片太留手了,不過亦可以看到這片的心思,前前後後總是有很多呼應,而且特技及化妝也應記一功.

燈牌

上年同Mabel講過,如果下次克勤又開演唱會,我地就做個燈牌玩下,做下狂熱少少的粉絲.

行咗幾間鴨記,可以訂做的燈牌主要分兩種,一種係咭紙造的,一種有電箱,咭紙造的可以造很大,但又較容易壞,電箱的卻很重,而且面積少的也很$$,兩者價格也很"海鮮".

比較之下,終於都是選擇了電箱,因為報價最平的一間,盛惠$300,不過,當我落訂時,店員才說電箱改乾電也要加30元.(#@$#%#$%$心想...問你的時候又唔講...)見佢話會同我加個手柄就算啦.

今日,終於都攞到燈牌啦.
看一看面板,還可以~


著燈先...


籃色克勤LED燈


不過...見到個手柄...就...Er.....我會建議拆咗佢囉...下次.

雖然話個燈牌是鋁造的,但仍然係重咗d,唔知會唔會拎到手軟呢...sorry sorry Mabel.

祝大家

心想事成!
學業進步!
身體健康!
人人有工開,
個個搵大錢,
新年行好運!

薯仔炆薯仔

今日幾個同事都冇出去食飯,於是就叫了一間以往常常叫的外賣,聽講甜品不錯,(不過我就很少吃甜品),今日的外賣清單真的沒什麼好選,可能老闆的餐單係用隨機抽樣的方式做配撘啦,其中有一味叫"豉汁茄子龍利柳"真係唔知會唔會有人叫.

於是我地都叫咗好隱陣的"薯仔炆雞"x4,&"蒸肉餅"x1,不過唔知係咪"薯仔炆雞"x4太多啦,所以有一個飯,竟然係得三件雞,其他都係薯仔,看上去真的像"薯仔炆薯仔".而我的飯盒就有好多雞碎,真係得"雞碎咁多"!

唔知係咪經濟唔好,肉又貴呢,所以家陣的外賣飯盒好似食齋咁....唔怪之得我地成日都要出去食飯啦.

南丫島一日遊

約咗一個月的南丫島一日遊因為天時地利人和的關係,我地最終都成行了,人數只是家庭成員的三分之一,已經有六名成員,同行的有Big Big & Koi Koi, 丹丹&貓仔,仲估唔到阿Dee同君君都可以抽空出席.

今日真係好開心,因為平時呢個組合係未試過一起去玩,而我更加未踏足過南丫島,所以今次的漫遊,真是可以留下深刻的印象呢.


為什麼小朋友都會以為"南丫島"是"南Y島"呢?


第一次到南Y島的君君,還和我第一次放風箏呢.只可惜風不夠大,而且叮噹膠鳶面積少,又容易壞,下次切記莫貪靚!

一月一幹啥?

本來沒有真正計劃去哪裡,只不過相約了去看荒失失奇兵,於是又可以同Pan Pan一家,同瑩瑩去睇戲再去尖咀睇燈飾.因為沒有任何準備去影相,所以只是隨意地走走.加上和媽媽一同看燈飾,其實真是第一次...好在今天的人潮不怎樣多,否則我真的想盡快離場.

今天反而不是我只顧影相,原來Pan Pan比我更狂熱呢.之後她還錄影了幻彩詠香江的表演.
這次是我最近距離觀看這個表演,沒有了煙花,激光的特效顯得更平平無奇,加上激光是單一色彩,和背景音樂更沒有很撘配,維港兩岸的大廈各自各精彩,但只有少數的大廈是跟著節奏舞動,就像所有的條件都俱備了,但並沒有很讚的感覺.或許真是有一些技術上的難處吧?