大逃亡

今日請咗假唔駛返工,但係一早8:xx起身,刷完牙,洗完面,走呀...


事關Earma Doll Lai (Earma在家)...


返外家,感覺真好.


不過整天都要Support都幾唔得閒.都怪自己以前種下的孽,爸爸媽媽呀Dee,四家姐,一人一機,仲要係已經上咗年紀的老爺機.最頂癮就係以前阿Dee同我一齊執的Tulatine半製成品電腦...一部連阿Dee同我都唔敢相信,係做唔到multi-tasking的PIII 1G+256 DDR266機!今日的本來目的就係想救返佢.點知.........


人衰就真係連遇到的事都衰,三家姐一早就搵我問佢屋企的 i-cam viewer,我就用媽媽部機開三家姐的 i-cam,點知一裝個Active X plugin, 連媽媽的機都瓜埋!乜方法都試過都唔可以用返.


最後,我一邊整部Tulatine,另一邊就等Format媽媽部機....


其實爸爸的Windows 3.1都換緊機,升緊級玩Windows 98,又係另一部半殘不廢的機.........天啊........Support headache!


今日最好的時間,就係同阿Dee玩咗幾招詠春,又玩Nba Live 2005,不過時間關係,只可以打一節,我哋用New York,對有Eddie Jones 的Memphis!34比19.我用手掣,係唔係好大進步呢?!多得樺爾的特訓!


今日返屋企最開心,就係見到爸爸都會玩拋圈圈!爸爸平時就唔會玩,話無聊,但係今日佢講我哋應該點拋點拋,畀阿Dee大到佢叫佢示範喇!


爸爸話唔係距離的問題,係要"就"力的關係.佢拋下拋下仲要愈行愈遠咁拋添.


結果?冇乜玩過,又冇乜遊戲細胞的爸爸當然係失敗收場啦,好似一個都唔中!


今日的逃走路線,我家->媽媽家->沙田(Berry)->荃灣(阿Su)哈哈......同朋友傾計真係好開心...


傾咗乜?係秘密!