噚晚約咗四家姐食飯行街,好少單獨同佢出嚟食飯,因為佢去開旺角先搵我.我都冇準備過食乜.所以就是但去咗"瑩壽司"食飯,今次個牛肉炒烏冬幾好味.不過個燒汁雞扒定就一般啦.
行咗一陣街,睇嚟睇去都冇乜衫合眼緣....唉...唔單止係咁...仲係因為自己太大個肚腩,冇乜心機睇衫.
行唔到d乜,又係時候返歸,點知四家姐仲請我食Haagen daz添.佢有$50 coupon,好隨便咁食咗個新口味.個芒果味咁酸既.都係士多啤梨味好d.唉,家姐,我只可以"捨命"陪你食幾啖架咋.
好彩今晚放工同Berry,Kathy一齊去游水兼食飯.因為Berry係會員,所以可以入去YMCA的暖水池游水.個更衣室到幾好呀,仲有個男女共用的"海洋更衣室"唔知係點呢,係咪可以一家大細一齊去咁呢?唔知呢.因為要係特許會員先入得去.
今日游水定係傾計呢?Half-half啦.因為我星期六游過,唔可以咁"搏",Berry同Kathy就今年第一次游,都係要就住嚟.不過其實個大人池用咗半個場上堂,所以相對地多人游,咁我哋就去咗個細池游啦.但係有時會掂到地.不過我哋志在郁吓手手腳腳,都冇乜所謂.如果有個更加好的暖水池就好啦.
游完水咁就去食野同傾計啦.講起Berry去耕田都幾得意.佢係做義工同學習障礙的小朋友一齊耕田,都幾得意呀.不過都係要頂得住晒同污糟啦,仲可以近距離接觸好多"大小動物"啦.唔知Kathy見到蟲會點呢?會唔會好似睇到曱甴咁呢??嘻嘻...唔知我同Kathy幾時可以跟佢去呢?
游完水唔係太攰.不過都係要瞓啦....早抖.
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
8 則留言:
Berry,
我可唔可以跟埋你地一齊耕田呢??
而且我仲可以邀請埋我其他朋友一齊做義工架..
四家姐,好晒架.唔知你頂唔頂得順呀
係呀,耕田好辛苦,四家姐唔好咁操勞呀,保重身體!我地去唱吓K啦!舒服D呀!
去耕田？真係勁呀，我就頂唔順啦！”姨姨”你去行山好過啦，可以運動又無咁苦，又或者ｋａｔｈｙ講，去唱Ｋ就最舒服同最涼快架，哈哈哈！
哈...可以一齊做架嘛...要行一陣先到田地,又可以一邊唱歌一邊落田啫...
唱咩歌?山歌囉.
hee......傻咗.
haha..多謝各位關心,我最近身體非常好,耕田應該Okay 架!
唱k 咁梗係好喇,簡直係我的至愛活動,不過次次唱K都悶喇..
如果可以我想玩下其他活動囉..
Welcome everyone to join our volunteer work. First of all, on behalf of the society, thanks everybody who interest on it.
Actually, farming is a hard work, not only the job nature, as well as the environment to those of our city man.
To 4_4 sister: except farming, we also need somebody look after the children if u could't tolerate farming.
My colleague & I will plan our next farming on 29/7. Who would like to join us?
Berry,
可唔可以send 多d活動的詳情俾我,等我呼籲多d朋友支持麻,同埋最遲幾時要報名架,你須要幾多個義工呢??
發佈留言