雯雯好返d啦

上星期本來係君君生日,我有去影相,但係都冇時間執相分畀其他人.


見到雯雯因為敏感出到成身紅斑,之後幾日都冇心機打d乜.


好彩雯雯飲咗涼茶好好多.今日見到佢好d都放心啦.


雯雯今日同樺爾講電話,好得意,係咁叫樺爾過嚟屋企見佢.


樺爾丈丈:落雨呀...唔過得嚟呀.
雯雯:擔遮啦...
樺爾丈丈:我沖咗涼唔想出街啦.
雯雯:一日有沖一次涼就得架啦.
雯雯:樺爾丈丈呀~你過嚟啦,我有嘢畀你睇呀,你今日嚟我就畀你睇,你聽日嚟,我都唔畀你睇架啦.
樺爾丈丈:你叫丹丹姨姨影張相相畀我睇啦.


雯雯仲想講落佢架.講咗成五六分鐘,真係有d喋喋不休.哈哈.