上個星期因為掛住睇世界盃,成日瞓得唔夠,於是一日又一日咁冇寫到日記添.
加上星期五同六晚入咗三家姐屋企睇足四場世界盃八強,星期六成日留咗嚮三家姐屋企,同佢哋一家人行街買衫,游水,食飯,玩大富翁,真係好開心呀.十足十渡假式享受.
星期日又出返嚟見爸爸媽媽哥哥家姐,(不過二家姐搬屋,唔出得嚟....好想同雯雯玩呀...)
其實好多嘢想講,一下子寫唔得咁多.
總之係開心週未啦!多謝家姐~~
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
6 則留言:
咁鬼開心呀，乜你都會睇世界盃架，咁你捧邊隊？
我會捧唔牛精,唔黑人僧,用策略但唔奸詐果隊囉.當然要技術擊倒贏波先叫好啦.
如果兩隊都好,咁就幫落後果隊打氣咁啦.
阿根廷打得好,但係教練太快換人,輸十二碼好慘呀.
估唔到英格蘭之前"也也烏",過到關.最尾一場打得好d反而輸.碧咸都冇乜掂波就傷出,"飛機雙特"又靠唔住,朗尼發細路仔脾氣.高治又得個高字.兩個後衞守得幾好都冇用.又係輸十二碼.講真我見到Terry喊,都睇到眼濕濕.
德國d入球又幾精彩.應該比意大利贏面高d瓜.2:1啦.
C朗好黑人僧,但係費高同迪高又幾好波喎.
施丹,亨利加油啦.打抵葡萄牙.希望1:0啦.
邊隊贏都好啦.不過我都係希望決賽係德國vs法國啦.
C朗好靚仔呀,靚仔是無罪呀!
咁朗尼又真是太細路仔,重踩人地的B仔,比人趕出場又真是好唔抵(係咪好押韻呀?)
C朗好好波添,但係冇球星風度,爭唔落.
朗尼踩人地的B仔當然唔啱啦,但係兩個球員夾住佢lur唔到波,鬥lur地,kick住一齊落地,5/5波,不過朗尼就好似有心踩人地的B仔,球證都冇講點罰,佢仲出手推C朗,紅硬啦.朗尼都係唔爭唔落.不過,其實球證冇第一時間吹停,搞到咁都係球證衰.
但係C朗都黑人僧囉.佢同朗尼係隊友呀嘛,呢個時候唔應該走出嚟煮人啦.靚仔都唔好咁串丫嘛.
講真這世界上有多少是真,多少是假,真是無人知呀,真真假假,假假真真,一齊都是遊戲人間呀.總之一齊都是錢作怪啦!
真係睇到好仔細喎！我睇返Ｄ精華都覺得朗尼好衝動，可能佢心急又見英格蘭落後所以咪咁做囉，我以為佢係唔小心添！
發佈留言