給家人一點安慰,你會有新發現

今晚臨返去媽媽屋企前去咗OK買咗一本電腦廣場睇(又係一本廣告多內容重重覆覆的潮流雜誌,點解咁都睇?!我冇睇一排,幾乎脫節啦,就嚟連Blue-ray係點的都唔知....)


講咗去邊?我係話,咁就有包紙巾送,裏面就係呢句話:"給家人一點安慰,你會有新發現"


家人係指樺爾定係我的屋企人呢?不過橫睇掂睇,樺爾似乎都唔得閒畀我安慰.佢又忙到死.我自己就自身難保.


呢d野都係一笑置之罷啦.


今日最開心呢就係又可以返屋企啦,幫四家姐買咗2G Kingston Ultimate 100x CF, $580,唔知旺電會唔會平d呢?我唔敢行咁耐.睇到平過hkgolden.com標的$618就買咗走人啦.點知個商場有抽獎添(不過都唔會中架啦...)原來Kingston都有抽獎添喎(7/15至開始咋),買一樣嘢,有兩個抽獎主辦單位,真係好少遇到.


咦?!唔通呢個就係給家人一點"安慰",你會有"新發現"??


車...發現呢個嚟做乜?我都冇抽獎運架啦.


今日雯雯話最鍾意媽媽,第二個就鍾意丹丹姨姨,呵呵~~~開心過中獎啦!!