行街睇戲食飯

唔知點解,每次我好寂寞,咁啱都係約咗你嚟搵我.兩年前又係咁,今年又係咁.又舊地重遊去到葵芳.


要你陪我買衫,仲幫我攞多個Discount,多謝你呀...哈.


睇到"街知巷聞"間餅舖,你就話自己"孤陋寡聞",畀你笑死.


一齊睇咗"一斛眼淚"...雖然女主角每次出場都差過上場咁,行路都扮得幾似寸步難行,感情表達都好過電視版的澤尻繪里香,都有少少感人,都有兩滴仔眼淚.不過就冇乜點交代內心的感受.講劇情,都係電視版好D.後尾仲好似草草收場咁...


睇完戲,食下飯,其實我好耐都冇咁同你傾計啦.好開心,好唔捨得走.所以,又雨中漫步搵巴士站,無意中變咗玩互送,一路送到荃灣,真係咁大個人,得你先同我咁癲法.哈哈!!