最差勁的姑姐

今日見到雙十...唔知點解有莫明奇妙的感覺,若有所失,好似唔記得咗d嘢咁.


返到屋企,見到四家姐的blog,先....阿~啓賢兩歲生日啦,我都唔記得.真係最差勁的姑姐!
嚟緊的星期六日又唔嚮香港添...想想下,我真係忽略咗啓賢.上兩次睇到啓賢的時候先驚覺原來啓賢的乳齒都出齊好耐啦!


上次仲見佢學講嘢,見到個椰子,佢就會講"瞉".同佢玩識字卡,佢對佢見過的事物就會有多d反應."襪襪",蛋蛋之類咁,佢見到一杯奶,佢竟然係話"杯",唔係話奶奶,又真係好正確喎.


係唔...雖然啓賢仲未識得睇呢個blog,不過,如果你大個仔,而呢個blog仲未摺的話,你又入咗嚟睇的話...


希望你唔好怪五姑姐啦,生日要快高長大,開開心心,聰明乖巧呀.生日快樂啦.


最差勁的姑姐...(唔用"上"...用乜架??)