今日下午,去咗蛇王善買外賣蛇羮同臘味飯,呢次應該係我的第一次食蛇羮,唔知點解,因為一向都冇意欲去食d"奇珍異獸",所以雖然唔係我唔敢食,但係都係可免則免.
不過呢排同事們經常提起要去食蛇羮,講咗好幾次,今日終於都"心血來潮"走去食蛇.
我都唔敢要一碗,KHC就分少少畀我試下,hehe...多謝你呀...你經常帶我去做d我一向都唔做或者怕做的事...
今日又"破例"食咗啦.其實聽同事講,呢碗蛇羮唔算夠味,又冇菊花喎...唔知係點架呢?? 不過對於我第一次食的人嚟講就真係好易食.冇乜問題.仲有d薄脆幾得意.
唔...下次仲食唔食?唔...睇下點先啦....其實我以前去攝影團,連狗肉都食過,有乜唔敢食呀,不過,如果同一般的肉一樣營養價值,又唔見得好好味,點解要乜都去食呢?我不食佢地,人地都食佢地,蛇呀蛇...你地被養大,總有一天被人劏....
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
3 則留言:
嘩,你夠膽食蛇真好野,不過你食過狗肉就.........唔好食我仔仔呀!!!
以前食蛇會覺得好味d,今次真係差一d,致於狗肉.......hmmmmm,我都未必會吃....哈哈.....
唔洗驚...我唔食"乖孫"架...
其實上次食狗肉,都只不過係基於"唔煮都煮咗啦,白白煮咗佢地,但係又冇人食,咁仲對唔住隻死咗的狗狗..."(呢個係當時一刻的想法,諗返都唔知點解當時會咁"勇敢")其實當地,狗狗,同猪猪,可能都係一樣咁看待.
發佈留言