遙遠的Jay

今日同KHC去睇周杰倫演唱會,係三家姐的朋友有兩張第12行的飛,不過當我收到飛,一睇,下,一個Section 46 85號,一個Section 48 95號,已經畀佢嚇咗一嚇,以為唔係一齊坐,不過check返,其實係轉彎位的坐位號碼就係咁架啦.


不過forum都話,個台好細,所以平時四面台咁,今次就好似三面台,仲要中央位置都係坐位,相對地,第12行都其實好遠,好似買咗280的飛咁.(今年呢,普遍都加咗價...)


總之,一個字就係遠啦!所以都無想象中興奮...新歌比較多,有好多都唔記得,冇得跟住唱,而且音樂仲大聲過Jay把聲.好遠...好遠...


見到現場的粉絲,我自問我都唔可以算係一個fans,又可能冇唱好多我好喜歡的歌啦,而且同KHC的口味真係有好大分別,南轅北轍,機乎去到"互相踐踏"的感覺...不過其實係"和而不同"啫....唱K時,又唔係好覺添...


都唔記得有乜歌,唔記得咗KHC嚮邊首歌仲對我唱咗幾句添,funny guy ...同你一齊去聽演唱會,真係唔會悶.不過...真係有少少嚇了一跳...所以想"反擊"...但係...有d說話/歌都係好難會唱出口架...Anyway,有你陪我都已經好開心啦,多謝你呀....


返到屋企,入咗腦的有..."夜之第七章"前奏,"夜曲",同"陽光宅男"的beat,兩句"甜甜的".