虛無的航天展

早幾個星期同樺爾睇咗"2001太空漫遊"呢套經典的電影,估唔到今日走咗去圓方附近的一個露天"中國航天展",其實都係機緣巧合,因為同三家姐一家人一齊去,又想帶媽媽去行下,於是無無聊聊就去咗.


一去到,見到瑩瑩玩得好開心,佢剛剛玩完充氣的果種兒童遊樂場,裏面成個焗爐咁,玩完成個面紅耳赤,紅粉菲菲,好靚女.


原價要100元入場費,今日特價20元都覺得唔多值.估唔都咁少嘢睇,展品有得睇,冇乜得玩,有得玩的仲冇乜好玩....-_-,去太空館好過.幾個展覽館都好似蒸籠咁,得少貓幾隻人都已經快要窒息,再多d人就真係死得啦.


逗留得最長的地方,竟然係禮品館...因為今日同行的是三家姐!