收樓啦

今日終於都收樓啦,等咗三個月,雖然係長交吉期,不過好好彩,自落訂之後,樓市有升沒跌,本來都可以圖小利,不過我地真係自住的,並唔係要抄抄抄. 希望呢間屋真係可以安居啦.

今日約埋個裝修師父一齊收樓,本來以為佢會好細心咁同我地睇下間屋有冇問題,不過,佢一入屋就同我地講,呢度要拆,果到唔要,成間屋,好似冇一樣嘢留得.其實一個星期之前,呢間屋仲有租客住緊,一家四口,好似話個租客都唔想搬走架.但係經呢個裝修師父一講,唔通呢到真係咁破舊咩? (就係咁,印象有少少扣分)

之後再傾落去,其實成間屋好似炸過再起咁,雖然話係大裝修,但係都唔駛乜都唔要呱?