追

雖然只係去咗泰國幾日,但係我已經大半個月冇好好地上網寫blog,睇blog,今朝用咗成個鐘四圍睇!


忽然發覺,完來我呢排忽略咗阿Dee,學佢話齋,有好多野miss咗,追唔返就好似白過...我真係睇唔切你個blog啦.


就算留返嚮UST,都有新的環境要適應,如果真係太辛苦日日要用2個鐘撘車,不如去將軍澳搵同學仔一齊租樓住啦...好過日日咁辛苦....以前見樺爾咁辛苦都唔知為乜.唉,如果我有份工,我會資助你.

返家翌日

第二朝11:00起身拾下呢d果d咁又一朝,出去睇醫師,都係要繼續敷藥,但係個膝頭就好返唔駛敷啦.


又返咗媽媽度,攞返d冬蔭功麵畀佢地,媽媽話大家姐精心為佢揀的絲織披肩幾靚,但係就冇機會用...哈,如果佢好似樺爾媽媽咁就會成日用啦.我地都揀咗一條畀佢.希望佢喜歡用啦.


同樺爾一齊執下屋,佢又再打新買返黎的NDS Lite 啦...見到佢咁沉迷,"係咁二"都要扭下計話佢啦!睇嚟我距離黃臉婆又近了一步啦!

泰國之旅 - 第四日 (後記)

待續....

我返嚟啦

11:00先出機場,同埋四家姐樺爾撘的士返荃灣都00:00,邊食mama麵邊睇無線播流金歲月第一集,之前的棟篤神探完咗添,冇得睇...唔想睇白痴妹,好野,以後早d瞓.


沖完涼己經2:00am,一"撻"落床就瞓著咗啦.


個trip點?遲d先打啦.

泰國之旅 - 第三日 (後記)

待續....

泰國之旅 - 第二日 (後記)

第二日
行程: 湄南河遊船河->大皇宮-> Zoo -> 南星 (in China Town)食翅

早上去食早餐自助餐,最好味就係果d粥,因為戒口,所以好多都唔食得.但係家姐話呢間水準幾好


10:30 撘的士去Saphan Taksin 站

11:00 買全日通船票,以為Tourist Boat 有英文講解好d,原來當地人講的英文真係聽得明就奇.不過都有驚喜既,就係有水送喎! 瑩瑩就全程係咁瞓.


今日係四日裏面最好天氣的一日.藍天白雲(但係仲有灰雲)沿岸都有好多有特式的建築物.


11:45 瑩瑩醒啦,佢只係撘咗一個站咋就落船.


12:00 路過市集買咗三頂帽,瑩瑩係都要揀青色,但係三家姐最後都係"幫佢"揀咗黃色!!


12:15 行去皇宮的路幾靚,但係大家都冇聽我提佢地要著長褲,要租褲又好似怕污穢而唔想入去.最後,我地都係係咁二嚮外面影幾張相.


12:30 Amulet Market

入咗一間大街中的室內食肆,可能係旅遊區的餐廳,個侍應的英文都幾好,仲同瑩瑩傾計添.瑩瑩仲跟音樂跳舞!


13:30 Dusit Zoo

撘的士去左一個似乎幾Local的動物園,唔多外國遊客,有水上單車,我之前都想同樺爾玩,但係香港就唔係咁抵玩.當地只係40B咋!不過要畀20B按金.四家姐唔係咁舒服,三家姐就留嚮岸上面同我地影相.所以係我同樺爾一架車,大家姐同三姐夫加瑩瑩一架車,真係好奇怪的組合!


玩玩下,有兩個當地女學生仲"聊"樺爾,無啦啦問樺爾我地係咪韓國人...乜樺爾一時似日本人,一時似韓國人呢....


我仲拍Video添,又睇都大蜥蝪,瑩瑩就猛話驚.瑩瑩落咗水上單車仲會走去岸邊推郁架車添,嚇死我地呀.


入到呢個動物園,發覺有d動物好似被虐待咁,關入籠的猛獸好虛弱,隻獅子瘦到難以辨認,真係唔忍心影相,所以冇得睇.除咗"猛瘦"之外,其他的動物就冇乜嘢.


入去動物園果陣,個守衛問我地由邊度嚟,我地話香港,咁佢就好Cute單一單眼咁講咗: Oh, Andy Lau!幾搞笑架.


今日應該係幾日行程裏面最充實架.我地仲路過好似古堡的Anantasamakhom Throne Hall的外面,再去大街上同軍人哥哥影坦克車添.d軍人好pro架,每次同人影相都會笑架.估唔到政變之後,咁就成為一個景點!!不過我地就遇唔到扮矇面超人的"超人"



18:30 唐人街 南星食翅

如果唔係嚟呢間南星餐館,今日都算幾好幾perfect,三家姐的朋友推介話呢間好食,旅遊書都有提過,咁我地就試下啦,呢間出名就係可以自己揀排翅,三家姐揀咗足夠做兩種味的翅,真係太多啦,用咗7600B!!!其實少d份量的4600B似乎已經夠啦....食落點知得個鹹字. Thumb down!


其他都係好鹹,所以相比之下,難怪免費添飲的菊花茶成為招牌甘露啦,旅遊書寫的真係大有玄機!!!


除咗負責點菜同添飲的服務員之外,其他人好似好得閒咁,好似食客唔係咁多.走的時候仲幫我地寫菜的泰版車太賢同我地叫的士添.當時落住雨,佢都好細心咁為我地"擔遮".佢就幾殷勤啦...但係始終食物唔得,都係差差差!!


10:30 am 同瑩瑩添UNO同食冬蔭功


今晚都幾開心呀!!

泰國之旅 - 第一日 (後記)

第一日 Ocean World + Big C


7:00 機場集合
人物: 三家姐連同阿圖+瑩瑩,大家姐,四家姐,我同樺爾
三家姐同瑩瑩都唔舒服,所以好"mun"先嚟到. 搞到大家都好心急


10:30 當地時間慢一個鐘,落機都仲係好早.去兌換咗泰銖,都唔知夠唔夠用添...


11:00 去的士候車處,我地要咗兩架的士返酒店,一架三家姐一家人,另一架就係大家姐四家姐,我同樺爾.每架車都會有一張黃色的出租咭寫好目的地,但係三家姐一家人的果個司機搶埋我地的出租咭,樺爾就問返三家姐攞佢手中的另一張咭,畀司機搞咗一搞,三家姐又連佢手執的地址都畀咗樺爾.因為三家姐唔知我地酒店的地址,個司機好似扮唔知目的地既地址,車咗三家姐佢地去第二度,之後仲想問佢攞多d錢.後尾樺爾又畀多咗50B畀佢地添...當地司機有好多都好呃錢.


我地就一早返咗酒店,等咗半個幾鐘,手機又打唔出,只可以用SMS通訊,但係來來回回,就算我地畀返個地址三家姐,都幫唔到佢,都唔明當地的司機咁多地方唔識點出嚟行!


6_@ ==> Very Bad impression!!

11:45 Check in Swissotel Nai Lerk Park Hotel, ai...當地人好似唔知乜叫Swissotel,因為酒店改咗名,當地人只係知泰文拼音.不過呢間酒店的服務都幾好,服務員的英文水平同態度都好好.不過就一日執幾次房,都唔知點解咁密.


12:00 就快落雨咁,都係留咗嚮酒店食Buffet,呢一餐比想象中好,750B per person, 唔包drink, 7個人,4980B.Lunch嚟講都算貴啦.


14:30 第一站,Siam Station

嚮香港車費的收費方式,通常都係用年歲做指標,但係當地好多都用高度做指標,> 90 cm 的瑩瑩都要計一人的價錢.因為瑩瑩嚮香港成日畀人問佢幾多歲,去到泰國,佢打頭第一句就係"I'm 4 years old!"


Siam Center, Siam Paragon, Siam Square 等等 都係當地的大型百貨商場. Siam Paragon就好Grand,尊賣超貴價品牌.但係估唔到d Shop 的Display 都幾靚,唔似得香港d shop 得個名冇乜Theme,真係好似入咗Virtual World 咁,幾有Cyber feel.當然,我都只會Window Shopping 啦.



花咗每人500B買套票入去Siam Ocean World,為就係入去睇下海洋生物,上吓玻璃船睇魚魚,鯊魚咁.呢個號稱全亞洲數一數二大的海洋水族館,如果有心去都唔好坐玻璃船,隻船行一圈就係咁多啦,又冇乜有用的講解!一艘船八個人,同我地一齊仲有個鬼佬,猛同樺爾講佢自己出海捉鯊魚.唉....坐咗都唔覺得學咗野.


不過同小朋友去,有時睇下呢d水族館都無妨既,話哂有d魚魚睇下咁啦.至少可以睇到鯊魚瞓覺,睇到成個頭咁大條的Butterfly fish, 腳長長的Giant spider Crab (大家姐成日講:應該都會好好味!真係畀佢笑死!)


呢個水族館有一個成十幾尺深的大水池,d魚超級大,仲有一塊斜向下的玻璃窗,企入去就好以自己身處水底一樣.呢個設計真係一流.D Butterfly fish好鍾意游向人個頭度,隔住玻璃都幾得意架.


呢度用咗兩個鐘左右.


17:30 返酒店,點知落雨,其實可能大家都想留返嚮酒店,但係大家都唔敢講...


19:00再出返去Big C 晚飯,唔知點解,無啦啦入咗去日式拉麵快餐店,價錢平,味道一般,份量好似下午茶.兩個男士睇怕都係要買d杯麵啦.


20:00 Big C Supermarket


好多野買,但係冇時間揀,揀咗幾件衫仔畀幾個姪女,兒甥女之後,當然唔可以錯過內衣部啦...6_~


我地仲買咗兩箱冬蔭功麵添.yeah!

泰國之旅後記 (前言)

自遊行本來就係可以自遊d咁安排行程,但係同樣亦畀咗好多Hae的機會.未去之前都冇好好地講好行程,因為三家姐話,就算計劃好咗,去到都未必係果回事.


計劃咗的三日半行程就係頭尾兩個半日行街shopping,頭一日去Siam Paragon 入面的 Ocean World 睇魚魚,半日去湄南河遊船河+泰式建築物觀光,再去ChinaTown食翅,一日或半日去Dream World 或者去蘇梅島游水,三家姐同四家姐就想搵時間去個Spa或按摩.


唔知有幾多個真係去到?!

呢個星期過得好快

呢個星期過得好快,仲係每日敷藥,好似每日都冇咗半日咁,一來一回,加埋食飯,咁就一晝.之後,又會同四家姐行街,有一日就見下Kathy,又或者走去圖書館睇書,計劃一下泰國行程.畀個泰國政變嚇一嚇,搞到成日要搵旅行社問東問西.好彩好似平息咗,咁先安心d去玩下咋.


差不多每日去敷藥之後,都會去對面間強記美食屋茶餐廳食嘢.d阿姐見得我多都認得我,但係都唔會有乜著數畀我架,好似星期四帶Kathy去食Lunch,飲凍檸賓都係要加$5!


講真,我唔係貪佢有乜嘢好食定係佢開口埋口叫靚女,人地唔知以為我因為佢好味先日日去,其實我只不過因為呢間茶餐廳的廚師唔會加好多嘢一齊煮,反而係煮熟就食得果種,唔似得d懶有研究烹調方式的餐廳又要落東落西去煮一大輪,我就係怕有d "invisible"既野落左我會敏感.如果個廚師知道咗,唔會唔會好失望...哈.


不過呢間茶餐廳的炒粉麵飯都ok(不過我好多都唔食得...),價錢好大眾化,所以好多比較粗豪的人去食野....(包括我在內),不過最怕就係d煙味!


果度有個新黎的阿姐,一時又話我似佢以前的同學,一時又問我係讀書定係做緊野,點解咁得閒日日落去茶餐廳.哈哈,我真係想講笑話:我係你老闆派黎的臥底...你信唔信呀?!


我就話:我無業架!


佢當然唔信啦.不過佢就講:你咁靚女,去做酒樓都得啦,點會冇野做呀....-_-真係唔知好嬲定好笑!

新朋友

人大了,有時候唔係好想識太多朋友.因為自問很幸運的我,好朋友多的是(喂...咁自大?)


有時候覺得識人好易,交朋友就唔係咁易,維繫朋友關係更難.其實以我咁懶的性格,有幾個知心朋友已經好好彩啦.


不過幸好我所結識的朋友都對我好好,好關心我.就算我幾咁懶,冇成日聯絡,一聯絡就滔滔不絕.


因為咁懶的關係,就畀個藉口自己:幾個知心朋友就夠啦.有時間就用黎維繫朋友關係啦.真係唔想主動交新朋友.


不過,開始寫blog,開始睇朋友的blog,開始見到朋友的朋友在朋友的blog中留言.發覺原來經常引證"物以類聚"或者"近朱者赤"(唔係近豬者...-_-)的道理.再而會唔會惺惺相惜(唔係猩猩呀...6_^!)就要睇下會唔會有機會交流啦.


噚日認識的新朋友,行姐同小音符都係Kathy的好朋友,因為成日睇到Kathy blog 裏面提及的人,有時真係有d想見一見佢的朋友.哈...就好似Kathy都去探Mabel的Hompy一樣.不知不覺,好似我都同紅魔鬼,Dick Dick相識咁.


雖然噚晚唱K的活動,唱歌多過說話,但係從選歌都可以知其一二...嘩...周杰倫呀...嘩...范曉萱呀...嘩...呢首好呀...嘩...八十年代的金曲呀...咦~~~...七十年代金曲呀....所以佢地走咗啦....


大家都唱得好高興呀...不過我同Berry都係要學多d新歌啦...哈哈...我都唔可以成日左克勤,右巨基,前燕姿,後杰倫咁架...


因為Kathy的離港,認識到佢的新朋友.真係一個好特別相識,你話係咪?引見之後,自己就飛走喎....


6_<~~~ 唔.....嗚嗚.....


下年年頭去馬來西亞,唔知係一個奢望,定係夢想呢...一切都好似太遙遠咁.原來,當失去工作的時候,承諾都變得奢侈.

望莽忙妄忘

打打下又reboot...打打下又reboot...唉.........


今日的心情真係起伏不定....


朝早洗牙望都唔敢望個牙醫,因為好耐冇去洗牙,好鬼醜怪.望住天花柀,想佢乾淨d,快d就好啦.


對四家姐的莽撞...唉,我希望唔會有下次,我想同大家一齊開開心心去旅行,就當乜事都冇啦.好唔好?


忙住confirm酒店,去二家姐度,同雯雯玩,睇雯雯做功課.仲可以陪二家姐送雯雯學畫,真係好開心.
仲無啦啦爭住送雯雯一件生日禮物添,真係好有用.希望雯雯快高長大,聰明又聽教.


夜晚同Mabel,珮兒一齊聽國際音標示範堂,心想,就算幾好都好,我都係會三分鐘熱度,又未必會學得好,都係算吧...唉...真係妄自匪薄!!!


弊! 掛住打字,忘記沖涼添.

Tamama

好耐之前有一次同瑩瑩一齊去玩具舖睇到軍曹,佢只係識得Keroro,原來仲有一個叫Tamama,一個叫Karara之類....


不過我通通都唔鍾意.唔鍾意!唔鍾意!一萬個唔鍾意!


尤其係Tamama!!


只要佢唔好留咁耐,我可以忍受.佢唔打電話就返屋企,我都算,佢話走又唔走,又唔打電話....我都忍.


今次畀佢睇到屋企好混亂,佢就到處執拾...搜索...查獲.好了,我被逮捕了....


佢搞唔清,呢個已經唔係佢話嚟就嚟,話走唔走的地方.佢所以為要負的清潔責任,已經一早唔關佢事.佢打理,就算佢出於幾好心地,我都反而會怪佢多管閒事.


佢唔會明,就算佢幫我洗埋個洗手盤,就算佢同我掃地.佢只會令我反感.


因為好多都唔夾,我唔發作,只係我忍得,但係我都要搵地方發洩....


我尊誠去買好d的餸菜,煮畀佢食,但係佢就打咗底先返屋企,又話要增肥,又話我蒸魚太老,湯太清,菜唔夠"lum",蕃茄唔夠多油,又話要放多d鹽...口口聲聲話唔好食唔健康的嘢架...佢已經冇咗正常的味覺,但係我已經刻意加多少少鹽...都係失敗.


第二日仲情願去食老麥的麥樂雞,又唔打電話講聲,等我煮咗佢份,又唔駛食咁款啦.畀佢玩死...佢唔見我煮,佢又會話我地食埋哂d唔健康的嘢,佢返屋,我又冇理由唔煮埋佢果份,好似刻薄家婆咁.真係好屈!!!


佢都好免為其難咁再試食,我冇洗多菜,佢就只係食菜!我為佢準備的豬手,佢只係食咗一件,佢真係好畀面架啦.雞翼就佢唔食仲好,我食多幾隻啦.


就算我為佢放多咗鹽...我唔落辣,佢就唔合口味....佢都只係會用呢個方法"宣洩主權".何苦呢...如果唔啱,不如早兩日走啦...佢留多一天只會多添我一日的煩惱.


佢只係用自己的角度睇野.因為佢的字典係唔會有"通氣"呢個辭彙.


6_@ 點解,又未走架....

再見了爆炸王

因為之前的成個星期都用咗嚟handover,明明辭咗工啦,但係星期一先開始收拾留嚮公司的剩餘物資.仲留咗成個下午,一個星期以來,還是天天敷藥.還是天天路過爆炸王,每天拿一小袋放在公司的物品返屋企.仲有一日同"舊同事"一齊食飯,另一日又同一樣係即將轉工,當日剛好last day 既阿Su食Lunch.


唔知點解,咁又一個星期啦.唔知自己日日忙乜...


足足用咗一個星期去沖淡離職的感覺.原來真係唔係一件怎麼樣的事.再見了.爆炸王!


聽日係so call 的"last day".....9-11,哈....唔會有大事發生呱?!


(註: 喂,我唔係特登玩嘢,玩9-11辭職架.....)

想打好耐啦

想打呢首歌好耐啦.....


Yeah!!!! 聽日Runaway!


Runaway - 陶吉吉 想聽呢首歌,按這裡再按上面Play掣

作詞：陶吉吉/娃娃　作曲：陶吉吉

無名的怒火　有說不出的無力想敲打我自己
os:太陽快要下山了　什麼都不做　只拿著遙控器　一直不停的換台
麻木的神經　感覺自己像個機器快不能呼吸
os:快打開冰箱看看裡面的東西　唉~　
除了醬瓜什麼也沒有　算了吧　去外面吃吧
火辣的太陽　永遠在前方　無盡的公路　無盡的追求
我想要　run away　run away　不想再懷疑自己對不對
甩開一切無所謂　run away　run away

像困在霧裡　焦躁的想從茫然的現實中逃離
os:唉~　想的太簡單了吧　你覺得你想做的都可以做得到嗎?
淡掉的感情　還堅持下去又有什麼意義
os:喂!　你拿著車鑰匙要去哪裡啊　你別忘明天還要上班呢　別在外面鬼混了
風吹亂頭髮　黑暗星空下　無盡的公路　無盡的自由
我需要　run away　run away　不想再懷疑自己對不對
甩開一切無所謂　就快去　run away　run away
我可以　run away　run away　不想再懷疑自己對不對
是為自己不為誰　不在乎的　run away
很多人再說　不斷的一直說　必須這樣子做　不能夠那樣做
卻又沒有辦法在自己的生命中突破　oh ya~
如果再不走　就永遠不會走　別讓自己再回頭　沒掙扎怎能夠有自由　快走
現在就　run away　run away　不想再懷疑自己對不對
甩開一切無所謂　run away　run away
快點去　run away　run away　不想再懷疑自己對不對
是為自己不為誰　不在乎的　run away
現在要　run away　run away
今天要　run away　run away
現在要　run away　run away
今天要　run away　run away

廣告時間

最近一年比較喜歡看"瘋狂衛士", 一來UPDATE下自己的普通話, 學下D新用詞, 二來個臺確有特別之處. 有時看"唱唱三人痕", 聽下來自不同阶層的人士講下對時事的睇法, 也為自己帶來一些新想法, 新角度, 新知識. 再晚一點, 有"老魚有藥", 專門訪問一些不同行業的佼佼者, 例如有世界打機冠軍, 說相聲的達人(Master)等等... 聽這些來自不同"星球"的人講自己的故事, 等自己也有機會一窺井外的世界... 悶的時候看看台灣的一些綜娛節目, 倒也笑個人仰馬翻, 也許來自不同文化的笑料更能刺激我的笑穴吧?


個人感覺上, 該臺的主持, 記者的質素都比較高, 個個出口成文, 頭頭是道, 詩文典故順手拈來, 而且節目內容不落俗套, 可堪咀嚼, 空閒時候觀看除了消磨時光, 還能增益廣文, 確實是當今充斥著質素低下媒體的社會中的一服清新劑.


(頹筆剛值而立, OT期間無所事事, 遂弄筆娛己娛人, 各機構有意者請留言, 可代筆寫賀詞, 通告, 小品, 訃文, 稿酬面議...)

放假啦!!

今日係第二日假期,但係好似冇乜點抖咁.噚日阿Dee生日,話要同佢慶祝,都冇既~


出去敷藥,又返媽媽度,無啦啦激親媽媽,(佢冇記性,我又冇記性,冇啦啦搞到媽媽唔開心,正衰女包)...


之後幫四家姐部機加Harddisk,咁又一晝,夜晚同佢去上攝影堂,咁又一日啦.


每日都要去油麻地敷藥,好似返工咁.只係遲咗起身,同唔駛返公司.


今日三家姐落旺角買佢公司d野,同佢食Lunch,三家姐又話佢公司有Network Job要我幫拖,都唔知接唔接好....


之後又同四家姐睇地方,行到四點返屋企執屋.


執執吓,公司又Call話新Website有野Set唔到....原來連Framework都冇裝好,真係估佢唔到.咁又搞咗一輪....小問題明天待續.... 6_x!


醫師話,如果我放假去行街又唔休息,又照坐,咁都係一樣冇抖到.但係我就好似仲忙過返工....
係身體要緊?定係要溫書,同四家姐的工作都好花時間....公司的事又掉唔低....唉...

鎖定目標

無錯啦,去馬啦!家姐!!


大力支持你!


聽日之後的一個星期,我就日日都畀半條人命畀你.... I mean half man-day.


一齊加油呀!!!

今日好攰呀

唔好以為辭咗工就可以嗱嗱聲放低工作,走咗去.


同d同事一齊共事咁多年,都唔想交低d唔清唔楚的嘢就咁走咗去.不過真係好攰.唔知幾時先可以真係抖吓....


我仲有好多好多事要做....點算呀....得返兩日就要放一個星期,唔知趕唔趕得切.放咗工都呆咗咁.


得返一個留嚮公司都仲要做...仲辛苦過之前.長命功夫短命做....mor mear (潮州話:無命!)

第二次燈光實習

今次己經係第二次實習啦.因為太匆忙,竟然會留底咗最重要的"電池"好在同學仔肯借我影咋.如果唔係就要交白卷啦.


今日的攝影課題係,人體攝影...即係個Model著得好少,或者真空咁畀你影.主題係身體的各部位的美態.要做到就算影緊重要部位,都唔係表現色情的感覺.d相要用想d象力去觀賞.例如將皮膚的質感表露,影下旭日初昇,河流之類,再唔係影到個屁股好似個沙漠山丘咁都得.


雖然阿Sir要求我地有十張相見得人,但係我就.........都唔知自己影乜...總之都係再次失敗啦.


入嚟睇要有心理準備,雖然我影得唔好,都請尊重呢個尊業的Model啦.
http://333.fotoc.com/dunkey6_6/v/lesson2/

生日快樂

祝今日生日個Mabel的仔仔快d好返.Mabel 開心番晒.


仲有今個月生日的....


祝珮兒同博士快d拉埋天窗.


祝三家姐唔駛咁多嘢做,多d時間教瑩瑩.


祝開始冇禮貌的瑩瑩以後乖乖地唔好成個小姐咁.


祝我可愛的小弟弟可以得心應手,想乜理論都想通.又快d開始搵個未來弟婦畀我睇下...哈哈...


祝Kennis快d升職加人工.快d搵到個如意郎君....嘻嘻...!

塵埃應該落定

今日遞信,嚇咗老細一跳,仲又多一兩個同事都同時見到.


我真係做咗QPI R&D 差d摺埋之後史無前例的舉動.


遞信之前,我上咗I-resign.com,呢個site,好適合果D意志唔夠堅決的人睇架,有心人就睇下啦.


食lunch 前的 Exit Interview 本來想唔講咁多嘢,但係,可能自己唔係好識得迴避問題.我只同佢講條腰咁耐都未好,想多d休息,所以想快d放個假.而且屋企有d事要我去做.工作悶都係其一....云云.


老細話如果我想抖,就可以放個長假,停薪留職,又或者返Part-time,但係冇提過可以加人工.


可能佢唔係好明我的重點啦,如果一個"需要休息多d"的人,仲要來來回回,又或者屋企都仲要做嘢,咁始終都要成日坐.


佢的offer,我話考慮下先.因為我唔想佢認為我未諗清楚先會咁樣.


不過食完 Lunch 之後,老細又話或者畀我Home office之類,但係,我今次就堅決d同佢講.我想試多d新嘢.新環境.可見的將來都係一樣咁做嘢,好悶...雖然佢話可以畀我多d做programming工作...但係我唔可以放低image exporter / HTML clerk 的工作的話,咁就只會百上加斤....都係算啦.決定咗,都係走啦.


咁就入正提講,我可以點走法,我應該有四個星期的大假,老細話規矩係唔可以用大假扣番工作時間....但係考慮到我想抖下,佢都肯畀我放咗一個假先.


我就因為未交低個website,同其他的事情,都係想留多一個星期再講.為咗個website可以launch得smooth D,我都畀咗d意見.而老細都唔想我冇咗d假的錢.所以就畀我返一個星期放一個星期,再返多個星期之後就有三個星期的假.


就係咁,我辭職啦....雖然老細同我講,星期一改變主意,可以同佢講,但係我都應該唔會改變啦.

決定了就做吧

就這樣吧.


不要再畏首畏尾.去吧!


希望我帶畀佢哋呢個驚喜,可以令我開心地離開.


明天是你的last day,又可唔可以都係我的last day 呢?

第一次燈光攝影實習

第一次燈光攝影實習,因為太禮讓,唔夠人地爭位影,有d相如果係大頭d就好d啦.


不過其實係咁上下架啦,都係over咗同under咗,D位又"咩"咗角度又就唔到,又有d穿崩,影咗都唔係好知影緊乜咁啦.


D相愈睇愈唔順眼,delete咗一張又一張,7x張得返2x張,仲想再Delete....


真失敗....希望我之後可以影得好d.



Canon 300D 17-55mm

全程都係用 ISO 100, 1/125 s

http://333.fotoc.com/dunkey6_6/v/lesson01/

敏感

上星期開始敏感,呢幾日隻腳開始有d水泡,但係我都知因為戒口戒得唔好.


今日敷藥,醫師叫我真係要戒清口,因為佢見我敏感嚴重咗.而且,我的腰同腳好似因為對藥物吸收得慢,所以仲有排先好得返.真係有d想喊.


樺爾打完波同佢朋友輝仔食,我乜都唔食得,真係冇乜心機食,不過就無啦啦發現咗旺角呢間金太郎都幾好味,仲買咗張優惠咭添,$20一年,以後可以有八五折都幾好丫.


同輝仔say goodbye之後,本來想同樺爾行街,但係樺爾又要返屋企沖涼,我醒起要買個電熱水壺畀Earma,所以買完就啦啦聲返屋企.希望Earma見到會開心啦.


今日行程真係好緊密,返到屋企,又即刻同四家姐,佢朋友,樺爾的朋友一齊睇"魔怪屋".好在係英文版啫.畫得好靚,聲音都配得好細緻.故事雖然簡單,但係都幾緊張...仲真係有d恐佈架.可以一看啦.....3.5粒星啦.


做媒人真係唔係咁易做.最緊要就係d男仔要真係知自己想點架...機會畀咗,都要自己積極爭取架.唔好下下要我地做太監先得架.

又一個星期

好似都係原地踏步咁.咁又一個星期啦....


公司果個image exporting 的project接近尾聲本來以為今個星期就搞得掂,但係有阻滯,加多一日唔知夠唔夠.


今個星期,我的腳開始敏感,好癢,死啦,唔知食錯咗乜,咁耐都仲係咁既...雖然係咁,但係我又好似唔多痛,咁樣敷藥仲要捱多幾多日呀?我好想放假呀.


我同四家姐朝三暮四,朝秦暮楚咁揀相機鏡頭,始終都係未揀定買乜鏡,但係又要上堂啦.
所以今日終於同四家姐踏出第一步,買咗個Body先.好在可以搵三家姐的朋友幫忙,去佢屋企試下佢的Nikon collection,再試多幾試先考慮買乜啦.買相機計劃總算實行咗一半,另一半的行動又唔知要幾時再出動過!


因為呀Sir叫我地唔好用同一個Brand,學少咗野,所以,為咗敷衍呀Sir, 就好在借到二姐夫的Canon 300D玩下先.就當畀個機會我再睇多Canon一陣啦.


其實...玩過新的攝影器材,以前的一哥機種,依加都要企埋一邊,兩三年的轉變實在太大分別.唔知D200可以玩幾耐呢?


同四家姐揀機,已經用咗我妤多空閒時間啦.溫書?冇地位架.

數碼燈光人像攝影(一)

今日同四家姐一齊上攝影堂.第一課係簡介燈光攝影的器材設備.


聽到頭一段的簡介真係以為自己中咗招,上咗搵笨堂.基本光圈快門的知識,唔用physics的角度去睇都明咗N年.但係因為唔同學生的Background,所以好似都要講一講咁.


之後講咗其他設備同使用技巧,就進入正題啦.點樣用測光表,點打燈,唔同打燈方式有乜唔同效果.唔同色調表達怎樣的主題.如果改變燈光以突出主題...等等.


都算學咗嘢啦.

瑩瑩同雯雯

呢兩個令我同樺爾神魂癲倒的小公主們.真係令我地好開心!!!


噚日三家姐臨時要返工,所以唔可以同瑩瑩換身份證,三家姐諗住媽媽入咗院,四家姐要standby,所以就搵咗我同樺爾返媽媽屋企度"湊"瑩瑩去換身份證.


落住雨咁同樺爾一齊拖住瑩瑩,唔知可唔可以扮係佢Daddy同媽咪呢...個樣都唔似...一睇就知係假冒架啦.
樺爾又好細心咁擔住把傘,抱住瑩瑩,嘻嘻...睇落樺爾應該可以做個好daddy呢...不過...我就....只可以做個姨姨添...可能同小朋友玩,要好開心好投入先得.

我同瑩瑩講,你知唔知你要去邊度呀,我話:你要去人民入境事務處換身份證呀...瑩瑩竟然講咗句:"你講得真係啱啦!"真係人細鬼大!


冇受權書真係唔畀幫姨甥女做身份證架...唯有轉下晝時間,等佢的Daddy,Mami親自去啦.
本來以為可以睇做瑩瑩影相相添...真係呀...冇得啦!!!唔制呀...


之後同瑩瑩一齊行街,佢見到好多公仔,不斷好大聲咁講d名出嚟.好彩d舖頭未開齊,如果唔係唔知會唔會忍唔住買d畀咁可愛的瑩瑩啦.不過其實瑩瑩都冇拗計要買,好天真架.


為咗獎勵佢咁乖,我哋又未食早餐,咁就去咗McDonald食嘢,樺爾仲特登買個開心樂園餐,因為送閃電王呀.
頭先啱啱同瑩瑩睇完玩具,咁啱又有反斗車王的主角閃電王.瑩瑩一睇到就尖叫...成個McDonald都聽到呀!


之後瑩瑩又用"樺爾"唱歌,feed in 咗成首Mary had a little lamp.真係氹到丈丈幾鬼開心架.


點知返到媽媽屋企,同樺爾走啦,瑩瑩淨係錫我唔錫佢喎!真係好奇怪呢..


*****************

今日四家姐打電話搵我,佢話雯雯好掛住我喎,真係心都甜啦!!
之後同雯雯傾咗一陣計,雯雯仲話佢"發夢掛住樺爾丈丈呀!"(應該係夢見樺爾啦...)


哈!!!樺爾,雖然噚日我哋噚日走果陣瑩瑩冇錫你,但係雯雯都好鍾意你,開心番啦?


雯雯同我講,佢去咗星加坡,好掛住丹丹姨姨呀,好掛住樺爾丈丈呀...又話第日同我地去游水添.


佢又話佢同瑩瑩去睇閃電車王呀,好開心呀...瑩瑩係咪因為樺爾噚日送咗閃電王畀佢,番屋企都鍾意到發咗癲呢?


雯雯係一次睇電影架.開心到成日都閃電王前閃電王後添呀!

生活一周

呢排同樺爾都各有各忙.佢的工作量不斷增加,我等候佢返屋企的時又就愈來愈長.


因為敷住藥的關係,我都唔想四處走,返屋企又冇嘢食,一個出街食真係好唔慣.


星期一至五,我已經自己一個人食晏,好悶.但係又好趕,返公司休息一陣就開工.


星期六就要上堂,個course話就話唔多嘢,但好多tricky的問題,要好熟書先可以搞清楚,堂堂複習上堂講的課題真係好懷疑自己有冇好留心上堂.好似乜都入唔到腦,唔通真係記憶力衰退?其實應該都係因為冇溫書啫.


星期日都要去敷藥,樺爾就同佢好朋友打籃球,之後仲一齊食麵,本來想行一陣,但係腳又唔聽洗.都係返屋企啦.


返到屋企,同樺爾的蘇州親人上QQ傾計(QQ係大陸好盛行的網上聊天工具),雖然唔知佢哋講乜,好多都唔明,但係睇到佢哋個個笑到見牙唔見眼,真係好"鄧"佢哋開心.樺爾媽媽返咗蘇州真係笑得開心好多.樺爾婆婆仲話好掛住我.見到舅父舅母都好開心.真係好感動.

"Ah bu, Chi Jin Dog!" (阿婆,好掛住你呀) ....

嘻嘻...叫樺爾教咗我成十次先記得.

出院

媽媽入咗醫院,做咗心電圖,不過就唔係唔舒服的時候做,唔知咁係咁check唔到D乜.又做咗電腦素描,哥哥陪媽媽出院,睇咗d報告又話冇事喎.


到底係唔係媽媽因為感冒先會咁辛苦,手腳冰冷,自己嚇自已呢?還是係未做夠檢查呢?


雖然醫生都話媽媽冇事,但係我就覺得佢應該都係唔多妥.因為都唔知佢會唔會係仲有其實問題.


媽媽真係一個唔乖的病人.佢唔駛去洗胃,真係算好彩啦.點解係都要咁樣令人擔心呢...


佢的腰又話唔舒服,都冇做X-ray檢查,唔知會唔會係腰骨影響,令佢好攰...(因為我自己都係咁,所以感同身受)加上佢又感冒,週身唔自在啦...


講真我依家的腰同左腳都漸漸好轉啦,醫師話我就嚟好番,我自己都知我正慢慢好轉.右膝都好好多啦.


如果媽媽真係腰骨痛,我真係想叫佢去睇我睇果個醫師,佢真係好掂架.不過因為我哋都冇第一時間去醫返好佢,醫的時間自然會好長.要佢日日去敷藥真係好難,佢又會嫌遠,又會嫌醫得耐,仲成日自以為自己食乜嘢會醫好自己.畀佢知咁貴,實唔肯醫都似.其實最重要就係可以醫得好,能力做得到,佢要醫幾多錢我都願啦.

疑病驚魂

媽媽噚日無啦啦話唔舒服手腳冰冷,心口又壓住壓住咁.仲以為佢好似爸爸咁心臟病,真係擔心死人.


最怕就係佢係咁幾個循環咁不斷咁試藥.食完珍珠沬,又食自己煲的感冒藥,話好d,之後又無啦啦手腳冰冷心口又壓住壓住,之後又食甲狀腺藥(佢話係心臟急救神藥),都唔知好d定係心理自以為好d,但係又聽爸爸話食五寶丸醫傷風.......其實都係唔得,食咗藥冇耐就話得同唔得.又係自己以為得,死頂.


佢又話自己早幾日上朋友屋企睇到隻貓嘔,唔知係咪中咗招....唔會係禽流貓呀嘛....我又唔係醫生,點知佢咁的病徵應該點做.勸佢去睇醫生,就成日話等一陣先食埋乜藥再睇吓添.硬係唔想入醫院check!真係激死人.


第二日又想再食多個循環.....一早打電話畀佢又怕佢未起身,返到公司打畀佢,聽到佢又唔聽話亂咁食藥,仲講d好灰的說話,一時又話條命係自己既,都已經咁老....真係好激動.


我就只可以叫佢有病去睇醫生啦...佢又再滔滔不絕講佢食藥的cycle,又再講佢同個朋友做乜....(講就好似幾精神)不過講講下仲話同我講到好攰,氣喘添.


以為佢又自己死忍啦,不過之後就無啦啦肯入醫院啦.唔通真係大鑊?!


**************


星期六,本來約咗Berry同Kathy,四家姐去綠田園耕作,但係媽媽咁樣,真係冇心機去.我自己又未好返,都係咪去啦.Berry,對唔住呀...我都唔想甩底架.

做啦!死亡筆記

呢個故仔好好睇架...終於都上影啦.


L就幾似,但係個月就唔夠靚仔喎.


冇興趣去睇都可以睇呢個介紹先決定啦,有興都係直接去睇啦:


http://www.atnext.com/jp/deathnote/

苦浪漫

本來打咗一輪苦水,但係唔知係因為太苦,電腦都選擇忘記... Hang咗...6_o?


唉.今日你同我都係咁...最啱打呢首歌.聽吓呢首歌,希望會放鬆d啦...


苦浪漫 - 古巨基想聽呢首歌,按這裡再按上面Play掣
曲: 馮正 詞: 周禮茂 編: BILLY CHAN

夜已爛 朋友轉眼

已經鳥獸散
一個人 像值班 快樂極有限
獨自歸 未願返 深宵太媛慢
不經意 望見你雙眼
在角落 神態雖淡
卻寫滿怨嘆
一個人 獨自撐 痛愈難發難
*恨願分 怒願擔 心傷既同患
一起去 渡最冷的冷*
容這夜晚 少兩個弧單 營造甜又苦浪漫
你要哭 我聽你痛哭 只須哭得比我燦爛
夜暗淡 人世多冷 慣不慣去慣?
失意人 別落單 切莫原處站
REPEAT*
容這夜晚 少兩個孤單 營造甜又苦浪漫
你要哭 我聽你痛哭 只須哭聲中再現歡顏
容這夜晚 少兩個孤單 投入甜又苦浪漫
我要哭 你聽我痛哭 只須哭聲中散盡憂煩
容這夜晚 少兩個孤單 投入甜又苦浪漫
兩個哭 最終會結束 即使只得一刻不怨嘆
這一夜 知不會循還
仍衷心希望你 快樂仍能習慣

乜我真係咁悶咩?!

放工返媽媽度,教四家姐photoshop....


乜我真係咁悶咩?!


我以前d小朋友都唔知幾鍾意我...


我真係冇以前咁熟 Photoshop 6...因為公司都轉咗用PhotoShop CS2啦...


請原諒我太多口水啦...講唔到重點, 不過,爆肚講係咁上下架啦.


嗚....下次唔同你玩啦....嗚....嗚....嗚....


mami...家姐蝦我呀.....

忙裏偷懶

今日繼續做個JSP有關的copy and paste + color matching change project.


本來接到呢個job,以為係好機會學嘢,不過事實總係好現實,唔係冇野學,而係冇預時間你畀你學.只係想你用幾日課仔,改一改個名,改少少內容做另一個內容.改個menu....


我知點解assign呢個job畀我做.因為改樣呢家野最哂人時間,所以用我呢個無聊人的時間係最好架.其實主要係想我做過 d Image button 同 menu image.....而唔係畀機會我跟個project.


其實...佢地都唔多當我係一個programmer.... rather, a graphic exporter!


改樣,我冇say,因為我都唔知乜係好乜係唔啱老細口味.但係轉咗老細,老細的taste都唔同.而且,佢唔會理會一個經常撘做 image 的 programmer, color matching 會幾受限制.總之,有個人會搞掂D images就係啦.


冇色盲的人唔代表識得點襯色.識用個photoshop唔代表有美術天份.


有時候唔知點先叫唔同....同樣的擺位,只係想改少少,但係想同原本的look唔同.改得多又睇唔慣,改得少又嫌"悶咗少少".


我都知乜叫做順眼,因為好主觀.但係suggestion可以有千萬.萬變可以不離其中....


solution?


原來係加個假的 banner,話會有個banner, 改咗少少色咁又無啦啦收貨.


哈.....


今日無啦啦有個舊同事 ICQ 我, 問我Quote價.


佢每年都會搵我一兩次關於 Quote價...其實係想睇吓我做唔做 freelance.


但係我真係好懶.唔想做.不過佢搵一搵我,我同佢搵咗一陣料,咁樣仲學多嘢過號稱做公司果個JSP project.


到底係我冇心學...定係我唔識學...要學,其實幾時都可以學.


吾生有涯...而知也無涯,以有涯隨無涯,殆已. (呢個係我的口頭禪)

豐富晚餐

今日同四家姐一齊買SD card,帶四家姐遊花園,平時佢帶住我買衫,今次輪都輪到我帶佢去揀電子產品啦.不過我就冇上次咁爽快,因為想同四家姐行一下佢一向好少去的電腦商場.


我上網夾好咗價,Kingston 2G Elite Pro SD card應該係$370架嘛....但係搵咗星際3樓最平果間都係貴咗$5!因為上網的通常係公價,所以貴$5真係唔係咁順氣.為咗$5的婆仔數,我又同四家姐去咗旺電夾下,一夾之下先知旺電仲貴,$390 - $430 不等.真係有冇咁大分別!!!好彩上次我買CF係平咗$20架啫.


之後我地又睇相機袋,睇咗一輪,咁就睇到成八點.四家姐同我都好肚餓,於是就去咗女人街果間水道橋食晚飯.


呢掛日日大出血,但係我都冇好好量入而出,因為反正都係負增長,我再點慳都慳唔番.所以又呢個負負得正.食番餐好既.


叫咗兩碟等住樺爾一齊食,三個人就食咗咁多嘢啦:

1. 三文魚壽司 (Tue special) :
ok la....但係好似唔係咁多人叫,所以好似唔係最新鮮咁...夏天都係唔好食咁多魚生啦
2. 牛油蘑菇帶子鐵板燒 (Tue special) :
呢個幾好味,帶子好鮮味,唔會太鹹
3. 軟殼蟹炒飯 (四家姐話太淋啦)
4. 海鰻薄餅(呢個好香,好好味.一定要襯熱食呀)
5. 雞軟骨餃子:
幾有口感,有咬口
6. 三色刺身(是日推介.....又係"孔子搬家",寫嚮收銀的黑板好似都唔想有人睇到咁)
估唔到會有三件三文魚,二件唔知乜魚,二件甜蝦,OK啦...
7. 什錦海鮮石頭窩巴:
我第一次食呢道菜咋,原來燒到個石頭窩熱騰騰,再加入青口,蜆,蟹柳等海鮮同米通,再加入辣汁就會係咁滾,都幾得意.食落都幾好味.


埋單都算係咁,平均100落樓.食飽飽啦.

休息一天

噚日同四家姐去咗Show Room,所以冇中午之前去敷藥,等到下午七點先去敷.成廿個鐘冇敷藥睇下成效係點啦.


答案係:日日去敷的腰同左腳都好好多啦,至少行的時候唔駛就住就住,同埋唔係咁痛啦,不過當按摩時都係會痛痛地,都知係未好番哂.


點知上個月同樺爾阿Dee打籃球整親的右膝呢幾日好似突然痛多咗.本來想等醫好兩個患處先再醫呢個,但係都忍唔到啦.就算claim定唔claim都係醫埋先算啦.


同醫師講,我話我帶唔夠錢,佢都畀我"些"住先都得.醫就醫啦.如果呢頭醫番左腳,右腳又痛,咁搞法真係沒完沒了.


今日一次過敷三個患處,敷完都係好好留嚮屋企抖下,就係咁,無啦啦就瞓咗幾個鐘.叫都冇知覺.


不醒人事啦...唔知係咪D藥好好"吸力"呢?好似敷敷下會好想休息.


但係唔敷就好似已經行得好咗.希望右膝可以快d好返先啦.唔知五日得唔得呢?

死心

呢幾日同四家姐成日比較相機的功能,因為真係要買一人一部相機一齊學啦.


四家姐玩咗兩日Nikon D200,都幾滿意佢的質數同操控.只係怕太重.


我就成日怕唔知會唔會太灰,但係玩落又好似冇乜問題.(就算有問題都係自己唔夠熟啫.)


但係因為成日想睇吓顏色較鮮艷的Canon機,所以今日就同四家姐一齊去Canon Show Room想比較下Canon vs Nikon 手感.

1. 輕,都係膠造,都唔似成785g
一睇個30D的 Body,幾輕,因為用咗Bundle鏡,好輕.


1. 我唔鍾意個大dial

玩咗兩玩,因為上網揀機冇好睇個Menu點Set,一上手,搞來搞去都唔知點較個光圈.原來個快門係前面個dial,但係光圈就用機背的大dial set,腦筋好慢的我真係跟唔上,figure out 唔到.


==>大打折扣.


2. ISO點較,又係又係按住個掣加大dial. --> Just ok.


3. 較 Manual WB, confusing...點較架?較咗同個Menu顯示的都唔同既?!!!


4. 較測光mode,要一邊按按鈕,一邊dial,兩隻手指黏好埋,手指抽筋.手指離開晒按快門的範圍,唔係咁方便

==>大大大打折扣.Nikon 好易做得到

總括: Cons多過 Pros....

5. 有冇好處?都有既,色水都係ok,個User Interface,好似 bracket Mode都幾得...(in 5D咋喎)

好多嘢都要Menu度較,但係個Menu冇shortcut,水蛇春咁長的menu,唔熟要搵好耐,我咁冇記性,死得啦.


我同四家姐都唔係Nikon die hard fans,但係一楂上手,就覺得好多都唔合心意.


用D200有貼心的感覺,好似個"dump垃圾掣"就好方便,按兩下同一個掣就得.
相反,Canon就要用個大dial轉去OK度.幾慢.


光圈快門,ISO, WB, Qual 好易較.


就算Canon的Qualty都係咁好,但係咁煩的操控,又要拓住咁重的機,真係好吃力.



寫得好亂,好彩唔係用嚟做用家報告.


一句到尾,可能我地唔可以用d較為麻煩的機,所以先咁唔鍾意啫.


唔好三心兩意啦,D200啦....


不過,好似D200有d貨有直紋問題,check 機都係小心d好啦.


不過Canon 的Support, show room 就一定好過Nikon!!!

去Nikon 時間係Office hours!!!

爸爸媽媽

今朝一早搵四家姐,四家姐仲未醒喎,唔知係咪因為我嘈醒咗佢,佢就冇咁好老脾,激親好易唔開心的媽媽....真係大煲大...


下晝都未搞返掂,都唔知佢點收科.

(註:原來四家姐話係噚日激親媽媽,佢唔係因為我嘈醒先激親媽媽,不過都唔知啦...冤枉咗佢添...依架冇事就好啦...四家姐...對唔住呀)

不過應該都係我返屋企,所以媽媽又全情投入去買餸煮飯畀我食.仲唔小心撞親個街市的樓梯底添...個頭真係好"頭入"啦,都係我唔好....媽媽特登去買蝦畀我食,搞到佢撞親添...真係衰女包.


返到屋企,啱啱食得,好耐冇同佢哋呢個陣容食啦,以前就成日一齊生活,但係都冇乜同檯食飯,成日前後腳.今日就反而有爸爸、媽媽、四家姐、阿Dee同我,樺爾畀我放咗飛機所以佢約朋友去咗唱K...(咁都唔預埋我!哼...分身!)


我上星期都有現身架,但爸爸同媽媽好似好耐冇見我咁,爸爸同媽媽都不停咁同我講野,爸爸同我講中醫理論,媽媽就同我講佢點自己煲藥實踐(實驗)....同時間講,好似立體聲咁,真係唔知聽邊個先好.


今日四家姐爆咗我去醫腳的野,因為要同媽媽講我要戒口,媽媽知道咗冇嬲我,真係好好彩.


其實我真係好想媽媽去睇下佢的腰,佢可能同我一樣,一路都係死忍.如果佢肯醫,我多多都出畀佢去醫.但係媽媽就唔係咁信.唉!都係等我好返哂先勸佢去啦.

迷倒嗎?

今日蘋果日報講:

卡 通 電 腦 限 量 100 部


綠 色 米 奇 主 題 襯 白 色 機 身 ， 幾 有 Style 。 約 港 幣 $7,600 起

日 本 EPSON 搞 個 直 銷 網 Epson Direct Shop ， 不 過 並 非 賣 自 家 強 項 Printer 同 墨 水 ， 反 而 有 好 多 得 意 有 趣 IT 產 品 。 佢 最 新 返 批 同 卡 通 人 物 Crossover Notebook ， 機 面 全 部 印 晒 世 界 各 地 都 咁 受 歡 迎 卡 通 人 物 ， 包 括 米 奇 老 鼠 、 小 熊 維 尼 同 小 魔 星 等 ， 全 機 面 圖 案 花 花 碌 碌 ， 相 當 之 搶 眼 ， 而 且 機 內 Windows 好 多 功 能 均 換 入 相 關 主 題 ， 如 壁 紙 、 Screen Saver 、 Icon 等 ， 100% 為 Fans 而 設 ， 完 全 打 破 電 腦 一 貫 冰 冷 感 覺 ！

今 次 廠 方 共 推 出 B5 （ 12.1" 屏 幕 ） 及 A4 （ 15" 屏 幕 ） 兩 款 尺 寸 型 號 ， 硬 件 規 格 方 面 ， B5 系
列 採 用 較 低 階 Celeron M 423 （ 1.06GHz ） 處 理 器 、 512MB 記 憶 體 、 40GB 硬 碟 及
ComboDrive 光 碟 機 等 ， 機 能 算 中 規 中 矩 ， 學 生 哥 做 功 課 應 夠 用 ， 賣 價 約 港 幣 $10,900 。 另 一
A4 型 號 則 配 備 Celeron M 380 （ 1.60GHz ） 、 處 理 速 度 快 得 多 ， 其 他 硬 件 大 致 一 樣 ， 不 過
OS 反 而 由 專 業 版 降 為 家 庭 版 ， 賣 價 亦 較 平 ， 約 港 幣 $7,600 。 卡 通 電 腦 系 列 只 限 量 100 部 ，
有 興 趣 又 唔 識 上 Direct Shop 預 訂 話 ， 不 妨 留 意 一 下 香 港 一 專 賣 水 貨 Notebook 舖 頭 ， 話 唔 定
有 意 外 收 穫 。 記 者 ： 徐 影 龍

Mabel,係咪如果係黑白色配襯就諗都唔洗諗就買呢?得個外皮,好似打開冇野睇呢...不如好似日文版咁買個貼紙咪得囉....


日文的網址呀...唔知講乜...


www.epsondirect.co.jp/info/news/060719.asp

收工

哈....終於都做完啦.收工 (哈...唔係做到咁夜!!!只係呆等人收工啫...不過都係等咗個幾鐘,唔係好耐啫)


但係....其實仲有好多問題,不過又要放低一陣,因為要學新野,今次係Linux...


近排真係多野要睇.PMP Course都未夠,又要買DSLR,又要上攝影堂,話就話短期.一買SLR深似海,沉迷攝影等於倒錢落海,倒完又倒,倒完又倒.....


家姐,我唔係話你呀....可以同你一齊學,係我的心願....


不過....學琴又何嘗唔係呢....


有時乜都有興趣的我,分身不下,記性又差,想投入d都有學習障礙...係咪可以去搵Berry姐姐幫忙,輔助下我好好學習架...


開始又再語無輪次.都係要瞓覺啦.

給家人一點安慰,你會有新發現

今晚臨返去媽媽屋企前去咗OK買咗一本電腦廣場睇(又係一本廣告多內容重重覆覆的潮流雜誌,點解咁都睇?!我冇睇一排,幾乎脫節啦,就嚟連Blue-ray係點的都唔知....)


講咗去邊?我係話,咁就有包紙巾送,裏面就係呢句話:"給家人一點安慰,你會有新發現"


家人係指樺爾定係我的屋企人呢?不過橫睇掂睇,樺爾似乎都唔得閒畀我安慰.佢又忙到死.我自己就自身難保.


呢d野都係一笑置之罷啦.


今日最開心呢就係又可以返屋企啦,幫四家姐買咗2G Kingston Ultimate 100x CF, $580,唔知旺電會唔會平d呢?我唔敢行咁耐.睇到平過hkgolden.com標的$618就買咗走人啦.點知個商場有抽獎添(不過都唔會中架啦...)原來Kingston都有抽獎添喎(7/15至開始咋),買一樣嘢,有兩個抽獎主辦單位,真係好少遇到.


咦?!唔通呢個就係給家人一點"安慰",你會有"新發現"??


車...發現呢個嚟做乜?我都冇抽獎運架啦.


今日雯雯話最鍾意媽媽,第二個就鍾意丹丹姨姨,呵呵~~~開心過中獎啦!!

報告,今日情況隱定

每日去敷腳,其實真係幾悶.12:30p.m.放食飯,我就一個人去敷藥,因為每次最快都要搞成廿分鐘.所以都唔可以同d同事一齊食.


事有湊巧,其實呢排我都好忙,好想一個人靜下,一個人食,好悶.但係又幾自由.唔駛諗話題同人講.又唔駛餐餐食得貴.最好就係可以小睡片刻.不過咁真係會變大懶豬啦.


講起去敷藥,個醫師的女都係女醫師,但係敷藥的手勢就好似麻麻地.唔知係咪因為佢好似唔係咁想跟媽媽做跌打,定係點,如果跟媽媽咁多年,包紮應該都好隱當,但係佢唔係條帶唔夠長,就係紮得唔緊.又或者唔記得加大膠布.不過佢按摩位置都係好準喎.


今日同呢個女傾計,佢又問起我幾時整親,我就話最近一次係一年前,死心啦,我同你講三年,咁係咪要按比例醫我三個月咁呀?


依架好似都好轉啦,不過如果停止敷藥會唔會又差返呢?都係未知之數.不過行路比以前小心同慢咗,但係都好似輕鬆d.呢次的治療應該都係有效既.


要肉痛定係腳痛呀?你話呢? (如果媽媽明就好啦....)

朋友,久違了

經過一個一厥不振的星期,身心極度疲累.身心受創.加上養傷的關係,返到屋企都要好好地抖返吓.


左腳腳傷己經好轉,兩條根有一條好返d啦.但係另一條根因為長時間冇好好醫治,仲要多敷至少十幾天.腰脊兩節移咗位的脊骨都己經少咗痛.但係好似仲係唔係咁隱,有時好似仲係feel到有D痛.原來個盤骨痛,都係因為我個盤骨都有少少移位.所以醫師順便同我醫埋.依架果塊膏藥大到成個pat pat都包得住.個醫師話,個盤骨"咩"咗,所以腰又"咩",仲影響埋成隻腳,所以先會腳根咁腫.今日佢終於話睇到我隻腳好d啦.


之前聽醫師講我的脊骨移位得唔係咁正常,仲叫我搞唔好條腰,唔好準備生BB,如果唔係會好麻煩.....當時聽到真係幾驚,所以返到公司想搵樺爾傾吓,但係又搵唔到佢.咁又打畀四家姐,但係四家姐同爸爸媽媽飲緊茶,唔可以畀佢地知....


不過睇多佢幾次,聽佢咁講又唔似係作到我個病情好壞,危言聳聽,嚇我買佢d藥喎.佢提起的大補丸時,我又冇乜反應,佢之後就冇再提,佢只係話我梗係怕食藥啦.(佢畀位我say no,我當然話係啦),佢話,如果可以就食多d有膠質的食物,好似花膠(好死貴架...),又或者豬尾骨...(唔知乜嚟....),或者係幾隻雞腳喎.


如果真係好似醫師所講,我睇多兩個星期應該可以搞掂啦.希望真係得啦.

第四次敷藥

連續去咗尹太到敷藥:

第一晚:
畀佢推幾下,隻腳好似掂地踏實d之外,畀佢推正返背部脊骨之後,夜晚返屋企,好似好瞓咗.

第二日:
星期六晚上完堂,又去三家姐度過夜睇世界盃.德國最終都有個安慰獎,好過冇啦...C 朗仲要插幾多次水呀...

第三日:
等到瑩瑩醒,佢一早又跳舞啦!!
同佢玩咗一陣.佢仲著"高哏鞋"送我哋走呢,真係好可愛呀.

雖然冇好好地瞓過覺,但係都好似冇乜問題.真係好似有重生的感覺.真係好多謝佢!!
今日樺爾陪我去,尹太先知我結咗婚,講起如果想生BB就要搞返掂條腰.(呢個都係我其中一個想法嚟既,但係唔知我仲可唔可以救返好呢?)


食咗午飯都唔敢返去見爸爸媽媽,怕佢哋會"哦"我.好彩媽媽入咗屯門.冇諗住見我.


四家姐就返而嚟我屋企添.有貴賓到,"係咁二"都要執吓屋啦.執吓執吓,又好似有d攰.

同四家姐,樺爾一齊出街食.去嚼江南食,食一次鬧一次.又細碟,又落味精,多油,又貴...


第四日:

依家每日去佢到,佢會同我按摩背部同腳踝.但都唔知自己要幾時先好返.


聽佢講好似手尾幾長.佢話我兩節骨向內凹,唔係咁正常的傷法,但係我又行得走得,會唔會佢想嚇吓我呢?等我同佢買藥呢?
佢仲同我講佢有間藥廠,可以親自為病人製造小還丹,對調理身體好d...(佢係咁睇d孫玩得金庸群合傳多???)佢話如果經濟許可,就試下啦,一服藥,成100包小藥丸,但係價錢唔係咁定,有時幾百,有時差唔多成千.


睇佢好似都幾好人,佢係好心?定係生意要緊呢?識佢幾日,都唔知佢係乜人,佢係咪想捉我想好返哂的心理呢?


應該聽佢話好呢?定係點呢?

第一步

我呢個長期病患者,今日終於都肯踏出第一步啦.


幾年前因為唔小心跣一跣,就咁就搞到隻左腳腳踝扭親,但係又冇即時去睇跌打,隻腳腫咗,只係用藥酒"卒吓卒吓"消腫之後就算.但係之後其實成日都痛.搞到做咗X-men,擁有先知腳,翻風落雨仲準過d曱甴昆蟲.有時行得多,夜晚就會痛d.有時仲臨瞓扭嚟扭去都冇個姿勢瞓得好.(好彩有人會同我扭吓,按吓...但係其實起初都唔係好敢同佢講....)


其實好耐之前四家姐講過佢的舊老細介紹過一個跌打畀我.我明知嚮公司附近,但係搵過幾次都搵唔到.砵蘭街又不宜久留,結婚前後都有想過去"整返隻腳",但係又怕己經咁耐,都應該冇得救瓜,又唔知會唔會咁遲先去,個醫師會唔醫.又怕依家都仲行得走得,唔整唔整,整咗仲唔知會唔會仲差過唔整,想吓東想下西,又唔係成日好痛.如是者過一年又一年....再一年.


呢排以為多d游水會可以做下水療啦,但係其實游緊就好d.但係姿勢又好似唔係咁啱,游得唔係咁順暢,舒服一陣,返到屋企又打番原形.


上個月仲諗住跟樺爾同阿Dee打籃球減下肥,點知一打,連右腳膝頭都整親,之後連上落小巴都要好小心.所以就行少咗...咁又再肥d....


呢個真係極度惡性的循環呀!!!我唔可以再咁落去啦!!!!!!!噚晚又瞓唔著啦!!!!


我要"的"起心肝啦...我要好番,我要好好地行路,我要運動修身... 我要轉工...


我要好好用功讀書,長大了要賺多多的錢,來買大大的房子囉!!!


(哪~為什麼你小時候不好好用功讀書??)


原來第一步,就係先要身體健康!!!


希望今日去做呢個決定係啱架啦.醫師尹太都幾好人,一睇就知我傷咗好耐,仲知我點的姿勢扭親添.(我唔敢講傷咗三年,只係話好耐,成年咁耐).


原來我成日就住嚟行,搞到腰骨都有一節移咗位,佢再同我推一推隻腳踝,敷咗藥,又敷背脊.每日都要去換藥.我問係唔係好嚴重?佢又話佢唔會講到好嚴重嚇我.不過要睇幾日先知咩情況.就算咁樣一整親,就要成個星期先好返.我咁樣就好睇我對d藥吸收成點.


醫師其實唔係收得好貴,只係我自己搞到腰都有事,先要收兩個部位啫.佢話因為係熟客介紹,本來460,依家收360就得啦.我依家要戒口添.所有酸性食物,蛋,牛肉,糯米,豆類食物都唔食得.咁飲品呢??真係唔知啦.


醫師摸到我手腳冰冷,仲畀咗粒大保丸畀我食.我問係咪跌打丸,佢話,乜睇跌打就一定只係畀跌打丸我食咩?!佢都幾風趣架喎.佢話本來要30蚊,不過就送畀我食啦.


唔知呢個係咪試吓我信唔信佢呢?無啦啦令我諗起細個睇粵語殘片d橋段,食咗果d蜈蚓丸定咩老泥丸,一唔聽話就可以打鼓,吹簫,食咗的人就會碌地沙,唯有聽聽話話咁做牛做馬.


我食咗啦...唔知呢好似個肚怪怪地....(嘩~~唔會咁呱...真係好心著雷擗.)


唔知我仲要見佢幾多次呢?希望可以快d好返啦.


但係我依架咁樣就唔可以游水住添....點算好呀....

遊呀遊

噚日游呀游,今日遊呀遊....


魂遊~~~ 飄呀飄呀飄隨晚風...(克勤填詞架...<<浪漫長路>>唔係好啱feel添...)


打邊隻歌好呢?


呢隻都幾好架....打吓死去的人的歌啦.


飄飄飄飄 - 陳奕迅想聽呢首歌,按這裡再按上面Play掣

曲:柳重言 詞:林振強 編:李漢金

遊戲人間 人間遊戲
我往日未嘗認真
對於一切也抱去玩的心理
笑稱束綁只會教我飛不起

無掛無牽 何等完美
卻發現實沉悶到死
還幸你看破心中的隱秘
和用唇邊的翅膀載我飛

讓我可… 飄飄飄飄進愛的海
然後以後離不開 你贈誠實的愛
令我牽和掛 和認真期待
當我心真正著緊 我真正存在

飄飄飄飄進你風采
無論我如何不好 你亦全部裝載
把你的純真 抹我的塵埃
讓這濁流 流進清海 真是可愛

遊戲人間 人間遊戲
過去覓自由是借口
其實不敢交出因此只嬉戲
忘掉人真的愛人至懂飛

讓你我… 飄飄飄飄進愛的海
然後以後離不開 我贈誠實的愛
學會牽和掛 和認真期待
當我心真正著緊 我真正存在

飄飄飄飄進你風采
無論我如何不好 你亦全部裝載
把你的純真 抹我的塵埃
讓這俗人重見精彩 天地可愛
真是可愛

游呀游

今日同Kathy,Berry去翠豐台游水,因為呢排游得密咗,所今日真係敢游多d.


今日lunch落雨,搞到冇得去買泳鏡同泳帽,唯有一放工就9秒9去買啦.好在冇雨,如果唔係又冇得游.


去間舖一問,畀Kathy的泳帽就好快揀到,但係一問泳鏡要唔要有度數就啞咗.係喎,好似Kathy要有度數呢?我仲想一買就買三個.等我地可以三個一齊玩....(幾有團隊精神!!)Berry會唔呷醋呢...我都想買個泳鏡畀你架...因為時間唔係好夠,所以都係擱置計劃先.



雖然今晚又要睇世界盃.因為要減肥的關係,點都要游夠盤先肯收手.所以我就游得比佢兩個多.(阿Dee我有聽你的忠告架啦!!!)


起初都唔係咁多人,不過游游吓愈來愈多人啦.冇計啦.都差唔多游咗50分鐘.又怕踢到人,望嚟望去咁,好阻水,游游吓都係收隊啦.


今日精神都唔係咁好,所以煱桑拿都唔敢蒸咁耐.嗱嗱聲走人啦.


之後三個一齊去食麵,其實唔係傾咗好耐,仲唔記得自己講過乜,成日重覆講自己之前講過的野添....(唉,好似成日話當年...唔通我真係老啦??)


死啦....語無倫次.抖返陣先起身睇波.


(克勤同好多英格蘭球迷一樣,唔想C朗的葡萄牙贏,但係佢幫邊隊就邊隊出局.法國有難啦.)

世界盃唔狂熱地狂熱

真係好啦.聽日又約咗Kathy Berry 游泳.不過半夜起身睇波,唔知頂唔頂得順呢.


其實我唔係好狂熟,但係都睇咗咁多晚,冇理由唔睇四強架嘛.


聽日唔知起唔起到身呢.本來應該依家去瞓覺覺豬,但係唔想又做大懶豬.所以都嚟留吓言先.


之前成個星期,其實係唔係咁開心,所以一路都冇心機上嚟留言.過咗個週未開心返,我又返番嚟啦.


其實...日記,都要有心情先記,咁算唔算唔係咁真實呢?

大大大懶豬返嚟啦

上個星期因為掛住睇世界盃,成日瞓得唔夠,於是一日又一日咁冇寫到日記添.


加上星期五同六晚入咗三家姐屋企睇足四場世界盃八強,星期六成日留咗嚮三家姐屋企,同佢哋一家人行街買衫,游水,食飯,玩大富翁,真係好開心呀.十足十渡假式享受.


星期日又出返嚟見爸爸媽媽哥哥家姐,(不過二家姐搬屋,唔出得嚟....好想同雯雯玩呀...)


其實好多嘢想講,一下子寫唔得咁多.


總之係開心週未啦!多謝家姐~~

我又偷懶啦

五日嚟都冇update個blog,係咪好掛住我d廢話呢?


同Berry Kathy游完水,其實唔係好攰,但係就好想瞓.搞到成日冇update.


都唔記得邊日打邊日,總結一週大小事啦:


1. 工作呢...個website開始埋齋.但係又有關連著的新工作...沒完沒了地做...
做咗Animated gif 做的廣告Banner放入partner個Website,唔知寫乜字眼好,勉強過得自己,做咗,修改咗幾次,交課,不過老細話:其實個Banner寫D乜字佢都唔重視.


聽到真係一個冷笑.如果廣告的"message"係咁唔重視,咁係要做個banner嚟把鬼呀?!


頂..........唔順啦....我真係好掛住Annie.


2. 一個人放工撘地鐵,無無聊聊,無意中望到一個人好熟口面,係邊個就真係醒唔起,佢好似都望一望我,見我又冇反應,以為係認錯人,過咗兩個站之後就到荃灣,佢行走咗,我先回一回神,咦?!佢係詠春師兄呀...三個一齊去學的其中一個帶埋女朋友一齊去學的果個呢~~ 哈...人真係最善忘的動物.


3. 雯雯問丹丹姨姨幾時會去探佢一齊去游水水呢?我都想呀...不過要上堂.下星期我地唔駛返學,不如一齊去搵二家姐玩水水呀?


4. 睇波啦睇波啦...睇到連返2:00p.m.都可以瞓過籠,遲到.第一堂就玩遲到.死未!


5. 話要買NDS Lite的仁兄,去到深水埗,都係一貫既"觀望態度",就等佢再望吓添啦.係咪又好似買PSP咁望吓望吓就唔買架啦?


6. 反而冇乜考慮過買的小喇叭,行咗一陣就買咗.比起平時的我要左夾價,右夾價,今日係有d失常.

好開心呀

噚晚約咗四家姐食飯行街,好少單獨同佢出嚟食飯,因為佢去開旺角先搵我.我都冇準備過食乜.所以就是但去咗"瑩壽司"食飯,今次個牛肉炒烏冬幾好味.不過個燒汁雞扒定就一般啦.


行咗一陣街,睇嚟睇去都冇乜衫合眼緣....唉...唔單止係咁...仲係因為自己太大個肚腩,冇乜心機睇衫.


行唔到d乜,又係時候返歸,點知四家姐仲請我食Haagen daz添.佢有$50 coupon,好隨便咁食咗個新口味.個芒果味咁酸既.都係士多啤梨味好d.唉,家姐,我只可以"捨命"陪你食幾啖架咋.


好彩今晚放工同Berry,Kathy一齊去游水兼食飯.因為Berry係會員,所以可以入去YMCA的暖水池游水.個更衣室到幾好呀,仲有個男女共用的"海洋更衣室"唔知係點呢,係咪可以一家大細一齊去咁呢?唔知呢.因為要係特許會員先入得去.


今日游水定係傾計呢?Half-half啦.因為我星期六游過,唔可以咁"搏",Berry同Kathy就今年第一次游,都係要就住嚟.不過其實個大人池用咗半個場上堂,所以相對地多人游,咁我哋就去咗個細池游啦.但係有時會掂到地.不過我哋志在郁吓手手腳腳,都冇乜所謂.如果有個更加好的暖水池就好啦.


游完水咁就去食野同傾計啦.講起Berry去耕田都幾得意.佢係做義工同學習障礙的小朋友一齊耕田,都幾得意呀.不過都係要頂得住晒同污糟啦,仲可以近距離接觸好多"大小動物"啦.唔知Kathy見到蟲會點呢?會唔會好似睇到曱甴咁呢??嘻嘻...唔知我同Kathy幾時可以跟佢去呢?


游完水唔係太攰.不過都係要瞓啦....早抖.

"乖女",多謝你張咭呀!

我唔知你19號寄咗e-card畀我,今日先知,好開心,又好意外,多謝你呀.


我同"Dad"一齊睇,但係佢見到"Dad&Mum"就好似有滴汗咁...哈哈..."乖女"真係乖啦.so warm.


From: bobo (CMICKEY813@NETVIGATOR.COM)


唔知點先可以放大 d 呢...好似被限制咗...

Physics人唔該解釋吓

我有個同事成日 send d得意嘢.有時間睇吓啦.好有啟發性.


點樣令咁小的物件產生動力呢?如果加以利用,我哋可唔可以用類似的方式製造再生能源呢?唔駛吓吓風力水力咁.就好似一個小小的推動就可以有骨排效應....


真係唔記得哂 d Physics啦...呢d係咪叫potential energy transfer to kinetic energy?


http://www.youtube.com/watch?v=gyuwPetrmaY&search=japan

This is for you

This is for you...


(有打過DiabloII的人應該會知呢句係分享自己執到的寶物時候,由個女聲講既.)


估唔估到出呢首呢?呢首係我最鍾意的歌之一.好warm,好有feel,留意吓中間過門的結他+小提琴合奏,好有朝氣.高據我的古巨基榜50大既首十名之內!

送給你的兩首歌

全年無休 - 古巨基

曲 : 黃鈞仁 詞 : 姚若龍 編 : 包小忪

講愛你說得那么絕對
因為確定會一生無悔
敢要你拒絕別的人追
因為我才最懂你要的那種完美

不見得天天相對
卻能感覺心緊緊相隨
體貼是不讓深愛的人事與愿違

* 全年無休最恆溫的熱情
隨時隨地給你要的暖意
我也許偶爾惹你有一點生氣
卻絕對不會害得你傷心
全年無休最敏銳的深情
你的一點情緒都能感應
你也許偶爾怪我有些約束你
但一定懂得那是保護你疼你 *
Repeat all once



呢首都幾好架.不過我就唱唔出口啦.你呀...自己留意吓歌詞啦.


愛你 - 王心凌
詞：Hwang Se-Joon　曲：Lee Young-Min　中文詞：潘瑛+談曉珍+陳思宇

RAP：
yo yo yo yo Cyndi, what~what’s wrong with me? (愛你)
yo yo Cyndi baby, what’s wrong with me?
Cyndi, give me your love, you make me sneeze all the time
Now now怎麼我一直狂打噴嚏　在凌晨三點二十六分
let me sing let me sing a song陪妳入睡
what is love嗯哼我正在聽　妳要什麼都say yes
Cyndi I really do love you so

如果你突然打了個噴嚏
那一定就是我在想你
如果半夜被手機吵醒
啊那是因為我關心

常常想　你說的話是不是別有用心
明明很想相信　卻又忍不住懷疑
在你的心裡　我是否就是唯一
愛　就是有我常煩著你
*oh~baby　情話多說一點　想我就多看一眼
表現多一點點　讓我能　真的看見
good~Bye　少說一點　想陪你不只一天
多一點　讓我　心甘情願~~愛你*
（多一點　才會慢慢發現　因為你　讓我心甘情願）
喜歡在你的臂彎裡胡鬧
你的世界是一座城堡
在大頭貼畫滿心號
貼在手機上對你微笑
常常想　我說的話你是否聽得進去
明明很想生氣　卻又止不住笑意
（Oh~）在我的心裡　你真的就是唯一
愛　就是有我常賴著你

**就這樣　一天多一點　慢慢地累積感覺
兩人的世界　就能夠貼近一點*

小聚

呢排成日都唔記得嘢,星期四唔記得帶電話返屋企都唔知.但係返屋企又會記得叉電,第二朝記得拎返"舊電"出嚟,但係又唔記得換返電去個電話度.出咗門先知原來自己唔記得帶電話.返到到公司先發現,原來個電話嚮檯頭喎!唔通我患咗阿茲海默症?


(可能睇得太多次,我係用果套<<擁抱這分鐘>>嚟"煲機"做測試.大大話話,個file開咗十幾廿次.依家可以成功播哂成套戲,都冇hang機,開咗IE同播住片都係45-48度CPU,情況尚可.應該可以安排"出院手續"啦.)


哈,講得太遠啦.個多星期前約好咗Kathy同Berry星期五食晚飯.點知完全冇咗件事.今日仲有電話,冇電,Berry放假,Call極都搵唔到我.長期飛返屋企.真係好似失蹤咁.


好彩Berry有我公司電話,終於放工前搵到我!


去到旺角...(我成日去旺角,但係都唔知有乜好食的地方)


約去雅蘭,但係最後又去咗兆萬.最後真係好似我之前諗住同Mabel去的果間藏元食晚飯.


叫咗4碟3碟都有d驚喜.海鮮沙津估唔到咁精緻,內面有五件刺身添(賺哂啦),不過有洋蔥絲唔係人人啱.軟殼蟹卷都幾靚幾好味.魷魚筒飯就用d飯釀入魷魚筒切開.都幾得意.最普通都係牛肉烏冬.味道幾好.


我哋就冇食刺身,因為幾貴,不過聽同事講,一個話好,一個話一般.
我就試過午餐平d~$45刺身定食,有前菜有湯有餐飲,有好味的雪糕甜都唔錯架啦.有時間都係自己試吓.


食得唔係話十分飽,仲可以嚟個甜品,所以就走咗去之前上網睇openrice的comment,話好味的甜品(哈...上次同你講的果間呢...)


我哋叫咗三碗糊仔...芝麻,栗子,腰果,真係幾滑幾好味.不過食食吓,好鬼"溜",所以食唔哂添.


今晚傾過一陣計,好似都係講咗小小就要散啦.不過我哋都約咗星期三好天就去游水.希望去得成啦.

74:37

人生真係無常...同個朋友傾咗好耐.關於佢家人的病.我只可以mark吓問題,問吓家姐哥哥.有乜可以幫都好.


不過呢,我的速記真係好不濟.聽力亦有問題,唔知可唔可以真係轉達到問題呢.


希望佢哋可以少d風浪啦.快d得到醫治,好好哋休息吓啦.


講講吓,就嚟到結婚一週年,身邊的朋友都會關心吓我呢個唔多稱職的老婆有冇好好準備d驚喜嘢.


哈哈...唔話你哋知住...因為...我真係未準備呢.嘻嘻,多謝你哋咁關心呀.


有乜好提議歡迎直接搵我教吓我.

點樣貼膠布

點樣貼膠布

http://youtube.com/watch?v=FhklMGA01Gg&search=urawaza

真係幾聰明!

Proud of you!

After last night fighting for sister's computer, I'm already exhausted. I'm so sleepy and really want to take a rest ... ha...ha... sick leave again?! No way la...


I received this message at around 11:00 this morning, it really cheered me up!


Wondering why he email me such PowerPoint stuff, I opened the file, just 2 unremarkable slide... before closing it, hey, a familiar name come across my eyes.


"Pacific Recognition Award
1st Quarter, 2006

Notable Achievement (1 out of the 3...er???)

RA/QA Analyst Programmer
He has developed a traceability program now used in Korea and being trialed in China, and created and manages the GPRD RA/QA Database used by all Stryker divisions throughout the world. Besides, he constantly performs an excellent job, with extra requests handled efficiently without any question or concern, e.g. Pacific Management Team database, helped organizing annual staff party, etc."


Though we are both in the same field, our job is quite different. Actually I don't really know what he does these years, he had to work overtimes sometimes, and we "talk" less in office times this few years. Working in the same company for years, it's not easy to keep up good performance. It is nothing better than your excellent job is recognised by others. I'm really so glad!


Hey, want reward? Hmm... a meal for you tonight la. (luckily mother give me some food on Sunday!)

Forget the basic!

I'd already reviewed most of the component...


onboard sound card... why can't install the driver and tools!


Display Card is a trustworthy component, if it's not working, you simply can't see the screen!


OS installed again for twice.... With different setting for N times!


Until I finally review the CPU Front side bus (FSB) and the DRAM frequency of my DDRII 533MHz RAM! (which is the foremost setting! ... if it's not setting properly, the CPU just burn out!) I never doupt the AUTO setting of DRAM frequency set by the motherboard, it should be the safest mode without overclocking the CPU.


In the old age computer, there is no auto mode or jumperless mode, you should configure the jumper on board in order to set the correct clock speed. What you have to do in the past, is to find out the reference table for those setting for the target clock speed from the motherboard manual, then set the jumper accordingly. The invention of jumperless mode make overclock easy, but make dummy a headache when problem found! Why? Because, you can never find a reference table easily in nowadays manual!!! For advanced user, you can simply try it out with your own calculation. For those dummy like me, just use the default "AUTO" mode as suggested!


Ha... and that's the problem!!! I can never think of ....

Why? it's not the best setting! a DDRII 533MHz has been overclock to 800MHz with 200 FSB!! Yes, the clook speed come up is still 3GHz. P4 630 internal clock frequency is indeed 800MHz! but my RAM is just DDRII 533MHz. It has been stepping up too much! the RAM is overheat that cause to restart! Unexpected bad default setting for this motherboard!!


setting it to 667MHz on 266 FSB and make up to 3G Clock speed correctly, seems works overnight! Cheerful news to 4th sister?


Hey, I know "using default setting" is not the golden rule for some motherboard company.... but it's ASUS, a user friendly branding, should have tested the setting thoroughly. why it's still like that .....dull!! 6_@!


I think I'm closer to success, but it's already 2:00am this morning! I still need to take further investigation though...


Oh...France vs Swiss 0:0 ... it's time to sleep.

數得出的第三次晚餐

咪以為好熟就會成日見面,成日一齊食飯.


原來我同你只係單獨食過三次飯!


今日講講吓就變咗傾家事,其實有D好似都聽過,只係我的記性差,有d唔係記得咁清楚.


傾咗兩個幾鐘,但係Mabel同我好似都未夠喉.佢以為講咗一個鐘咋!


今日好開心,因為終於都畀咗本藥典畀你,仲一次過畀埋之前幫你買落的克勤演唱會DVD,同K DVD,(無啦啦收咗你車馬費,下次會唔會唔敢叫我買呢?)


買二送一,有一本好似幾啱你Level彈的琴書連示範音樂.有我好鍾意的"三千零一夜",又有"七友","三角誌"的音樂都幾好架.唔知你有冇聽過呢? At 17 的The Best is Yet To Come都幾好聽架.


希望你真係會The Best is Yet To Come 啦.

我終於聽話啦.

明知咁係好浪費時間,明知係咁費時失事.


我真係冇心機再糾纏落去.至少,我都算盡量嘗試過唔同方法.


放棄啦.....


暫時放低用cheap方法啦.希望快d甩身算啦.


我受夠啦.

雯雯好返d啦

上星期本來係君君生日,我有去影相,但係都冇時間執相分畀其他人.


見到雯雯因為敏感出到成身紅斑,之後幾日都冇心機打d乜.


好彩雯雯飲咗涼茶好好多.今日見到佢好d都放心啦.


雯雯今日同樺爾講電話,好得意,係咁叫樺爾過嚟屋企見佢.


樺爾丈丈:落雨呀...唔過得嚟呀.
雯雯:擔遮啦...
樺爾丈丈:我沖咗涼唔想出街啦.
雯雯:一日有沖一次涼就得架啦.
雯雯:樺爾丈丈呀~你過嚟啦,我有嘢畀你睇呀,你今日嚟我就畀你睇,你聽日嚟,我都唔畀你睇架啦.
樺爾丈丈:你叫丹丹姨姨影張相相畀我睇啦.


雯雯仲想講落佢架.講咗成五六分鐘,真係有d喋喋不休.哈哈.

睇相相

今日好開心呀,因為可以睇Kathy D結婚相.


睇到佢終於都嫁啦.拍拖七年,終於都開花結果.真係又開心,又唔捨得.(唔知點解打打吓字,忽然想起上年Mabel話見我嫁會好唔捨得.哈...傻婆,我又唔係又走)不過佢就真係會走...唔知係唔咁,所以真係幾唔同感覺.


因為Kathy想揀相去晒相整相簿,佢叫我同佢一齊揀,真係太睇得起我啦.


成個結婚過程只不過廿分鐘.之後再去附近同海邊影相,成輯相三百幾張.有花心機執相的只有七八張做咗tiff,仲要唔知點解揀果幾張.又執咗幾張黑白相,算係咁啦...(哈...郭可盈!!).


不過我睇咗幾張就開始不斷係咁彈...唉,點解會個面有樹葉影,面黑黑.而且好多相,都有明顯的問題,室內相都仲ok,戶外的相,背光,頭上種樹,唔水平,半白天半藍天(冇用偏光鏡-PL,冇用減光-ND),總之就曝光都唔係咁正常.連構圖都唔係咁正常...原來係日本人攝影師...唔通係唔同民俗風格所至?


到有d相ok嘞,就到多咗d路人甲乙丙.而且好多因為太晒,所以好多張都皺眉,都已經四五點鐘,仲咁好陽光.


我都明要影到Kathy最靚的一面,要好識得捕捉佢曇花一現的笑容.(但係應該都可以影得好d),唔知係咪未warm up,要屋企人睇住影,其實都幾唔自然...唔知會唔會成日相同佢哋一齊影吓,唔夠專心.


睇完成輯之後發覺,其實室內d過程相都算係OK架啦,至少係夠光...


唉...點解我係咁彈呢?我覺得可以好d囉.


個頭set得好唔好,唔講我都冇注意,都set得幾好呀.
新娘裙靚唔靚我都唔係好知點分.睇緊d相,淨係掛住睇個表情同動作.
見到新郎哥都幾自然,幾開心呀.新娘係咪太怕羞呢?哈~~~Kiss kiss, so sweet!!點解唔揀得喎!!!嘻嘻.


恭喜哂你哋呀....希望你哋白頭到老.好好哋生活啦.

行街睇戲炒麵

今朝晨咁早同四家姐阿dee樺爾一齊睇"達文西密碼",我冇睇過書,同事話會好睇d.好多人都睇咗,我都好奇想知講乜.但係可能明知呢類片係玩過程,個故事的目的可能好低能.宗教目的引起的殺人事件真係幾無聊.


唔好講佢宗教意義的問題,我只係當一部劇情片咁睇.最初都會估吓佢哋搞乜鬼,邊個係奸邊個係忠.明知個僕人同個主人夾計,但係都估唔到佢就係"Teacher".畀你估到晒就唔知叫好.所以我都幾enjoy前面3/4的時間.不過後尾半個鐘,真係唔做好過做.敗筆.


睇完戲返去見媽媽.好耐冇炒麵啦.好在仲有四家姐同媽媽幫,如果唔係真係幾雞手鴨腳.


樺爾真係乖,今日做咗"拖地貓".唔知爸爸媽媽會唔會因此可以開心一兩日呢?


之後仲同四家姐行街.好耐冇行.所以一買又買咗好多嘢.但係我就好著數.因為四家姐年年都話:"唔駛畀返錢畀我".真係我敬你一尺,你敬我一百丈.有咁多個家姐真係好多著數!!


今日去買衫,又睇到唔想睇到的情況,唔通真係咁肥?乜衫都唔啱著.唉...


最終都買咗三件橫間衫...應該都可以頂住檔著住先既.係咪好瘋狂呢?唔知以後四家姐會唔會一見到橫間衫.就會想起我呢?!

世界盃

今晚開始有世界盃睇啦,但係我冇有線或者Now,冇得睇,不過都冇乜所謂,因為我唔係球迷.


講真冇睇好邊一隊,段估大熱果d有實力的隊伍好似巴西,英格蘭,果d應該都可以出到線呱.話哂有個郎拿癲佬同美男子嚮度...其實佢幾人強馬壯,唔贏就真係唔啱啦.


不過傷兵太多的球隊好似荷蘭呀,法國呀,可能幾強都變弱隊,係扮受傷做秘密武器定係真係傷到出唔到,真係到時先知.


之前睇過荷蘭的聯賽都幾好睇.門將雲達沙應該都幾好架.個譯音有個丹的既果個呢,到底今年臨掛靴之前有冇好戲畀人睇呢,就真係要拭目以待啦.冇咗主將施斯,唔知會打成點....唔好咁快就出局呀.


不過我唔係話特別鍾意邊一隊,邊隊贏對我嚟講都冇所謂.勝出的果方只要係有實力,有氣勢,有策略咁贏,唔好出茅招打人傷人,或者搏大霧用上帝之手,球證咪偏幫,咁就己經好好睇架啦.


呀~呢個Game係同事send畀我玩架,都幾好玩,一齊玩啦.
世界盃1

黑雨

天文台在上午11時15分發出黑色暴雨警告信號取代紅色暴雨警告信號。


遲唔掛,早唔掛,就係返咗工你先嚟掛!


冇午飯食,出街食又唔知邊度有位.叫外賣,又冇人送.想餓死人咩~~~

Zip時間

呢排成日出街食,返到屋企就睇Death Note,冇乜時間上網.加上四家姐部機一厥不振,真係唔想寫嘢.


其實我放得工架啦,只係樺爾好多嘢做,搞到我好似晚晚罰留堂咁.


工作真係冇做得完....仲要唔係做緊自己個project...


又fix?!就算唔係我果part有問題,如果我果邊fix到,始終都要變咗我做.
唉...講到尾,如果我唔係做執頭執尾,我當然可以調番轉牽人哋個鼻子走啦.


冇前途又冇錢圖...


到底應該再等多幾個月讀埋書,考完試先走呀???定係嗱嗱聲走呢?


等吓樺爾放工,咁就留堂發噏風.如此這般,咁又過一日.

我是L

因為連續追睇<<死亡筆記>>,我的黑眼圈好比L!


我的同事對我說,看這漫畫要很花時間,因為要動腦筋.


我看卻還要花精神用腦筋轉換繁/簡體文字!!!


看到三十四了,小休可以嗎?

666 狂想

之前有兩個好朋友提起有關666及一個喜歡6的朋友(大概知道是你....和你...嗎?)


不其然想起,與6有緣當然不是碰巧,但我為什麼刻意與6有緣呢?


家中排行第6的我,生日日期也有著6的數字.小學的學號也曾是6,可是從小喜歡的數字卻不是6.


當初的6,是我首次在ICQ中用6_6作表情符號(Smileys),就像是一雙憂鬱的眼睛.申請網絡上使用的用戶名稱時,往往沒法直接使用DUNKEY這個名字.乾脆加上6_6就可以了. 就這樣,我成為了6.


庸庸"六六",勞勞"六六",六合彩又唔見我"附附六六"中獎喎!唉~~


一但用上了6,一世也與6有關...

生於12月6日, 另一個6的出現!!!

當6遇上另一個6....第二個6,可能會有第三個6出現??

密切期待!!!


(哈,似嗎???死神召喚,上腦了!!!)


(為了要有三篇有666的文章出現,刻意地分三篇文章,又分三個時間....太刻意.也不是一件好事.)

多謝支持

05年6月6日開blog至今已經一年了,我竟然寫了313篇!

為慶祝本博客一週年,現在正式宣告暫別!!


半日咁多啦!


多謝各位常來探訪又"摸門釘"的朋友們!

零六年六月六日六時六分六秒

零六年六月六日六時六分六秒的時候,我正在做什麼??


當然是睡覺啦!!Zzzzzz Zzzzzz 哈哈!!

中毒

噚晚同爸爸,媽媽,四家姐,阿dee,樺爾,一行六人一齊去屋企附近的一間屋村式酒樓食飯.


入到去睇到大部份人都係打邊爐,$58位任飲任食,似乎幾抵喎,不過爸爸又唔鍾意打邊爐,所以都係照叫餸啦.

都唔好講d伙計的服務態度啦,屋村生意就係有屋村式服務"態度"架啦...怪唔知呢個位置的食肆又開又倒閉啦.

真係第一次見到有"裙著"綠色的豆腐乾,媽媽仲撐d食到d菜入面的牙籤!!其實我影咗相...係唔係可以告佢架呢?

返到屋企,好似都冇乜嘢.以為冇事.點知.... 有冇試過?....真係會有"腸熱病"架.

今日請咗病假抖吓.睇咗"死亡筆記" 2x集...中咗毒添.

希望幻滅

今日又搞機,見到四家姐的主機板有新update,update咗之後都唔得...


本來以為已經搵到原因,搞咗成日,得個吉.


天啊......我冇乜時間啦.大限將至.何不好心行個方便就給我最後機會?!


唔通唔關sound card 插得唔好?莫非真係RAM的問題?


四家姐,唔好意思,睇嚟我呢個廢柴都要收山啦.都係回水畀你算啦.

端午節

今日係端年節,一朝起身,(其實都十一點幾),就撘順風車去媽媽度過節.


爸爸同媽媽年年都會包粽.細個一日可以食成五、六隻.人哋d乜豆蓉,乜鹹肉粽,我就好少食,食咗都唔係咁鍾意食.同爸爸媽媽包的粽,簡直就係冇得比.


呢幾年,見到佢哋雖然包得好辛苦,身水身汗,但係見到佢哋仲可以包到粽,真係好"欣慰" (唔知用乜形容詞好啦...) 6_O


都數唔到有幾多料,D米包咗好多嘢,有咸蛋黃,有冬菇,細個果陣有花生,有蝦米,依家用果仁同瑤柱,有時有火煺....年年都有少少唔同,有一年仲有打孖五香豬肉!!!對於我呢個無肉不歡的人,當然就食唔停啦!人地包粽會用肥豬肉,媽媽包的粽會就用瘦肉加五香粉,所以好味又健康.唔好講份心意,淨係睇包的料,就已經晒哂冷!


爸爸向來包到個粽好靚要d料全部包入米裏面.媽媽就好多料,為咗包多d料,好多時都會大隻d,但係米又相對用少d.所以我哋都鍾意媽媽d粽多d...哈哈.我哋都係著重實際的人.如果要好似日本d節目咁由食客投票.就算爸爸包得靚,可能都會輸.


媽媽今年仲有新搞作,打開個粽,真係有驚喜,嘩!有芝士腸架! (嘩~~芝士腸代替肥肉,真係太妙的配撘啦.6_<~~ 真係好好味....從來都未食過咁好食的粽呀....我依家就好似置身於大海一樣,飄呀~~游緊龍舟水咁呀~~~)


(雯雯)-_- :唔好扮啦!


今日哥哥同阿Dee 想去打乒乓球,蘊德同啟賢又冇嚟.大家姐同二家姐又唔得閒,只有三個小女孩一齊去打乒乓球.佢地好似好開心咁.但係未有得打乒乓球住,所以打住桌球先.佢哋唔夠高,所以冇得玩.唯有同佢哋去兒童區玩一陣.不過去果d地方玩,好易畀d大小小的小朋友整傷.瑩瑩今日畀個人踏襯添.真係可惡.


今日媽媽都玩咗一陣桌球.媽媽真係大唔透,好可愛.


之後去打乒乓球,因為d細的會搞搞震,所以玩咗一陣,三家姐就帶咗佢哋幾個一齊玩.唱吓歌仔,仲講故事添.


唔知點解,君君雖然大個d,但係講故仔好似唔夠瑩瑩咁有紋有路.羨寧可能仲細,所以都唔知點講.不過就笑家姐講咁耐架.


瑩瑩講咗個乜故仔?


佢話:


從前有個小女孩,佢好慘架,佢媽咪死咗,爹哋又死咗,得返姐姐(姐姐係講個工人),由個姐姐照顧佢喎.咁個姐姐的爹哋媽咪都死咗,好慘架.咁佢就去搵醫生醫返好個小女孩的爹哋媽咪,咁佢哋就好返咁就冇事啦.


畀瑩瑩笑死!點解成日都係話"死"架.

老爾日記

今日好早起身... 八點二, 比平時早起了兩個字到啦...


一如以往, 上到地鐵以鞠躬姿勢從第一站睏到尾二個站...


返到公司都係遲左兩個字, 以最快速度打左篇文應付鬼佬, 然後便"脅助"同事一齊向BOA追數, 點知個負責人放假大吉... 於是便準備下午的兩個會, 擾擾攘攘下已到了食飯時間...


冒著被淋雨的危險到了"名苑", 這裏的老板比較環保, 名菜計有"瑤柱蛋白飯"(附送搵瑤柱蛋白遊戲), "海皇白玉飯"(蝦仁, 豆腐, 番茄各四五粒+1個大獻汁), "走地文昌雞飯"(迷你雞件1+1+1+1塊...)... 除各款精美午間小食外, 仲有套餐(白飯, 飲品, 湯水另加$)... 不過因為佢近, 所以在陰天時不失為一個無奈的選擇...


下午同Software Vendor 開完會, 原本仲有個鬼佬會, 不過佢唔得閒... 不過不幸的事發生了... 同事要我重操故業, 幫老細做人體合成... 唉... 雖然我好有經驗(次次都係我...), 但係我始終唔係Design出身, Photoshop初班都未畢業, 點解次次都係我? 而且唔知點解, 佢地揀中的老細相次次都好惡搞, 唔係要移花接木(將個頭轉去第二個身度), 就係要玩野(有一次要整海報, 居然要我將兩個鬼佬大佬的頭移去Bush同Kerry度... 無言)... 今日仲高難度, 因為張相個老細的一小邊面俾酒杯遮左, 要我去左酒杯喎... 玩我咩, 點無中生有啊... 唉... OK la, Impossible is nothing... 咁我便將就地改俾佢地... 希望得啦...


今日有生日會, 慶祝今個月生日的兩個同事, 我地有個法國同事問我, 點解冇蠟燭? 我咪話因為Age is secret... 我又問佢生日點幾枝? 佢話2枝, 一枝代表4, 一枝代表0... 之後佢又問我, 咁香港人通常點幾多枝, 我話一枝, 然後每年攞返舊年個枝來點...


同佢"Pig Talk"完一輪... 大概六點後, 辦公室的氣氛變得比較輕鬆起來, 突然間聽到有人個口變粗, 原來係播緊近排好Hit的巴士阿叔Roadshow... 點知個法國人又行過來睇, 咁佢問我個叔叔係度講乜? 咁我咪話佢同個o靚仔係度Greeting緊囉... 咁佢聽到某句又問我點解... 唉... 大佬... 玩我咩... 我迫不得以... 翻譯俾佢聽: "Why do you think?"... (-_-; 汗顏...


希望聽日好天啦, 咁就可以去打波啦... 呵呵...

Siu Black

今日聽咗SiuBlack個blog一個朝早,聽到上心,好好聽.


見到佢個Blog用緊的音樂site好正,最好就係連成日唔齊又唔啱link的古巨基歌曲集都係啱架!!!!!!正!!!


有時間,轉吓d歌仔link先.


見到Kathy都終於寫Blog啦,真係好開心.因為我咁懶,如果你唔打字畀我睇,睇怕我慢慢會同你失去聯絡.


(唔....想起你...同埋你....唔知你哋仲有冇睇呢...對唔住.....6_<~~)


話時話,我已經寫多過300篇啦.而hit count亦都過咗三千人次啦.


多謝各界人仕鼎力支持.


希望siu black你都會繼續寫多d嘢啦.我都會成日"探你"架.

有抽獎呀

早幾日買咗幾張CD,有范逸臣的<<不說出的温柔>>,李克勤的2005得心應手演唱會x2...(幫Mabel買埋真係好,之前見到要$165,點知又平咗喎,$160咋.)
見到之前一路都唔肯買的古巨基2004演唱會CD版喎,$40!!忍唔住就買咗啦.


范逸臣之前三隻碟都好有水準,所以對佢的期望都幾高,但係上網聽過一兩次,好似冇以前咁好.可能未聽得熟啦.
第一首有I believe的影子.主打的不說出的温柔都ok,不過我就未想講有乜推介住.


今日拆開李克勤隻碟,原來裏面有抽獎券喎...
(唉,Mabel,你抽唔抽獎呀,31號就截止啦.對唔住,咁遲先同你講.你要,我聽日攞畀你丫!)


有乜獎?Philips大抽獎,頭獎42"Plasma電視機,2獎家庭DVD影音組合.不過,正所謂"飛利浦冇樣好",抽唔抽都罷,但係二姐夫好似對個42" Plasma有D興趣,如果抽中咗就畀佢啦....


我都冇抽獎運,所以就寫咗樺爾個名啦.


裏面其實仲要答幾條問題架,有條問題問:有乜原因買呢隻碟?


有MC揀,但係冇個啱,寫住:電視電台播放,朋友介紹,雜誌,價錢.... 之類.


喂,通通都唔啱,唯有寫其他一欄啦.畀你會寫乜呢?


我就寫:支持正版,支持李克勤!!


係咪寫得好低能?但係我就覺得呢個係一般買碟的人心態囉...我真係想寫,因為我鍾意呢隻碟,所以咪買囉.(係咪玩嘢先~?)


點解咁簡單的答案都冇?可能設計問卷的人,只會記得一d商業的原因,就係忘記咗呢件商品的賣點.如果d歌唔好聽,唔通真係會有人因為電台雜誌宣傳而影響你去買呢隻碟?以前的年代,可能仲會係咁,但係依家上網聽歌的人大有人在.要真金白銀去買唱碟,我想真係只有"喜歡"呢個原因啦.


唔係有收藏的情意結,我都應該唔會買古巨基的演唱會CD,有Karaoke版啦,同樣的歌,點解仲要花錢再買.如果價錢"合理",你有可能會為你的情意結作出你應為"合理"的做法.(所以....Mabel,你真係一個超級fans!我真係甘拜下風)


講到尾點解買?咪就係:我鍾意囉.

意外的一天

今朝一早同樺爾去睇Mi III 睇到2/3,有人搵我,睇見係Operations既同事,都係知有事發生.可惡,本來唔想理佢,但係噚日有嘢出街,唔通有乜事?


都係放唔低,其實都明知唔係急於一時三刻,我睇埋戲先啦.佢一講個Job,喂,都唔關我事,點會搵到我呢?點知個同事講到都唔知邊樣有事,明明話噚晚Database瓜咗,Restore返之後就有問題,好明顯係Restore的問題又或者係Access Right問題啦.點知講問佢有冇試d Link,又唔知要試乜嘢,又話可能IIS有事,呃鬼咗我應承返公司幫手Check.(點知原來佢嚮屋企!!!)


關事的同事,一個去睇醫生,一個唔知係去咗游水定點啦,總之咁就冇啦啦搵到我.其實我係可以Say No...但係點解我會咁呢.....算,返去都唔緊要,至怕係我返咗都冇用.好啦,就當去學吓點problem solving啦,約好去睇醫生的同事3:00pm返到公司.


聽完電話,返到去睇到d人拍哂手歡迎Tom Cruise,完場!!!!!!! Ding Dong Ding dong ding~~~~~


走啦...冇睇成2x分鐘,問返樺爾做乜,佢話係公婆化身羅拉誤打誤撞打死蛋散同大佬,電死個老公,再令佢返生.咁神奇?!邊個可以講個正常少少的版本呀?邊個會賠返我果1/4的錢?!唉,老細之前咪送咗MiIII的戲飛,我轉送咗畀四家姐,但係如果同老細講之前冇睇到,唔知佢點諗.我仲自己去睇!!!唉!


呢套戲,學樺爾話齋,唔好駁故.只係一個公式化舊瓶新酒.一味夠緊張...唔知係唔係變咗係冇咁色情的占士邦戲種.


如果冇電話騷擾,我應該都會叫好,但係而家,冇法子畀分.


**********


早餐太飽,唔食晏,賣咗幾件西餅就返咗公司.


呢頭返到公司,老細就Call,叫我轉個ODBC去另一部機.奇就奇在點解公司的Network咁慢,Remote去Server斷斷地.指咗去第二部機原來要Close browser再試!


好,呢頭搞緊,睇完醫生的同事返咗嚟.大家都以為要Check好多嘢,佢就去試寫error log,我就睇Database setting.我一睇,原來個Stored Procedure用返自己的owner access right都行唔到.唔駛講就係restore database之後的user right問題,冇做足.


點知叫同事Set返,等佢check咗一輪,又話冇分別.佢話重新行過Procedure再試,好在另外個同事叫佢問咗老細先,其實呢d嘢唔應該我哋兩個人決定佢做定唔做,哈,有經驗的人就係咁,知有乜決定要叫老細揹飛,畀我講,可能中咗佢計都唔知.衰咗點算呀?!


點知再整又唔得,叫佢鏟過個DB user再加返個user,佢竟然可以問:"邊個做呀?"嘩大佬呀,我哋冇跟開,點知有乜其他有關連既問題喎,佢應該最清楚,唔知係想推定點啦,過咗一陣,再搵佢,原來佢做唔到又唔出聲,仲諗緊.


我意識到,其實我哋自己試可能仲快.因為果度有幾個 stored proc同views用緊果個user right,要drop都要轉咗佢有關連的object啦.今日學咗個Command,平時好少搞.見到同事打sp_changeobjectowner,我就去上網睇呢個command,點知佢話唔得喎,咁我又幫佢搵料畀佢睇,佢好快就睇到,原來要打埋個 owner username.object name,熟同唔熟,就係咁的分別,我就算捉到鹿都唔識脫角.


終於改正啦.收工...我今日都算係咁,總算唔係白去呀.至少,我又學多少少嘢,又至少,我去咗都有用.


其實我哋跟本就唔駛返公司.不過,畀個同事講到唔知乜事.先畀佢呃咗返工,其實屋企remote都做到.


**********


意外哋見媽媽爸爸

本來想同樺爾食晚飯,但係又想見吓媽媽,打電話返屋企,媽媽就加米煲飯,實在太感動啦...媽媽,I love you...
雖然...你冇睇我個blog...


意外哋同樺爾阿Dee打籃球


今日有雨,點知夜晚冇,樺爾就叫埋阿Dee打籃球,打咗好耐架...


今日我哋三個射罰球幾次,樺爾 5/10, 9/10, 阿Dee 5? 6? 7?/10 唔記得添...我呢都唔差架都可以有1/10 (跳射), 4/10(立定), 3/5(後尾我手風順咗啦)


返到媽媽屋企仲意外哋有西瓜食.正....好甜呀!!!!!!

謎底

謎面:"爸爸出題猜燈謎"


謎底咪就係"孔子搬家"囉~~


(To 家人/常客: 呵呵呵...有冇被整蠱既感覺呢??!!)


(To 唔明的讀者:你哋睇唔明唔係因為智慧的問題,只係一個家庭笑話.)


孔子搬家的揭後語,本來係"盡是書",因為爸爸的"新理解",所以佢話係文獻冇提過,所以係"冇人知"!!


我明知樺爾的意思係"冇人知"架啦...但係就點都諗唔起咪就係呢四個字囉!!


你話呢~~我姓方啫,連個頭腦都係四方!

For You

本來想揀呢首歌,但係唔知有冇得唱呢首歌呢? Air Supply 版應該有呱?

Goodbye 想聽呢首歌,按這裡再按上面Play掣 (衞蘭版,好好聽!正!)

I can see the pain living in your eyes
And I know how hard you try
You deserve to have so much more
I can feel your heart and I sympathize
And I'll never criticize all you've ever meant to my life

[Chorus:]
I don't want to let you down
I don't want to lead you on
I don't want to hold you back
From where you might belong
You would never ask me why
My heart is so disguised
I just can't live a lie anymore
I would rather hurt myself
Than to ever make you cry
There's nothing left to say but good-bye
You deserve the chance at the kind of love
I'm not sure I'm worthy of
Losing you is painful to me

[Chorus]

You would never ask me why
My heart is so disguised
I just can't live a lie anymore
I would rather hurt myself
Than to ever make you cry
There's nothing left to try
Though it's gonna hurt us both
There's no other way than to say good-bye


所以揀咗呢首"再見"....

再見（真情流露版）- 李克勤想聽呢首歌,按這裡再按上面Play掣
曲:周啟生 詞:克勤 編:周啟生

難以說出 這一剎的感受
段段舊日記憶 閃過後再從頭
八年悠長歲月 早跟你成為朋友
此刻捨不得你 已漸漸眼眶濕透

* 話再見 此際話再見不易
誰明白心裡滴著淚兒 我怎麼啟齒
誰願話再見 此際話再見不易
還期望跟你好好珍惜 這份情誼 *

仍會記起 當天我的驕傲
獨在路上跌倒 心裡頓覺迷途
你曾在我灰心 徬徨時給我勸告
令我今天感到 我現在那些鼓

Repeat *

(你曾在我灰心 徬徨時給我勸告)
令我今天感到 我現在那些鼓舞
Repeat *

Say goodbye Never say goodbye
誰明白心裡滴著淚兒 我怎麼啟齒
Never say goodbye Never say goodbye
還期望跟你好好珍惜


實在太啱Feel啦....唔好意思,可能嚇襯你添.

(生日會)

今日係五月之星生日會.媽媽,大家姐,大姐夫,二家姐都係五月生日.但係因為通通都係大人的關係,晏晝又食得太飽,冇去買生日蛋糕.生日仲要自己"暗荷包"請我哋食晏,生日會都唔似生日會.


都係我唔好呢...之前又冇好好訂喎,冇四家姐去買生日蛋糕就係咁架啦....


今日啟賢有新髮型,因為蘊德同佢剪咗胎毛,好可愛架...只可惜,我連相機都冇帶到...


係咪好奇呢...我咁鍾意影相,冇理由冇帶架嘛!!!咪就係掛住抬自己部機去同四家姐部壞鬼新機去移形換影囉.都唔知乜事,總之帶返屋企同佢check吓先.


今日同阿妹羨寧講多咗嘢,但係唔係好事....因為我以為佢霸住個望遠鏡,唔肯畀瑩瑩玩.又要佢同人一齊分享.點知原來個望遠鏡係二姑姐分畀佢玩.我要佢哋輪住玩.就好似將佢擁有的物品充公(土地改革?!).羨寧當然唔肯啦.但係佢又唔知點同我講.因為就算係屬於佢既,都應該同人分享,所以佢又好似知自己唔啱,但係又想話係佢既.不過就係唔識點表達.


我就急急忙想起上次媽媽用猜拳果招,我就同佢講,咁猜拳睇吓邊個贏就邊個玩先啦.點知佢就猛話:"唔係呀...唔係呀...."唔肯猜.咁我就唯有話,你唔猜咁就最尾架啦,點知佢都唔肯猜.(嘩...阿妹好可憐呀...我都唔知我咁就蝦緊呀妹啦)


瑩瑩同君君就即刻猜,君君贏咗.咁佢可以睇先.其實位位睇五秒,根本睇唔到乜.到呀妹睇,佢就又話:"唔係呀...媽媽...媽媽..."真係搞佢唔掂.好在佢叫咗蘊德嚟主持大局.


蘊德入嚟,一睇就知乜事.佢話個望遠鏡係二姑姐啱啱送畀羨寧,佢就同羨寧講:個望遠鏡係你既,但係你都要同人分享架.你唔肯分享,咁我就唔畀你帶返屋企啦."


嘩呢招果然使得!都係媽媽先有咁強的本事!


點知後尾玩兩玩,個望遠鏡條掛繩個釦爛咗,我就即刻幫佢整番,將功補過.我整番好,叫佢多謝我又得,叫佢鍚啖丹丹姑姐又得.爽嘩~


今日睇完北京之旅,因為忙住整番個望遠鏡釦,都冇時間睇大家姐的瑞士之旅添...唔知幾時可以睇返呢.


返屋企,坐三家姐架車,瑩瑩每次眼瞓就會語無倫次,今日就話:"我唔鍾意佢哋返屋企呀...我唔想佢哋走呀..."


係喎,唔記得講,今日雯雯著得好靚呀,又好怕羞喎,含羞答答,好得意呀.

原裝vs環保

阿Dee叫咗我同佢買個Laser Printer toner好耐,但係之前唔知佢真係用哂,咁就冇乜點理佢.


其實我都係第一次買toner,唔知買邊買返"原裝"好定係"代用"既好d.不過有上時幫爸爸買ink jet printer cartridge 的慘痛教訓之後,我最後都係揀咗"代用".


有幾慘痛?雖然通街都同你講"代用"只係$1xx,但係諗住買個$2xx原裝Canon墨匣穩陣d,幫爸爸印佢的鉅著,氹佢開心,點知都唔知係哥哥的printer己經壞鬼咗呀,定係佢個原裝墨匣乾咗,總之就印唔到.


攞返去想換過個新既,點知個店員又話有d人好快咁用完d墨就攞返去話壞,一定要攞去原廠check,唉,佢咁做都係人之常情,咁我就放低畀佢check,咁就至少可以confirm 墨匣係冇問題丫嘛,就算個printer有問題都係我的事丫.


一個星期後催吓間鋪頭,佢哋話check緊,咁你都冇佢乎.兩個星期後話有得攞.點知 so call "check 完返咗嚟"的墨匣只係貼著一張紙仔寫著"壞",但係個店員就話check完冇壞喎.


咁我就質疑佢哋根本冇Check過,又冇原廠的print out sample,又冇單據證明冇問題,是但就畀返我話check完冇壞喎,以為咁就冇手尾跟.佢哋叫我再試,我點到要佢哋寫單據,有問題仲可以換.個售貨員就話佢話唔到事,唔肯寫,理論完一輪,佢只係肯亂寫.真係火滾丫!


又要我再等,咁都算,如是者,咁就一check check咗成兩個月!


好彩我就點都要佢哋應承,如果又印唔到,要一換一.攞返屋企,當然又係印唔出.雖然佢哋唔敢反口,最後都畀個個"新"的,但係到底係哥哥的Printer壞咗,定係"原裝墨"都係假架呢,只係想逼人買"代用"呢?我始終都搞唔清楚.


一肚氣之餘.爸爸的大作又印唔出,$2xx都哂咗.真係所謂的"賠了夫人又折兵"!


****************


其實邊個唔知原裝有保證d丫,但原來呢個世界都係會有例外架.原裝有問題就成日話要返廠.相返"代用"就可以一換一,或者易d搵佢哋算帳.


今次買個"代用"toner$280,原裝$520,(你話啦,買個Laser Printer都係~$1200咋!真係妹仔大個主人婆).買果時,個"代用"toner係密封既,搞到你都唔知佢裏面係點,不過就勝在有得換.所以,最終都係向呢班奸商買...


買咗返去,先知原來佢哋係收集返人哋用完的toner,加返碳粉之後再賣.嘩!佢哋真係幾好賺喎.


不過算.咁都幾環保呀.但係就唔知好唔好用喇.唔知有冇問題呢...唉,可以印6000張.印到你畢業啦!

今日冇事發生

報告完畢.

醒不來

睡著的人比醒著的人清醒
醒著的人比心死的人痛苦
心死的人比死去的人麻木
麻木的人比覺悟的人無憂


醒不來 - 王菲想聽呢首歌,按這裡再按上面Play掣
曲: JACK 吳
詞: KWAN
編: 張亞東

分不清白天 看不見黑夜 心情冷豔晝夜徘徊
分不清是非 看不見完美 十分酒醉 七分疲憊
*沉溺在晝夜的邊界
不是想沉睡 噢 醒不來 醒來你依然不會在
不是醒不來 噢 醒來我還是發呆
朋友都說我夜裡比較美 只因他們看不見我清醒的臉
朋友都說我夜裡更冷豔 只因他們看不見我的悲
太陽升起來 噢 醒不來 醒來依然沒有未來
月光灑下來 噢 醒不來 醒來我還是發呆

謎

爸爸呢半年嚟成日出燈謎畀我哋猜,早幾日樺爾忽然出咗一個謎喎,有興趣就估吓啦.


迷面:"爸爸出題猜燈謎"


(猜四字)


估到冇獎!


答案:........(應該會有人估到,所以就等有心人啦.)

母親節

每年母親節都要好小心,因為媽媽比較多嘢諗.要佢開心,都要特別小心.


今年有三家姐做搞手,我一起身,諗住"浪完衫"就嗱嗱聲去酒樓等位.


點知媽媽比我仲心急佢去開果頭,竟然想自己去等位...點可以要主角自己去等位咁冇誠意架.


咁我就11:00am就出門去攞位啦,哈,點知仲見到Kathy同佢Mammy添...不過佢哋見到好多人等3-5人枱,所以都放棄咗啦.


點知我一問就有枱啦.15人逼逼地都OK...但係其實係16個同一個手抱BB.


我真係好唔鍾意分開坐,逼就逼啦.


其實都己經食咗好多嘢,但係都唔知食過乜.埋單都OK平$500咋.


晏晝就去同三家姐買餸,真係好~~鬼~~死~多人~~三家姐今晚做大廚,真係好餸.大連鮑$130/斤,星班1.3斤,巨型"聖旨"10隻(點寫架??),有三色蒸水蛋,三鮮鈔牛肉,仲有菜,又有螺頭湯,真係超豐富.


都係$500咋!抵到難!


今日同D靚妹玩UNO,瑩瑩一早識得玩啦,又識話Skip,又識話Reverse,君君雖然比佢大,但係就第一次玩,成日好心急出牌.呀妹羨寧真係留心d,學得都幾快,但係贏咗都唔會好開心笑,好似好唔在乎咁,話:我得出剩兩隻,當然好快贏啦!雯雯玩咗一舖就走咗啦,唔知係唔係冇得扮嘢.唔啱玩啦.


之後君君贏完又輸,我怕佢唔開心,同佢講,四個人玩,得一個贏架咋.唔可以個個都贏架.贏就開心d啦,輸都唔緊要架.


君君就好成熟咁款,佢話:我贏都開心,輸都開心咯~ (哈...其實佢就幾好勝架,唔通就嚟五歲真係開始大個女啦?)


今日的主角,仲係唔係媽媽呢?都係既,至少,佢哋媽媽們都會互送禮物啦...


希望媽媽今年過得開心啦.

相聚一刻

今日約咗Kathy同Berry去唱K,再去之前去過的Comma Cafe到飲嘢同玩.


今日唱K Lunch唔係咁抵,11:45a.m.唱到2:15p.m 好多歌都未點,Berry又遲咗d嚟,都未開聲,又未認真唱d乜歌就Cut咗啦.嘿...(我仲唱咗首好駭人的"相聚一刻")...唔夠喉呀~~~~


其實我哋今日主要都係想見Kathy,聽吓佢講結婚的趣事.但係點知我哋就掛住玩喎,估唔到三個人玩都可以玩好多嘢架:一開始玩波子棋,又玩飛行棋,又玩大富翁...玩呀玩.玩到唔記得傾計喎~!


唔知係唔係我哋玩得太禮讓呢,波子棋就好似悶悶哋,Kathy贏咗之後,玩飛行棋.


第一次可以打Kathy隻飛機,但係我又"懶過仁慈"放過佢,不其然又諗起上次同Ginny慶祝生日,放過咗Mabel,點知...嗚嗚...好心無好報...(哈,但係咁先好玩....)


不過呢,放過一次之後,Kathy有得打我,又唔打我一次...嘻嘻,都係Kathy好D.(Mabel睇到會點諗呢~~??)
當然太客氣係唔係幾好玩架,之後我哋就開戰啦.Berry可以兩次都贏,唔係佢特別好運,只係我同Kathy特別運濟啫...


今日再玩,又有其他新rule啦:
上次有Iris principle:兩隻疊住一齊行(大家都話唔可以),Mabel's principle:除非打咗人哋隻飛機,如果唔係,行去起飛地點,飛完可以再跳一吓(呢個有多人支持,應該係OK既),又多一個Berry's principle:打咗3次六,唔知係要隻隻飛機返大陸呢,定係上次行邊隻就返邊隻呢?(呢個真係唔知,但係我剛剛打咗兩次六,都未等佢哋決定,就打埋個六啦,咁就唯有決定未到終點的所有飛機都返大陸啦!).....真係太殘酷啦~~~~~~~~~~


不過,最尾我都唔係太差啫,Berry完成的時候,我只係仲有兩隻啫...(唔知係唔係我最冇運呢,Kathy成日都開口仲,呢頭話乜數字,果頭就擲中啦...我死完又死呀....我要報~~復~~~我要反~~~擊~~~


都係返魂無術~~~咁就唯有"攬住Kathy一齊輸!!!"嘻嘻~~都唔係我先擲到3次六架,Kathy話,完來3次六的機會係咁大架...


(因為唔係fair dice嘛...-_-)


嘩...今日我哋原來輪流贏喎,Kathy贏波子棋,Berry贏飛行棋.我就做咗"大富翁"...嘩哈哈~~~


大家都係好手緊,佢哋兩過就成日過咗起點攞唔到2000蚊,因為交稅又用返2000蚊.Berry買咗貴地,又起貴樓,就係冇乜人中招,因為佢成日要坐監.Kathy唔係仲過Berry兩次大嘢,就搞到賣田賣地,抵押完都冇錢贖.我都係好過佢哋少少,因為我一早買咗兩個地鐵站.佢哋就鑊鑊中喎!!嘻~~嘻~~


不過,我又成日交稅,又交學費,又入醫院交住院費.唉,如果係真既都唔係咁盞咋.


雖然幾日冇見Berry,仲係好多好多嘢想講...一對一的模式真係最啱我傾.


下次去游水先...哈...好呀...想起都開心.

我知你會見到既

上個再上個星期日同Ginny慶祝生日,去完仲去咗去信和買光良"約定"呢隻碟(x2),我上網聽咗呢隻碟好幾次,覺得所有歌都好聽(雖然第一次聽起嚟可能會嫌佢悶咗少少,但係聽幾次就會搵到鍾意的歌啦),所以走咗去買.


其實我唔係隻隻佢的碟都有聽.6年前同Berry一齊搵你,你楂車時就橎過佢的歌,好深刻,"我找你找了很久",聽過呢首歌,我就會留意吓佢的歌,好喜歡"第一次".唔知點解,聽光良的歌時候有時又會想起你.定係,因為掛住你,所以聽光良的歌?


今年光良的人氣都幾勁.即使d人可能唔識"無印良品"係乜,仲以為佢係新人,聽過佢幾首歌,仲自認係佢fan屎.
-_-


其實我己經買多咗隻畀你.....不過...我唔知你的地址.
其實之前都想問你架,如果可以,可唔可以畀你個最Update的地址畀我呀?


因為我有仲d嘢想畀你架.Email me pls! ^6^ 我實在太懶了...打email都懶.


我的懶惰無可救藥! (今日睇電視"東張西望"原來陳綺貞剛剛嚟過香港喎)


我找妳找了好久
　　　

可以彼此分享得意驕傲
不擔憂誰的心裡不是味道
可以傳染給妳心情不好
連說一個理由都不須要
可以直來直往提醒勸告
就算爭吵也都是為對方好
可以和妳商量秘密苦惱
不害怕全世界都會知道
我找妳找了好久
一個互相了解的朋友
生活有人分享的時候
快樂就變得容易許多
我找妳找了好久
一個拿心來換的朋友
傷痛有人抱緊的時候
未來有什麼路不敢走


哈,講咁耐都冇講有乜推介歌添!
全隻碟都聽得.比較喜歡的係"勇氣","我等你","都是你","約定","戀"........咦~咁咪數剩一隻歌?"擁抱我"都OK架!


聽吓>"約定"啦! (撘多首"我找妳找了好久"先~~)


呀,唔記得講,呢隻碟送一隻創作演奏盤(10首音樂+ 3首MV)幾抵!


呢隻碟應該係一隻好"襟聽"的碟,因為無論歌詞,音樂都有光良一貫作風,今次呢隻碟,成隻碟都係講愛情,睇歌名就知啦,最啱用作示愛,6_^ 呵呵~~~如果有個男仔會對你唱呢d歌,都幾"冧"架.


呢d歌係可以橫越時空架....

Wii 硬體資訊公布

美西時間5/9日, 任天堂發表了新主機 wii 的詳細資料，提供玩家參考。　　


任天堂的新主機 Wii，採用了由 IBM 所設計的 CPU Broadway，及由 ATI 所設計的繪圖晶片Hollywood。主機內建無線網路，採用的是 802.11b/g 以及 NDS 專用的無線通訊模式，玩家可透過網路付費下載 FC, SFC, PC-E, MD 等平台的遊戲來玩。主機本體向下相容於 NGC。內建 512MB 的Flash 記憶體，可把各種的資料存放於其中。　　


Wii 的輸出入端子為，USB 2.0x2，NGC 記憶卡插槽x2，SD 記憶卡插槽x1，AV 輸出端子x1，NGC 手把插槽x4，Wii 用感應裝置插槽x1。　　


Wii 的手把(Wii remote)採用藍芽無線通訊，一次最多可使用4隻，使用範圍在5公尺內都可使用。手把內建3維空間感測裝置，前方指向裝置，喇叭，以及具有震動功能，並有擴張功能可以外接不同的裝置來搭配使用。擴張的手把 Nunchunk 上面有類比操作跟兩顆按鈕並且內建3維空間感測裝置。任天堂同時發表了另一個傳統造形的手把 Classic controller，配置類似於 SFC 手把，不過多了兩個類比的控制。　　


Wii 主機預計於 2006 年第 4 季推出，價格未定。


(Source: http://gnn.gamer.com.tw/3/23483.html)

好耐冇見啦.

本來今日約咗Kathy同Berry,不過Kathy有公事,唔得閒,本來怕Berry要等我放工要等好耐,唔知取消好定係點.不過咁耐冇見Berry,都係想見吓佢.唔見唔見,一見就"雞啄唔斷".搞到行嚟行去都唔知去邊度食.


食咗個Set Dinner,都幾抵食,$65,有湯,有芝麻包,有drink,有Pasta/Meat rice,仲包埋有~$24的蛋糕添.食飽飽之餘,仲坐咗好耐添.


哈,講咗好耐講到打烊咁掣.真係超長氣.如果我係個主動d的人就好啦.咁就會多d搵人出嚟,多d搵人傾計.


本來今日想聽吓Kathy講佢既結婚情況(上次我都已經聽咗d...)不過又見唔到,好在星期六再約過...我哋仲有好多嘢想做架....游水啦,行山啦,打波啦,影相啦...唱K啦...好想乜都做齊先放你走!

*********

呢兩日撘Van仔經過麗城,成日想起呢個朋友,但係都兩個幾月冇見啦.本來都想約出嚟.可惜5月真係一個幾忙的時間.己經好快就Full booking...唔.又好想放假添.

去啦

交畀佢定唔交畀佢呢,真係費煞思量啦.


我叫你去,咁我又可以去,但係我叫咗你去,咁佢又冇得叫你去,
咁我唔去,畀你哋去,但係佢唔知同唔同你去,咁我又唔想要你唔去,


好啦,咁如果佢唔同你去,咁我就搵人同我去,都得.....


不過最好都係佢同你去.咁我就唔駛同你去....

因為我同你都唔識去!哈哈!

唉吔...吔吔吔~~~

唉...屋企好混亂,本來想執屋,點知猛咁瞓.


搞到只係執咗一間房,要執到幾時?!


突然諗起前日我問瑩瑩:"一陣上去你屋企做乜嘢好呀?"


瑩瑩:"你嚟洗衫呀,我件衫污糟咗!"


我:"吓?你要我洗衫呀?!咁之後呢?"


"去洗廁所!"


嗚~~~咁同我講!(心如刀割)


雖然佢果日工人放假,咁都冇理由叫姨姨做工人架?!


(我唔服氣!) 再問:咁樺爾呢?佢做乜好?


"佢負責睇住我!"


(唉吔...吔吔吔~~~叮咚叮咚叮~~~!!呢個小鬼...我會好好記住...樺爾同我的關係,因為為呢隻小鬼而亮起紅燈!)


最搞鬼,佢今日仲話Daddy Mammy 會老死架!(邊個教佢講d咁既嘢架!)


又同我哋講:你多d嚟我屋企啦.遲d我大個會好好照顧你哋架.


真係人細鬼大!

累

唔知係唔係成幾個星期都休息唔夠,呢幾日有假放就係咁瞓,係咁瞓.


星期六好難得咁樣同樺爾去行街買嘢.我哋走去荃灣廣場吉之島買咗幾樣家居用品:可循環再用防潮珠,放入微波爐"叮番"可以再用,又買咗個備長炭吸味劑,放鞋櫃至好駛...哈,終於都似返個"家庭主婦"啦...


我仲買咗個聽同事朋友講,好易清洗的3M冷氣機清潔劑,其實我屋企的冷氣機都唔駛用,只係想買畀媽媽屋企...(咁今日我咪就做埋師奶囉...-_-!)


買完仲要返屋企擺底再出去買過,(嘩,唔駛錢架?!哎,積積埋埋唔買,咪最終都要買囉.大出血啦.)唔買唔買,一買又洗咗成千幾蚊...


今日樺爾就收獲豐富啦,有對皮鞋,波鞋(Goretex真係好透氣架喎),波衫,仲有另一件畀阿Dee添,本來我都想買一件衫畀自己,點知只係剩返"S"碼...(唉...唔得...一定要減肥先得...),所以我又一無所獲!


好在四家姐肯千山萬水咁走過嚟畀返張VIP咭唧,如果唔係仲要洗多60大元架.多謝你呀.


今日仲搵咗好耐冇見的Berry約佢星期二食飯飯......唔知我駛唔駛OT呢...唔理啦.有咁快得咁快走人!


好期待呀.去邊度食好呢?旺角夜晚有乜地方好傾計呢?

同瑩瑩唱K呀

今日入去元朗就係想同三家姐、瑩瑩、四家姐一齊唱K,好耐冇同三家姐唱啦,以前三家姐"駝住"瑩瑩都會同我哋去唱K,之後又試過抱住瑩瑩唱K.依家瑩瑩識得唱歌,所以就更加會帶佢一齊唱啦.


今日瑩瑩唔係咁想唱,但係有時候又唱得好大聲好響亮.好入咪,唱咗Joey姐姐Janice姐姐的歌,佢唱"十個她不如你一個"真係好得意.我哋仲錄咗佢唱國語歌添,發音好準架"今夜你回會不會來,你的愛還在不在".勁!


原來瑩瑩有國語堂上架,兩文三語,都好呀.細細個就學啦.咁先容易學識.

笑話一則

今日約咗四家姐一齊入去元朗搵三家姐,約十一點,佢就真係十一點走人,都唔計自己行路的時間架(咪就係咁,所以你成日都趕頭趕命囉).我哋就唯有呆等到11:10am先走,一出門,見到離遠有架68M,幾驚就係四家姐上咗果架.嗱嗱聲跑去,見唔到似有四家姐,唔敢上車.


之後四家姐先打電話講佢未上車,11:20am佢上到車,又打畀我,但係出車又唔話佢出車啦喎.


係你........!都是你!!!


你遲到,搞到我地呆等左成廿分鐘,之後話上車又未出車,到站又冇畀signal我,到你真係到,我地都呆左啦.


咁啱成村人都唔係上車架,但係又"枒"住哂個位,個阿婆仲搞鬼,佢唔係去果個站上車架,佢後尾去左隔離個站上車.但係當時個司機未開門佢又好似想上車喎.


我地太禮讓,諗住讓佢老人家上車,點知完來佢唔係,個司機都見唔到我地要上車,飛左站!


最慘係架巴士跟本都冇停定,又冇開門.


就係咁,我哋又要呆等多十幾分鐘!我哋本來可以早到,但係變咗遲到,遲到果個變咗早到喎!

去邊好呀...

今日樺爾約咗朋友食晚飯,本來我都可以一齊去既,但係冇理由成日黏著佢去見佢的朋友架嘛,話哂男仔講嘢,女仔企開邊.唔知佢會唔會又走咗去飲七枝啤酒啦...但係都唔理得佢咁多喇.


一個人食飯,真係好鬼死寂寞.


最容易就係搵Kathy...但係唔想搵人"zip"時間...


如果搵Mabel傾電話,又會傾到收唔到線,連續幾晚傾咗四.三.二個鐘!唔通真係要約出嚟傾?


其他朋友又唔係咁知佢哋得唔得閒...


唔通又係返媽媽屋企同四家姐整機?????!!!唉~

C高達

鋼之鍊金術師 羅馬拼音全碟

雖然我唔識日文,但係有好聽的歌都會忍唔住去搵拼音,睇下我可唔可以跟嚟唱.


我最鍾意兩首: 不能消除的罪 , 扉向


Melissa(op1)

Kimi no te de kirisaite Tooi hi no kioku wo
Kanashimi no iki no ne wo tometekure yo
Saa Ai ni kogareta mune wo tsuranuke

Asu ga kuru hazu no sora wo mite Mayou bakari no kokoro moteamashiteru
Katawara no tori ga habataita Doko ka hikari wo mitsukerareta no ka na

Naa Omae no se ni ore mo nosetekurenai ka?
Soshite ichiban takai toko de okizari ni shite yasashisa kara toozakete

Kimi no te de kirisaite Tooi hi no kioku wo
Kanashimi no iki no ne wo tometekure yo
Saa Ai ni kogareta mune wo tsuranuke

Tori wo yuuyami ni miokutta Chi wo hau bakari no ore wo kaze ga nazeru
Hane ga hoshii to wa iwanai sa Semete chuu ni mau MELISSA no ha ni naritai

Mou Zuibun to tachitsukushite mita kedo
Tabun kotae wa nai no darou Kono kaze ni mo iku ate nado nai you ni

Kimi no te de kagi wo kakete Tamerai nado nai daro
Machigatte mo Nidoto aku koto no nai you ni
Saa Jou no ochiru oto de owarasete

Sukui no nai tamashii wa nagasarete kieyuku
Kieteyuku shunkan ni wazuka hikaru
Ima Tsuki ga michiru yoru wo umidasu no sa

君の手で切り裂いて 遠い日の記憶を
悲しみの息の根を止めてくれよ
さぁ 愛に焦がれた 胸を 貫け

明日が来るはずの空を見て
迷うばかりの心持て余してる
傍らの鳥が羽ばたいた どこか光を見つけられたのかな

なぁ お前の背に俺も乗せてくれないか
そして 一番高い所で置き去りにして優しさから遠ざけて

君の手で切り裂いて 遠い日の記憶を
悲しみの息の音を止めてくれよ
さぁ 愛に焦がれた 胸を 貫け

鳥を夕闇に見送った 地をは這うばかりの俺を風がなぜる
羽根が欲しいとは言わないさ
せめて宙に舞うメリッサの葉になりたい

もう 随分と立ち尽くしてみたけど
多分答えはないのだろう
この風にも行くあてなどないように

君の手で鍵をかけて ためらいなどないだろう
間違っても 二度と開くことのないように
さぁ 錠の落ちる音で終わらせて

救いのない魂は流らせて消え行く
消えていく瞬間にわずか光る
今 月が満ちる夜を生み出すのさ


READY STEADY GO(op2)

READY STEADY CAN'T HOLD ME BACK
READY STEADY GIVE ME GOOD LUCK
READY STEADY NEVER LOOK BACK
LET'S GET STARTED READY STEADY GO

fukitonde yuku fukei korugaru you ni mae e
kurushi magure demo hyouteki wa mou minogasanai

ate ni naranai chizu yakute shimaeba ii sa
uzumoreta shinjitsu kono tenohira de tsukami torou

muchuu de (hayaku) kake nukete kita
urusai kurai ni harisake sou na kodou no takanari
hibite (yonde) iru kimi no koe
koko de tachidomaru you na jikan wa nai sa
READY STEADY GO

kazoe kirenai kizu kakae konde ite mo
chotto yasotto ja tamashi made wa ubawasenai
ano oka no mukou de kimi ni deaeta nara
nani kara hana sou sonna koto bakari omou yo

muchuu de (hayaku) kake nukete kita
urusai kurai ni harisake sou na kodou no takanari
hibite (yonde) iru kimi no koe
koko de tachidomaru you na jikan wa nai sa
READY STEADY GO

READY STEADY CAN'T HOLD ME BACK
READY STEADY GIVE ME GOOD LUCK
READY STEADY NEVER LOOK BACK
LET'S GET STARTED READY STEADY GO

kokoro wa (hashiru) ano sora no shita
karamawari suru kimochi ga sakebi dasu no o tomerarenai
kimi made (todoke) kitto ato sukoshi
atsuku hizashi ga terasu kono michi no mukou
READY STEADY GO
PLEASE. TRUST ME.

READY STEADY CAN'T HOLD ME BACK
READY STEADY GIVE ME GOOD LUCK
READY STEADY NEVER LOOK BACK
LET'S GET STARTED READY STEADY GO

吹き飛んでゆく風景　転がるように前へ
苦し紛れでも　標的はもう見逃さない

あてにならない地図　焼いてしまえば良いさ
埋もれた真実　この掌でつかみ取ろう

夢中で-早く-駆け抜けて来た
うるさいくらいに張り裂けそうな鼓動の高鳴り
響いて-呼んで-いる君の声
ここで立ち止まるような時間は無いさ
READY STEADY GO

数えきれない傷　抱え込んでいても
ちょっとやそっとじゃ　魂までは奪わせない
あの丘の向こうで　君に出逢えたなら
何から話そう　そんな事ばかり思うよ

夢中で-早く-駆け抜けて来た
うるさいくらいに張り裂けそうな鼓動の高鳴り
響いて-呼んで-いる君の声
ここで立ち止まるような時間は無いさ
READY STEADY GO

READY STEADY CAN'T HOLD ME BACK
READY STEADY GIVE ME GOOD LUCK
READY STEADY NEVER LOOK BACK
LET'S GET STARTED READY STEADY GO

心は-走る-あの空の下
空回りする気持ちが叫び出すのを止められない
君まで-届け-きっと後少し
熱く日差しが照らすこの道の向こう
READY STEADY GO
PLEASE. TRUST ME.


UNDO(op3)

Tooku Tooku Omoi hatenaku
Futari ga Mujaki ni waratteta
Ano koro ni modoreru nara...

Konagona ni kudaketa
GLASS-zaiku no you na
Omoide no kakera wo atsumeteru
Daiji na mono wa itsudatte
Nakushite kara kizuku yo

Kimi ga inai sekai wa
Maru de JIGSAW PUZZLE
Eien ni kaketa mama mikansei
Dare ni mo kimi no kawari nante
Nareru hazu wa nai kara

Dou ka Dou ka Jikan wo tomete
Kimi no omokage wo kono mune ni kizandekure
Moshi mo Moshi mo Yurusareru nara
Subete wo gisei ni shite mo ii
Ano egao wo mou ichido...

Genjitsu to iu kusari ni
Bokutachi wa tsunagarete
Yumemiru koto sae mo kanawazu ni
Soredemo sagashi-tsuzuketeru
Yami wo terasu hikari wo

Tooku Tooku Omoi hatenaku
Futari ga Mujaki ni waratteta ano koro e
Dou ka Dou ka Jikan wo tomete
Kimi no omokage wo kono mune ni kizandekure
Moshi mo Moshi mo Yurusareru nara
Subete wo gisei ni shite mo ii
Ano egao wo mou ichido...


Rewrite(op4)

kishin da omoi o hakidashitai no wa
sonzai no shoumei ga ta ni nai kara
tsukan da hazu no boku no mirai wa
"songen" to "jiyuu" de nujun shiteru yo
yugan da zazou o keshi saritai no wa
jibun no genkai o soko ni miru kara
jiishiki kajou no boku no mado ni wa
kyonen no KARENDAA hidzuke ga nai yo

keshite RIRAITO shite
kudaranai chou gensou
wasurarenu sonzai kan o
kishikaisei
RIRAITO shite
imi no nai mousou mo
kimi o nasu dendouryoku
zenshin zenrei o kure yo

mebaete ta kanjou kitte kuyan de
shosen tada bonyou shitte naite
kusatta kokoro o
usugitanai uso o

keshite RIRAITO shite
kudaranai chou gensou
wasurarenu sonzai kan o
kishikaisei
RIRAITO shite
imi no nai mousou mo
kimi o nasu dendouryoku
zenshin zenrei o kure yo


不能消除的罪 (ed1)

Itsumo no shisen ni kimi ga ite kokyuu ga dekiru
Boku ni totte nara Sore dake de
Mou Juubun na hazu na no ni

Chippoke na boku wa kurikaesu ayamachi bakari
Dorehodo tsuyosa wo te ni shitara
Nani mo kizutsukezu sumu no?

Mayowazu ni Kono ai wo shinji ikiteyuku
Fusagaranu kizuguchi mo gyu'tto dakishimete

Futari wa aruki-tsuzukeru Ato ni wa modorenai kara
Ima demo kono mune no oku Kesenai tsumi wa itamu kedo
DARLING

Ano hi ushinatta aijou ni setsunasa wo oboe
Boku wa senmei na kono sora no aosa ni sukoshi tomadotte

Tatoe moshi nani ga gisei demo Tada hitotsu shinjita
Kimi no massugu na me ni utsuru setsuna ni saita hana no iro

Muryoku demo kono sadame Tsuyoku ikiteyuku
Te wo musubu taion wa zutto tokeatte
Dattara issou no koto seotta batsu nara tsurakute mo

Moshi tatoe kimi to kono mama
Sekai no nami ni sakarau dake da to shite mo...

Mayowazu ni Kono ai wo shinji ikiteyuku
Fusagaranu kizuguchi mo gyu'tto dakishimete

Mayowazu ni kono sadame Ikiru ikiteyuku
Kimi to nara eien mo kitto tsunagatte
Futari de tada mae wo mite dou ni mo naranakutatte
Soredemo kanarazu kimi wo kono te de mamori-tsuzukeru

DARLING

いつもの視線に君が居て呼吸が出来る
僕にとってならそれだけでもう十分な筈なのに

ちっぽけな僕は繰り返す　過ちばかり
どれ程強さを手にしたら何も傷つけず済むの？
迷わずにこの愛を　信じ生きてゆく
塞がらぬ傷口もぎゅっと抱きしめて
二人は歩き続ける後には戻れないから
今でもこの胸の奥消せない罪は痛むけど
ダーリン

あの日失った愛情に切なさを覚え
僕は鮮明なこの空の青さに少し戸惑って

例えもし何が犠牲でも　只一つ信じた
君の真っ直ぐな眼に映る刹那に咲いた花の色

無力でもこの運命強く生きていく
手を結ぶ体温はずっと溶け合って
だったら一層の事背負った罰なら辛くても

もし例え君と此の儘　世界の波に逆らうだけだとしても…

迷わずにこの愛を　信じ生きてゆく
塞がらぬ傷口もぎゅっと抱き締めて
迷わずにこの運命　生きる生きてゆく
君となら永遠もきっと繋がって
二人で只前を見て如何にも成らなくたって
それでも必ず君をこの手で守り続ける
ダーリン



扉向 Tobira no Mukou e(ed2)

Bokura wa ima demo sakenderu

Tashikameru you ni Nigirishimeta migite
Uzattai housoku wo Buchikowashiteike
Kizutsuita ashi wo Yasumaseru gurai nara
Tatta ippo demo Koko kara susume

Yuganda kaze wo kakiwakete
Tsumetai sora wo oikoshite
Soredemo mada samayoi-tsuzuketeru

Bokura wa itsudemo sakenderu
Shinji-tsuzukeru dake ga kotae ja nai
Yowasa mo kizu mo sarakedashite
Mogaki-tsuzukenakereba hajimaranai
Tsukiyabure tobira no mukou e

Yayakoshii mondai de Karamiatta shakai
Jirettai genjitsu wo Keritobashiteike
Hibou ya chuushou ni fusagikomu gurai nara
Dasan mo yokubou mo Buchimaketeike

Midareta NOISE Kakikeshite
Shiraketa shisen Furihodoite
Koko kara tsuzuku Tsugi no STAGE e

Bokura wa itsudemo sagashiteru
Kasoku shita SPEED wa kaerarenai
Tsuyosa to kakugo tsunagitomete
Hashiri-tsuzukenakereba mirai wa nai
Tsukisusume tobira no mukou e

Kazashita PRIDE ga machigai da to shite mo
Egaiteta risou ga kuzurekakete mo
Koko ni aru subete ni uso wo tsukareta to shite mo
Kitto koko ni iru

Bokura wa ima demo sakenderu
Shinji-tsuzukeru dake ga kotae ja nai
Yowasa mo kizu mo sarakedashite
Mogaki-tsuzukenakereba hajimaranai
Tsukiyabure tobira no mukou e

Bokura wa ima demo sagashiteru
Kasoku shita SPEED wa kaerarenai
Tsuyosa to kakugo tsunagitomete
Hashiri-tsuzukenakereba mirai wa nai
Tsukisusume tobira no mukou e



motherland(ed3)

kimi ga tabidatsu hi wa itsumoto onaji jaane to te wo futta
marude ashita mo mata kono machi de au mitai ni

ai wo shinjiru no wa jibun ni mo makenai koto
yume ga kanau hi made egao no mama
hoshi wo mite inori sasage koko ni iru kara

watashi wa kimi ni totte no sora de itai
kanashimi made mo tsutsumi konde
itsudemo miageru toki wa hitori janai to
tooku de omoeru you ni

kaeru basho de aru you ni

kimi ga inai machi de aikawarazu ni genki de sugoshiteru
sorega ima watashi ni dekirukoto sou omoukara

donna dekigoto ni mo kakureteru imi ga aru to
yume ga kiekaketemo jibun rashiku ite hoshii
donna toki mo kokoko ni iru kara

namida nakusu hodo tsuyoku nakute mo ii
tsukareta kokoro yasumasetara
suteki na ashita wo negai nemuri ni tsuite
chiisana kodomo no you ni

kono hiroi sekai wa tsunanagatteru
shiroi kumo wa nagare kaze ni natte kimi no moto e

watashi no koe wa todokimasuka
afureru kimochi ienakatta

watashi wa kimi ni totte no sora de itai
kanashimi made mo tsutsumi konde
itsudemo miageru toki wa hitori janai to
tooku de omoeru you ni

kaeru basho de aru you ni
kaeru basho de aru you ni



I Will(ed4)

Afuredasu namida nara ima wa tomenakute ii
Kanashimi no saigo ni wa hikari ga sashikomu hazu

stay... stay... stay... stay...

Sou Onaji kimochi shinjiteta
Keshita MEMORI mitsumeteta
Ima anata ni aenai kedo
Setsunai omoi kakushite
Tsuyoku nareru motto
Tashikamete yuku no

Afuredasu namida nara ima wa tomenakute ii
Kanashimi no saigo ni wa hikari ga sashikomu hazu
Isogisugite Kowashite kita mono
Torimodosu no Watashi rashiku aruku tame ni

Nee Mata anata ni Ano toki wa
Saki ni sayonara iwasete
Shinjiteru kitto atarashii asu o

Mayowazu ni aserazu ni sugite yuku jikan wa
Yasashisa ni kawatteku itami mo wasurenai
Muchakisugite kizutsuita kokoro
Dakishimeru no Umarekawaru jibun no tame ni


I Will

Afuredasu namida nara ima wa tomenakute ii
Kanashimi no saigo ni wa hikari ga sashikomu hazu
Mayowazu ni aserazu ni sugite yuku jikan wa
Yasashisa ni kawatteku itami mo wasurenai
Isogisugite Kowashite kita mono
Torimodosu no Watashi rashiku aruku tame ni
I Will

http://ktzhk.com/archiver/forum/tid-433136.html
http://ktzhk.com/archiver/forum/tid-435599.html
http://ktzhk.com/archiver/forum/tid-435590.html

季後賽如斯精采

首先恭喜灰熊同掘金修成正果, 悟出"我不入地獄誰入地獄之真義"... 灰熊乃其中之表表者, 早在常規賽己經歡歡喜喜鋪定大路通地獄... 在得到灰熊的指引後, 掘金終於頓悟, 遂於季後賽雪藏勇者馬丁, 最終得償所望, 與熊熊携手步向the hell~ 所謂朝聞道夕死可以, 掘金正是此名句之最佳寫照...


好啦... 除左活塞同雄鹿無需再講外, 其他的賽事的賽果還是很值得猜度下的...


Suns vs Lakers
點解湖人成日有d蛋散福星射d救命波?
昔有費柴沙, 今有屎波殊拍家+本局敵方MVP拿來輸, 分別在第四節及OT末段貢獻TO2個... 唔通大球會真係好運d? 睇來太陽都會步昔日馬刺後塵囉... 預料太陽折埋1:4


Bulls vs Heat
公牛有大帝觀戰即刻大勝湖人... 唔知大帝會唔會去Miami觀戰呢... 預料公牛4比3勝出


Kings vs Spur
藉著俾巴克利上身的燴耳屎及打手啊太屎的努力, 帝王追成2:2, 不過老鄧不是吃素的, 加上任天堂滴淚之拍家 + 馬家四利(留左胡須的蟹之切入賤佬比利, 剃左胡須的頒比利, 季後瘋的荷利, 脫疆馬車薰利), 仲有佛祖穆罕默德同外星人雲內素等等... 預料馬刺4:2勝出...


Net vs Pacer
籃網正選Big 4大戰Pacer群狼, 勢均力敵... 但相信睇過暈死卡凸及借花神的詭異表演後, 都係相信Net技高一籌... 預料網隊4:3勝出...


Knight vs Wizard
騎士劍法強, 巫師法術高~~ 交手4回合, 不分勝負, 不過以我小人之心猜測, NBA一定會力捧沾屎大帝, 一個沾屎三個裁判幫, 仲有叛將囂屎, 外加神洲紅人純三分射手鐘屎... 睇來啊輪拿屎和沾美神都會早早執包袱... 預料騎士4:2勝出...

4.7.4.2.1

星期天大爆發... 奇跡... 要好好記錄一下...
總分: 21:18 WIN!
位置: 前鋒(奇怪, 長得高的人好像都比較喜歡打Ring... 所以我便打了左後)
4分: 1. 底線接應隊友傳球, Catch & Shoot... IN
2. 同一位置轉身跳投擦板射入...
7籃板: 2進攻, 5防守...
4助攻: 1. 帶球中路突破, 在對方中前鋒包夾前傳給底線隊友射入...
2. 空中將進攻籃板撥給中路籃下隊友射入...
3. 罰球線接球後no look 頭頂傳球給底線隊友射入...
4. 2對3快攻中路突破, 吸引對方三個球員包夾, 在兩人之間傳地板球給無人防守的籃下隊友射入...
另外加 2 Steal & 1 Block

5月21日有室內場打, 開心~~