阿Dee的生日禮物

呢個阿Dee,成日做嘢都咁"衝動",果日無啦啦攞咗部壞腦走,唔Work,今次又嚟快閃買機,家姐好累呢....
不過今日嗱嗱聲買咗部電腦畀你,都好,我唔駛走幾轉,快快搞定.只不過同阿你一齊揀config,之後就由得你自己買,都算大個仔啦...家姐我都好欣慰.仲可以同你好快咁食餐飯,真係好.

1.Intel Core i5 760 (2.8GHz) CPU/4M BOX 盒裝
2. ASUS P7H55-M
3. Kingston DDR-3 1333MHz 2 x 2G Ram
4. GEForce GTX 250 512MB DDR3
5. LG GH-22NS50 22X DVD Writer /SATA/黑色
6. Segate 1TB SATA II HD
7. COOLER MASTER CA-RC334KK Elite 334 ATX Case 全黑色
8. Cooler Master RS460 Real Power Pro 460W 80 Plus 火牛
9. Windows 7 Home Premium $6150

其實我可以揀部低價d的電腦,不過唔想駁,買貴咗的價錢,所以都以"付"返少少"責任"啦,就當生日禮物啦.希望你用得開心,做到你個實驗最實際.到時講個好消息我知.

勇氣

5年前幫哥哥買咗一部Notebook,用到上個月終於都掛了,又搵唔返recovery disk,哥哥都頂唔順要買過部啦,今次有d急急地,因為我好耐冇睇Notebook,要搵到好的選擇真的不容易.本來以為揀定ASUS,平得嚟又好似幾好,價錢仲可以平多$500,不過最後又因為怕個 OEM OS 會出事, (09年12月的問題,講到依家都唔知係咪仲係放賣緊果批機,冇乜信心,加上去幾間舖頭試用,連Notepad都開成一兩秒都唔彈出嚟,好似唔多smooth.....

其實買機同揀女仔差唔多,又要睇佢外型,又要睇佢內涵,要精打細(計)算,快取記憶(體),但係好快洗腦(因為係RAM嚟,唔記住d衰嘢),仲要睇佢滑唔滑,"面色"好唔好,大唔大食(電),要慳(電同$$),要唔要修護,保養好唔好,仲有聲靚唔靚,最緊要係可以Multi-task,同埋出得廳堂,入得書房 (入得睡房...oh,唔好心邪!) 哈,Wireless 嘛,唔好咁"痴"身,但又唔可斷線,仲要可以充電,同放電添!!


咦?!好似離咗題!咁最後,啱budget的就買咗 Lenovo $7330 (加到4G ram),

終於揀咗 Lenovo - Model : Y460a,White Palmrest
- 14" LED 1366x768
- i5-430M (2.26GHz, 3M L2 cache)
- 2GB DDR3 +$350 to 4GB =>$7330
- 500G 7200rpm SATA
- ATI Radeon HD5650 1G VRAM
- DVD,WLAN 6 Cel,1.3M cam, HDMI, BT2.1, JBL virtual surround
- Win7 Home Premium 64-bit
- Mouse, Cleaning Pack, Carrying Case
- 1yr on-site warranty

歌手：梁靜茹 | 作曲：瑞業

填詞：光良 (對不起了,又玩改歌仔)

＊終於做了這個決定　別人怎麼說我不理

　只要你也一樣的穩定

　我願意　天涯海角都帶你去

　我知道　真的不容易

　我的心　一直溫習說服自己

　最怕你忽然突然當機＊


＃買真的需要勇氣　來面對流言蜚語

　只要你一個掛就死定　我的錢就沒意義

　我們都需要勇氣　去相信可再升級

有朝一日我又放棄你

　放二手去拍賣　可以重生＃

REPEAT＊＃


如果我的堅強任性　會不小心錯介紹你

你能不能穩穩定定　我雖然心太急

更害怕錯過你

有興趣玩獨木舟嗎?

有緣人可回覆... hee...

集合地點:西貢斬竹灣
集合時間:7月11日 8:xxam (to be confirm,可能一起從西貢碼頭撘的士 ~10min車程)
活動時間:8:xxam - 5:00pm (不包午餐,~12:00pm外賣午飯), 至~5:00pm 西貢解散

大部份是初學者,會按人數再請足夠敎練 (需提早預約)
每位學費: $120
初學者的課程 (一星):主要是向前,向後,反艇的應變 - 通常第一天已經可獲1星證書
二星課程:他人反艇,助救方法
三星課程:反艇的自救方法,等等....(我都唔太清楚架啦)

還有進階課程,等有興趣再問啦...

裝備:
帶多對鞋(suggest白飯魚,可防貝殼所傷)入艇使用
80度或以上戶外高防曬太陽油
帽及長袖衫(水中使用可免成燒豬)
有簡陋沖身更衣室

其後每日期(按約敎練及時間而定,通常是整天星期日)可選擇參加與否,
進度以Log book記錄,因此每人的進度可以不一,
惡劣天氣情況下會取消,所以一個夏天也沒很多適合時間呢.

+++++++++++++++++++
請於星期三前回覆
+++++++++++++++++++

這個星期停工了?

這星期五也曾上去爛屋看看,蘇頭又加了點膠管,水龍頭的接駁位改了些,其他如窗花也沒進展了.到底是因為要等煤氣喉做好了才做其他工程,還是時間沒抓緊呢?

第五年

又過一年啦....時間過得真係快,希望唔會講拜拜.

煤氣睇位

今日介紹來的煤氣師父話可以走屋內....!都唔知係咪上一次的煤氣師父想收"下欄"所以先咁講,不過呢個師父都係咁講係好難走屋內...

不過都仲未有定案,又繼續等....

Lonely K

兩個Lonely 人一起去唱K...哈哈,唱三個小時啦,都好似好快就過咗咁,如果有多d共同認識的歌就好了,但我已經兩年冇聽新歌啦,真係out 爆全場. 聽聽K唱K歌,也很享受呀.

學下"新歌"先..."每天","同一個遺憾","肩膀蜻蜓","PS I love you"....其他無寫低添....

我今日終於都見到"紙婚","Missing You","壞人" 啦...仲有超難唱"今晚你想念的人是不是我", 真的唱不來...哈...

收冷氣機,煤氣睇位

今日,約咗Panasonic收冷氣機,又約咗個煤氣公司的師父過嚟睇位同拆熱水爐,點知個師父話最好都係更換煤氣喉, 但係d電線喉同水喉又頂住咗,所以要走屋外先得,(只怪我地搵煤氣公司上門上得遲,間裝修公司原本仲話可以幫我地安排....畀咗諚就唔跟呢d"額外工序"囉...",連提下我地都唔提...)

不過管理處指引講唔可以走屋外,就算走屋外,都要藏喉先得,但係煤氣公司又規定唔可以走屋外的屋苑就算做藏喉都唔可以做,所以建議我地去搵樓下專做藏喉的裝修公司,而呢個煤氣師父同佢地係有聯繫的,可以夾著做.佢講要撘棚的大約一萬多,我地已經有棚的,如果用得著,可以平幾千添.

於是我地就去問果間做開藏喉的裝修公司,嘩,要成萬三!仲要先畀一百先可以上去睇睇.我地諗一諗,都係問一問我地的裝修公司先再揀啦,如果呢間肯做埋,咁我地都唔駛追兩個火頭呀嘛.


不過我地的裝修公司話佢地冇氣牌,唔做得,所以要搵出面d人再幫手,既然佢有相熟的介紹,希望夾起上嚟會易d啦.仲話可以買爐有九折添,唔知係真唔係....

緣份到？

哈，因為"你"沒出現，造就了"我們"，了解加深了。緣份是很奧妙的，不知何時會到，但時機到來，只要打開心屝，原來緣份已經悄悄到來了。

搵裝修

幾星期來千揀萬揀,希望把大裝修的重任交給一間裝修公司來做,不過看到大部份的裝修公司都有一套"既定程序"來屈你加碼加裝修費用,而有一間價錢還算較低,似乎包括的工料已經最多.而且廁所廚房也合心意.不個經三姐姐的專業評估為"手工差"....哎...再搵落去其實都係一樣,因為一分錢唔知有幾多分貨.到你搵到手工好的公司,又怕佢質數好難保證,又怕佢地唔包呢樣,漏包果樣,怕佢呃你.唔通我地只得一個選擇?

感激萬分

今日係母親節,不過我地都係如常咁同媽媽一齊去飲茶,雖然話上個星期媽媽+爸爸的生日就預祝埋母親節,不過正日喎,當然都要有d表示啦.

我星期五買咗一對耳環,想襯返大家姐的生日母親節鍊垂,只不過媽媽成日嫌大粒珍珠,太誇張喎,不過我就係唔知點解,見到有對大珍珠耳環,咁就又買咗佢返嚟啦...

今朝本來以為醒目啦,一早就起身同媽媽講母親節快樂,見大家"靜應應"好似冇人打算會返屋企見媽媽,(媽媽噚晚都已經喊定先,好在後尾玩下Wii又好似當冇乜事咁.)我咪攞我準備好的禮物"氹"住佢先啦,點知.....點知畀媽媽鬧....佢咁講,好似真係唔喜歡我的禮物呢,嗚嗚.....佢咁講其實都係唔想我亂洗錢啫,我明呀...不過,即時得到既反應係咁...當然會唔開心架啦.本來想氹佢...但係媽媽就係咁真咁直架啦....二家姐送的"花"仲"無謂"所以媽媽都係"扁咀",同佢影下相先笑咋...其實都冇乜幾何收花啫,笑下啦...

今日又係去裕滿人家飲茶,真係多人,好在等半粒鐘就得啫.都算係咁...數數下,原來都有十個人一齊食.

btw,今日真係要多謝三家姐,如果不是因為你,我是沒可能一下子可以 confirm 全屋家電呢...多謝哂你呀,今日係母親節,但係就搞到你冇得同瑩瑩去玩,下次我地去影相相補返數啦....今日三家姐好"大矇",下午搵太陽眼鏡,夜晚搵銀包.三家姐真的太攰了.多D休息啦!

趕下半場

今日的下半場,就係要去搵管理處睇睇屋外面鋼筋外露的問題.點知因為冇師傅响到,唯有影咗相,又要約過下次啦.

同貓仔一齊沿著海濱長廊行去Citiwalk,都已經接近黃昏時間,可恨冇帶相機,用手機影始終都係太矇矓.

去到Citiwalk 人氣電器,個showroom太細啦,都冇乜嘢睇,又冇乜睇嘢,又要返屋企食啦.

閱讀的白老鼠

今日好難得,好榮幸咁去咗幫阿Dee做Trial Run Subject,呢個實驗好得意,駁住電腦,只係用個"心"去"讀"一d字出嚟,我d腦電波就已經反映到我對個d字的反應,記錄好就可以用嚟分析.

不過有個好大的問題就係要啱beat咁眨眼,先可以做到好clean的data.我都好用心做,但係個實驗好似催眠人咁,眼皮好快就會向下垂,(話時話,失眠的人可以試下喎!)

今日另一個好難得的,就係我好耐冇同阿Dee一齊出街,一齊撘車,一齊行"公園",單獨食飯(唔計細個去McDonald,好似係第一次),阿Dee真係照顧週到,同幫我洗筷子等等,very gentleman hee..., you are so good... thanks thanks!! heee, 雖然時間很趕,我地都可以在滿雀的Canteen食咗好味的廈門炒米(其實佢濕濕地..真係好似炆米架)同幾辣的冇料咖哩xx炒飯.

希望我的實驗data可以幫到佢少少,令阿dee的理論可以得到實證啦.

收樓啦

今日終於都收樓啦,等咗三個月,雖然係長交吉期,不過好好彩,自落訂之後,樓市有升沒跌,本來都可以圖小利,不過我地真係自住的,並唔係要抄抄抄. 希望呢間屋真係可以安居啦.

今日約埋個裝修師父一齊收樓,本來以為佢會好細心咁同我地睇下間屋有冇問題,不過,佢一入屋就同我地講,呢度要拆,果到唔要,成間屋,好似冇一樣嘢留得.其實一個星期之前,呢間屋仲有租客住緊,一家四口,好似話個租客都唔想搬走架.但係經呢個裝修師父一講,唔通呢到真係咁破舊咩? (就係咁,印象有少少扣分)

之後再傾落去,其實成間屋好似炸過再起咁,雖然話係大裝修,但係都唔駛乜都唔要呱?

今晚特別寧靜

不知不覺又到了十一點,電話一直沒嚮,直到9:00pm,原來是sell電話plan的,再過一小時,看看已經十二點,為什麼沒有電話來呢...
可惡的3,又 no service!好搞笑,估唔到我夜麻麻打去support,仲可以搵到人,個職員叫我reset個電話先得...真係麻煩.我向來都收到架喎.(仲以為係上次補交完電話費仲未update account添.)

媽媽終於停止玩Wii去瞓覺,睇咗幾個無聊節目,都仲未想瞓,已經三點啦...

今晚特別精神....

九天假期

就結束了！

非常一月

今個月過得特別快,大部份時間被逼分配於工作,忙裏偷閒的只可以從瑜伽,找找朋友見見面來休息,連家人也少見了.快一個月沒見到晴晴了.

近來Chung的小寶寶出世了,本來也想探探他,不過新年見面,應該是個好時間吧.

很久沒有約快要做"便衣天使"的Berry了,上星期一同看Avatar,雖然傾偈時間不多,但每次難捨難離的我,今次送她到車站,又傾一陣了,回家途中亦在電話中滔滔不絶,沒法了,這陣子多苦水.吐了就好了.


今天是Kathy生日,本來想去較特別的地方,不過最後還是去了"鐵竇".至於禮物,少少地還是希望逗得一刻開心.


P.S...明天是Iris生日呢...很久沒見了.

每日一歌 - 今天又Runaway!

呢排工作多,又唔順利,仲遇到XO...有幸歸家途中仲會想起一些歌,心情可以平服些.


愛回家 - 古巨基 (星期五....回家已經很晚了....)

時間從未敢蹉跎 賺到幾多 ...

當你 - 王心凌 (星期日,你忽然播這首歌~~~)

如果有一天　我們都發覺
原來什麼都可以　我們是否還會停留在這裡


Runaway - 陶喆 (今天強烈想起這首歌,原來我是可以發老脾的!)

歌手： 陶喆 David
作曲： 陶喆
作詞： 陶喆，娃娃

無名的怒火　有說不出的無力想敲打我自己
ＯＳ：太陽快要下山了　什麼都不做
　　　只拿著遙控器　一直不停的換台
　　　麻木的神經　感覺自己像個機器快不能呼吸
ＯＳ：快打開冰箱看看裡面的東西　唉
　　　除了醬瓜什麼也沒有　算了吧　去外面吃吧

火辣的太陽　永遠在前方
無盡的公路　無盡的追求
我想要 run away run away
不想再懷疑自己對不對
甩開一切無所謂 run away run away

像困在霧裡　焦躁的想從茫然的現實中逃離
ＯＳ：唉　想的太簡單了吧
　　　你覺得你想做的都可以做得到嗎
　　　淡掉的感情　還堅持下去又有什麼意義
ＯＳ：喂　你拿著車鑰匙要去哪裡啊
　　　你別忘明天還要上班呢　別在外面鬼混了

風吹亂頭髮　黑暗星空下
無盡的公路　無盡的自由
我需要 run away run away
不想再懷疑自己對不對　甩開一切無所謂
就快去 run away run away

我可以 run away run away
不想再懷疑自己對不對
是為自己不為誰　不在乎的 run away

很多人再說　不斷的一直說
必須這樣子做　不能夠那樣做
卻又沒有辦法在自己的生命中突破
Oh ya

如果再不走　就永遠不會走
別讓自己再回頭　沒掙扎怎能夠有自由
快走　現在就 run away run away
不想再懷疑自己對不對
甩開一切無所謂 run away run away

快點去　run away　run away
不想再懷疑自己對不對
是為自己不為誰　不在乎的 run away

現在要 run away run away
今天要 run away run away
現在要 run away run away
今天要 run away run away

天鵝

呢幾日工作的時候,一天到晚就是做做做...早晚 progress report,

自覺就是安徒生童話故事"天鵝"的艾麗莎,要織十件衣服後，才可以說話...下星期可以開口未呀?

幾個鐘的小禮物

星期日剛剛買咗一條鍊畀媽媽,今日第一次帶就甩咗啦,可能流落街頭,屋企搵極都唔見呀 6_<~~

得返個條錬,唔見咗鍊垂,媽媽話都係收埋佢唔好見到又諗住.

雖然條鍊唔係好貴重,只係$268,媽媽話今日愈睇愈鍾意,一帶就唔見,真係早知就唔帶出街啦!

只好嘆一句,可能它的命是這樣,就是"緣盡於此"...好在佢只係同媽媽陪養咗幾個小時的感情啫.