祝壽會

與其話係祝壽會,不如話係"又一次家庭聚會".其實今年可以有呢個祝壽會,應該係可喜可賀.爸爸上年的頸又唔係咁好,今年好返啦.媽媽上年唔係咁行得,今年又健步如飛啦.雖然爸爸依家唔可以行好耐,右手又唔係咁有力.但係身體都仲算好.


希望佢哋都身心康健,咁我就去得安樂囉~~係去北京都去得安樂囉.


今晚 (其實呢個係後記) 有五個大小BB一齊同爺爺公公嫲嫲婆婆爸爸媽媽一齊唱生日歌(真係唱得有d混亂).但係見到爸爸媽媽開心個樣,就算d食品冇乜特別好味,(只係掛住dBB,所以咪食不知味囉),就算時間短d,就算媽媽話食完又好熱氣....總之都係一次開心聚會啦.


啟賢真係特別鍾意笑,雯雯仲走過去同啟賢玩,氹到啟賢成日笑.不過二家姐抱走雯雯,雯雯就喊喎.好彩喊咗一陣咋.


另一邊的君君就同羨寧講:你要吃飯呀.十足十大家姐模樣,不過其實佢話緊的妹妹,比佢食飯食得乖食得快.


今晚佢哋仲見到拉麵表演,瑩瑩就猛咁拍手掌叫好氹到拉麵師傅幾開心呀.


之後就到佢哋玩麵團的時間.佢哋一人一個麵團,兩吓就變返泥膠咁.瑩瑩好快就搓成麵團,君君同羨寧就由蓋蓋丈丈教佢哋玩.羨寧之後仲學拉麵師傅的手勢拉成一條長麵.斷咗!阿妹都係較為文靜d.其實佢睇嘢好留心,好仔細.


今日知道雯雯改咗名,唔叫雯絢而係雯珣啦.有時間,去睇吓佢夾唔夾呢個名先.