瘋狂購物

想同四家姐去街街好多日都唔可以去,今日本來已經返咗屋企,但係四家姐叫到.好啦,個半鐘都好啦.行一陣啦.


去到愉景新城,同四家姐Shopping成日都會買鞋,因為我同佢的腳係一樣Size,所以成日一齊試鞋.以前一齊住,可以一齊決定一齊著.依家都係一齊決定,不過就要買兩份啦.淺銀藍色的鞋,應該幾好架...唔知點著好d呢...買咗先算啦.


因為我仲想買對返得工formal D 的鞋,所以仲想揀多對,咁又可以"順便"入會.就係咁我哋買左四對鞋!


之後仲去咗買衫,我哋睇中咗件衞衣,諗一諗都轉季啦,下年先著得啦,但係鍾意的款,下年又未必見到,所以始終都係買咗喎...唔知咁係唔係好傻呢?


結果,我哋買咗四對鞋,三件衫,好滿足咁走...


幾個月都冇買衫啦,唔買唔買,一買就....兩個人共洗咗千五蚊...真係大出血!!


如果唔係四家姐,我仲係著極都係果幾件呢....四家姐講笑話:樺爾知道呢,話唔定下次唔畀我同佢出街!


不過聽日爸爸媽媽生日會,都冇買生日禮物畀佢哋添...真係不孝啦.