靚妹玩電話

上個星期六去探三家姐一家人,三家姐畀咗我個手機號碼畀瑩瑩,短短廿分鐘,瑩瑩就打電話搵咗我三次,都係因為佢啱啱學識打電話畀爸爸媽媽以外的人,而我就好榮幸成為佢的第一個試驗品.


正如好了解佢的丈丈所料,噚日同今日我都收到瑩瑩的電話.真係估佢唔到,一朝起身就搵我啦,佢話,我打"C益"呀,又同我講起星期日畫的衫衫,講起雯雯,仲問我點解我講說話咁細聲添...但係我就唔知點畀反應.因為好少同靚妹講電話.


今晚又收到呢個靚妹的電話,今次佢就問我放工未.我一話未,佢就話"你同你老細講放工啦",我心唸,靚妹,你媽媽可以同佢老細講,因為佢地係好朋友咋,我反問番佢媽媽收工未,佢就話"未呀,媽媽返工呀,佢可能同你一齊收工啦"

講講下,佢忽然就話"我唔同你講住啦"...咁就收線啦.唔知佢聽日又會幾時打畀我添.