大休息

呢排上咗一個月瑜伽,感覺想當不錯,所以今個月再繼續學,不過上完堂好多動作同作用都忘記得一乾二淨.

今日學其中一種呼吸法,叫做"喉式呼吸",特徵係呼吸時喉嚨被氣衝擊發出聲響,就好似"扯鼻寒"咁.我跟住miss做,唔小心笑咗出聲...哈哈...好似呼吸困難咁,不過miss話呢個呼吸法係最安全的一種,另外我地常用的有"腹式呼吸",呢個都可以同"喉式呼吸"一齊做添.仲有一種係乜呢...又唔記得...???係...."交替法"??

今日上完堂,仲同小音符,小黑炭,小夜貓一齊食晚飯,好耐都冇介紹新朋友啦,起初都有點不自然,不過因為大家都好開懷食咗一餐...後尾都唔知自己講緊啦,可能好攰啦...都係要嚟一個大休息.