早兩個星期已經好想去游水,但係一直都冇機會去,今日放咗工,返到屋企,忽然有個衝動想去游水,於是無啦啦,一個人走咗去會所的泳池游水.
去到樓下,嘩~有兩個救生員打緊NDSL,睇佢地好似發咗成日霉.真係好可憐.
我先游咗一百下蛙式做熱身,抖一陣再游多一百下蛙式.又游兩次自由式,加一次背泳,不過因為捉不到距離,所以游到一半就收手,仰天游水真係好寫意呀.呢個時段真係好,得我一個人落水游.兩個救生員埋邊打機,可以不理.
之後我就不斷游,游咗三百下蛙式,足足游咗45分鐘先走.如果以33-35下蛙式游一個直池,我都總共游咗14-15個直池,真係"夠皮"啦.
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
4 則留言:
家姐~~ 早知你會有咁 ge 衝動.. 我又黎游啦~~
琴日我都想游.. 但係去左射一百個三分..
今日可能去游..
咁下次一齊游呀!
珮兒話要你教佢游水喎,不過係入我度游,但如果你果邊都得,我相信佢都會去架!!
如果去我果邊就近d,不過個池就細d.我冇所謂呀.可以試下一齊玩下呀.
發佈留言