史上最無聊的網上遊戲

今朝Henry send咗個bubblewrap 堪稱 "史上最無聊的網上遊戲" ...完全同意..
不過有好多人都真係好鍾意呢d真的bubblewrap,好似我哋上次去咗一間五金舖買面鏡,一攞出黎,個老闆娘就係咁"啪"係咁"啪",喂呀姐...我哋要攞走架,你"啪"哂,咁保乜鬼護呀!

唉,最慘就係我外甥女瑩瑩,學足三家姐(佢mammy)咁有呢個"陋習",見到呢d bubblewrap,包住乜嘢都唔理啦.呢個都算啦...至少無傷大雅....
不過另一個陋習就...唉...上次四家姐要幫我剪髮,瑩瑩又黎咗家企喎,我怕佢悶,就比套"龍珠"VCD佢睇啦.我只係將個盒放响個電視櫃啫.點知瑩瑩見到,有條"沿著撕開"的包裝紙條黏住個紙外套,佢好順手就咁沿著撕爛咗我個套....6_<~~~我又點救得切呀.
我敢肯定瑩瑩係有呢鋪癮既...因為佢問都冇問就做嘞...