今日見到二家姐

一朝早,二家姐就打電話畀我,話依家出去驗身,順便下晝同我食lunch,我當然一口答應啦...
二家姐仲話可以幫我準備主車花球公仔,都不之幾好.我太懶啦,好多事都應該自己打點,但就成日靠其他人.好彩有咁多好關心我的人幫我手咋.

Lunch 好少唔同同事一齊食,但就連續上星期五同阿Lib,星期一同樺爾,今日星期二同二家姐都冇一齊食.
我就帶咗二家姐去 "Eimlie" (好似係咁串呱...係一間基督教的人開的茶敍間.)
入到去,見到都冇乜人,最啱我哋想慢慢傾的人啦.d餐選擇唔多.而且lunch算貴啦. ~$50 each.
不過係用錢嚟買個清靜的環境吧.

二家姐可能仲未改做老師的職業病...其實係好掛住我呱?我哋有好多嘢係咁講係咁講,好開心...其實我都係第一次咁樣同二家姐兩個人食飯咋.

我會好好記住同參考你的建議同經驗, 有時間我會去讀讀"男女大不同",煮得清淡一d,健康d...不過我學媽媽的煮法己經習慣咗佢味道啦...不竟如果可以煮到媽媽的一半功力,我都好開心啦.
唔知你同唔同意,其實唔要求要有山珍海味,但經常清清淡淡就可能會枯燥乏味,我都希望做到味道可以點綴生活,變得精彩...哈哈,妙想天開...人家肯吃你的嘢都好啦...