打機有罪 遊戲無理

記得以前的遊戲很簡單, 只有一些多邊形和線條, 但玩起上來卻一點也不乏味. 而今, 遊戲畫面美倫美奐, 個個效果震撼動人, 可惜多數是綉花枕頭一包草, 初時為它靚麗的外表所吸引, 不久便會被其空洞的內容, 脆弱的系統, 和極低的耐玩性而將其封印...

以上句子, 除了透露了我的年齡外, 也表現出我是一個Player, 呵呵, 除此之外, 還會被冠上"不務正業, 虛耗光陰, 玩物喪志"等等頭銜~~ 不止不止, 我好打機, 亦好象戲, 更是罪加一等!!

棋海中浮沉十數載, 令我的性格變得十分固執, 很多時候被人殺得大勢已去, 偏偏又不肯投降, 負隅頑抗, 而其中又偏偏屢屢能扭轉局勢, 變天成功, 此惡劣根性更被我帶進生活中, 各棋迷宜愼之, 戒之...

我好玩策略遊戲(SLG), 甚麼三國水滸, 太平記義經傳, 大戰略, 銀英傳, 甚麼中國的, 日本的, 西方的, 甚至科幻的都樂此不疲, 更甚者對所有歷史小說發生興趣, 導致更多的時間被浪費... 可惜, 可惜~~

我好玩角色扮演遊戲(RPG), 一時是屠龍的勇士, 一時是魔物獵人, 一時是中世紀的魔法使, 玩這些遊戲無不需要大量時間去閱讀及理解滿屏幕的文字, 腦中盡是一些稀奇古怪的東西和主意~~ 可怕, 可怕~~

我好玩動作(ACT)和射擊(STG)遊戲, ACT除了要冷靜外, 對於時機的把握能力也要掌握得很好, 而STG在開火的同時, 躲避槍林彈雨的同時, 又要吃到寶物, 於是乎, 養成了鑽空子和投機兩大劣性, 可悲, 可悲~~

打機遊戲後患無窮, 又豈是一時半刻能夠盡列, 作為過來人, 奉勸大家一句, 千萬不要重蹈覆轍~~ 否則後果自負!!

我又發怪夢啦

唔知係唔係生活節奏改變咗,呢排成日發怪夢,再咁落去,睇怕要改名為"66之夢幻世界"又或者"66荒誕奇想"喇.~~鬼叫我叫"荒誕奇"咩.
今朝又夢到媽媽,爸爸,又好似係關於一齊出去食嘢...今朝趕時間,冇好好地memory recall,又唔記得咗,有時間再慢慢記返起,都唔知係點啦.....
發夢 發夢 發夢 ...夢夢夢...
又閃過呢首李克勤的舊歌-濃情一秒:

不理一夢還是一宵 一覺醒來仍然心跳...誰像我的方式

......永遠地忘掉了

好好聽架...應該可以入我的三十大克勤超精選碟...太多好歌都唔知揀邊首好!

濃情一秒 李克勤 想聽呢首歌,按這裡再按上面Play掣

曲:曾思銘 詞:向雪懷 編:Billy
許多的改變 現在盼你知道
活在不知所措感情時候
我自己知道 昨日愛是不夠
每次遇誘惑 每次望你時
到最後發現能令你開心才重要
* 不理一日 還是一朝
深愛一時 情濃一秒
我會造一切 去換你這麼一笑 *
# 不理一夢 還是一宵
一覺醒來 仍然心跳
誰像我的方式對你熱情未了 #
今天只需要 伴著你多一秒
未讓不可失去的人溜掉
我自己知道 昨日愛是不夠
每次遇誘惑 每次望你時
到最後發現能令你開心才重要 Repeat * # #
不理一日 還是一朝
深愛一時 情濃一秒
溫馨的一句 發現愛多少
Repeat #
誰像我的方式對你熱情未了

今朝發完夢好迷惘

一朝早,唔知邊鬼個,8:xx就打電話嚟(哈,應該唔會係你哋邊個呱?!),我哋屋企的電話啱啱轉咗電話鈴聲,但係又冇乜點收到電話喎,所以都唔係好認得個鈴聲.有電話打嚟,我同樺爾都仲係迷迷糊糊咁嚮度諗究竟邊度發出d咁既聲,仲以為係手機鬧鐘添.到我哋終於知到係屋企電話嚮,樺爾出到廳,個電話都收咗線啦!我同樺爾都唔駛返工,諗住瞓耐d都會畀人咁樣吵醒,真係冇計.繼續覺覺豬先.
奇就奇在,個電話竟然又融入我的夢裏面,我哋繼續瞓,我就夢到 Kennis 佢嚟咗我屋企,見到佢個樣,真係嚇一跳,佢好似成個外國人咁,身穿好似十七世紀西古時代的純白色長裙,金色的頭髮,白白的臉,連眼眉毛都係金色既.望吓佢,原來佢大咗肚,嘩有咗BB呀!好開心呀~~但係我哋又唔似好耐冇見咁,就好似佢同我係住隔蘺左右咁.我就問佢,做乜唔打電話搵先?佢話有呀,頭先嚮咗好耐都冇人聽電話.夢裏面的我就諗,哦~原來頭先的電話係你~~唔知點解無啦啦,我個夢就好似交代咗,我同樺爾啱啱知道我都有咗BB...唏~呢排做乜鬼成日發d咁既夢架...唔通我....潛意識裏真係好想有個BB...??!!!唔...真係唔知乜嘢夢...
跟住又輪到我的手機鬧鐘響啦.醒咗都仲係好迷惘.好想記低夢到 Kennis 的模樣,真係幾得意.唔知佢點呢??

9 月 19 日 陰/晴/雨

今日係"追月",呢排成日都落雨,就算有太陽都係出吓唔出吓, 好想有好天呀~~呢首歌成日掛嚮嘴邊,樺爾問我點解成日都唱呢首歌?因為我唱嚟唱去都係Loop緊,呢首歌的歌詞都幾"騎呢"又好難記,唔認記憶力衰退都唔得啦,以前我聽歌,唔駛對住歌詞,聽幾次都識背.依家對住歌詞唱幾次都背唔到啦.
呢首歌幾得意,好鍾意Bold咗的幾句,但係italic的就怪怪哋...
聽吓呢首歌會有 d 好奇怪的心情.就好似一種開心與唔開心之間,分離同唔分離,失落又唔發霉既感覺,唔知有冇人都好似我感受的一樣呢,可能個作曲+填詞的陳羽恆都畀我激死!
"景致像無聊漫畫"...令我諗起以前大家姐買過一本"義犬報恩(1)".果本彩色漫畫,裏面描繪的場景的確十分過份之細膩,就好似一個大草原咁,佢就有成十幾幅大大小小的圖畫再加上"呼~~","颯~~"咁樣的旁述,個主角...隻狗都未出場,就揭咗廿頁啦,嘩你估你畫緊"揭頁漫畫"咩.之後我哋就同大家姐講都係買VCD好過啦,咁"坤水"的漫畫,"景致像無聊漫畫"...可能陳羽恆都睇咗"義犬報恩"都唔定喇.

16月6日 晴 陳奕迅 想聽呢首歌,按這裡再按上面Play掣
作曲:陳羽恆 l 填詞:陳羽恆l 編曲：adrian chanl 監製： Alvin leong

Programming/guitar :Adrian chan/ violins: gallant ho ka chun/Daniel chan / viola : cass ho ka sin/ cello: Justin at innotion /bg vocal : eason chan /strings: arranged by Adrian at sense/ Justin at innovation/ recorded by david sum/gary　kum 亞祥 at avon studio /mixed by Frankie hung at avon studio

別了她沒有家還要問我可真睇化 運氣差臉上帶暗啞
行為仍然很高雅不敢有淚灑 然而旁人仍在說笑話
日記中述記低和她那天一起卜卦 又記寫曾經與她家裡插花
章節裡面有很多的戲碼 今天翻看了仍舊照哭淚仍照下

道別了她心碎像似亂麻 再妄想可以親她一下
但沒法可將片段再捏拿 獨對手機中那號碼像發夢如天將塌下
人呆立如傻瓜 自問太蠢不會學懂欺詐 悔咎將口舌打結如麻
萬料也想不到笨也換來 痛罵嗎

沒接她沒送花還說道理將她點化 沒有講 說話去哄她
獨自在自貶身價 真的快樂嗎 在自問同時自答 廢話
日記中又記低曾經與她海邊吵架 為了無聊浪漫海邊去鋸扒
章節裡面有很多的變化 今天番看了 仍舊照哭淚仍照下

道別了她心碎像似亂麻 再妄想可以親她一下
但沒法可將片段再捏拿 送遞情深的說話
縱耀眼如畫 景致像無聊漫畫 印象如此的差
揭露我的瘡疤 困惑如小青蛙 可稱霸

道別了心碎像似亂麻 仍然沒法強裝瀟灑
發夢也無暇 驚怕 沒辦法將片段再捏拿
赤痛心裡打結如麻 像沒法可以在這年華 拋卻牽掛
一切在等火化 如像似落霞 等消化 算吧

呢排終於有心機做野啦

見到我少咗嚮呢到吹水哩~其實呢排有多 d 心機做野啦,但係....工作的進展依舊地慢,而且有個難題,解來解去都唔明.......救命.

今晚四家姐打電話叫我訂枱食中秋節團年晏,我有神冇氣咁,唔知佢會唔會察覺呢...其實呢排樺爾病咗之後好似我都中咗招,呢幾日都冇好好哋抖...我病啦.....尋日地鐵度見到舊同事高Ben,本來想約吓下次食飯,睇嚟都係病好d先講啦.咳咳...

備忘: PS2火牛回收

【明報專訊】外電報道，一批於2004年8至12月生產的新力（Sony）家庭遊戲機Playstation 2（PS2）的火牛出現問題，可能有過熱的危險，在北美有兩人因此輕微燒傷。新力為此決定回收360萬部Playstation 2火牛。香港新力回應稱，無論是行貨還是水貨的香港用家，只要其Playstation火牛屬可能有問題的生產批號，新力均會免費更換，以策安全。

北美兩人輕微燒傷 香港可免費更換

不過新力強調，至今在香港區並未有用戶投訴因火牛過熱而出問題。另外今次可能出問題並可以免費更換的火牛，僅限於在2004年8至12月生產、型號（批號）為HP-AT048H03的產品。

新力指在北美已累積收到約40宗投訴，指Playstation 2火牛涉過熱或破損，法新社則指其中兩人報稱輕微燒傷。而受影響的360萬個火牛，有三分二是在歐洲隨Playstation 2主機出售，亞太區連日本則有27萬個火牛出問題。市民可即日起到新力香港服務中心換領火牛，地址為觀塘鴻圖道1號2樓202室，查詢電話為2389 3202。

...除此以外...

為了不想整頁都是籃球, 象棋和遊戲, 為了證明除了以上東西之外, 我還能寫出點甚麼來, 我按捺住繼續發表火箭新陣容和每日一局的衝動, 冒著抛身引磚的危險, 漠視冷嘲熱諷的結局... 讓我來看看... 有甚麼好寫的東西~~
嗯... 這樣吧, 等我來把我多年在兩岸網站瀏覧所學到的一些用詞來發表一下吧...
咳咳... 各位同學, 用心聽了喲~~

我想講的第一個字是... "牛"... 想不到吧? 各位! 牛除了作名詞用, 除了可以拿來練琴外, 牛還可以形容為很厲害, 很了不起... 呵呵... 怎樣? 收獲不小吧?

那接著呢? 牛之後就是... 馬... 呵呵... 哦不, 是"馬子", 這個名詞比較多人會用, 在此僅向不會用的同學們介紹一下... 馬子是甚麼? 它和廣東話中"你條菜"的菜子同解, 就是女朋友的意思... 呵呵... 而交女朋友除了可以用"泡妞"之外, 還可以說"把馬子"... 嘻嘻... 怎樣? 酷吧?

好了... 剛才提起廣東話中的菜, 又可以有怎樣的用法呢? 菜, 在廣東話中可用"渣"來代表... 比如說, 你很菜, 就是說你很差勁, 又如菜鳥, 就是指新手的意思...

除了一般的中文用詞, 有時候我們也會用一些字母來表意... 比如說TMD, 或者TNND... 詳解如下:
TMD: 助語詞, 主要用法是用來加強語氣, 抒發情感... 例, 呀! 那小子真TMD牛啊!!
TNND: TMD的近義詞, 用法类同, 在多数人用TMD的時候, 試一下用TNND, 實用又不落俗套, 包您滿意!!

以下的幾個字可能大家都用過: MM, GG, JJ, DD, 就是美眉(妹妹), 哥哥, 姐姐, 弟弟的意思...

好了... 今天的課到此為止... 有甚麼不明白的地方, 歡迎提問~~ 881~~

Do you think this one is ugly?

今日終於都要改個product image,改極都唔係幾好...就問吓樺爾的意見,點知佢話收唔到...把幾火就post嚮呢度...你話係唔係好核突呢?

棋局, 不好者勿入...

最近下的一局棋, 雖然勝出, 感覺棋力衰退, 精神難以集中...

1. 馬二進三 象７進５ 2. 炮二平一 馬８進６
3. 車一平二 卒７進１ 4. 兵七進一 車９平７
5. 馬八進七 卒７進１ 6. 兵三進一 車７進５
7. 車九進一 馬２進１ 8. 車九平四 馬６進７
9. 炮一進四 炮８平９ 10. 車二進六 炮２平３
11. 炮一平三 車１平２ 12. 炮八退一 車７進２
13. 馬七進六 車７進２ 14. 馬六進五 炮３退１
15. 馬五進三 士４進５ 16. 馬三進五 車７退６
17. 車二平三 士６進５ 18. 炮八平六 炮９平６
19. 炮六進五 卒３進１ 20. 兵七進一 炮３進８
21. 仕六進五 炮３平１ 22. 帥五平六 車２進９
23. 帥六進一 炮１退１ 24. 車四進二 車２退３
25. 仕五進六 車２進２ 26. 帥六退一 車２平８
27. 炮六平五 將５平４ 28. 兵五進一 炮１平２
29. 車四平六 將４平５ 30. 車三進三 炮６退２
31. 兵七平八 馬１退３ 32. 仕六退五

NBA Live 2005 火箭陣容

C Yao Ming
C/PF A. Mourning
C/PF Mutombo
C Dalembert
PF Karl Marlone
PF Brian Skinner
SF T-Mac
SF R. White
SF Simmons
SG Reggie Miller
SG David Wesley
SG Jon Barry
PG Gibert Arenes
PG Sura

嫌太過豪華, 正想將Mourning, Marlone Mutombo, Mourning, Miller等交易... 可憐Marlone同Miller 冇乜人要, 計劃將Mourning 等一齊打包送出. 希望能得到Barbosa, Clark, S. Hunter, 實用又平... 育成方面, 已浪費2000Point在Skinner身上... 效用不大...

呢個人可以影到大頭克勤,基仔仲有王菲!

我 d 同事個個對相機都有一定興趣同認識,又成日講起邊支鏡點點點,呢排有兩個同事又加入行列買新鏡,我都想幫四家姐睇吓有冇好嘢.上網就睇吓呢個site,心血來潮就望吓呢個網主的相簿, click 落真係唔簡單,佢 d 相好專業,難怪佢對鏡頭咁有認識.

呢個人可以影到大頭克勤,古巨基,仲有王菲!好羨慕呀!四家姐,買啦,買啦!

返完屋企叉電再返屋企打機機睇電視

今日做到冇乜癮返完屋企叉電再返屋企打機機睇電視
9/9 應該係時候Express一吓,呢個係後補既日記:
今日做copy and paste 做到冇乜瘾,樺爾又話要同個韓國佬食晚飯,我本來想返屋企自己食,點知四家姐打電話畀我話阿dee返屋企,咁我又返媽媽度啦.叉吓電,人都開心d...
9/11後後補日記:
今日好齊人,仲齊人過我未嫁前,唔係四家姐OT,就係阿dee 未返,再唔係就我唔嚮屋企.今日同爸爸媽媽五個一齊同枱食飯,媽媽忽然話,我好似仲未嫁咁.我就話,咪當之前發咗一場夢咁...奇怪,其實我成日返屋企食...但係以前成日先後各自食而已.
唔知點解,忽然覺得自己好似大個咗.好似已經獨立起來...但係心歸的性格始終不變.
因為我哋成日都一齊行動,再唔係就係我同 Kathy 或同事一齊之後自己返屋企,所以今日係結婚以來第一次各自去不同的地方但係又再相約嚮地鐵站等完後一齊返屋企,個感覺有 d 特別...相約返屋企.
返到屋企其實好攰,但係又想一齊玩一陣NBA,今日要對決的隊伍係我哋認為嚮PS2版最難對付的一隊:山貓隊.

7_7 一定會話:唔係呀嘛?!

冇講錯,原因有四:
(1) 客場
(2) 姚明嚮第一節早段 Injured
(3) Mourning 代姚明落場即刻又 Injured
(4) 丹丹的浪射三分唔準........G_G: 呢個個問題一早就出現啦.

半場落後廿六分...第三節一追得近 d 電腦又屈我哋...第三節尾段追剩幾分又再拋離我哋,樺爾今日傷風,其實好攰,所以比平時急躁,見到我又Turnover...我就好怕好怕,佢又冇話乜,但係都有 d 半放棄狀態咁.第三節完都仲有廿分距離,我就講笑話,可能有奇蹟出現呢...咁忽然間大家的三分都好鬼準, Miller 同 T Mac 都 on fire,我哋追到兩分距離又再被拋離...我哋自從知道邊個掣係 International foul, 臨尾追分就可以有多 d 把握啦,仲有一分鐘到,我哋就係咁用,電腦的罰球成日中,但係我哋的三分勁準,樺爾 last second 射入咗個三分,冇仇報...hehe 98-99,意外地反超前!

打完好開心,睇埋個<<尋秦記>>大結局,終於可以有覺好瞓.吓...<<刑事偵緝檔案>>喎...我之前冇睇但係好想睇的一套戲,咁又要多幾多個星期冇覺好瞓?

Mickey 手機真係靚

嘩!近排出呢部 Mickey 手機真係靚,搞到我都想買返一部添,不過就係嫌佢冇得插 memory 咭.Mabel應該鍾意到暈喇.可惜我冇人工加,如果唔係,豪一次當廿年分期送俾佢我都願呀.

終於都做 Appraisal 啦

今日終於都到我做 Appraisal 啦,之前見到同事一日一個咁入去Annie房,都知就嚟輪到我啦.有心理準備得嚟,又其實冇準備過要同Kenny & Annie 講乜.自從入呢間公司,第一年做過之後,呢次係第二次,亦係我呢生人第二次.
如常匯報一年的情況同進展,進展?有咩?! 個 Website 講咗幾年都係未完成喎...都唔知可以講乜.都係一d maintenance 的工作.唉,講到呢個 Website, 對咗咁多年,乜都夠啦,好想有新氣象,好想有新方法.呢幾年on and off 都開過好多次工,個"郎"改過N次都未出過街.又冇一次完成,就又做其他Project,做第二個project 永遠都係 1st priority,皆因呢個只係一個唔係賺錢的Corporate Website,投放的資源只係Annie 同我,改到嚟個 market 都轉咗.我又好不自量力咁成日要試新嘢,一時又XML,一時又 CSS,Annie 又冇話要靚,佢成日話"靚靚哋,唔駛咁多圖",唉,要知道,冇圖但係靚靚哋,仲難過用多 d 圖.不竟我又唔係 Designer.可能,放手俾人搞仲好...
其實 Annie 同 Kenny 都好客氣, 一句鬧人的說話都唔會講,如果畀著係我,我真係問:"喂,你仲要吞幾耐Pork先做嘢?!"我成日甩期,佢哋又唔會催我,咁我又再斷斷續續咁醉心於我的改革喇.如是者其實成日Loop,因為我的革命尚未成功,但係新 project 新 idea 又來了.我都曾經問過樺爾有冇好 d 的方法呢?佢就會話我咁做法就成世都唔駛launch 6_-,因為我冇同Annie 講個期,話改就改,可能永遠都係改緊.唔可能成日話改就改,有時真係要撐吓,或者同佢講分Phase.咁又係啱既....
分 phase 係好,但係做 Website 一起就成個起,至少d料要有齊大部份先好,但係,我要同Annie一齊做,畀佢一個易改的方法佢 start from scratch,但係又一改要一吓子改得快同改得哂,都真係談何容易.
就係咁我先會用XML/XSLT 啦,你講改個menu,改囉.你話個色唔好,全部改囉,加料唔通唔畀加?冇可能架.其實Annie要改的嘢我都想改,都係客觀性的改動,你冇法子叫你老細唔改架?

一問到個兩年內 Target 既 Title 真係口都啞,我個神枱 Title 上一級係乜呀? 真係十年都仲係咁啦.好彩Annie話第時我做好個Website,佢可以畀返個名份我...等我可以唔駛揹個Web揹一世喎.
講起我哋可能可以掂吓Flash都真係幾吸引我呢個成日掛住玩的人...唔知有冇機會呢?
十年後的目標?唔係呀嘛,我有將來嗎?我真係想講句笑,將來就做少奶奶好了!

初時聽呢首<<葡萄成熟時>>都冇乜感覺,如果將呢種苦戀睇成我對我的工作的固執,呢首歌都可以對我有些少衝擊.bold咗既地方更甚...

葡萄成熟時 - 陳奕迅 想聽呢首歌,按這裡再按上面Play掣
作曲:Vincent chow /anfernee cheung 填詞:黃偉文 編曲：adrian chanl 監製：alvin leong

差不多冬至 一早一晚還是有雨
當初的堅持 現已令你很懷疑 很懷疑
你最尾等到 只有這枯枝

苦戀幾多次 悉心栽種全力灌注
所得竟不如 別個後輩收成時
這一次你真的很介意

* 但見旁人談情何引誘 問到何時葡萄先熟透
你要靜候 再靜候 就算失收 始終要守

# 日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開

一千種戀愛 一些需要情淚灌溉
枯毀的溫柔 在最後會長回來
錯的愛 乃必經的配菜

repeat * #

想想天的一邊 亦有個某某 在等候
一心只等葡萄熟透 嚐杯酒

別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒
仍可一醉自救 誰都心酸過 那個沒有