決定

又一晚啦...


晚晚再係咁咳,遲早都病死.唔到你早d休息,日抖好似好好哋咁,一瞓就想咳,十足十樺爾之前的病徵.就算瞓著咗,都好似唔係進入睡眠狀態.之後又再咳醒.最慘係瞓咗好似冇瞓過.


噚日有個Client以為我哋的System有問題,搞咗我哋成日,所以今日都仲要Standby,所以唔夠瞓都要返工,都唔敢請假,怕有d乜事的時候會畀人話.


今日仲要因為"狂羞人"好趕急咁要張SSL Cert,今日唔做Document,就做唔切.我又點敢唔返,畀位佢入呀.


今日我終於都聽話,死死氣氣睇醫生,上網搵咗一輪,終於決定咗果間診所.因為樺爾公司有醫療保障,我第一次用佢的醫療咭,感覺怪怪哋咁...唔駛畀錢,連張單寫幾多錢都唔知.


不過食咗d藥,好似真係咳少咗.但係醫生話有隻藥可以幫我瞓覺時氣管可以舒服d咁,不過就好似冇乜用.


病到"溫溫燉燉",本來就唔應該西圍走,但係今晚有個Seminar,講樺爾想讀的一個PMP course,讀完再考試.


(PMP係乜? - Project Management Professional,係由PMI呢間美國管理學會認可的PM尊業資格)
有興趣就睇呢個網站啦:
http://www.pmi.org/info/default.asp


其實我的Career Path,同樺爾唔係好同.但係呢個course好適合唔同人讀,只要你係做緊Project既,都可以讀呢個Course.至於考唔考,讀咗先算啦,通常讀咗,冇理由唔考架.


聽完Bobby Ho講嘢,唔睇佢銜頭都知係有料之人,所謂聽君一席話,勝讀十年書,希望佢真係可以分享到PM的技巧啦.


唔知呢個決定,係啱定唔啱呢.六月中開始的八個星期六,我都要上堂啦.每星期少咗個Family Day得嚟又要讀書.希望真係有用啦.