一朝早,唔知邊鬼個,8:xx就打電話嚟(哈,應該唔會係你哋邊個呱?!),我哋屋企的電話啱啱轉咗電話鈴聲,但係又冇乜點收到電話喎,所以都唔係好認得個鈴聲.有電話打嚟,我同樺爾都仲係迷迷糊糊咁嚮度諗究竟邊度發出d咁既聲,仲以為係手機鬧鐘添.到我哋終於知到係屋企電話嚮,樺爾出到廳,個電話都收咗線啦!我同樺爾都唔駛返工,諗住瞓耐d都會畀人咁樣吵醒,真係冇計.繼續覺覺豬先.
奇就奇在,個電話竟然又融入我的夢裏面,我哋繼續瞓,我就夢到 Kennis 佢嚟咗我屋企,見到佢個樣,真係嚇一跳,佢好似成個外國人咁,身穿好似十七世紀西古時代的純白色長裙,金色的頭髮,白白的臉,連眼眉毛都係金色既.望吓佢,原來佢大咗肚,嘩有咗BB呀!好開心呀~~但係我哋又唔似好耐冇見咁,就好似佢同我係住隔蘺左右咁.我就問佢,做乜唔打電話搵先?佢話有呀,頭先嚮咗好耐都冇人聽電話.夢裏面的我就諗,哦~原來頭先的電話係你~~唔知點解無啦啦,我個夢就好似交代咗,我同樺爾啱啱知道我都有咗BB...唏~呢排做乜鬼成日發d咁既夢架...唔通我....潛意識裏真係好想有個BB...??!!!唔...真係唔知乜嘢夢...
跟住又輪到我的手機鬧鐘響啦.醒咗都仲係好迷惘.好想記低夢到 Kennis 的模樣,真係幾得意.唔知佢點呢??
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
4 則留言:
"我同樺爾啱啱知道我都有咗BB...唏~呢排做乜鬼成日發d咁既夢架...唔通我....潛意識裏真係好想有個BB...??!!!".......??????what are u talking about ar.....u have baby or kennis in your dream have a baby ar...????????
all know u two want baby la, just go for it....hurry la...haha.
夢裏面,係kennis有之餘,我都有...6_0!
喂,我啱啱post出嚟你就見到,好快手喎?!
of course la.....i hope u have a baby soon not in the dream only......yeah....yeah...yeah
唔....雖然我成日夢到,但係就似係因恐懼而發夢多d,都係唔好咁快好d,我諗我都係唔好成日提起啦...如果唔係好似我"發仔寒"咁.
發佈留言