呢幾個星期日都要由下午上堂上到晚上,上多幾堂真係幾辛苦.早幾次重搞到胃痛.好彩呢兩次有你陪我食下午茶,所以呢兩次先冇胃痛啦.
相識咁耐都係呢兩次有單獨傾計的機會,可能我都係習慣一對一傾計啦,有時多一兩個人,講的話題都係好大圍一齊講得的野,所以當一對一的時候,就可以講多d切身d的話題.傾落,我反而覺得太理智可能令感性的人都變得太冷靜.有時候等待未知的未來都是一種折磨,有d事唔可以不變應萬變,因為人生要經歷的事實在太多,唔到你唔爭取時間...哈哈,講乜?都係唔好講咁多啦,希望你唔會覺得我太八掛啦. (少少咁都係真架.)
半年前嚮三家姐屋企,同三家姐&姐夫一齊睇咗呢套戲"藉著雨點說愛你",佢地話呢對男女主角拍完呢套戲就結咗婚啦.因為佢地認為人生苦短,想去做的事,就唔好遲疑,因為冇辦法控制下一秒的事.錯失的機會無可能好似戲劇咁爭取返來.其實睇完呢套戲,我都領略唔到呢套戲的重點,因為呢套戲天馬行空的情節太常見,不過都會令我有少少感動.
http://hk.movies.yahoo.com/050302/32/19y10.html/
5 則留言:
估唔到呢兩次令你兩個有機會傾密計，真係唔好意思啦，無陪你食ｔｅａ添！！！下次再陪你呀！！！其實我下次去會唔會阻住你地傾計呢？？嘻嘻嘻！
乜咁講呢...
好多謝妳的關心。可能如你所講：我有少少「賭」氣啦! 其實，我並不是因太理智而變得太冷靜。我亦都有激動過，可能知道這件事太久，有好多時間去用不同的角度去睇這件事吧! 亦可能已催眠佐自己要冷靜d面對吧。其實，現在有時我都仲有情緒波動，但都要自己好好overcome。
冇錯! Mabel係阻住我o地呀! 所以，今個星期日我係唔會出現的。(講笑吧!) 但我就真的不能出現，因我表哥由美國返來香港，我o地要陪佢遊覽，可能會去離島。我已改上今個星期四晚了。本來諗住話聲俾你o地知，睇o下可唔可以一齊轉，但IPA o果到話星期四晚得2個位。所以，唯有自己改時間啦! 今個禮拜就等你o地兩個談o下心事啦!
哈哈,上完堂都仲可以再約出嚟架嘛...同學仔.
其實係咪有關博士呢？？？係咪佢又要走啦？定係咩呢？？？同學仔話我知啦！！！
咁星期日就得我同丹丹撐枱腳，都好呀！丹丹講得岩，我地上完堂可以約出來，１１月又得１２月又得，我地又係時候一齊食飯啦！
發佈留言