最後一舞

今朝七點,有個電話Call樺爾,Earma由上海返來啦~~其實聽樺爾講電話,就知係邊個啦.


就係因為咁,我哋今日打破咗連月嚟的"常規",冇返我媽媽度,又冇留嚮屋企度,走咗去"拍拖"...好耐冇咁做過啦.


出到去青衣,其實係想睇吓阿聰講的Jacob貓有幾大隻,如果啱的就買畀瑩瑩.點知真係一如所料,同樣的Size旺角兆萬都係$360但係青衣的美亞就$420.之前阿聰都講過分分鐘仲貴.果真如此.唉,仲要係中Size咋.真係買唔落手.


諗住食好d啦,去睇咗幾間,都唔知食乜好,見到阿拉麵館,香棘屋等等,好似都唔係好想食,見到有間一睇就知"略水"的法國餐廳,唔想入去畀佢呃,最後始終都去咗法國餐廳...隔離的Spaghetti House!


唔知係唔係黑仔,有冷氣唔嘆,走咗去對住個海墳景的露天吸煙區度食喎!其實入去果時冇乜人吸煙,點知入到去先知...唉....


有個女仔睇落都幾靚女架,不過身邊坐住的男仔就未停過咁吸煙,仲要個女仔餵佢食"殘廢餐"喎...真係戥個女仔唔值...不過...又關我乜事先得架.我只係因為佢食煙不停口先留意到佢哋啫.


食到好飽,行行吓就去咗玩具反斗城,仲忍唔住買咗兩個公仔添...唔知佢哋會唔會鍾意呢??不過呢,要好耐先送得.又要搵"掟"放啦.


今日本來想買風筒,不過又遇到態度差的Sales,唔想搵佢買.


返咗屋企,同媽媽傾一陣電話,再出去食晚飯,走囉.返屋企啦.唔...係因為攰,還是???腳步好似慢過平日好多.現在快樂告別...告一段落啦...不過....其實只係幾日啫.


唔好咁唔開心啦,佢可以平安返嚟就好啦.


見到Earma返嚟,佢好似精神咗,開心咗.仲有一d好"特別"的手信畀我娘家的女士們添...係乜?聽日你就知~


我依家,最怕就係我的咳聲"驚動"到佢老人家,令佢又搵d新奇的食物聊表心意.唔要又唔好意思.要就...咳咳咳..算啦.其實我都唔係太辛苦架啫.


最後一舞 古巨基


世界快要揮手 到了最後盡頭
牆上大鐘得一圈去走
天空的星星通通給咀咒
心中的天使不拯救
沒處可走 日月亦要彌留

我再看過去今天 過去了數個十年
從來讓感覺收心裏邊
天崩的一刻應該需改變
心中的聲音聽得見
來吧這天 再挽手多一遍

來吧共抱 來吧共舞
就算已沒法終老
不再哭訴 我已知道
紅著眼共最終一舞
來吧共抱 來吧共舞
來吧看地老天荒
天將我們懷抱
來看著地球 枯毀了 心不了
(來山崩海嘯 也共你一起共舞)