又驚又喜

重重覆覆改咗個版面十次大改,由一數到十,細改a數到g,由返去再改.唔知聽日,下個月又有乜新意念喇.我改唔緊要,你唔好話我Delay就得啦!我唔想三個月又三個月....三年前又係咁,依加都仲未諗掂.喂我想出一次先啫,咁都唔得?!Deadline 啦...


唔講呢d啦,好在放工約咗啱啱度蜜月返嚟冇耐的Kathy,去咗新開的California Pizza Kitchen食咗個Pizza同沙律,OK啦.

話題主要都係新婚愉快嗎....驚喜嘢咁啦...真係好,有成個月休息.正!不過,要同老公暫別幾個月....九月先正式一齊.唔怪得仲係改唔到口,成日講"男朋友"的嘢啦.要學吓改口啦.


有一段難忘的小插曲真係幾得意架.有驚無險都好.以後你哋都有一個好難忘又開心的經歷,最難得就係可以搵到一個咁開朗豁達的老公,真係好啦.


聽到你講的新婚經過同經歷,真係想用一句教咗樺爾講的潮州話同你講啦:wa gai le hwarn he (我為你歡喜)意思即係我戥你高興咁解呀.


(啱啱睇新聞,大陸有對新人婚宴時有親友向佢哋噴彩帶噴霧,因為磨擦生火,男的頭臉被燒傷,女的胸口燒傷.婚宴都搞唔成,真係大鑊)


唔知係唔係因為去完北京,生活習慣又改變咗,一時唔係咁適應呢,係食咗"冬蟲夏草"的關係呀...定係乜呢?呢幾日好似有d改變呢...