Fairewell Annie & Welcome SL

今日去咗將軍澳的一個青年營(獅子會-青年會將軍澳青年營)燒烤,因為同Annie Fairwell,舊同都出席,有d仲楂車嚟添.


雖然我好唔捨得Annie,但係因為我唔係咁識講嘢,畀咗份小禮物畀佢,影咗相,同佢傾過一陣計,就已經冇乜同佢講嘢.


我唔係咁好燒烤,食咗少少嘢,大部份時間都唔係燒烤,而係同Kenny個仔,個女玩.Kenny個仔已經七八歲,佢識打少少乒乓球,打打吓又怕佢會好悶,所以耐不耐就畀一招勁的佢嘆吓,咁佢同我先玩到成半個鐘.


點知佢一見有其他哥哥同佢玩,佢就講:"我唔想同你玩呀,我想同哥哥玩" .......-_- 靚仔真係冇良心架!


點知佢玩咗一陣,d哥哥同佢玩咗一陣又唔玩啦,返嚟叫返我同佢打,哼...真係"勢係假"!我嬲嬲呀...要佢"naig"返我先同佢再玩.


Kenny兩歲幾的囡囡成日唱英文字母歌,佢仲成日拋嘢落地,我見到都只係執起佢啦,但係佢就會間唔仲又繼續拋,唉...我真係唔知點教d小朋友.點知Philip老婆就同BB女講:"你要講對唔住啦,唔准咁樣拋架,如果唔係就唔畀玩!"咁BB女就乖返啦.
哈...原來"揍細路"真係有技巧架.Philip老婆應該都Ready做媽媽啦!


呢個燒烤場地真係唔錯,有專人教射箭,有乒乓球打,有K唱,仲有羽毛球等等.食物OK,仲有調味同錫紙供應,有兩種飲品:利賓納同西洋菜蜜揀,都幾好飲.唔啱飲就可以買水機的飲品添.價錢又平宜,每位$80!真係好啱一家大細去玩大半日都得架.

有興趣入呢個網址睇吓啦:
http://www.lcsd.gov.hk/camp/b5/p_ng_junkbay.php