又嚟唱K

放假呢,四家姐就會想同我去唱K,更加想同阿Dee去唱,因為阿Dee唔唱K,好少聽到佢唱歌.


(哈,你估係我咩,日唱夜唱.屋企少咗我,少咗好多聲響.... 四家姐&阿Dee:係嘈音先啱!)


所以今日又想叫大家姐,大姐夫唱,三家姐又唔得閒添.


其實大家姐今日唔係好想唱歌,可能呢排冇乜好歌啱佢唱,佢又唔係好得閒,冇乜閒心去唱,搞到好似逼咗佢去嚟添.下次都係問清楚先叫佢出嚟啦.


其實我好似又唱咗好多歌,媽媽都話我唱到聲沙,佢話要好似克勤咁唱都唔聲沙先好,其實佢唔知,我一次唱K肯定唱得多過克勤開演唱會的歌.佢只不過唱三十首左右,我夾夾埋埋唱四十首有多.因為我不停唱...不停唱.又要伴四家姐,阿Dee,媽媽...樺爾唱,不知幾忙.(哈...當然唱得多都唔代表夠氣唱得好....)


今日算做第一次一個人唱Janice的歌...都真係幾難唱得好.下次都係唔好獻醜啦.


(呀...唔知幾時可以同Kathy唱吓啦....今日唱"園遊會"都係唱到一塌糊塗.希望可以嚮佢走之前同佢唱次耐的...哈哈~~~~~~~)