今朝好似好凍咁,唔想起身,但係公司又好多嘢要做,都係死死氣氣起身返工.
今日唔記得帶電話.唔知係唔係要帶好多禮物嚮身,硬係漏咗d.
今日樺爾肚仔痛,唔知係唔係佢之前一晚自己去灣仔食咗d唔乾淨的米線啦.今日冇返工.所以佢知道有人搵過我囉.
我一估就估到係Mabel,好嘢!以後有個電子琴寄養嚮媽媽度,不過其實返媽媽度通常都冇乜時間可以坐定定,唔知可唔可以畀心機學彈琴呢?
今日放工仲去打網球,其實之前打過好多次,但係都係打得唔好.有時好想放棄唔打.因為一齊打,硬係唔敢去追波,追同唔追之間,就算追到追唔到都好攰架.但係咁樣出一身汗之後,返到屋企都唔怕凍.都幾好架.
或者該說一說"6年零6個月"吧.我是在家中排行第六的,我的Nickname都是6_6 或 66.剛巧我和他都喜歡6.因此就當是我們的Lucky Number啦.於是在6個月前定下婚約時,就選了6年零6個月的拍拖紀念日了. ~~ 2005/06/06 Dunkey6_6
6 則留言:
你同樺爾都要保重身體呀,唔好病呀!,你都可以得間去我屋企彈琴呀,重有呀,幾時得閒食飯,我想多D見你同Barry呀...
樺爾好返架啦.我會多d做運動啦.仲有我每晚都會做一兩次"小念拳"呀.真係可以暖身架.
幾時食飯?你約我,我就出嚟架啦.
你真係每晚都會做一兩次"小念拳"..wow..好利害,師姐........我想我都要啦,因為而家係0運動law.....
係銅鑼灣食左個米線, 有芽菜, 酸菜, 腩肉, 牛腱, 炸醬同豬軟骨, 中辣... 流左約2毫升汗, 出左5分鐘煙, 塊面媲美豬紅...
然後, 第二日, 這些菜, 肉, 湯, 辣爭先恐后, 分批定時衝出體外...
...
食後感:
曾經有一碗勁辣米線擺在我的面前,
但係我冇浪費,
直到失去的時候才後悔莫及,
塵世間最痛苦的事莫過於此,
如果上天能再給我一次機會的話,
我會對我D同事說"轉竇罷",
如果非要在這餐廳享受一個晚餐,
我希望是..少D辣..
"爸爸" 呢D咁好味的野我岩喎,我都想食呀,正唔正呀,我係一名辣妹你呀,哈哈哈!
丹丹你要快D學琴啦,我等緊同你一齊彈克勤架,你要唔要D練手指的練習呀,我可以影比你,因為初級既書比左人啦.希望個琴你岩用啦!
To Kathy:
點計呀,你都係我師姐啦.你入師門先架嘛.
To 米線:
啊...你實在太可憐啊....
To Mabel:
多謝先,唔該唔好影咁多.因為我估我要試吓先呀.
發佈留言