take it for granted

今朝如常地唔想起身,但係就硬係有d唔知點咁,返工的時候望一望個電話,好似會有d事發生.


真係唔信邪都唔得.你話人出嘢,你出嘢,點解梗係年終總係有大大少少一兩獲要你出事死出嚟.


終於又係噚晚冇Check清楚就走咗人,今朝又唔夠早返工.出事的時候,仲要話"我on the way返到啦".


出咗冇check真,做錯咗,唔知,仲要遲到,你話係唔係罪加一等啦. 死未!


唔知點解,小心d,好得一排,一鬆懈,又衰過!其實我唔想做錯,就係連我自己,都過唔到自己果關. ... I'm wrong.


其實做錯事,畀人話都係應該,但係,向來我哋公司d老細們都唔會鬧人,如常哋做返啱,咁就冇事啦.所以呢個應該係我仲可以咁"厚面皮"留嚮到的原因啦.(當然,又冇理由話因為d咁小的事又話要走,咁樣更加唔合理架.)


不過,今日可能係令老細頂唔住,終於要話一話我哋的"遲風",之前Email過,講過幾次叫唔好遲過9:15(呢個唔算過份的要求呀...)但係我就成日挑戰呢個容忍的極限.


就係咁,出事啦,呢個世界唔係話唔正常的事重覆地發生,就可以當係理所當然既.如果話,優惠期已經到啦.咁你都應該明白要收手啦.


不過,到底,我仲可以有幾多次咁的"機會"畀人話呢?明明係自己唔啱,但係個心總有一點點....


如果係以前,我早就喊咗出嚟,依架面皮真係好厚,仲會記低佢喎.唉....呢個真係太差啦.


都係早d抖.聽日開始.9:15就9:15啦.頂多自己同自己講9:05要返到公司囉.