學琴?

今日做咗好多圖,知道差不多完成,真係好,所以想放工返屋企見吓媽媽.


我自問都學到媽媽其中幾道菜的神緒.平均都可以有八成似架啦.不過媽媽的餸,幾時都令人再三回味!正!


其實返去唔單只為咗見媽媽既.今日阿Dee嚮屋企,仲順便同阿Dee 一齊去裝返佢房的天花燈...對唔住呀...咁緊急的時候仲要要你一個人頂...嘿嘿.話時話...你今日開"口Gup著利"喎...做咩~呀?


哈哈,知道你噚日放咗一科的成績,係A級豬呀.有成90分,真係為你高興.所以今日好開心~高舉益力多祝"酒"!


四家姐又好遲返啦,成日OT真係對身體唔好架.你仲要養好你的身體同我哋一齊去北京玩架.


(唉...好似好嚕囌咁添...)


今日樺爾冇同我返屋企,因為佢成個星期都好忙,晚晚OT O到十一點.今日又同人Fairwell,所以我就有好多時間留嚮媽媽屋企.


上次多得學過電子琴的Kathy講解,知道咗少少關於學電子琴的嘢,原來有D Mode 可以唔駛Keep住彈個伴奏,只要彈幾個音架咋.不過我我仲未睇哂本Manual,所以未識得.


今日只係知道咗,個琴的主音操作.原來係幾個Control一齊改變先可以改唔同的聲.仲有控制每個Control旁邊的大細聲,咁先可以Mix埋D聲架.


不過其實仲有好多都睇唔明.如果有個"音樂人"解吓話就好啦.

FE 70 的Manual
http://www2.yamaha.co.jp/manual/pdf/emi/english/ele/FE70E.PDF