完美的一天?

今朝起身已經係十二點,我知我成日唔夠瞓,每逢星期六日,有時間就梗係瞓多d先算啦.


噚晚買咗餸,煮咗一餐之後,都所剩無幾,(我哋都幾大食架).為咗今晚有得食,下晝一於叫樺爾打完波買返屋企食就算.


所以我又有好多時間執屋啦.掃吓地沬吓塵咁就等到樺爾返嚟.


食咗晏,又睇咗好耐電視,因為又掛住睇果套睇咗好多次的"同居密友".之後同樺爾夾手夾腳執埋個床舖就大功告成.(四家姐同阿Dee一定好奇怪,咦?!乜丹丹依架咁乖既?似前又唔見會咁做喎~)


唉~真係好攰.


咁就五點鐘啦,終於都坐定定對住部電腦,我要學嘢...平時嚮公司,學的方向硬係為解決一d有關工作上的問題,冇好好針對自己唔識的嘢去學.今日終於肯面對現實啦.學就學啦...唔知學到幾時....


其實只係跟住d Developer Document學,學都係學皮毛,但係自己就已經覺得係奇蹟...如果我成日可以咁有心機就好啦.


好快又七點幾,要煮飯飯.今日好多嘢食.有菜啦,蕃茄煮豬肉咁啦,再加媽媽畀我的淘大鮮蝦魚翅餃,係唔係好豐富呢~~


睇吓電視,仲有古巨基上電視(15 16),估唔到佢個人都可以扮古古惑惑喎.


你話啦,想做的都做咗,係唔係太完美呢~


不過呢個世界真係冇完美架,噚日樺爾買咗一pack party裝新奇士汽水,8罐4種口味:檸檬梳打味,OJ橙味,仲有唔知係乜的好甜的果汁味的傢伙,仲有一罐沙士汽水添.


下晝試完罐乜鬼好甜的果汁之後,都係想試吓一直唔敢試的沙士汽水,細個以為佢係似酒之類的嘢,好似細路唔飲得.


既然買咗啦,咁就試吓啦.


嘩,仲差過冰極系列,仲難飲過雲呢嗱味可樂,好似跌打酒咁既~,@#$@#$ 真係頂唔順.如果唔想洗胃就千祈唔好買.


唔知點解,講起沙士汽水,就諗起以前的舊同事,成日講話要跳沙士舞.好耐冇見佢哋囉....


哈...送你哋一首歌先: <<完美的一天>>


唔係孫燕姿果首喎.係一首好舊的歌....果陣古巨基的粵語歌的歌詞入耳好多.


完美的一天 - 古巨基 想聽呢首歌,按這裡再按上面Play掣

平 日 共 你 見 面 每 天 一 遍
太 快 太 趕 多 敷 衍
就 算 椅 子 仍 未 坐 暖
陪 著 你 光 陰 太 短
天 真 的 我 有 個 心 願
日 曆 上 原 來 有 多 一 天
特 別 贈 送 的 一 天

若 這 一 生 多 出 這 一 天
願 這 天 輕 鬆 一 點
放 下 手 中 緊 張 的 急 件 跟 你 相 見
毋 須 趕 鐘 點 的 一 天
談 情 是 今 天 的 特 權
完 整 的 將 溫 馨 一 天 奉 獻

何 時 為 你 套 現 買 支 火 箭
看 看 世 間 可 是 圓
若 叫 光 陰 定 律 逆 轉
情 事 會 怎 麼 發 展
只 想 可 以 快 過 閃 電
高 速 飛 過 時 間 的 起 點
白 白 賺 了 多 一 天

若 這 一 生 多 出 這 一 天
願 這 天 興 致 不 變
製 造 可 堪 珍 惜 的 畫 面 來 日 夢 見
隨 便 於 家 中 躺 一 天
纏 綿 是 今 天 的 特 權
完 整 的 將 溫 馨 一 天 奉 獻