九州大阪六天團行程

聽日就要踏上旅途啦...唔知會點呢...唔知會唔會唔慣呢.唔知會唔會同樺爾嗌交呢...唔知會唔會帶漏嘢呢...又唔知會唔會唔見嘢呢...仲唔知會唔會瞓唔著呢...希望一切都好好地順順利利啦. 行程海陸空都有,上天下海乜都齊,安排如下:
第一天
香港~福岡~中州夜市~特色拉麵大排檔(九州拉麵券 ￥1300@)~酒店 (東急 / 皇都 / 太子酒店)
第二天
太宰府~天滿宮~豪斯登堡 ￥1500@美食餐券,(晚膳自費),住豪斯登堡日航酒店
第三天
阿蘇火山(大型吊車往火山口)(如遇火山口關閉，改往猿猴劇場)~草千里~鹿兒島~城山展望台~天文館商店街,晚上住鹿兒島東急 / 霧島皇都露天溫泉酒店
第四天
宮崎~宮崎平和台~日南海岸~鬼之洗板~鵜戶神宮~志布志~ BLUE HIGHWAY LINE BLUE 【 12,000 噸 】客輪, 晚上客輪上享用自助餐 ~大阪
第五天
大阪城~環球影城(自費午膳)~大阪心齋橋~美國村自由購物~晚膳 (鐵板燒 / 特色網燒博多城 )~酒店
第六天
京都~嵐山美景~渡月橋~伊勢丹展望台~京都地下購物城(自費午膳)~機場~香港

要準備食的彈藥都要幾多...￥3000x5都要帶多d...早幾日兌的￥唔知夠唔夠呢. 又怕熱又怕凍的我唔知要帶幾多唔同的衫去呢...今晚又唔知瞓唔瞓得著.

倒數 - 距離仲有三晚的時間

今日試婚紗,遇到一個要揀六套婚紗的新娘... 搞到我唔夠時間試....6_- .
除咗佢之外,所有人都話佢著某一條好d,佢都仲要話自己鍾意另一條的顏色,就係咁話要哂兩套,連個sales 都忍唔住同佢講一晚要著七套婚紗會好趕,四至六套已經頂哂籠.之後就試嚟試去....駛唔駛問吓現場觀眾呀,快鬼d啦.
個sales都已經好攰,仲點會好細心咁同我試衫,仲唔啦啦臨收工走人!所以著咗套婚紗一分鐘,是但揀左一套首飾就算.都其實冇乜選擇,所樺爾又好快就揀咗一件背心同領呔就算喇.
呢間公司,你落單o個陣佢就對你客氣d,揀婚紗時想你揀多幾套又唔會對你太差,到你要試身喇,佢惡d你都唔可以要求佢畀d乜畀你揀.

今日阿d又入黎我哋間房傾計....又同我倒數啦... 7_7 :"你仲有X晚" 就係咁,每晚都擾擾攘攘到1:00am 6_@ (新娘子之所以大部份都又失眠又"謝",又熊貓眼,個原因只係一個,就係勞累咗幾星期,晚晚都好夜先瞓,搞到冇精神,第二日又係咁惡性循環)

今日有相攞

哈哈!話咁快就有相攞啦.小雲:"好緊張呀...." 小吉: "bu bi bu..."
每次到WA都落雨,今次仲黃雨添!褲腳都濕左一大截,點攞相呀...
去到WA,落雨都咁多人.入左去一個露天玻璃房,裏面放哂d相等人黎攞,其實光度唔係太足夠...唔知係唔係故意既.其實大相有一兩張都好似晒相過度曝光咁燶左,但係因為加左d effect都冇乜點察覺;但見到本細相簿,又好似曝光不足白哂咁.唯有再晒過,再攞過本細相簿啦. 6_+
可能天雨關係啦,個師傅都係唔多有心機,只係"是但"show 一 show d相就算,諗住佢地咁專業都應該冇問題啦,所以都睇得唔係咁小心.當我想再睇下d相時,個師傅就話咁快收哂d相嘞.不過個師傅都好好心地,又叫我哋落咁大雨,去化妝房坐下先,又叫我哋截的士咁...
落雨撘的士都幾狼狽,個心仲諗緊d相唔知仲有冇問題,搞到落車都雞手鴨腳咁.又要樺爾提先記得畀錢,畀完錢又唔記得除安全帶先落車,除返安全帶落車又唔記得開遮,開遮又唔記得要遮返樺爾同d相.
攞完眼鏡再食飯,返到屋企都9:xxp.m.,經四家姐睇一睇,佢又話個對裝相的相框應該要一對先係,但我又冇留意到佢唔同色.其他再睇番都幾好,好在整體來講都好滿意.
不過有時想,其實加左coating之後,d相好似暗左少少,可能唔加仲好,又或者黑房的師傅晒到咁...如果之前話唔加coating攞出去其他公司再加coating,咁到時有問題都唔知賴邊個.
唔知樺爾有冇同感呢...成晚都唔多出聲,攞住的相咁耐係唔係好攰呢?唔知你鍾唔鍾意個"貓樣年樺"feel 的o個張相呢?

五天天氣預報

弊...19日短暫時間有陽光,今朝仲係話只係局部地區有驟雨.冇法啦,要出嫁先黎落雨,唔通個天都唔鍾意我?!
6月16日 (四)
有雨26-29 C85-95 %
多雲，有驟雨及雷暴。 南至西南風3 至4 級。
6月17日 (五)
天色明朗26-30 C75-90 %
部分時間有陽光，有一兩陣驟雨。 南風3 至4 級。
6月18日 (六)
驟雨27-31 C70-90 %
部分時間有陽光，局部地區有驟雨。 南至西南風3 至4 級。
6月19日 (日)
驟雨28-31 C75-90 %
短暫時間有陽光，局部地區有驟雨。 西南風4 級。
6月20日 (一)
微雨27-30 C80-95 %
大致多雲，有驟雨。 西南風4 級。

......又或者聽日話有陽光呢.

在Myra的blog 留言一則

"我做野做到好悶,想起四家姐,好多日都冇睇你的日記啦,於是入左黎睇,唔知點解之前你當面同我講話唔捨得我的時候,我都只係眼濕濕,但睇到你的日記時....我竟然突然間係咁喊...其實我都好唔捨得你架... (我的手在顫!).多年黎一直照顧我,唔只係爸爸媽媽,有d心事又只有你先知...係最錫我的人...6_<~~~~~~~ 我唔可以再打落去...如果唔係,我的同事會發覺我喊緊啦.... "

家姐...其實我都好唔捨得你架!不過我又唔係去好遠的地方.....(想起Kathy添....都一樣咁唔捨得)只要你好番,我地成日可以去行街街玩,一齊去睇魚魚好唔好?

雖然唔係好啱對家姐唱....

在這離別的時候（國）

握著你的手　我要走不能走
簡單的再見兩個字　我說不出口
你那癡癡的眼光　訴說著無盡的哀愁
最痛心處　是你努力讓笑容依舊
我聽到我的心跳　一再說著不走不走
＃在這離別的時候
風也溫柔雲也溫柔 我眼裡有千千萬萬個你
每個你都是溫柔 我恨自己不夠瀟灑
為甚麼一步一回頭 我聽到我們的心跳
像是天籟的合奏 一再說著相守相守相守
我還是必須走　我鬆了你的手
簡單的愛你兩個字　我說不出口
看著你的眼睛　湧上了無盡的溫柔
最傷心處　是你努讓淚水停留
我聽到你的心跳　一再說著別走別走
REPEAT＃
曲：古巨基 詞：瓊瑤 編曲：BILLY CHAN 監製：古巨基

註:其實古巨基作曲都唔錯架,套劇集唔收得,就連首歌都被忽略,好浪費.相信真係喜歡古巨基的歌的人,一定會喜歡佢呢首國語歌,
因為聽佢的國語歌好有感覺

今日見到二家姐

一朝早,二家姐就打電話畀我,話依家出去驗身,順便下晝同我食lunch,我當然一口答應啦...
二家姐仲話可以幫我準備主車花球公仔,都不之幾好.我太懶啦,好多事都應該自己打點,但就成日靠其他人.好彩有咁多好關心我的人幫我手咋.

Lunch 好少唔同同事一齊食,但就連續上星期五同阿Lib,星期一同樺爾,今日星期二同二家姐都冇一齊食.
我就帶咗二家姐去 "Eimlie" (好似係咁串呱...係一間基督教的人開的茶敍間.)
入到去,見到都冇乜人,最啱我哋想慢慢傾的人啦.d餐選擇唔多.而且lunch算貴啦. ~$50 each.
不過係用錢嚟買個清靜的環境吧.

二家姐可能仲未改做老師的職業病...其實係好掛住我呱?我哋有好多嘢係咁講係咁講,好開心...其實我都係第一次咁樣同二家姐兩個人食飯咋.

我會好好記住同參考你的建議同經驗, 有時間我會去讀讀"男女大不同",煮得清淡一d,健康d...不過我學媽媽的煮法己經習慣咗佢味道啦...不竟如果可以煮到媽媽的一半功力,我都好開心啦.
唔知你同唔同意,其實唔要求要有山珍海味,但經常清清淡淡就可能會枯燥乏味,我都希望做到味道可以點綴生活,變得精彩...哈哈,妙想天開...人家肯吃你的嘢都好啦...

搬遷通告

敬啟者:
茲 因事先準備不足及過份高估自己重溫陳年物品的速度,家嚴加以督導下,是日搬遷演變大逼遷,尚有隨身物品、禮物、私人珍藏及電腦一部未能在限期內搬清,擇日再搬.
勞累了三姐姐及姐夫辛苦走一趟,煩請多多包涵...

(嘻...都話應用文全部俾返老師啦...寫到都唔似樣架)

做大排檔廚師,超過癮!!

做大排檔廚師,超過癮!!
http://maggiemarket.kizash.com/films/2748/166/index.php
Instruction:煮出他們要吃的東西 ，記住要放東西往他們的檯中才算成功。
１．將要煮的海鮮拖到鑊去；
２．煮的時候要時常炒，否則會燒焦；
３．將煮好的食物放到碟上，再將完成的食品拖到客人檯上，完成。
４．要開啤酒，先要用開瓶器開蓋，再拖啤酒到客人檯上，完成。 若食物未煮熟便熄了爐，要扔進垃圾筒再煮過。又或者煮好一款食品後想改款，也要放進垃圾筒再煮過。每放一次垃圾筒都要扣一次。
若客人等得太耐又或者送錯食物，也要扣分。

史上最無聊的網上遊戲

今朝Henry send咗個bubblewrap 堪稱 "史上最無聊的網上遊戲" ...完全同意..
不過有好多人都真係好鍾意呢d真的bubblewrap,好似我哋上次去咗一間五金舖買面鏡,一攞出黎,個老闆娘就係咁"啪"係咁"啪",喂呀姐...我哋要攞走架,你"啪"哂,咁保乜鬼護呀!

唉,最慘就係我外甥女瑩瑩,學足三家姐(佢mammy)咁有呢個"陋習",見到呢d bubblewrap,包住乜嘢都唔理啦.呢個都算啦...至少無傷大雅....
不過另一個陋習就...唉...上次四家姐要幫我剪髮,瑩瑩又黎咗家企喎,我怕佢悶,就比套"龍珠"VCD佢睇啦.我只係將個盒放响個電視櫃啫.點知瑩瑩見到,有條"沿著撕開"的包裝紙條黏住個紙外套,佢好順手就咁沿著撕爛咗我個套....6_<~~~我又點救得切呀.
我敢肯定瑩瑩係有呢鋪癮既...因為佢問都冇問就做嘞...

記錄-姊妹開大會

四年前同一日約左Mabel, Pui Yee,Ginny,Iris佢地一齊見面,估唔到今日會約左所有姊妹開大會.
記錄下人物先,按著認識的年期排:
Mabel係我中一的同學,係第一個會主動打電話搵我的中學同學....因為第一日返學就識左佢.
Ginny,Iris係中二的同學,係我"聊"女仔成果.之後一齊做"河伯搶親"的廣播劇功課,大家就熟起黎嘞.
隔籬班的Berry其實响中三已經成日見,不過只係一齊返屋企的"陌路人",成日見到佢同細妹一齊返屋企.到左中四,我地先正式認識,之後我就取代左佢細妹的位置成日同佢一齊放學.
成日都係响隔籬班的PuiYee就係中五時同Mabel一齊做暑期工時先認識的,之後雖然冇見好耐,但係就好似認左好耐的朋友咁.
可能做朋友都係講緣份同主動性...我就比較被動,好在中六時遇到Kathy,仲好記得佢捉我遊車河o個個情境...都係咁樣,我而家先會好地地咁坐車車咋.
今晚仲有一個對我好好的伴娘家姐都黎左坐鎮...Myra四家姐,病緊都出黎陪我,真係唔好意思.好在你己經好返好多...日食1.x蘋果...終於肥返少少啦...(讀到呢到你會唔會有好大滴汗? 4_0!)

言歸正傳...姊妹一行八人...(唔好話係X婆呀!反面架! 6_+)到左"夏雪"食晚飯...(好在有PuiYee幫手book枱...我真係好懶惰...唔該哂...hehe...).我哋一邊食一邊講...(我係長枱的一邊主要係食...長枱的另一邊就主力討論點搞呢個Function,點樣玩班兄弟)

hehe...內容就唔多講啦,遲d你就知.不過,我自己都做過姊妹,自問就冇佢地咁認真做定哂功課,仲有好多鬼主意,真係好感激...hehe...都係搞氣氛得啖笑架啫.
不過就唔係幾好意思...成日搞搞震唔俾咁又唔准咁....

唔准開Show 唔准污糟 唔准"喳"刀
....
唔准孟 唔准吞 唔准哼
唔准多 唔准拖 唔准摸
唔准拍手 唔准買酒 唔准帶狗 唔准走
....
唔准經常 唔准太長 唔准商量
....
喂 大佬 咁乜o野先准呀

節錄自 李克勤 - "希望 " 第五首 "唔准咁" 曲:周啟生 詞:余紹琪/Mic 編:周啟生
註:其實我唔係太喜歡呢首歌咋...克勤十年前的快歌...通常都會被飛.......

我終於明白點解我唔鍾意"星戰"!

!@#$#@!$#% 6_Q
原來我之前係睇左第四集的沙漠半個鐘,頂唔順之後轉睇第六集先.之後我就同好多人講...好唔鍾意"星戰"!
因為睇完"星戰III"改觀的關係,於是覺得可以睇睇個大結局...
俾佢呃左我地成晚...同細佬,家姐一齊睇,三人六眼,哂左我地足足9個鐘!我...差!
同MatrixIII一樣...根本唔應該拍第六集,索性將重點同第五集濃縮一齊做咪得囉!
我唔係要睇貍貓熊怪物,唔係要睇蟾蜍!!!!個Luke好冇用,單人匹馬自投羅網,唔用電光劍!但竟然個白痴國王硬要收佢為徒!加埋個鹹 Solo(音曰:濕佬)...充當成指揮,用所謂智取的方式涯打到片尾.
點解Darth Vader 要跟住個佢一隻手指都可以托起掉落街的人三集 ?!

睇星戰III

呢排都冇乜時間睇戲,聽好多人講,話呢套"星戰III"好好睇,但我就冇乜點睇過其他幾集,成日睇d唔睇d,而且星戰响我的記憶中好似唔多好睇,不過樺爾又鍾意睇...咁就冇計啦,早d起身去睇,兩個人都係$50,抵到爛!
睇完第三集,對"星戰III"的印象改觀左.雖然覺得個Anakin好似好笨咁,本來怕個Padme難產,為左佢先走去幫個議長,但係最終又激到Padme唔想做人.個議長話有起死回生的本事,但又唔幫Anakin去救Padme,之後個Padme都死左啦,個Anakin又會死心塌地咁跟隨個議長,除左因為要接住第四集之外,都唔知有乜理由咁樣嘞.
仲好記得Anakin同個Padme打情罵悄o個一段話:
Anakin #_#: 你真係好靚!
Padme O_+: 你真係咁認為?
Anakin ~_~: 因為我愛你.
好一句情人眼裏出西施!! -_-
唔知點解會加呢一段...可能個公主唔夠靚呱...仲有盲的都睇到個Padme大住個肚,個白痴Anakin仲要個Padme同佢講先知道,都幾...豬...
不過成套片都真係幾好睇,情節好緊湊.明知個主角係要變奸,但又唔想佢咁就變奸...矛盾!
搞到我都想睇下明珠台播的第六集添. 睇下Darth Vader 係點死既.
見到m&m個Starwars Flash 好搞鬼,好正. http://us.mms.com/us/mpire/

劭君四歲生日

為左入去屯門同劭君慶祝四歲生日,所以先咁早去睇"星戰III",姪女生日,好開心架,落住雨都要入去啦.
好在個個都係三.四點先到.去到大家姐新居,見到君君同羨寧都已經著住花女裙黎歡迎我o地俾個Preview版給我睇下.
之後又一齊睇飛機降落,每次見到飛機都會叫一次.."飛機呀..."
入到去大家姐的床上面仲失控...跳到床鋪都快爛啦.君君同羨寧見到個LCD TV又會好輕易就知道點開機,點轉台.不過都仍然係掛住跳.
四個BB玩NBA Live 都有唔同態度:
君君最大,至少知道點樣去試d掣,但係只係鍾意個"插水救Ball掣",個player插親水就係咁笑.不過可能君君有power,不嬲都係只有佢玩冇細妹玩.有兩個情況會有少少唔同:一係就兩個有得同時一齊玩,咁佢都仲會同其他表妹,或者指揮呵妹一齊玩;一係就佢玩厭o左,先到其他人玩.如果唔係,佢讓一讓其他人玩之後又覺得輪返到自己,就會想搶返黎再玩過.
瑩瑩第二大,都有d power,都會搶,但有我哋叫住佢排隊玩,佢都會守秩序先,而且較容易叫佢讓其他人玩.
雯雯最懂得清楚表達自己想玩乜,而且會向我地講左先"我都想玩呀...",得到permit先做.但係冇人理佢,佢又唔會發long 黎.不過會再講多次俾你聽佢想點.等我地幫佢安排.
羨寧好明顯成日受家姐指揮,家姐俾佢,佢就有得玩.佢見家姐笑,就會覺得好好笑,一齊笑到"look"地.
最搞笑係瑩瑩,响大家姐屋企到唔捨得走,仲要同daddy, mammy講 byebye叫佢地走先!

四家姐forward的笑話一則

有天老師問大家：「誰知道神農氏有什麼功績嗎？」 班長馬上舉了手：「老師我知道，是嚐百草。」 老師很滿意的說： 「嗯~不錯，果然是班長，都有在唸書。」
之後小明不服氣的舉手了， 問道：「老師，你知道神農氏死掉之前所說話的嗎？」 老師說：「嗯~老師不知道耶..」
小明說：「老師，我來告訴你吧！那就是....... 啊！這個有毒！」 老師：「......-_____-!!!」

媽媽常以自己是神農氏自居...其實只是一隻白老鼠....6_-!雖然佢唔會試毒藥,不過到令人好擔心.

紅玉的無奈

(花兒為甚麼這樣紅?之下集大結局)
南山旁有一家玉石店子,玉石老闆正在為顧客精心挑選合意的玉石.顧客都笑著以高價爭相搶購,為老闆帶來不少財富.
紅玉一天到晚都是在這玉石加工場待著,百無聊籟.見哥哥姊姊都相繼硺磨完成,自己和弟弟卻只可以任由工匠放於一旁.
正當納悶,卻有一個顧客要找一塊原石切割的玉石,於是老闆便帶顧客入工場內挑選,顧客一見到紅玉便愛不釋手,付過錢,帶著她走.
紅玉還來不及與兄弟姊妹道別就離開了店子.回頭望著老闆正笑得合不攏嘴.
紅玉心想反正也沒事幹,出外散散心,豈不樂乎?天真無邪的她見到陽光先生,"你好呀,見到你真好!"見到河流小姐,"你真美呀!"
紅玉想著有買家欣賞她,還以為自己已成為世界上最完美,最高貴閃曜的玉.但她卻並沒意識到,她將要離開玉石店子,從此不可以再和兄弟姊妹聊天.
...
買主邊走邊哼著歌,難聽死了.紅玉心想,反正出來了,無論如何也不可以就此任由這個難聽鬼四處帶著遊蕩,得想個辦法來.驀然想起工匠伯伯曾說過,未經雕琢的玉之所以不美,是由於雜念太多,脾氣又差沒有涵養.但經過工匠伯伯仔細雕琢,訓練去除雜念的法門,把脾氣收藏得宜,則可以令玉的顏色更美更通透.若果把法兒相反地運用,又會是怎樣?好,就試試把自己平日收藏著的脾氣一息間爆發出來.
紅玉焦急地等買主望她一眼.果然,買主一瞄之下,停下腳步,收起了笑容,口裡哼著的那歡樂又難聽的歌也停了,
注視著紅玉,"咦?"是我看錯了,還是老闆使的什麼法門.買主愈看愈氣,氣上心頭,回頭便要找老闆晦氣.買主焦急得要直衝店子,卻一不小心被小石跘倒了,"啊!"此時紅玉便從買主的手中飛出,掉落在河邊.買主正當痛楚,忌水的他又那有多想紅玉掉落的方向?
買主胡亂地找個數遍也一無所獲,只好心心不忿地走了.卻不知到當你愈心急找它,它卻愈不出來,就像在躲貓貓般總是不肯現身,故意玩弄著你.
...
就這樣留下了紅玉.轉眼間天快黑了,紅玉好想家呀...可是這是紅玉首次出門,那會懂得怎樣回家去?回家的路似乎很遠很遠.
...
就在這時,風雲色變,雨點下將過來,一陣風險些兒把紅玉吹上半空.紅玉努力地試著保持平衡,生怕一不小心便會被吹到河裡去...一陣又一陣的強風吹來,紅玉再也沒有半點反抗的餘地,終究把她吹到草叢中.
此情此境,紅玉頓然醒覺到因為自己一時貪玩,已被遺下在這裡.若是腿一閃,更有機會石沈大海,從此也沒有見到陽光的機會.紅玉不及細想,只想找一個可以遮風擋雨的地方.但她又怎能抵擋得大風,弱小的她終於也筋疲力竭,由得風安排它的著陸點.
...
紅玉濛濛瀧瀧地就這樣過了一晚.一覺醒來,一把微弱但又帶有點粗魯的聲音毫不客氣地問:
"喂, 你是甚麼東西?"
紅玉整個身體也動彈不得,就像有千斤大石壓在身上,昨日與風一戰,紅玉固然是敗陣,卻並沒有因此而打擊她高傲又自負的性格,雖知道自己已沒有任何可憑藉的依靠,在陌生環境下竟還沒有一點畏懼,不滿道:"真沒禮貌, 沒看出來我是一塊玉嗎?"心想,"我雖沒經加工硺磨,畢竟還是一塊好玉.難道這也沒看出來?你這土頭土老還真沒有見識."
驀地一想:昨晚若不是在這幼苗下躲避,恐怕也被吹到河裡去了.想到還好有他的幫助,就饒了你無禮的說話吧.
還說那沒頭沒腦的說話,看我打不打你啦.心裡卻有說不出的感激.
紅玉環顧一下四周的環境,總算還不錯,看樣子應該是個苖圃花園呢,大概園丁每天都是挑這河水灌溉植物吧.紅玉心想:"或者終有一天園丁會發現我,成為我的新的主人呢?"
...
就這樣,園丁每天也來灌溉,紅玉也每天嚷著,希望可以吸引到園丁的注意.然而園丁就從沒有發覺到紅玉的存在.每晚和她談天的就只有幼苗.
有時紅玉會想:"現在這樣自由自在也好呀.何必還要找什麼新主人?"
漸漸地,紅玉也忘了找新主人的念頭,但返家的聲音卻又不自覺地一次又一次的響起.
...
幼苗白天便不斷鍛鍊自己希望快些長高.晚了便在月下和紅玉聊聊天,好不快樂.漸漸地幼苗和紅玉熟落起來了.每天看見到處都開著花,享受著清新的花香及優美的景致,心情本應開朗起來.可是夏季也快過了,為什麼幼苗還沒有長出花來呢?紅玉一面為幼苗打氣,一面又為幼苗暗暗著急.終於也忍不住發問:"為什麼其他的花都開過,你卻一點兒起色也沒有?你的花是怎樣顏色的,快開給我看啦...到底還欠什麼?現在還不是開花的時候?是你不夠勇敢嗎?"這一句說將過來,只問得幼苗沒法回應,紅玉心知不妙,此言一出,只為幼苗再增加壓力.紅玉清楚幼苗就像小孩被其他朋友欺負,不懂說什麼,又沒法生氣,更不想和紅玉吵起來.紅玉也不敢再追問,心裡卻有說不出的味兒,只好默不作聲了.
...
一天晚上,風又再次刮起,刮得真大,就比上一次還要大.紅玉重是重,但又怎樣也抵擋不住大風.哭著哭著,突然有一根強而有力的枝幹勉強支撐著紅玉.原來紅玉的呼叫聲把幼苗吵醒了.此時,幼苗腳下的根已經變得強壯了,要抓著泥土,雖不是太容易,但只要使勁地撐著,總算不至給大風連根拔起.
...
從此紅玉有了幼苗的呵護,再也不怕風雨了.而花也因紅玉的顏色而染成紅色了. (完)
* * *
多無聊的文章...不得不把它完了.故事不吸引之餘又沒有意義....
* * *

花兒為甚麼這樣紅?

我一生下來就注定了將來會是一朵花兒.
就像其他千千萬萬的花一樣, 我小的時候只是一株綠色的幼苗, 依偎在江南的河邊. 白天和蜜蜂捉迷藏, 晚上聽青蛙在歌唱.
然後有一天, 人們把我裝上了車, 車上有著其他的花兒, 聽他們說我們會去更南的地方.
車子停在南山下, 腳下的土地很肥沃, 旁邊的江水也很香, 可是這裏離故鄉很遠, 蜜蜂飛不到, 青蛙也不會渡江.
日子一天一天地過去, 漸漸的我有了新的朋友, 蚊子和灰猴, 但是我仍然想念過去的朋友, 仍然會覺得寂寞.
一天晚上, 雨下得很大, 大得連我腳下的泥土也被衝走了許多, 和著風雨聲, 我睡著了...
早上... 太陽出來了... 可昨晚暴雨的痕跡仍在, 在我東面鬆散的泥土中, 我發現有一塊紅色的東西...
"喂, 你是甚麼東西?" 我叫道...
"真沒禮貌, 沒看出來我是一塊玉嗎?" 紅色的東西不爽中...
"哦, 對不起, 我從沒見過玉, 玉都是紅色的嗎?"...
"大傻瓜, 我的家族成員可多著呢, 有綠色, 有藍色" 紅玉的臉己經由陰轉晴了...
"呵呵... 我見識少... 不過... 紅色的你還真好看..."
"貧嘴!"
不知為何, 紅玉看上去好像更紅了...
...
每天, 紅玉都會出來和我聊天, 她曾經問我, 為甚麼我長這麼高了還沒開花? 我說, 我也不知道, 以前聽人說, 幼苗只有在決定了自己的顏色後, 才能開出花來, 大概我還沒選定吧? 紅玉默不出聲...
...
這年的夏天風很大, 一刮風, 很多東西都被吹起來, 就像是在空中跳舞一樣...
...
晚上, 我被一陣大風吹醒了, 我從沒見過這麼大的風... 我聽見, 紅玉在叫我... "花兒, 怎麼辦? 風很大..."
我有些慌... 我怕... 大風會吹走紅玉... 風不可怕... 但是如果沒有...
我不及細想, 很自然的用根部抓緊四周的泥土, 我知道, 只要泥土還在, 紅玉就安全了...
風吹了一晚...
...
早上, 風停了, 我看了一眼... 還好, 紅玉還在... 她看了我一眼... 說...
"你的花開了..."

Username!!!

好不容易才能找到一個在Yahoo.hk及 Blogger 都Reg到的username.
同樺爾一齊諗一個大家同意又有意思的,又要與我們的名字配合的,確實有些難度.
有幾個落選的都唔知點解要咁奇怪:
wayitanwalalala -_-! 天下無雙天啦地啦??!!
tanwalalalatinladayla 啦天啦地..?好似潮州話拉天拉地(扯天扯地不著天際)同音咁!
tanwa(丹樺..變左牛仔褲!)
tantanwawa...聽聽話話??
yipfong619 我都知好老套,但係都叫做人物日期都齊呀.
算啦,原來我同你的名加埋一齊係冇人reg過,就咁決定啦.

倒數 -距離還有30日時間

約好四家姐同樺爾放工後到WA睇相,點知仲落雨添...我怕四家姐又病多次就真係罪過...匆忙間想買把傘都係唔係咁易.好彩擾攘左一輪都冇雨啦.遲上加遲...
入到去WA見到好多pair都坐左係到揀緊相,樺爾又未到,咁就由我同四家姐揀住先啦.
聽講好多間公司的手法都係一樣,要你分類揀相,要你先揀一Set,著少著少咁揀,希望你要的比唔要的多.不過我地揀相,就算你一次過定係分好多次,揀來揀去咪又係咁...唔合心意的,或者好鍾意的唔會走漏眼,但係麻麻地或者場地差唔多的,有同冇都差唔多,要同唔要都冇乜所謂.
揀左小碎花鬢辮頭造型的o個一Set,樺爾就到,再Screen一次都係要o個十張...不過其實有幾張落選的都幾好架...不過要$96一張...好似就浪費左少少...都係唔要佢啦.
如是者個小姐一set一set咁俾d相我哋睇,第二套婚紗有個好大的羽毛頭飾,睇落都幾成熟,唔係太喜歡. 樺爾仲不時話,呢張似章子怡,o個張似鞏俐... 6_@,四家姐仲話有張似吾湯吾水o個個黃淑儀!@#$#@!$ 都唔知講乜好. 即刻掉哂去...雖然佢哋都係靚女..但唔係我嚟架嘛...
到第三個金色晚裝造型時...响車外的相都唔多好,床上面的相...樺爾又唔係好自然.之後又睇到民族服的相,個場地同個人物的比例又好似有d問題咁.而且動作又怪怪地.始終個攝影師都係"撘"影幾張,同之前對左半日的攝影師當然係有d出入.
三對對裝相,只有一對可以收貨.不過就揀多左一張樺爾的相.個花樣年華look都幾好.我其實好鐘意個場景氣氛,不過同樺爾影o個張,佢的眼俾眼鏡框遮住左...唔要得6_~.
哈,好似成日講到係樺爾唔爭氣咁,其實個攝影師主要都係影女仔o個邊,男仔就成日企埋一邊.所以女仔d相可以揀到好多.但男仔d相一唔好就冇其他選擇.好多相的感覺都好好,只係個人唔靚或者有d唔自然啫.
睇相睇到呢度,都覺得好似唔止咁少相架.原來車入面的相,同戶外某d場地都影左一d特別校果相.(據聞話要特別收Charge先有得影,但係個攝影師就特別影左好幾張呢類相...咁先可以呃你多d架嘛!)不過感覺好正,加少少錢都值得啦.
睇吓睇吓,只係剩低我哋仲揀緊相,個小姐都好耐心咁等我哋.都幾好態度.
就咁樣揀咗三十幾張相...咁少?!係呀....其實多幾張都得,不過如果夠既,多幾張校果差唔多的相咪又差唔多.本著要好相,但又唔要太多心的精神,都唔可以好好醜醜乜都要哂架.
一講到話要加Coating,個小姐就好俾心機介紹嘞,加左Laser或網紋的校果都好似嘛嘛地....加左一倍價錢就係為左個珍珠Coating同普通磨沙面.其實明知道出面街價平好多,但都冇理由人哋好好地為你影,你就度住度住又要煩著去俾其他公司加Coating.唯有自己呃自己講句:"其實都值既!"咁啦.
可能係"自投羅網型",個小姐都俾返好多"優惠"我哋,送多對對裝相架可以選用校果相,個大相又可以加珍珠Coating,結婚證書套都有張相.仲送d銀包相添,不過勾吓勾吓,鍾意的相都勾左出黎做其他野,唔知到時留低响相簿的相會係點架呢?

倒數 -距離還有1個月時間

今日去WA影婚紗相,7:30 就起身,見到自己個樣就唔知講乜好...尋日額頭仲係冇腫家,搞乜鬼今日要黎影相就搞到咁.個嘴邊都腫左少少,點算? 個天仲落緊雨,唔通真係想重影?
搞東搞西,差唔多9:00先出門.去到只係9:35,好似佢地sales之前講咁樣,早到真係冇人啋你.真係好,可以抖順條氣先.
去到無無聊聊,當然要八o下,望下其他準新人的樣啦...唔想講,都要講,見到有個男的個嘴好似未用還原靚靚拳咁...唔知有冇得"猛"?
好眼瞓,剛剛心想早知就Book下一個時段的時候,就有人話可以入去化妝間化妝啦.聽阿聰講佢地上次叫的化妝小姐技術好好,而且又好人,只係有d烟味...我都試著mark話要佢化妝.見到佢個口真係o趙緊香口膠.之後換衫同補妝的時候真係有d烟味呢...可惜
佢三兩下手勢就幫我修好眉,(早知尋日就唔駛自己修眉啦).見到佢幫我化妝,真係有d慚愧,平日不修篇幅的我,要化妝小姐東修修,西補補...
又望下其他人做緊乜,見佢地都差唔多化好啦,我就因為黏眼睫毛浪費左唔少時間.
恰恰下眼瞓,望下自己個樣,真係難以置信,大細眼,高低眉,唔對稱的嘴,大眼袋完全唔見哂,額頭同嘴邊仲唔見腫.一個字:強!
幫人影相就冇乜所謂,要我俾人影,就唔係好慣.樺爾就更加唔在講,一定唔自然啦.佢又好眼瞓,個鼻又有d腫,好彩叫佢都去化妝.
攝影助手唔知點解,食完個lunch就記錯左我個名,亂叫一通.都唔要求你記得我個名,不過唔記得就問下啦.
有時唔知係我唔留心,定係佢地的指示唔清楚,又可能我的聽力仲未完全恢復,做錯了不少動作.有個印象此較深刻的高難度的動作:
手抓住鞦韆,腳踏住鞦韆坐位,腳要直立,pat pat"gut"向上,上身向前俯伏,頭向前,微微向左,打出"六四面".
個羽毛頭好似好誇張咁,我最鐘意就係o個個小碎花鬢辮的造型,應該會襯我d.金色的晚裝都幾好.又有少少"捲髮".講到個民俗服,樺爾又唔肯著蘇格蘭裙...-_- 其實個唐裝都OK啦,但係佢又話唔好睇.終於咪又係揀左個西古裝又話冇劍用喇.
成個過程足足用左7個幾鐘,總算順順利利到5:00鐘走人.响又一城逛左一陣仲見到好耐冇見的Grace,自從佢响英國返來,都未見過佢.原來佢都係住响大窩口,不過一個站頭一個站尾.

hehe...聽日就可以睇相,快過好多人,成一個月先可以睇到.只要張單寫左,佢地點都要死個期出黎.

記錄-過大禮

過大禮:果籃,茶葉,潮州禮餅,西餅咭,對聯...等...有很多都用利是代替了.
同大家姐&蓋蓋姐夫,二家姐慶祝生日.....好似冇慶祝咁...都係唔可以一日內過咁多重意義...變了一片混亂.
不過又可以同4個BB玩,真係好.